Valsmenn eru komnir í 1-0 í úrslitaeinvígi Olís-deildar karla í handbolta eftir fjögurra marka sigur á FH í Kaplakrika í gærkvöldi, 28-24.
Það þarf reyndar ekki að koma mikið á óvart að útiliðið hafi unnið fyrsta leikinn í úrslitaeinvíginu því það var að gerast í sjötta sinn á síðustu sjö árum.
Eina heimaliðið sem hefur unnið leik eitt í lokaúrslitum frá og með árinu 2011 eru Haukarnir vorið 2014. Þeir unnu fyrstu tvo heimaleiki sína í úrslitaeinvíginu það vor en töpuðu síðan titlinum í oddaleiknum sem fram fór á Ásöllum fyrir troðfullu húsi 15. maí 2014.
Undanfarin tímabil hafa heimaliðin annars verið í miklum vandræðum því þau hafa nú aðeins unnið tvo af síðustu tíu leikjum í úrslitaeinvíginu hjá karlahandboltanum.
Sigurvegari fyrsta leiksins í úrslitaeinvígum Olís-deildar karla síðustu ár:
2017: Valur vann 28-24 sigur á FH á útivelli (Leikur tvö á laugardag)
2016: Afturelding vann 34-31 sigur á Haukum* á útivelli (Haukar unnu einvígið 3-2)
2015: Haukar* unnu 23-22 sigur á Aftureldingu á útivelli (Haukar unnu 3-0)
2014: Haukar unnu 29-28 sigur á ÍBV* á heimavelli (ÍBV vann 3-2)
2013: Fram* vann 20-18 sigur á Haukum á útivelli (Fram vann 3-1)
2012: HK* vann 26-23 sigur á FH á útivelli (HK vann 3-0)
2011: FH* vann 22-21 sigur á Akureyri á útivelli (FH vann 3-1)
* Liðið varð Íslandsmeistari
Gengi útiliðanna í úrslitaeinvígum Olís-deildar karla síðustu ár:
2017: 1 sigur - 0 töp
2016: 4 sigrar - 1 tap
2015: 2 sigrar - 1 tap
Samanlagt: 2015-2017: 7 sigrar - 2 töp
- ÍBV vann útisigur í síðasta leiknum í úrslitaeinvíginu 2014 og þar með hafa 8 af síðustu 10 leikjum í úrslitaeinvíginu unnist á útivelli.
Útiliðið hefur unnið fyrsta leikinn í sex af síðustu sjö úrslitaeinvígum
Óskar Ófeigur Jónsson skrifar

Mest lesið

Stefán benti á tattúið og minntist frænku sinnar
Enski boltinn

Neyddir til að spila í miðri þjóðarsorg
Handbolti

Útskýrði af hverju Burn var dekkaður af mun lægri manni
Enski boltinn

Segir Arnór líta ruddalega vel út
Fótbolti


Sjáðu Albert skora gegn Juventus
Fótbolti

„Rjóminn á kökuna fyrir okkur“
Íslenski boltinn



Víkingur missir undanúrslitasætið
Íslenski boltinn