Sárt tap hjá Arnóri í bikarúrslitaleik

Arnór Ingvi Traustason og félagar í Rapid Vín urðu að sætta sig við silfur í bikarnum en úrslitaleikur austurrísku bikarkeppninnar fór fram í kvöld.

Salzburg vann leikinn, 2-1. Markalaust var í leikhléi en Salzburg komst yfir snemma í síðari hálfleik en Rapid jafnaði aðeins fimm mínútum síðar.

Það var svo sex mínútum fyrir leikslok sem Valentino Lazaro skoraði sigurmark Salzburg.

Arnór Ingvi hóf leikinn á bekknum en spilaði síðustu sautján mínútur leiksins.