Wolfsburg með níu fingur á bikarnum

Landsliðskonan Sara Björk Gunnarsdóttir var á sínum stað í byrjunarliði Wolfsburg sem vann Turbine Potsdam 3-1 á útivelli. Wolfsburg þarf einn sigur úr þremur leikjum til að tryggja sér titilinn.

Wolfsburg er með sex stiga forystu á toppi deildarinnar þegar þrjár umferðir eru eftir. Liðið er hins vegar með mun betri markatölu en Turbine Potsdam, sem situr í öðru sæti.

Wolfsburg á tvo heimaleiki eftir í þremur síðustu umferðunum. Næsti leikur liðsins er á miðvikudaginn, heima gegn Essen. Með sigri þar er nokkuð ljóst að Wolfsburg mun fagna sigri í deildinni.