Misjafnt gengi Íslendingaliðanna í Svíþjóð

Íslendingaliðið Hammarby varð að sætta sig við 2-1 tap á útivelli gegn Östersund. Ögmundur Kristinsson stóð í marki Hammarby og Birkir Már Sævarsson og Arnór Smárason voru sömuleiðis í liðinu. Arnóri var skipt af velli á 87. mínútu.

Elías Már Ómarsson, leikmaður IFK Gautaborg, kom inn á sem varamaður undir lok leiks Gautaborgar og Kalmar. Leikurinn endaði 3-0 fyrir Gautaborg.

Hjörtur Logi Valgarðsson og félagar hans í Örebro steinláu 0-4 á heimavelli gegn Djurgarden. Hjörtur Logi sat allan tímann á varamannabekk Örebro.