Hilmar Örn kastaði tvisvar yfir 70 metra

Sleggjukastarinn Hilmar Örn Jónsson kastaði yfir 70 metra á Texas Relays mótinu í gær.

Hilmar kastaði sleggjunni lengst 70,30 metra í sínu fjórða kasti.

Þrír keppendur köstuðu lengra en Hilmar á mótinu í Texas. Alexander Young frá SE Louisiana háskólanum varð hlutskarpastur en hann grýtti sleggjunni 71,77 metra.

Hilmar náði tvisvar að kasta yfir 70 metra í gær því í sjöttu tilraun kastaði hann 70,19 metra.

Tæplega ársgamalt Íslandsmet Hilmars er 72,12 metrar.