Það verður að vera einn daðrari Gunnþóra Gunnarsdóttir skrifar 29. apríl 2016 09:00 Óp-hópurinn fyrir utan einn. Fremri röð: Erla Rut, Bylgja Dís og Rósalind. Aftari röð: Antonía, Hörn og Erla Björg. Vísir/Vilhelm Við óperusöngvarar tökum okkur oft svo alvarlega en í þessari dagskrá gerum við óspart grín að okkur sjálfum, söngvaratýpunum og ýmsu sem einkennir óperuformið,“ segir Erla Björg Káradóttir söngkona um sýninguna Ópera hvað? sem flutt verður í Salnum í Kópavogi annað kvöld og hefst klukkan 20. Erla Björg er ein þeirra sem tilheyra Óp-hópnum sem skrifaði handritið og sér um flutninginn. Hin eru Bylgja Dís Gunnarsdóttir, Hörn Hrafnsdóttir, Rósalind Gísladóttir og Egill Árni Pálsson. Antonía Hevesí verður á flyglinum og Erla Ruth Harðardóttir leikstýrir. „Upprunalega hugmyndin var sú að fræða fólk um óperur og óperusöguna en svo varð úr þessu hálfgert gamanleikrit,“ segir Erla Björg og heldur áfram. „Við stiklum á stóru, byrjum á barokkinu og færum okkur svo í rómantíkina. Þetta er klárlega dagskrá fyrir óperuunnendur en líka algera byrjendur, því þeir sem mæta læra alla grunnþættina og segja má að þeir útskrifist úr áfanga 101 í óperufræðum. Píanistinn okkar, hún Antonía, sér um að uppfræða gesti og við hin skiptumst á að syngja bæði einsöngsaríur og samsöngsatriði.“ Kjarninn í hópnum er kvenkyns en Egill Árni er með í þetta sinn eins og fram hefur komið. „Við veljum okkur karla eftir hentugleikum,“ segir Erla sposk. „Þeir hafa nokkrir komið og farið en Egill Árni er búinn að vera viðloðandi, hann er svolítið skotinn í okkur!“ Hún tekur fram að hann verði hinn eiginlegi tenór í þessari sýningu. „Það verður að vera einn daðrari þegar farið er yfir óperusöguna!“ Erla Björg fer lofsamlegum orðum um nöfnu sína Erlu Ruth sem heldur utan um alla þræði. „Erla Ruth er að gera skemmtilega hluti. Hún vissi ekkert um óperur fyrir – ekki neitt – og er búin að læra alveg helling því hún hefur þurft að spyrja út í svo margt sem er auðvitað frábært?… „bíddu, hvað er buxnarulla?“ Óp-hópurinn á ólíkar sýningar að baki á síðustu árum. „Við höfum starfað frá 2010 og sett upp kvennaóperu og barnaóperu, sýningu um Maríu Callas og líka Verdi og aftur Verdi sem Randver Þorláksson var með okkur í,“ rifjar Erla Björg upp. Hún segir Ópera hvað? vera sakleysislega framan af en magnast stig af stigi og enda í rosalegri dramatík. „Allt er samt ýkt og í léttari kantinum,“ segir hún. „Það hefur verið gaman á æfingunum og vonandi smitast gleðin til gestanna.“ Menning Mest lesið Tvær miðaldra: Þekktust ekkert en láta nú drauminn rætast saman Lífið Kalli Bjarni búinn að breyta lífi sínu Lífið Bað Youtube um að fjarlæga myndbandið Lífið Hittast á laun Lífið „Magnað ég hafi lifað 22 ár án þess að fara í aðra aðgerð“ Lífið „Loksins kominn til okkar“ Lífið „Að koma hingað inn er eins og að fara inn í annan heim“ Lífið Fögnuðu Hennar Rödd á alþjóðlegum baráttudegi kvenna Lífið Flaug á hausinn fyrsta skóladaginn eftir frí Lífið Njáll á yfir fimmtíu mótorhjól og mun aldrei hætta að safna Lífið Fleiri fréttir Skálað fyrir skíthræddri Unni Sjóðheitir listamenn mynda sterka heild Rif eftir Önnu Júlíu sigraði og verður á Héðinsreit Gerir upp tólf ára samband við barnsmóður sína með sýningu og bók Samtal við þann fyrsta til að taka ljósmyndir á Íslandi Tilnefningar til íslensku myndlistarverðlaunanna Birgitta Björg, Ingunn og Rán Flygenring fengu Fjöruverðlaun Tjörnin trónir á toppnum Borgarstjórar og forsetar á ólgandi listasýningu Hendur sem káfa, snerta og breyta „Á fyrsta uppistandi er maður að skíta á sig“ Eiríkur og Þórdís tilnefnd til bókmenntaverðlauna Norðurlandaráðs Tvíburabræður með myndlistarsýningu „Hvenær er hægt að leita í óskilamun hjá ykkur?“ Uglumorð, auglýsingar og dauði internetsins Brynhildur hættir í Borgarleikhúsinu Mótsvar til að lifa af andlega og sökkva ekki í hyldýpið Líf og fjör meðal guða og manna Dægradvöl Benedikts meinfýsið rant biturs manns Kennir Instagram mökum að taka almennilegar myndir Úr drullumalli og nornaseiði í listnám í Bandaríkjunum Sjá meira
Við óperusöngvarar tökum okkur oft svo alvarlega en í þessari dagskrá gerum við óspart grín að okkur sjálfum, söngvaratýpunum og ýmsu sem einkennir óperuformið,“ segir Erla Björg Káradóttir söngkona um sýninguna Ópera hvað? sem flutt verður í Salnum í Kópavogi annað kvöld og hefst klukkan 20. Erla Björg er ein þeirra sem tilheyra Óp-hópnum sem skrifaði handritið og sér um flutninginn. Hin eru Bylgja Dís Gunnarsdóttir, Hörn Hrafnsdóttir, Rósalind Gísladóttir og Egill Árni Pálsson. Antonía Hevesí verður á flyglinum og Erla Ruth Harðardóttir leikstýrir. „Upprunalega hugmyndin var sú að fræða fólk um óperur og óperusöguna en svo varð úr þessu hálfgert gamanleikrit,“ segir Erla Björg og heldur áfram. „Við stiklum á stóru, byrjum á barokkinu og færum okkur svo í rómantíkina. Þetta er klárlega dagskrá fyrir óperuunnendur en líka algera byrjendur, því þeir sem mæta læra alla grunnþættina og segja má að þeir útskrifist úr áfanga 101 í óperufræðum. Píanistinn okkar, hún Antonía, sér um að uppfræða gesti og við hin skiptumst á að syngja bæði einsöngsaríur og samsöngsatriði.“ Kjarninn í hópnum er kvenkyns en Egill Árni er með í þetta sinn eins og fram hefur komið. „Við veljum okkur karla eftir hentugleikum,“ segir Erla sposk. „Þeir hafa nokkrir komið og farið en Egill Árni er búinn að vera viðloðandi, hann er svolítið skotinn í okkur!“ Hún tekur fram að hann verði hinn eiginlegi tenór í þessari sýningu. „Það verður að vera einn daðrari þegar farið er yfir óperusöguna!“ Erla Björg fer lofsamlegum orðum um nöfnu sína Erlu Ruth sem heldur utan um alla þræði. „Erla Ruth er að gera skemmtilega hluti. Hún vissi ekkert um óperur fyrir – ekki neitt – og er búin að læra alveg helling því hún hefur þurft að spyrja út í svo margt sem er auðvitað frábært?… „bíddu, hvað er buxnarulla?“ Óp-hópurinn á ólíkar sýningar að baki á síðustu árum. „Við höfum starfað frá 2010 og sett upp kvennaóperu og barnaóperu, sýningu um Maríu Callas og líka Verdi og aftur Verdi sem Randver Þorláksson var með okkur í,“ rifjar Erla Björg upp. Hún segir Ópera hvað? vera sakleysislega framan af en magnast stig af stigi og enda í rosalegri dramatík. „Allt er samt ýkt og í léttari kantinum,“ segir hún. „Það hefur verið gaman á æfingunum og vonandi smitast gleðin til gestanna.“
Menning Mest lesið Tvær miðaldra: Þekktust ekkert en láta nú drauminn rætast saman Lífið Kalli Bjarni búinn að breyta lífi sínu Lífið Bað Youtube um að fjarlæga myndbandið Lífið Hittast á laun Lífið „Magnað ég hafi lifað 22 ár án þess að fara í aðra aðgerð“ Lífið „Loksins kominn til okkar“ Lífið „Að koma hingað inn er eins og að fara inn í annan heim“ Lífið Fögnuðu Hennar Rödd á alþjóðlegum baráttudegi kvenna Lífið Flaug á hausinn fyrsta skóladaginn eftir frí Lífið Njáll á yfir fimmtíu mótorhjól og mun aldrei hætta að safna Lífið Fleiri fréttir Skálað fyrir skíthræddri Unni Sjóðheitir listamenn mynda sterka heild Rif eftir Önnu Júlíu sigraði og verður á Héðinsreit Gerir upp tólf ára samband við barnsmóður sína með sýningu og bók Samtal við þann fyrsta til að taka ljósmyndir á Íslandi Tilnefningar til íslensku myndlistarverðlaunanna Birgitta Björg, Ingunn og Rán Flygenring fengu Fjöruverðlaun Tjörnin trónir á toppnum Borgarstjórar og forsetar á ólgandi listasýningu Hendur sem káfa, snerta og breyta „Á fyrsta uppistandi er maður að skíta á sig“ Eiríkur og Þórdís tilnefnd til bókmenntaverðlauna Norðurlandaráðs Tvíburabræður með myndlistarsýningu „Hvenær er hægt að leita í óskilamun hjá ykkur?“ Uglumorð, auglýsingar og dauði internetsins Brynhildur hættir í Borgarleikhúsinu Mótsvar til að lifa af andlega og sökkva ekki í hyldýpið Líf og fjör meðal guða og manna Dægradvöl Benedikts meinfýsið rant biturs manns Kennir Instagram mökum að taka almennilegar myndir Úr drullumalli og nornaseiði í listnám í Bandaríkjunum Sjá meira