Velgengni Arnaldar hefur skipt sköpum fyrir íslenskan bókamarkað Jakob Bjarnar skrifar 4. nóvember 2016 12:45 Egill Örn, Arnaldur og bókabretti hvar á hvílir nýjasta bókin. Forlagið dreifði á sjöunda þúsund eintaka við útkomu, sem er töluvert meira en gert hefur verið. Arnaldur Indriðason hefur selt yfir 12 milljónir eintaka á heimsvísu og það má segja að velgengni hans virðist engan endi ætla að taka. Það er alla jafna nokkur viðbúnaður hjá Forlaginu þegar árleg bók hans kemur út. Egill Örn Jóhannsson framkvæmdastjóri Forlagsins var kátur þegar Vísir ræddi við hann um þennan gullkálf útgáfunnar. „Já. Núna var að koma út 20. bók Arnaldar, Petsamo, og eftirvæntingin eftir henni var slík að Forlagið dreifði á sjöunda þúsund eintaka við útkomu, sem er töluvert meira en gert hefur verið. Það er augljóslega komið í vana fjölmargra aðdáenda Arnaldar að tryggja sér eintak strax við útkomu og hef ég heyrt af fólki sem tekur sér alltaf frí í vinnu til þess að geta klárað bókina í einum rykk,“ segir Egill Örn og dregur hvergi af sér.Líkast til sá sem selt hefur flest eintök á erlendri grundu Velgengnin erlendis hefur líka verið mikil; Arnaldur trónir iðulega í efstu sætum metsölulista þar sem hann kemur út og á sér fjölda dyggra lesenda til dæmis í Frakklandi og Þýskalandi. „Í raun mun víðar,“ segir Egill Örn. Líkast til hefur Arnaldur selt fleiri bækur en nokkur annar Íslendingur á erlendri grundu. Ástæðan fyrir því hvers vegna ekki er hægt að fullyrða þar um er að upplýsingar um hversu mörg eintök bóka Halldórs Laxness hefur selt í gegnum tíðina eru einfaldlega ekki fyrirliggjandi. Það er ekki vitað. „Á nýjum metsölulista Eymundsson, sem birtur var á miðvikudaginn (2. nóvember) mátti sjá að Petsamo fór rakleitt í fyrsta sæti, þrátt fyrir að hafa aðeins verið einn dag í sölu, en það hefur verið regla að hann fer alltaf beint í fyrsta sæti við útkomu.“Reykjavíkurnætur söluhæsta bókinAð sögn framkvæmdastjórans er upplagið er að vanda vel á þriðja tug þúsunda. „En, við höfum þegar gert ráðstafanir til þess að tryggja það að endurprentun náist fyrir jól, komi til þess að hennar verði þörf. Það hefur líka verið sérlega ánægjulegt að sjá hvernig fólki líkar nýja bókin, en hún er að fá glimrandi dóma og segja margir að hún sé í hópi allra bestu bóka Arnaldar.“ Vísir bað Egil Örn að fletta í bókum sínum og komast að því hver af bókum Arnaldar er söluhæst og svarið kemur ef til vill á óvart.Forlagið er þess albúið að prenta hátt í 30 þúsund eintök af Petsamo. Söluhæsta bók Arnarldar er Reykjavíkurnætur og bindur Forlagsfólk vonir við að jafnvel takist að slá það met núna, í ljósi þess hversu góðar viðtökur nýja bókin hefur fengið.„Mér sýnist Reykjavíkurnætur vera mest selda bókin til þessa á Íslandi. Er ekki með alþjóðlegu-upplýsingarnar hjá mér.“ Reykjavíkurnætur kom út árið 2012 og þá dró Arnaldur aftur fram sína frægustu persónu sem er Erlendur Sveinsson, en Erlendur hafði þá verið á ís um hríð. Lesendur tóku Erlendi sem sagt fagnandi ef rýnt er í sölutölur.Arnaldur dregur vagninnBókaútgáfa er þannig saman skrúfuð að söluhærri höfundar brúa rekstrarlegt bil yfir í útgáfu bóka sem seljast kannski lítt sem ekkert. Og er þar af leiðandi tap á. Í því samhengi hlýtur Arnaldur að vera Forlaginu gríðarlega mikilvægur og draga vagninn? „Það segir sig auðvitað sjálft að það er allur gangur á því hvort útgáfubækur bera sig eða ekki, og líklega því miður svo að fleiri en færri titlar nái ekki að gera í blóðið sitt. þá er auðvitað gríðarlega mikilvægt að það séu þó einhverjar sem að standi undir sér og vel það, og sannanlega skipta þær reksturinn og afkomuna verulegu máli,“ segir Egill Örn. Og bætir við: „Velgengni Arnaldar hefur skipt sköpum á íslenskum bókamarkaði, en þó ekki bara hér heima heldur hefur hann líka dregið vagninn erlendis þegar kemur að sölu útgáfuréttinda.“ Menning Mest lesið Heitustu hinsegin pör landsins Lífið Byrjaði í smábrotum en vatt svo upp á sig Lífið Dóttir Snæfríðar og Högna komin með nafn Lífið Fréttatía vikunnar: Vindmyllur, tannlæknar og fegurðardrottningar Lífið Ekki búið spil Lífið Randy er litríkasti gaurinn í hinni geggjuðu Pittsburgh Lífið „Klæddu þig eftir veðri, ekki verði“ Tíska og hönnun Sjáðu myndirnar frá Ungfrú Ísland Lífið Dró Antonio grunlausan með sér í Gamla bíó Lífið Búið spil Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Arnaldur Indriðason hefur selt yfir 12 milljónir eintaka á heimsvísu og það má segja að velgengni hans virðist engan endi ætla að taka. Það er alla jafna nokkur viðbúnaður hjá Forlaginu þegar árleg bók hans kemur út. Egill Örn Jóhannsson framkvæmdastjóri Forlagsins var kátur þegar Vísir ræddi við hann um þennan gullkálf útgáfunnar. „Já. Núna var að koma út 20. bók Arnaldar, Petsamo, og eftirvæntingin eftir henni var slík að Forlagið dreifði á sjöunda þúsund eintaka við útkomu, sem er töluvert meira en gert hefur verið. Það er augljóslega komið í vana fjölmargra aðdáenda Arnaldar að tryggja sér eintak strax við útkomu og hef ég heyrt af fólki sem tekur sér alltaf frí í vinnu til þess að geta klárað bókina í einum rykk,“ segir Egill Örn og dregur hvergi af sér.Líkast til sá sem selt hefur flest eintök á erlendri grundu Velgengnin erlendis hefur líka verið mikil; Arnaldur trónir iðulega í efstu sætum metsölulista þar sem hann kemur út og á sér fjölda dyggra lesenda til dæmis í Frakklandi og Þýskalandi. „Í raun mun víðar,“ segir Egill Örn. Líkast til hefur Arnaldur selt fleiri bækur en nokkur annar Íslendingur á erlendri grundu. Ástæðan fyrir því hvers vegna ekki er hægt að fullyrða þar um er að upplýsingar um hversu mörg eintök bóka Halldórs Laxness hefur selt í gegnum tíðina eru einfaldlega ekki fyrirliggjandi. Það er ekki vitað. „Á nýjum metsölulista Eymundsson, sem birtur var á miðvikudaginn (2. nóvember) mátti sjá að Petsamo fór rakleitt í fyrsta sæti, þrátt fyrir að hafa aðeins verið einn dag í sölu, en það hefur verið regla að hann fer alltaf beint í fyrsta sæti við útkomu.“Reykjavíkurnætur söluhæsta bókinAð sögn framkvæmdastjórans er upplagið er að vanda vel á þriðja tug þúsunda. „En, við höfum þegar gert ráðstafanir til þess að tryggja það að endurprentun náist fyrir jól, komi til þess að hennar verði þörf. Það hefur líka verið sérlega ánægjulegt að sjá hvernig fólki líkar nýja bókin, en hún er að fá glimrandi dóma og segja margir að hún sé í hópi allra bestu bóka Arnaldar.“ Vísir bað Egil Örn að fletta í bókum sínum og komast að því hver af bókum Arnaldar er söluhæst og svarið kemur ef til vill á óvart.Forlagið er þess albúið að prenta hátt í 30 þúsund eintök af Petsamo. Söluhæsta bók Arnarldar er Reykjavíkurnætur og bindur Forlagsfólk vonir við að jafnvel takist að slá það met núna, í ljósi þess hversu góðar viðtökur nýja bókin hefur fengið.„Mér sýnist Reykjavíkurnætur vera mest selda bókin til þessa á Íslandi. Er ekki með alþjóðlegu-upplýsingarnar hjá mér.“ Reykjavíkurnætur kom út árið 2012 og þá dró Arnaldur aftur fram sína frægustu persónu sem er Erlendur Sveinsson, en Erlendur hafði þá verið á ís um hríð. Lesendur tóku Erlendi sem sagt fagnandi ef rýnt er í sölutölur.Arnaldur dregur vagninnBókaútgáfa er þannig saman skrúfuð að söluhærri höfundar brúa rekstrarlegt bil yfir í útgáfu bóka sem seljast kannski lítt sem ekkert. Og er þar af leiðandi tap á. Í því samhengi hlýtur Arnaldur að vera Forlaginu gríðarlega mikilvægur og draga vagninn? „Það segir sig auðvitað sjálft að það er allur gangur á því hvort útgáfubækur bera sig eða ekki, og líklega því miður svo að fleiri en færri titlar nái ekki að gera í blóðið sitt. þá er auðvitað gríðarlega mikilvægt að það séu þó einhverjar sem að standi undir sér og vel það, og sannanlega skipta þær reksturinn og afkomuna verulegu máli,“ segir Egill Örn. Og bætir við: „Velgengni Arnaldar hefur skipt sköpum á íslenskum bókamarkaði, en þó ekki bara hér heima heldur hefur hann líka dregið vagninn erlendis þegar kemur að sölu útgáfuréttinda.“
Menning Mest lesið Heitustu hinsegin pör landsins Lífið Byrjaði í smábrotum en vatt svo upp á sig Lífið Dóttir Snæfríðar og Högna komin með nafn Lífið Fréttatía vikunnar: Vindmyllur, tannlæknar og fegurðardrottningar Lífið Ekki búið spil Lífið Randy er litríkasti gaurinn í hinni geggjuðu Pittsburgh Lífið „Klæddu þig eftir veðri, ekki verði“ Tíska og hönnun Sjáðu myndirnar frá Ungfrú Ísland Lífið Dró Antonio grunlausan með sér í Gamla bíó Lífið Búið spil Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira