Miklar hugsjónir bak við þessa sýningu Gunnþóra Gunnarsdóttir skrifar 29. júlí 2017 11:00 Mary Ellen Croteau og Rúrí spá í aðstæður í Verksmiðjunni. Mynd/Pari Stave Titill sýningarinnar, Hverfing er nokkurs konar þema. Allir hafa listamennirnir sem taka þátt í henni unnið að einhverju leyti, eða miklu, með samband manns og náttúru og breytingarnar í náttúrufari út af hnattrænni hlýnun sem er hvati margra verkanna,“ segir myndlistarmaðurinn Rúrí um það sem í vændum er í Verksmiðjunni á Hjalteyri. „Það eru miklar hugsjónir bak við þessa sýningu,“ segir hún og bendir á að listin hafi oft fjallað um brýn málefni. Segir hópinn blandaðan sem að viðburðinum standi og eiga misjafnlega langa sögu að baki innan myndlistarinnar. Einnig sé mismunandi tækni viðhöfð við listsköpunina.Þessi mynd varð til sem hliðarafurð þar sem Deborah Butterfield var að vinna sitt verk.Mynd/Anna María Sigurjónsdóttir„Sýningin kemur þannig til að Þórdís Alda og fleiri innan hópsins hafa rætt um að það væri gaman að sýna saman og Hjalteyri kom upp í hugann því þar eru stórir og miklir salir sem henta fyrir stórar innsetningar. Staðsetning Verksmiðjunnar á þessari friðsælu eyri, þar sem hráslagaleg byggingin stendur sem minnisvarði um uppgang síldaráranna gefur mjög sterka tilvísun fyrir þessa sýningu og það tókst mjög gott samstarf við forráðamenn þar,“ segir Rúrí og lýkur lofsorði á þá sem koma að verkefninu. „Jessica Stockholder er þekkt nafn innan listaheimsins og sama er um Deborah Butterfield að segja, bara svo ég nefni einhverja. Stockholder hefur sýnt hér á landi einu sinni áður með okkur Þórdísi Öldu Sigurðardóttur, Önnu Eyjólfs og Ragnhildi Stefánsdóttur. Mary Ellen Croteau hefur unnið með gagnrýna list í áratugi og hefur sýnt í tvígang áður á Íslandi. Alex Czetwertynski hefur hins vegar aldrei sýnt hér áður. Íslensku listamennirnir eru allir vel þekktir og hafa sýnt víða. Pétur Thomsen hefur til dæmis hlotið margar viðurkenningar fyrir sína list erlendis. Hér eru engir aukvisar og verkin verða mjög athygliverð.“Sjálf verður Rúri með stór kort sem heita Future Cartography. Þar sést hvernig strendur landa geta breyst í framtíðinni. „Þetta eru framtíðarkort sem byggja á raunverulegum kortagrunnum og spám vísindamanna,“ lýsir hún. Verkin eru misjafnlega mikið tilbúin nú að sögn Rúríar. „Hópurinn hefur haldið til í vinnubúðum í Héraðsdal í Skagafirði hjá Þórdísi Öldu,“ segir Rúrí. „Útlendingarnir eru í vandræðum því þeir geta ekki farið að sofa fyrir náttúrufegurð.“ Sýningin verður opnuð 3. ágúst klukkan 17 og stendur til 3. september. Sýningarstjóri er Pari Stave.Greinin birtist fyrst í Fréttablaðinu 29. júlí. Menning Mest lesið Klípur í rassinn á Sögu tvisvar á dag Lífið Fékk typpamyndir og áreiti þegar þeir héldu að hann væri stelpa Lífið Daniil fjarlægði topplagið af Spotify Lífið Tólf fermetra smáhúsið innréttað og tilbúið Lífið Nektarmyndum deilt á geysivinsæla Instagram-síðu Lífið „Gerir öll ferðalög skemmtilegri og lætur mig hlæja endalaust“ Lífið Rakel María afhjúpar skotheldar leynileiðir í förðun Tíska og hönnun Stjörnu-Sævarar leiddu saman hesta sína Lífið Sigvaldi og Nótt nefndu drenginn Lífið Rich Homie Quan er allur Lífið Fleiri fréttir Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Titill sýningarinnar, Hverfing er nokkurs konar þema. Allir hafa listamennirnir sem taka þátt í henni unnið að einhverju leyti, eða miklu, með samband manns og náttúru og breytingarnar í náttúrufari út af hnattrænni hlýnun sem er hvati margra verkanna,“ segir myndlistarmaðurinn Rúrí um það sem í vændum er í Verksmiðjunni á Hjalteyri. „Það eru miklar hugsjónir bak við þessa sýningu,“ segir hún og bendir á að listin hafi oft fjallað um brýn málefni. Segir hópinn blandaðan sem að viðburðinum standi og eiga misjafnlega langa sögu að baki innan myndlistarinnar. Einnig sé mismunandi tækni viðhöfð við listsköpunina.Þessi mynd varð til sem hliðarafurð þar sem Deborah Butterfield var að vinna sitt verk.Mynd/Anna María Sigurjónsdóttir„Sýningin kemur þannig til að Þórdís Alda og fleiri innan hópsins hafa rætt um að það væri gaman að sýna saman og Hjalteyri kom upp í hugann því þar eru stórir og miklir salir sem henta fyrir stórar innsetningar. Staðsetning Verksmiðjunnar á þessari friðsælu eyri, þar sem hráslagaleg byggingin stendur sem minnisvarði um uppgang síldaráranna gefur mjög sterka tilvísun fyrir þessa sýningu og það tókst mjög gott samstarf við forráðamenn þar,“ segir Rúrí og lýkur lofsorði á þá sem koma að verkefninu. „Jessica Stockholder er þekkt nafn innan listaheimsins og sama er um Deborah Butterfield að segja, bara svo ég nefni einhverja. Stockholder hefur sýnt hér á landi einu sinni áður með okkur Þórdísi Öldu Sigurðardóttur, Önnu Eyjólfs og Ragnhildi Stefánsdóttur. Mary Ellen Croteau hefur unnið með gagnrýna list í áratugi og hefur sýnt í tvígang áður á Íslandi. Alex Czetwertynski hefur hins vegar aldrei sýnt hér áður. Íslensku listamennirnir eru allir vel þekktir og hafa sýnt víða. Pétur Thomsen hefur til dæmis hlotið margar viðurkenningar fyrir sína list erlendis. Hér eru engir aukvisar og verkin verða mjög athygliverð.“Sjálf verður Rúri með stór kort sem heita Future Cartography. Þar sést hvernig strendur landa geta breyst í framtíðinni. „Þetta eru framtíðarkort sem byggja á raunverulegum kortagrunnum og spám vísindamanna,“ lýsir hún. Verkin eru misjafnlega mikið tilbúin nú að sögn Rúríar. „Hópurinn hefur haldið til í vinnubúðum í Héraðsdal í Skagafirði hjá Þórdísi Öldu,“ segir Rúrí. „Útlendingarnir eru í vandræðum því þeir geta ekki farið að sofa fyrir náttúrufegurð.“ Sýningin verður opnuð 3. ágúst klukkan 17 og stendur til 3. september. Sýningarstjóri er Pari Stave.Greinin birtist fyrst í Fréttablaðinu 29. júlí.
Menning Mest lesið Klípur í rassinn á Sögu tvisvar á dag Lífið Fékk typpamyndir og áreiti þegar þeir héldu að hann væri stelpa Lífið Daniil fjarlægði topplagið af Spotify Lífið Tólf fermetra smáhúsið innréttað og tilbúið Lífið Nektarmyndum deilt á geysivinsæla Instagram-síðu Lífið „Gerir öll ferðalög skemmtilegri og lætur mig hlæja endalaust“ Lífið Rakel María afhjúpar skotheldar leynileiðir í förðun Tíska og hönnun Stjörnu-Sævarar leiddu saman hesta sína Lífið Sigvaldi og Nótt nefndu drenginn Lífið Rich Homie Quan er allur Lífið Fleiri fréttir Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira