Turnarnir tveir á toppnum Stefán Árni Pálsson skrifar 2. október 2017 07:00 Kevin de Bruyne skoraði eina mark leiksins á Stamford Bridge á laugardaginn. Hann hljóp beint til stuðningsmanna Manchester City og fagnaði gríðarlega með liðsfélögum sínum. vísir/getty Stórleikur helgarinnar í ensku úrvalsdeildinni fór fram á Stamford Bridge í Lundúnum. Þar tóku Englandsmeistarar Chelsea á móti Manchester City í hörkuleik en hvorugt liðið gaf mikið færi á sér. Það mátti sannarlega búast við því að ekki yrðu skoruð mörg mörk í leiknum og sú varð raunin. Belginn Kevin de Bruyne skoraði sigurmark City með þrumuskoti eftir undirbúning frá Gabriel Jesus. Markið kom rúmlega tuttugu mínútum fyrir leikslok og náðu leikmenn Chelsea ekki að jafna metin. „Það sem skiptir mestu máli er að vinna leikinn,“ sagði Pep Guardiola, knattspyrnustjóri City eftir leikinn á laugardaginn. „En hvernig við spiluðum, sérstaklega í seinni hálfleiknum, við vorum frábærir. Grimmir og leyfðum þeim ekki að spila boltanum. Kevin [de Bruyne] var frábær í dag, við erum mjög ánægðir með stigin þrjú,“ sagði Guardiola. Everton er miklum vandræðum í ensku úrvalsdeildinni og hafa leikmenn liðsins alls ekki fundið fjölina í fyrstu sjö umferðunum. Everton tapaði fyrir Burnley á heimavelli í gær og situr liðið í 16. sæti deildarinnar með aðeins sjö stig. Liðið hefur aðeins skorað fjögur mörk og fengið á sig tólf. Gylfi Þór Sigurðsson lék allan leikinn fyrir Everton og náði hann ekki að setja mark sitt á leikinn. Á meðan Romelu Lukaku, fyrrverandi leikmaður Everton, skorar og og skorar fyrir Manchester United þá virðist Everton ekki getað keypt sér mark. Ronald Koeman, knattspyrnustjóri Everton, á mikið verk óunnið að koma liðinu á beinu brautina en hann eyddi gríðarlega miklum fjármunum á leikmannamarkaðnum í sumar. Koeman fékk Wayne Rooney, Gylfa Þór Sigurðsson, Michael Keane, Jordan Pickford og Davy Klaassen til liðsins í sumar og missti Romelu Lukaku til Manchester United. Það er því farið að hitna vel undir stjóranum og pressan orðin gríðarleg. Stuðningsmenn Everton létu leikmenn liðsins heldur betur heyra það í leikslok í gær. „Ég get ekki kvartað yfir viðbrögðum stuðningsmanna okkar. Það eru allir mjög ósáttir við gengi liðsins en stuðningsmennirnir geta ekki kvartað yfir vinnuframlagi leikmanna, því þeir eru allir að leggja sig fram,“ sagði stjórinn eftir tapið í gær. Aðeins Swansea og Crystal Palace hafa skorað færri mörk en Everton í deildinni. „Ég er með góðan leikmannahóp í höndunum og lausnin hjá okkur er að menn leggi sig eins mikið fram og við sáum í dag. Einnig þurfa menn að fara spila aðeins betur og svo þurfum við kannski smá heppni með okkur.“ Manchester United valtaði yfir Crystal Palace, 4-0, á Old Trafford og eru bæði Manchester-liðin að skora og skora í deildinni. Stuðningsmenn Manchester United hafa sumir ekki verið neitt sérstaklega hrifnir af Marouane Fellaini en miðjumaðurinn náði eflaust að snúa þeim mörgum um helgina en hann gerði sér lítið fyrir og skoraði tvö mörk í leiknum. „Allir knattspyrnustjórar eru mismunandi. Stundum líkar okkur við leikmenn sem öðrum líkar ekki við, sumir leikmenn spila betur undir sumum stjórum en öðrum,“ sagði Jose Mourinho eftir leikinn á laugardaginn. „Marouane hefur mikilvæga eiginleika sem ég reyni að nýta mér. Hann hefur spilað sem varnarsinnaður miðjumaður og framherji, hann lagar sig að því hlutverki sem liðið þarfnast. Hann hefur mikið stolt. Ég er mjög ánægður með að hafa hjálpað honum að ná á þann stað sem hann er og að hafa breytt því hvernig stuðningsmennirnir sjá hann,“ sagði Mourinho. Manchester City hefur skorað 22 mörk í deildinni og aðeins fengið á sig tvö mörk. Manchester United hefur skorað 21 mark og einnig aðeins fengið á sig tvö mörk. „Þessi stóru lið hafa svo rosaleg gæði fram á við og misnota mjög sjaldan góð færi,“ sagði Roy Hodgson, knattspyrnustjóri Crystal Palace en liðið hefur ekki enn skorað í ensku úrvalsdeildinni á tímabilinu. „Það var stefnan að ná einhverju út úr þessum leik en það gekk ekki eftir. Undanfarnar þrjár vikur hafa verið betri hjá okkur en ég held að við þurfum svo sannarlega á þessari landsleikjapásu að halda. Næsti leikur okkar í deildinni er gegn Chelsea, svo þetta verður ekkert auðveldara fyrir okkur.“ Enski boltinn Mest lesið Selfoss fór með sigur af hólmi á Laugardalsvelli Íslenski boltinn „Komnir með miklu fleiri stig en ég átti von á“ Handbolti „Varnarleikurinn var skelfilegur” Handbolti Uppgjörið: Fram - Haukar 37-34 | Framarar gengu á lagið í síðari hálfleik Handbolti Virtist ætla að vaða í samherja sinn Fótbolti Dortmund kom til baka á meðan AC Milan og Chelsea unnu örugga sigra Fótbolti FH á toppinn eftir sigur í Garðabæ Handbolti Tryggvi Snær í riðlakeppni Evrópubikarsins Körfubolti Efast um dugnað og hugarfar Rashford Enski boltinn Ísak Bergmann kom Düsseldorf til bjargar Fótbolti Fleiri fréttir Efast um dugnað og hugarfar Rashford Tímabilið búið hjá Rodri Man United stefnir á að vinna ensku úrvalsdeildina árið 2028 Samherji Stefáns Teits kærður fyrir meint bit Kroos ætlaði að fara til United en svo var Moyes rekinn Keane: „Arsenal er með hugarfar smáliðs“ Telur sig geta fyllt skarð Rodri Stjóri West Ham meiddist gegn Liverpool og yfirgaf völlinn á hækjum Stefán fær Arsenal í heimsókn Hvern gæti Man City sótt í stað Rodri? „Eina sem gerir mann betri er að vinna“ Bragðdauft á Old Trafford Liverpool kom til baka eftir að lenda undir Skytturnar skoruðu fimm Arteta varðist ásökunum: „Þá væri ég mjög tregur“ „Pep Guardiola eyðilagði fótboltann“ Varalið Villa kreisti út sigur á C-deildarliðinu Naumur sigur dugði City Nkunku með þrennu gegn D-deildarliðinu Fyrrum lögmaður Trump vill í enska boltann Tímabilið búið hjá Rodri? Bandaríkjamenn að eignast Everton Haaland ekki refsað BBC gefur í skyn að draumur Freys gæti ræst Keane segir Arteta að taka lyfin sín Ótrúleg og áður óséð tölfræði: Tveir Arsenal-menn áttu enga sendingu Varamaðurinn tryggði meisturunum dramatískt stig Þrjú rauð á loft þegar Brighton og Forest gerðu jafntefli „Allir vilja að við verðum þurrkaðir af yfirborði jarðar“ „Átum þá lifandi í fyrri hálfleik“ Sjá meira
Stórleikur helgarinnar í ensku úrvalsdeildinni fór fram á Stamford Bridge í Lundúnum. Þar tóku Englandsmeistarar Chelsea á móti Manchester City í hörkuleik en hvorugt liðið gaf mikið færi á sér. Það mátti sannarlega búast við því að ekki yrðu skoruð mörg mörk í leiknum og sú varð raunin. Belginn Kevin de Bruyne skoraði sigurmark City með þrumuskoti eftir undirbúning frá Gabriel Jesus. Markið kom rúmlega tuttugu mínútum fyrir leikslok og náðu leikmenn Chelsea ekki að jafna metin. „Það sem skiptir mestu máli er að vinna leikinn,“ sagði Pep Guardiola, knattspyrnustjóri City eftir leikinn á laugardaginn. „En hvernig við spiluðum, sérstaklega í seinni hálfleiknum, við vorum frábærir. Grimmir og leyfðum þeim ekki að spila boltanum. Kevin [de Bruyne] var frábær í dag, við erum mjög ánægðir með stigin þrjú,“ sagði Guardiola. Everton er miklum vandræðum í ensku úrvalsdeildinni og hafa leikmenn liðsins alls ekki fundið fjölina í fyrstu sjö umferðunum. Everton tapaði fyrir Burnley á heimavelli í gær og situr liðið í 16. sæti deildarinnar með aðeins sjö stig. Liðið hefur aðeins skorað fjögur mörk og fengið á sig tólf. Gylfi Þór Sigurðsson lék allan leikinn fyrir Everton og náði hann ekki að setja mark sitt á leikinn. Á meðan Romelu Lukaku, fyrrverandi leikmaður Everton, skorar og og skorar fyrir Manchester United þá virðist Everton ekki getað keypt sér mark. Ronald Koeman, knattspyrnustjóri Everton, á mikið verk óunnið að koma liðinu á beinu brautina en hann eyddi gríðarlega miklum fjármunum á leikmannamarkaðnum í sumar. Koeman fékk Wayne Rooney, Gylfa Þór Sigurðsson, Michael Keane, Jordan Pickford og Davy Klaassen til liðsins í sumar og missti Romelu Lukaku til Manchester United. Það er því farið að hitna vel undir stjóranum og pressan orðin gríðarleg. Stuðningsmenn Everton létu leikmenn liðsins heldur betur heyra það í leikslok í gær. „Ég get ekki kvartað yfir viðbrögðum stuðningsmanna okkar. Það eru allir mjög ósáttir við gengi liðsins en stuðningsmennirnir geta ekki kvartað yfir vinnuframlagi leikmanna, því þeir eru allir að leggja sig fram,“ sagði stjórinn eftir tapið í gær. Aðeins Swansea og Crystal Palace hafa skorað færri mörk en Everton í deildinni. „Ég er með góðan leikmannahóp í höndunum og lausnin hjá okkur er að menn leggi sig eins mikið fram og við sáum í dag. Einnig þurfa menn að fara spila aðeins betur og svo þurfum við kannski smá heppni með okkur.“ Manchester United valtaði yfir Crystal Palace, 4-0, á Old Trafford og eru bæði Manchester-liðin að skora og skora í deildinni. Stuðningsmenn Manchester United hafa sumir ekki verið neitt sérstaklega hrifnir af Marouane Fellaini en miðjumaðurinn náði eflaust að snúa þeim mörgum um helgina en hann gerði sér lítið fyrir og skoraði tvö mörk í leiknum. „Allir knattspyrnustjórar eru mismunandi. Stundum líkar okkur við leikmenn sem öðrum líkar ekki við, sumir leikmenn spila betur undir sumum stjórum en öðrum,“ sagði Jose Mourinho eftir leikinn á laugardaginn. „Marouane hefur mikilvæga eiginleika sem ég reyni að nýta mér. Hann hefur spilað sem varnarsinnaður miðjumaður og framherji, hann lagar sig að því hlutverki sem liðið þarfnast. Hann hefur mikið stolt. Ég er mjög ánægður með að hafa hjálpað honum að ná á þann stað sem hann er og að hafa breytt því hvernig stuðningsmennirnir sjá hann,“ sagði Mourinho. Manchester City hefur skorað 22 mörk í deildinni og aðeins fengið á sig tvö mörk. Manchester United hefur skorað 21 mark og einnig aðeins fengið á sig tvö mörk. „Þessi stóru lið hafa svo rosaleg gæði fram á við og misnota mjög sjaldan góð færi,“ sagði Roy Hodgson, knattspyrnustjóri Crystal Palace en liðið hefur ekki enn skorað í ensku úrvalsdeildinni á tímabilinu. „Það var stefnan að ná einhverju út úr þessum leik en það gekk ekki eftir. Undanfarnar þrjár vikur hafa verið betri hjá okkur en ég held að við þurfum svo sannarlega á þessari landsleikjapásu að halda. Næsti leikur okkar í deildinni er gegn Chelsea, svo þetta verður ekkert auðveldara fyrir okkur.“
Enski boltinn Mest lesið Selfoss fór með sigur af hólmi á Laugardalsvelli Íslenski boltinn „Komnir með miklu fleiri stig en ég átti von á“ Handbolti „Varnarleikurinn var skelfilegur” Handbolti Uppgjörið: Fram - Haukar 37-34 | Framarar gengu á lagið í síðari hálfleik Handbolti Virtist ætla að vaða í samherja sinn Fótbolti Dortmund kom til baka á meðan AC Milan og Chelsea unnu örugga sigra Fótbolti FH á toppinn eftir sigur í Garðabæ Handbolti Tryggvi Snær í riðlakeppni Evrópubikarsins Körfubolti Efast um dugnað og hugarfar Rashford Enski boltinn Ísak Bergmann kom Düsseldorf til bjargar Fótbolti Fleiri fréttir Efast um dugnað og hugarfar Rashford Tímabilið búið hjá Rodri Man United stefnir á að vinna ensku úrvalsdeildina árið 2028 Samherji Stefáns Teits kærður fyrir meint bit Kroos ætlaði að fara til United en svo var Moyes rekinn Keane: „Arsenal er með hugarfar smáliðs“ Telur sig geta fyllt skarð Rodri Stjóri West Ham meiddist gegn Liverpool og yfirgaf völlinn á hækjum Stefán fær Arsenal í heimsókn Hvern gæti Man City sótt í stað Rodri? „Eina sem gerir mann betri er að vinna“ Bragðdauft á Old Trafford Liverpool kom til baka eftir að lenda undir Skytturnar skoruðu fimm Arteta varðist ásökunum: „Þá væri ég mjög tregur“ „Pep Guardiola eyðilagði fótboltann“ Varalið Villa kreisti út sigur á C-deildarliðinu Naumur sigur dugði City Nkunku með þrennu gegn D-deildarliðinu Fyrrum lögmaður Trump vill í enska boltann Tímabilið búið hjá Rodri? Bandaríkjamenn að eignast Everton Haaland ekki refsað BBC gefur í skyn að draumur Freys gæti ræst Keane segir Arteta að taka lyfin sín Ótrúleg og áður óséð tölfræði: Tveir Arsenal-menn áttu enga sendingu Varamaðurinn tryggði meisturunum dramatískt stig Þrjú rauð á loft þegar Brighton og Forest gerðu jafntefli „Allir vilja að við verðum þurrkaðir af yfirborði jarðar“ „Átum þá lifandi í fyrri hálfleik“ Sjá meira