Fimm prósent umsókna fengu brautargengi Gunnþóra Gunnarsdóttir skrifar 26. janúar 2017 10:15 "Ég vildi aðeins setja mitt mark á hátíðina,“ segir Gunnar Karel. Vísir/Eyþór Árnason Það er erfitt að nefna einhverja hápunkta. Mér dettur þó í hug að benda á síðkvöldatónleikana í Norðurljósum í Hörpu bæði í kvöld og annað kvöld,“ segir Gunnar Karel Másson, listrænn stjórnandi Myrkra músíkdaga sem hefjast í dag. Þar er áhersla lögð á frumflutning samtímatónlistar, ekki síst eftir íslenska höfunda. Það er verkið Adapter eftir Davíð Brynjar Franzson sem verður á dagskrá í Norðurljósum í kvöld klukkan 21.30. Gunnar Karel segir það konsertuppfærslu af óperu, með smá rafkafla. „Angela Rawlings og Halldór Úlfarsson eiga hlutdeild í því hvernig verkið er uppbyggt. Flytjendurnir Gunnhildur Einarsdóttir, Ingólfur Vilhjálmsson, Matthías Engler og Kristjana Helgadóttir, ásamt aðstoðarfólki, eru hringinn í kringum áheyrendur.“ Þarna verður tónlistin greinilega alltumlykjandi en því verður öfugt farið hjá kammerhópnum Nordic Affect sem verður í Norðurljósum annað kvöld klukkan 10, eftir því sem Gunnar Karel lýsir. „Þar verða flytjendurnir inni í miðju og áheyrendur umhverfis. Hvort tveggja er spennandi.“ Leit að sjálfboðaliðum til að spila tónverk á þríhorn í anddyri Hörpu klukkan 18.30 á laugardagskvöldið stendur yfir. Verkið heitir Triangular Mass og er eftir hinn danska Niels Lyhne Løkkegaard. „Við þurfum 50 manns. Það fá allir klippikort fyrir að taka þátt, sem þýðir aðgangur á fimm tónleika,“ tekur Gunnar Karel fram. Hátíðin Myrkir músíkdagar var stofnuð af íslenskum tónskáldum árið 1980. „Það er búið að setja ákveðinn standard á hátíðina gegnum árin og áhuginn er gríðarlegur á að koma þar fram,“ segir Gunnar Karel. „Við fengum um það bil 200 umsóknir og um fimm prósent þeirra fengu brautargengi, það er þröngt nálaraugað. Svo er hér fjöldi fólks frá erlendum útvarpsstöðvum og menningartímaritum að fylgjast með.“ Gunnar Karel er tónskáld og heldur nú utan um Myrka í fyrsta skipti. „Ég vildi setja aðeins mitt mark á hátíðina. Gaf til dæmis grafískum hönnuði skotleyfi á svarta litinn sem hefur einkennt plaköt, það er minna um raftónleika en oft áður en rafpartar og elektróník er þó með á flestum tónleikum,“ lýsir hann. „Ég hef líka aðeins verið með puttana í efnisskrá flytjenda, sé það sem hlutverk listræns stjórnanda að leggja ákveðna línu. Ef hátíðin á að vera samkeppnishæf við aðrar hátíðir hér heima og erlendis er slíkt nauðsynlegt. Ég held að það eigi eftir að auka gæðin.“ Greinin birtisti fyrst í Fréttablaðinu 26. janúar 2016. Menning Mest lesið Eva flutt inn í verðlaunahús Kára Lífið Maggie Smith er látin Lífið Ætlar í blómabað á Balí með manninum sínum Lífið Íslensk börn skorti meiri aga Lífið Kolbrún ber laxerolíu á andlitið Lífið Heldur ekki vatni yfir konunni sinni Lífið „Þegar menn vaða svona í fjölskylduna mína þá tek ég boxhanskana af“ Lífið Kallaður hinn íslenski Forrest Gump af stóra bróður Lífið Í hnapphelduna með krókódílamanninum Lífið Gaf eiginmanninum nektarmynd á stórafmælinu Lífið Fleiri fréttir Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Það er erfitt að nefna einhverja hápunkta. Mér dettur þó í hug að benda á síðkvöldatónleikana í Norðurljósum í Hörpu bæði í kvöld og annað kvöld,“ segir Gunnar Karel Másson, listrænn stjórnandi Myrkra músíkdaga sem hefjast í dag. Þar er áhersla lögð á frumflutning samtímatónlistar, ekki síst eftir íslenska höfunda. Það er verkið Adapter eftir Davíð Brynjar Franzson sem verður á dagskrá í Norðurljósum í kvöld klukkan 21.30. Gunnar Karel segir það konsertuppfærslu af óperu, með smá rafkafla. „Angela Rawlings og Halldór Úlfarsson eiga hlutdeild í því hvernig verkið er uppbyggt. Flytjendurnir Gunnhildur Einarsdóttir, Ingólfur Vilhjálmsson, Matthías Engler og Kristjana Helgadóttir, ásamt aðstoðarfólki, eru hringinn í kringum áheyrendur.“ Þarna verður tónlistin greinilega alltumlykjandi en því verður öfugt farið hjá kammerhópnum Nordic Affect sem verður í Norðurljósum annað kvöld klukkan 10, eftir því sem Gunnar Karel lýsir. „Þar verða flytjendurnir inni í miðju og áheyrendur umhverfis. Hvort tveggja er spennandi.“ Leit að sjálfboðaliðum til að spila tónverk á þríhorn í anddyri Hörpu klukkan 18.30 á laugardagskvöldið stendur yfir. Verkið heitir Triangular Mass og er eftir hinn danska Niels Lyhne Løkkegaard. „Við þurfum 50 manns. Það fá allir klippikort fyrir að taka þátt, sem þýðir aðgangur á fimm tónleika,“ tekur Gunnar Karel fram. Hátíðin Myrkir músíkdagar var stofnuð af íslenskum tónskáldum árið 1980. „Það er búið að setja ákveðinn standard á hátíðina gegnum árin og áhuginn er gríðarlegur á að koma þar fram,“ segir Gunnar Karel. „Við fengum um það bil 200 umsóknir og um fimm prósent þeirra fengu brautargengi, það er þröngt nálaraugað. Svo er hér fjöldi fólks frá erlendum útvarpsstöðvum og menningartímaritum að fylgjast með.“ Gunnar Karel er tónskáld og heldur nú utan um Myrka í fyrsta skipti. „Ég vildi setja aðeins mitt mark á hátíðina. Gaf til dæmis grafískum hönnuði skotleyfi á svarta litinn sem hefur einkennt plaköt, það er minna um raftónleika en oft áður en rafpartar og elektróník er þó með á flestum tónleikum,“ lýsir hann. „Ég hef líka aðeins verið með puttana í efnisskrá flytjenda, sé það sem hlutverk listræns stjórnanda að leggja ákveðna línu. Ef hátíðin á að vera samkeppnishæf við aðrar hátíðir hér heima og erlendis er slíkt nauðsynlegt. Ég held að það eigi eftir að auka gæðin.“ Greinin birtisti fyrst í Fréttablaðinu 26. janúar 2016.
Menning Mest lesið Eva flutt inn í verðlaunahús Kára Lífið Maggie Smith er látin Lífið Ætlar í blómabað á Balí með manninum sínum Lífið Íslensk börn skorti meiri aga Lífið Kolbrún ber laxerolíu á andlitið Lífið Heldur ekki vatni yfir konunni sinni Lífið „Þegar menn vaða svona í fjölskylduna mína þá tek ég boxhanskana af“ Lífið Kallaður hinn íslenski Forrest Gump af stóra bróður Lífið Í hnapphelduna með krókódílamanninum Lífið Gaf eiginmanninum nektarmynd á stórafmælinu Lífið Fleiri fréttir Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira