MR-ingar mótmæla: „Ráðning rektors á að vera fagleg en ekki hluti af einhverjum pólítískum leik“ Kristín Ólafsdóttir skrifar 28. júní 2017 16:15 Greint var frá því í Fréttablaðinu í gær að kennari í MR óttaðist yfirvofandi sameiningu MR og Kvennó. Menntamálaráðherra segir ekki standa til að sameina skólana. Vísir/Stefán Nemendur við Menntaskólann í Reykjavík hafa boðað til mótmæla fyrir framan húsnæði menntamálaráðuneytisins vegna óvissu sem ríkir um ráðningu í stöðu rektors við skólann. Formaður Skólafélagsins segir ástandið óviðunandi. Fyrrverandi MR-ingur segir viðbrögð ráðherra enn fremur í takt við samskipti skólans við yfirvöld á síðustu árum. Greint var frá því í Fréttablaðinu í gær að kennari í MR óttaðist yfirvofandi sameiningu MR og Kvennó. Grunur um sameininguna byggðist á því að staða rektors í MR, sem Yngvi Pétursson sagði lausri fyrir rúmum mánuði, hefur enn ekki verið auglýst. Kristján Þór Júlíusson menntamálaráðherra sagði þó að ekki stæði til að sameina skólana. „Það er í sjálfu sér ekkert skrítið að fólk sé að velta fyrir sér ýmsu varðandi framhaldsskólann,“ sagði Kristján Þór í samtali við Fréttablaðið í gær. „Það þarf líka tíma til að átta sig á því hvernig breytingar sem koma fram í ríkisfjármálaáætlun og lúta að framhaldsskólunum koma til með að virka.“Elín María Árnadóttir, formaður Skólafélags MR.Elín María ÁrnadóttirNemendur hafa ekki fengið nein svörNemendur í MR eru komnir með nóg af óvissunni í kringum ráðningu nýs rektors og boða til mótmæla fyrir framan menntamálaráðuneytið næstkomandi föstudag klukkan 16. Elín María Árnadóttir, formaður Skólafélags Menntaskólans í Reykjavík, segir í samtali við Vísi að ótækt sé að staða rektors hafi ekki verið auglýst. Hún segir ástandið til marks um stærra vandamál. „Við erum að mótmæla því að menntamálaráðuneytið sé ekki búið að auglýsa eftir nýjum rektor þrátt fyrir að Yngvi hafi formlega sagt upp fyrir meira en mánuði,“ segir Elín. „Við höfum enga hugmynd um af hverju staðan hefur ekki verið auglýst nú þegar en það eina sem maður getur ímyndað sér er að ráðherra ætli annað hvort að ráða tímabundið í stöðuna til eins árs, sem er í raun fáránlegt þegar svona mikill tími gafst til að finna nýjan rektor, eða þá að það stendur til að sameina skólann öðrum í skjóli nætur á meðan enginn fær rönd við reist.“ Hún segist ekki hafa fengið nein svör frá menntamálaráðuneytinu um stöðu mála þrátt fyrir ítrekaðar beiðnir sínar og fleiri nemenda skólans. „Þetta er óásættanlegt því ráðning rektors á að vera fagleg en ekki hluti af einhverjum pólítískum leik.“Aðalbjörg Egilsdóttir útskrifaðist úr MR í fyrra.Aðalbjörg EgilsdóttirEins og sé verið að gefa skít í nemendurAðalbjörg Egilsdóttir útskrifaðist úr MR í fyrravor og lætur málefni skólans sig miklu varða. Hún deildi bréfi, sem hún sendi menntamálaráðherra, fjármálaráðherra og forsætisráðherra, á Facebook-síðu sinni í gær. Bréfið hefur vakið mikla athygli en í því rekur hún þrautagöngu MR í samskiptum við yfirvöld á síðustu árum. Benedikt Jóhannesson, fjármálaráðherra og fyrrverandi formaður Hollvinafélags Menntaskólans í Reykjavík, er sá eini sem hefur svarað bréfi Aðalbjargar. Hann sagðist ekki vita af hverju ekki væri búið að ráða nýjan rektor en gerði ráð fyrir að það yrði gert innan skamms. Aðalbjörg skrifaði bréfið áður en menntamálaráðherra tjáði sig um áhyggjur af sameiningu MR og Kvennó. Henni þykir ráðherra þó ekki nógu afdráttalaus í svari sínu. „En þrátt fyrir að ekki verði af þessari sameiningu þá finnst mér bara fáránlegt hvað bæði þessi og síðasta ríkisstjórn hafa verið að leggja sig fram við að draga saman í skólakerfinu,“ segir Aðalbjörg. Sjálf hefur Aðalbjörg glímt við aðgerðir stjórnvalda í málum MR. Á meðan skólagöngu hennar stóð var stytting á námi framhaldsskóla samþykkt en MR hefur lagst eindregið gegn styttingunni. Þá tók hún þátt í mótmælum MR-inga gegn lágum fjárframlögum til skólans, þeim lægstu á landinu, árið 2013. „Þetta er svolítið eins og það sé bara verið að gefa algjöran skít í okkur. Eiginlega bara eins og við eigum að sitja á hakanum og gleyma þessu. Það er eins og við þurfum endalaust að vera að biðja um meira en svo virðist aldrei neitt hægt að gera.“ Bæði Aðalbjörg og Elín segjast vona að umræðan um málefni skólans og mótmælin á föstudaginn verði til þess að nýr rektor verði ráðinn. Þá vonast þær einnig til þess að mótmælin veki stjórnvöld til umhugsunar um stöðu mála í menntakerfinu.Bréf Aðalbjargar til menntamálaráðherra, fjármálaráðherra og forsætisráðherra má lesa í heild sinni hér að neðan. Mest lesið „Hann tók algjörlega völdin yfir lífi mínu“ Innlent Kosningavaktin: Íslendingar ganga að kjörborðinu Innlent Þiggja milljónir í húsnæðisstyrk þótt þau búi nálægt Alþingi Innlent Þórdís svarar gagnrýni vegna húsnæðisstyrks Innlent Tveir á slysadeild í kjölfar bruna á Stuðlum Innlent Nokkrir foreldrar sóttu börn á lögreglustöð Innlent Vistmaður og starfsmaður Stuðla fluttir á bráðamóttöku Innlent Snorri vill leiða Miðflokkinn í Reykjavík Innlent Átti samtal við Höllu Hrund fyrir stjórnarslitin Innlent Grunaður um alvarlega líkamsárás gegn fyrrverandi sambýliskonu Innlent Fleiri fréttir Kom ekkert annað til greina en Miðflokkurinn Kostnaður við snagana nam 1,7 milljónum Fluttur á spítala vegna alvarlegs efnabruna af völdum ætandi efnis Slátur og stuð í félagsheimilinu á Blönduósi Alma vill leiða Samfylkinguna í Kraganum Nektarmyndir gerðar óskýrar sjálfkrafa á Instagram Grunaður um alvarlega líkamsárás gegn fyrrverandi sambýliskonu Hannes snýr baki við Sjálfstæðisflokknum og fer fram fyrir Samfylkingu Átti samtal við Höllu Hrund fyrir stjórnarslitin Vendingar í pólitíkinni og áhrif frestunar bankasölu á markaðinn Guðmundur Árni hættur við og styður Ölmu Vistmaður og starfsmaður Stuðla fluttir á bráðamóttöku Bilun í brunaboða á Keflavíkurflugvelli Snorri vill leiða Miðflokkinn í Reykjavík Þórdís svarar gagnrýni vegna húsnæðisstyrks Slagurinn harðnar í Suðvestur hjá Sjálfstæðisflokki „Hann tók algjörlega völdin yfir lífi mínu“ Formaður Framsóknar segir ríkisstjórnina hafa talað sjálfa sig niður Tveir á slysadeild í kjölfar bruna á Stuðlum Nokkrir foreldrar sóttu börn á lögreglustöð „Það þarf að nýta auðlindir landsins, það er alveg ljóst“ Þiggja milljónir í húsnæðisstyrk þótt þau búi nálægt Alþingi Fleiri þvottavélar en pólitíkusar á skjánum vikuna fyrir kosningar Hefur sett saman um 100 módelbíla í Hveragerði Dæmi um að menntaðir kennarar nái ekki endum saman Óvænt og taktískt útspil Sigurðar Inga Páll Valur vill forystusæti fyrir Samfylkinguna í Suðurkjördæmi Fyrstu skoðanakannanir eftir stjórnarslit og öll auglýsingapláss uppbókuð Lætur af störfum sem bæjarstjóri Voga Vill leiða Viðreisn í Suðurkjördæmi Sjá meira
Nemendur við Menntaskólann í Reykjavík hafa boðað til mótmæla fyrir framan húsnæði menntamálaráðuneytisins vegna óvissu sem ríkir um ráðningu í stöðu rektors við skólann. Formaður Skólafélagsins segir ástandið óviðunandi. Fyrrverandi MR-ingur segir viðbrögð ráðherra enn fremur í takt við samskipti skólans við yfirvöld á síðustu árum. Greint var frá því í Fréttablaðinu í gær að kennari í MR óttaðist yfirvofandi sameiningu MR og Kvennó. Grunur um sameininguna byggðist á því að staða rektors í MR, sem Yngvi Pétursson sagði lausri fyrir rúmum mánuði, hefur enn ekki verið auglýst. Kristján Þór Júlíusson menntamálaráðherra sagði þó að ekki stæði til að sameina skólana. „Það er í sjálfu sér ekkert skrítið að fólk sé að velta fyrir sér ýmsu varðandi framhaldsskólann,“ sagði Kristján Þór í samtali við Fréttablaðið í gær. „Það þarf líka tíma til að átta sig á því hvernig breytingar sem koma fram í ríkisfjármálaáætlun og lúta að framhaldsskólunum koma til með að virka.“Elín María Árnadóttir, formaður Skólafélags MR.Elín María ÁrnadóttirNemendur hafa ekki fengið nein svörNemendur í MR eru komnir með nóg af óvissunni í kringum ráðningu nýs rektors og boða til mótmæla fyrir framan menntamálaráðuneytið næstkomandi föstudag klukkan 16. Elín María Árnadóttir, formaður Skólafélags Menntaskólans í Reykjavík, segir í samtali við Vísi að ótækt sé að staða rektors hafi ekki verið auglýst. Hún segir ástandið til marks um stærra vandamál. „Við erum að mótmæla því að menntamálaráðuneytið sé ekki búið að auglýsa eftir nýjum rektor þrátt fyrir að Yngvi hafi formlega sagt upp fyrir meira en mánuði,“ segir Elín. „Við höfum enga hugmynd um af hverju staðan hefur ekki verið auglýst nú þegar en það eina sem maður getur ímyndað sér er að ráðherra ætli annað hvort að ráða tímabundið í stöðuna til eins árs, sem er í raun fáránlegt þegar svona mikill tími gafst til að finna nýjan rektor, eða þá að það stendur til að sameina skólann öðrum í skjóli nætur á meðan enginn fær rönd við reist.“ Hún segist ekki hafa fengið nein svör frá menntamálaráðuneytinu um stöðu mála þrátt fyrir ítrekaðar beiðnir sínar og fleiri nemenda skólans. „Þetta er óásættanlegt því ráðning rektors á að vera fagleg en ekki hluti af einhverjum pólítískum leik.“Aðalbjörg Egilsdóttir útskrifaðist úr MR í fyrra.Aðalbjörg EgilsdóttirEins og sé verið að gefa skít í nemendurAðalbjörg Egilsdóttir útskrifaðist úr MR í fyrravor og lætur málefni skólans sig miklu varða. Hún deildi bréfi, sem hún sendi menntamálaráðherra, fjármálaráðherra og forsætisráðherra, á Facebook-síðu sinni í gær. Bréfið hefur vakið mikla athygli en í því rekur hún þrautagöngu MR í samskiptum við yfirvöld á síðustu árum. Benedikt Jóhannesson, fjármálaráðherra og fyrrverandi formaður Hollvinafélags Menntaskólans í Reykjavík, er sá eini sem hefur svarað bréfi Aðalbjargar. Hann sagðist ekki vita af hverju ekki væri búið að ráða nýjan rektor en gerði ráð fyrir að það yrði gert innan skamms. Aðalbjörg skrifaði bréfið áður en menntamálaráðherra tjáði sig um áhyggjur af sameiningu MR og Kvennó. Henni þykir ráðherra þó ekki nógu afdráttalaus í svari sínu. „En þrátt fyrir að ekki verði af þessari sameiningu þá finnst mér bara fáránlegt hvað bæði þessi og síðasta ríkisstjórn hafa verið að leggja sig fram við að draga saman í skólakerfinu,“ segir Aðalbjörg. Sjálf hefur Aðalbjörg glímt við aðgerðir stjórnvalda í málum MR. Á meðan skólagöngu hennar stóð var stytting á námi framhaldsskóla samþykkt en MR hefur lagst eindregið gegn styttingunni. Þá tók hún þátt í mótmælum MR-inga gegn lágum fjárframlögum til skólans, þeim lægstu á landinu, árið 2013. „Þetta er svolítið eins og það sé bara verið að gefa algjöran skít í okkur. Eiginlega bara eins og við eigum að sitja á hakanum og gleyma þessu. Það er eins og við þurfum endalaust að vera að biðja um meira en svo virðist aldrei neitt hægt að gera.“ Bæði Aðalbjörg og Elín segjast vona að umræðan um málefni skólans og mótmælin á föstudaginn verði til þess að nýr rektor verði ráðinn. Þá vonast þær einnig til þess að mótmælin veki stjórnvöld til umhugsunar um stöðu mála í menntakerfinu.Bréf Aðalbjargar til menntamálaráðherra, fjármálaráðherra og forsætisráðherra má lesa í heild sinni hér að neðan.
Mest lesið „Hann tók algjörlega völdin yfir lífi mínu“ Innlent Kosningavaktin: Íslendingar ganga að kjörborðinu Innlent Þiggja milljónir í húsnæðisstyrk þótt þau búi nálægt Alþingi Innlent Þórdís svarar gagnrýni vegna húsnæðisstyrks Innlent Tveir á slysadeild í kjölfar bruna á Stuðlum Innlent Nokkrir foreldrar sóttu börn á lögreglustöð Innlent Vistmaður og starfsmaður Stuðla fluttir á bráðamóttöku Innlent Snorri vill leiða Miðflokkinn í Reykjavík Innlent Átti samtal við Höllu Hrund fyrir stjórnarslitin Innlent Grunaður um alvarlega líkamsárás gegn fyrrverandi sambýliskonu Innlent Fleiri fréttir Kom ekkert annað til greina en Miðflokkurinn Kostnaður við snagana nam 1,7 milljónum Fluttur á spítala vegna alvarlegs efnabruna af völdum ætandi efnis Slátur og stuð í félagsheimilinu á Blönduósi Alma vill leiða Samfylkinguna í Kraganum Nektarmyndir gerðar óskýrar sjálfkrafa á Instagram Grunaður um alvarlega líkamsárás gegn fyrrverandi sambýliskonu Hannes snýr baki við Sjálfstæðisflokknum og fer fram fyrir Samfylkingu Átti samtal við Höllu Hrund fyrir stjórnarslitin Vendingar í pólitíkinni og áhrif frestunar bankasölu á markaðinn Guðmundur Árni hættur við og styður Ölmu Vistmaður og starfsmaður Stuðla fluttir á bráðamóttöku Bilun í brunaboða á Keflavíkurflugvelli Snorri vill leiða Miðflokkinn í Reykjavík Þórdís svarar gagnrýni vegna húsnæðisstyrks Slagurinn harðnar í Suðvestur hjá Sjálfstæðisflokki „Hann tók algjörlega völdin yfir lífi mínu“ Formaður Framsóknar segir ríkisstjórnina hafa talað sjálfa sig niður Tveir á slysadeild í kjölfar bruna á Stuðlum Nokkrir foreldrar sóttu börn á lögreglustöð „Það þarf að nýta auðlindir landsins, það er alveg ljóst“ Þiggja milljónir í húsnæðisstyrk þótt þau búi nálægt Alþingi Fleiri þvottavélar en pólitíkusar á skjánum vikuna fyrir kosningar Hefur sett saman um 100 módelbíla í Hveragerði Dæmi um að menntaðir kennarar nái ekki endum saman Óvænt og taktískt útspil Sigurðar Inga Páll Valur vill forystusæti fyrir Samfylkinguna í Suðurkjördæmi Fyrstu skoðanakannanir eftir stjórnarslit og öll auglýsingapláss uppbókuð Lætur af störfum sem bæjarstjóri Voga Vill leiða Viðreisn í Suðurkjördæmi Sjá meira