Meistaraverkskeppni Strætó framlengd

Keppni Strætó um hönnun á strætisvagni hefur verið framlengd sökum þess að vefur keppninnar, meistaraverk.is, lá niðri í nokkra tíma í gær og aftur í nokkra tíma í dag. Í kjölfar mikillar kosningaþátttöku og fjölda tillagna sem voru komnar á vefinn hrundi kerfið en villa var í kóða vefsins.

Nú er einungis hægt að kjósa á milli vagnanna sem eru í efstu tuttugu sætunum. Einum degi hefur verið bætt við keppnina og endar hún því á miðnætti á morgun, 2. Júlí.

Hægt er að skoða og jafnframt kjósa innsendingarnar hér.