Formaður Ungra Pírata um staðsetningu nýs Landspítala: „Mér finnst skrítið að alltaf sé verið að kæfa þessa umræðu um hvar eigi að byggja“ Erna Agnes Sigurgeirsdóttir skrifar 26. júlí 2017 15:15 Dóra Björt Guðjónsdóttir er formaður Ungra pírata. Hún vill frekari umræðu um byggingu nýs Landspítala. Dóra Björt Guðjónsdóttir, formaður Ungra pírata, segir að það verði að endurskoða áform um nýjan Landspítala. Í færslu á Facebook gagnrýnir hún áform um að nýta gamlar og illa farnar byggingar til uppbyggingar Landspítalans; best sé að byggja nýjan Landspítala austar í borginni sem sé í samræmi við stækkun borgarinnar og breytta borgarmynd.Bútasaumsteppi sem þarf að viðhalda Hún telur að það muni ekki taka lengri tíma að byggja nýjan spítala á öðrum stað frá grunni.Þetta verkefni að laga þetta bútasaumsteppi verður svo svakalega umfangsmikið og það mun alltaf dragast eitthvað á langinn og alltaf bætast eitthvað við það,“ segir Dóra í samtali við Vísi. Dóra gagnrýnir jafnframt að inni í planinu um nýjan spítala eigi ekki að laga Kvennadeildina. Það sé ekki boðlegt fyrir konur sem eiga von á barni og séu viðkvæmar fyrir myglu en mygla hefur verið vandamál í þó nokkrun tíma innan veggja Landspítalans.Persónuleg reynsla Færsla Dóru er afar persónuleg. Þar lýsir hún reynslu systur sinnar sem áður hefur glímt við veikindi vegna myglu í heimahúsi. Nú sé fjölskyldan stödd á Landspítalanum þar sem afi þeirra dvelst og nefnir Dóra að systir þeirra hafi varla náð að vera með honum vegna einkenna vegna myglu sem sprettur upp nánast samstundis og hún fer inn í bygginguna. „Nú liggur afi okkar uppi á Borgarspítala og mun sennilega ekki eiga afturkvæmt þaðan. Við sitjum við rúmgaflinn hans tímana langa, öll hans nánustu, nema systir mín þó hana langi til þess. Vegna þess að fyrsta langsetan kom einkennunum af stað. Þessi spítali er heldur ekki alveg laus við myglu,“ segir í færslu Dóru. Dóra segir í samtali við Vísi að henni blöskri ástandið á spítalanum. Hún telur að plönin séu götótt og betra sé að byggja nýtt í stað þess að vera alltaf að laga það sem er illa farið. Hún segir þetta vera mikið álag fyrir sjúklinga líka, þar sem framkvæmdir séu truflandi fyrir þá. Það heyrist mikil læti sem séu ekki boðleg veiku fólki sem jafnvel er að kveðja ástvini sína. „Mér blöskrar svo að fólk sem er í viðkvæmu ástandi í lífinu; fólk sem er að syrgja eða fólk sem situr við rúm einhvers sem er dauðvona þurfi að upplifa þessi óþægilegu einkenni,“ segir Dóra.Enn tími til stefnu Dóra segir enn vera tíma til stefnu til að endurskoða planið. Hún hafi sterkar skoðanir á málinu og viljað koma þeim á framfæri. „Að sama skapi skrifa ég þetta út af því að ég er pólitískt virk og hef fylgst með þessu spítala máli og mér finnst skrítið að alltaf sé verið að kæfa þessa umræðu um hvar eigi að byggja. Það er enn þá smá tími til stefnu til að breyta út frá þessu plani. Ég hef alveg kynnt mér þessi mál vel og veit það að það er enn hægt að breyta. Það eru gríðarlega miklir fjármunir í húfi,“ segir Dóra og vitnar til þess að sérfræðingar í skipulagsmálum sem og læknar á spítalanum hafi gagnrýnt þessar framkvæmdir.Skammsýni í staðarvali Gestur Ólafsson, skipulagsfræðingur og fyrrverandi skipulagsstjóri höfuðborgarsvæðisins, er einn þeirra sérfræðinga sem Dóra nefnir. Hann segir í samtali við Vísi að það sé skammsýni að velja spítalanum stað þarna. Hann segir að aldrei hafi farið fram forsvaranleg staðvalsgreining þar sem sérfræðingar og hlutlausir aðilar eru fengnir til að meta afleiðingar af mismunandi staðsetningu. Hann segir að umræðan meðal margra skipulagsfræðinga sé á þann veg að þeir séu ósáttir með hvernig staðið var að þessu. „Þetta er nú einu sinni stærsta fyrirtæki landsins. Það skiptir feikilega miklu máli upp á framtíðina hvernig er farið með þessa takmörkuðu peninga okkar,“ segir Gestur í samtali við Vísi. Hann segir stjórnvöld ekki hlusta á þeirra málflutning.Gestur Ólafsson, arkitekt og skipulagsfræðingur hefur gagnrýnt staðsetningu spítalans.Staðvalsgreining nauðsynleg Hann segir að þessi staðvalsgreining sé nauðsynleg. Ef niðurstaða hennar yrði sú að staðsetning á Hringbraut yrði sú besta þá hefði verið unnið faglega að undirbúningi þessa máls að mati Gests. „Það er eins og hagsmunaaðilar hafi bitið sig í þennan stað og síðan verði málinu ekki þokað,“ segir Gestur. Hann telur að það sé klárt mál að skammsýni og pólitísk vikt hagsmunaaðila hafi fengið að ráða ferðinni. Gestur segir enga sérfræðinga á borð við skipulagsfræðinga hafa komið að málinu. „Það er náttúrulega hægt að fá alla mögulega aðila til að hafa skoðun á þessu en ég held að nútíma þjóðfélag þurfi að nota tiltæka þekkingu. Það sem fer líka fyrir brjóstið á bæði mér og öðrum sem hafa komið á þessu máli og verið að benda á þetta, að vísvitandi er verið að plata Alþingi. Þarna eru 60 þúsund fermetrar af gömlu húsnæði sem verið er að endurnýja og það er verið að segja Alþingi að það kosti ekki nema hundrað þúsund kall að endurnýja þessa 60 þúsund fermetra. Það er bara gjörsamlega galið að bjóða Alþingi Íslendinga að bjóða upp á svona vinnubrögð,“ segir Gestur.Gunnar segir að margar úttektir hafi farið fram á staðsetningu LandpítalansHringbrautar verkefniðÚttektir hafa verið gerðar með tilliti til gagnrýni Gunnar Svavarsson er framkvæmdastjóri opinbera hlutafélagsins Nýr Landspítali sem stofnað var með lögum árið 2010. Hann segir það ekki rétt að ekki hafi verið framkvæmd staðvalsgreining. Hún hafi verið gerð í byrjun af verkfræðistofum þess tíma þegar umræður um nýjan Landspítala fóru af stað. Umræður um nýjan Landspítala eiga upptök sín árið 2002. Gunnar nefnir í samtali við Vísi að það hafi einnig verið gerðar úttektir á málinu þegar Kristján Þór Júlíusson var heilbrigðisráðherra og minnist hann sérstaklega á úttekt KPMG frá árinu 2015 þar sem komist var að ekki væri ástæða til að hverfa frá ákvörðun um staðsetninguna á Hringbraut. Sú greining hefði sérstaklega verið gerð vegna þeirrar gagnrýni sem staðsetning spítalans hafi fengið á sig. Gunnar segir þetta vera stórkostlegt fyrir sjúklinga, því verkefnið snúist um þá en ekki einungis staðarval eða umferð; þetta verði gríðarleg búbót og framför fyrir þjóðina. „Ýmsar greiningar og úttektir hafa verið framkvæmdar frá árinu 2002. Í þeim greiningum þar sem gerður hefur verið samanburður á staðsetningum með tilliti til hagkvæmni eða uppbyggingar hefur niðurstaðan ávallt orðið að hagkvæmast sé að byggja nýjan Landspítala við Hringbraut,“ segir meðal annars í skýrslu KPMG. „Umræðan um staðsetninguna er ekki upp á borðum í dag því verkefnið er komið það langt áfram auk þess að ríkisstjórnin er með þetta inni í stjórnarsáttmálanum og þingið hefur verið á bak við þetta undanfarin ár og áratug,“ segir Gunnar. Hér má sjá hluta af þeim rökum sem KPMG skoðuðu þegar skýrsla var gerð.skjáskotEkki einsdæmi Gunnar segir að það ekki sé einsdæmi að byggt sé upp við gamla spítala sem síðan þurfi viðhald. Það hafi verið gert víða um heim „Auðvitað snýst þetta um það, að það er verið að nýta þá fjárfestingu sem er fyrir hendi. Þó hún þurfi viðhald og annað þá ætlum við að það sé hægt að viðhalda byggingunni,“ segir Gunnar og nefnir að kostnaðaráætlun hafi verið unnin af norskum aðilum sem komist hafi að því að þetta væri besti kosturinn hvað fjármagn varðar. Stefnt er að því að elstu byggingarnar fái nýtt hlutverk þegar búið verði að fullbyggja á suðursvæðinu. Byrjað verður að byggja meðferðarkjarna á næsta ári. Það eigi að verða aðaleiningin í þessum nýja spítala. Þá verði sjúkrahótelið afhent á haustmánuðum miðað við nýjustu áætlanir. Aðspurður um viðhald annarra bygginga á svæðinu, til að mynda kvennadeildar, segir Gunnar það vera í höndum framkvæmdasviðs Landspítalans. Hann leggur áherslu á að hlutafélagið Nýr Landspítali sjái aðeins um nýju byggingarnar og sjái ekki um viðhaldið á eldri byggingum. Þeir sjái því um bílastæðahús, rannsóknarhús, sjúkrahótelið og meðferðarkjarnann. Mest lesið „Hann tók algjörlega völdin yfir lífi mínu“ Innlent Kosningavaktin: Íslendingar ganga að kjörborðinu Innlent Þiggja milljónir í húsnæðisstyrk þótt þau búi nálægt Alþingi Innlent Þórdís svarar gagnrýni vegna húsnæðisstyrks Innlent Tveir á slysadeild í kjölfar bruna á Stuðlum Innlent Nokkrir foreldrar sóttu börn á lögreglustöð Innlent Vistmaður og starfsmaður Stuðla fluttir á bráðamóttöku Innlent Snorri vill leiða Miðflokkinn í Reykjavík Innlent Átti samtal við Höllu Hrund fyrir stjórnarslitin Innlent Grunaður um alvarlega líkamsárás gegn fyrrverandi sambýliskonu Innlent Fleiri fréttir Fluttur á spítala vegna alvarlegs efnabruna af völdum ætandi efnis Slátur og stuð í félagsheimilinu á Blönduósi Alma vill leiða Samfylkinguna í Kraganum Nektarmyndir gerðar óskýrar sjálfkrafa á Instagram Grunaður um alvarlega líkamsárás gegn fyrrverandi sambýliskonu Hannes snýr baki við Sjálfstæðisflokknum og fer fram fyrir Samfylkingu Átti samtal við Höllu Hrund fyrir stjórnarslitin Vendingar í pólitíkinni og áhrif frestunar bankasölu á markaðinn Guðmundur Árni hættur við og styður Ölmu Vistmaður og starfsmaður Stuðla fluttir á bráðamóttöku Bilun í brunaboða á Keflavíkurflugvelli Snorri vill leiða Miðflokkinn í Reykjavík Þórdís svarar gagnrýni vegna húsnæðisstyrks Slagurinn harðnar í Suðvestur hjá Sjálfstæðisflokki „Hann tók algjörlega völdin yfir lífi mínu“ Formaður Framsóknar segir ríkisstjórnina hafa talað sjálfa sig niður Tveir á slysadeild í kjölfar bruna á Stuðlum Nokkrir foreldrar sóttu börn á lögreglustöð „Það þarf að nýta auðlindir landsins, það er alveg ljóst“ Þiggja milljónir í húsnæðisstyrk þótt þau búi nálægt Alþingi Fleiri þvottavélar en pólitíkusar á skjánum vikuna fyrir kosningar Hefur sett saman um 100 módelbíla í Hveragerði Dæmi um að menntaðir kennarar nái ekki endum saman Óvænt og taktískt útspil Sigurðar Inga Páll Valur vill forystusæti fyrir Samfylkinguna í Suðurkjördæmi Fyrstu skoðanakannanir eftir stjórnarslit og öll auglýsingapláss uppbókuð Lætur af störfum sem bæjarstjóri Voga Vill leiða Viðreisn í Suðurkjördæmi Eldur kviknaði í bílskúr Helgi hættur á Heimildinni Sjá meira
Dóra Björt Guðjónsdóttir, formaður Ungra pírata, segir að það verði að endurskoða áform um nýjan Landspítala. Í færslu á Facebook gagnrýnir hún áform um að nýta gamlar og illa farnar byggingar til uppbyggingar Landspítalans; best sé að byggja nýjan Landspítala austar í borginni sem sé í samræmi við stækkun borgarinnar og breytta borgarmynd.Bútasaumsteppi sem þarf að viðhalda Hún telur að það muni ekki taka lengri tíma að byggja nýjan spítala á öðrum stað frá grunni.Þetta verkefni að laga þetta bútasaumsteppi verður svo svakalega umfangsmikið og það mun alltaf dragast eitthvað á langinn og alltaf bætast eitthvað við það,“ segir Dóra í samtali við Vísi. Dóra gagnrýnir jafnframt að inni í planinu um nýjan spítala eigi ekki að laga Kvennadeildina. Það sé ekki boðlegt fyrir konur sem eiga von á barni og séu viðkvæmar fyrir myglu en mygla hefur verið vandamál í þó nokkrun tíma innan veggja Landspítalans.Persónuleg reynsla Færsla Dóru er afar persónuleg. Þar lýsir hún reynslu systur sinnar sem áður hefur glímt við veikindi vegna myglu í heimahúsi. Nú sé fjölskyldan stödd á Landspítalanum þar sem afi þeirra dvelst og nefnir Dóra að systir þeirra hafi varla náð að vera með honum vegna einkenna vegna myglu sem sprettur upp nánast samstundis og hún fer inn í bygginguna. „Nú liggur afi okkar uppi á Borgarspítala og mun sennilega ekki eiga afturkvæmt þaðan. Við sitjum við rúmgaflinn hans tímana langa, öll hans nánustu, nema systir mín þó hana langi til þess. Vegna þess að fyrsta langsetan kom einkennunum af stað. Þessi spítali er heldur ekki alveg laus við myglu,“ segir í færslu Dóru. Dóra segir í samtali við Vísi að henni blöskri ástandið á spítalanum. Hún telur að plönin séu götótt og betra sé að byggja nýtt í stað þess að vera alltaf að laga það sem er illa farið. Hún segir þetta vera mikið álag fyrir sjúklinga líka, þar sem framkvæmdir séu truflandi fyrir þá. Það heyrist mikil læti sem séu ekki boðleg veiku fólki sem jafnvel er að kveðja ástvini sína. „Mér blöskrar svo að fólk sem er í viðkvæmu ástandi í lífinu; fólk sem er að syrgja eða fólk sem situr við rúm einhvers sem er dauðvona þurfi að upplifa þessi óþægilegu einkenni,“ segir Dóra.Enn tími til stefnu Dóra segir enn vera tíma til stefnu til að endurskoða planið. Hún hafi sterkar skoðanir á málinu og viljað koma þeim á framfæri. „Að sama skapi skrifa ég þetta út af því að ég er pólitískt virk og hef fylgst með þessu spítala máli og mér finnst skrítið að alltaf sé verið að kæfa þessa umræðu um hvar eigi að byggja. Það er enn þá smá tími til stefnu til að breyta út frá þessu plani. Ég hef alveg kynnt mér þessi mál vel og veit það að það er enn hægt að breyta. Það eru gríðarlega miklir fjármunir í húfi,“ segir Dóra og vitnar til þess að sérfræðingar í skipulagsmálum sem og læknar á spítalanum hafi gagnrýnt þessar framkvæmdir.Skammsýni í staðarvali Gestur Ólafsson, skipulagsfræðingur og fyrrverandi skipulagsstjóri höfuðborgarsvæðisins, er einn þeirra sérfræðinga sem Dóra nefnir. Hann segir í samtali við Vísi að það sé skammsýni að velja spítalanum stað þarna. Hann segir að aldrei hafi farið fram forsvaranleg staðvalsgreining þar sem sérfræðingar og hlutlausir aðilar eru fengnir til að meta afleiðingar af mismunandi staðsetningu. Hann segir að umræðan meðal margra skipulagsfræðinga sé á þann veg að þeir séu ósáttir með hvernig staðið var að þessu. „Þetta er nú einu sinni stærsta fyrirtæki landsins. Það skiptir feikilega miklu máli upp á framtíðina hvernig er farið með þessa takmörkuðu peninga okkar,“ segir Gestur í samtali við Vísi. Hann segir stjórnvöld ekki hlusta á þeirra málflutning.Gestur Ólafsson, arkitekt og skipulagsfræðingur hefur gagnrýnt staðsetningu spítalans.Staðvalsgreining nauðsynleg Hann segir að þessi staðvalsgreining sé nauðsynleg. Ef niðurstaða hennar yrði sú að staðsetning á Hringbraut yrði sú besta þá hefði verið unnið faglega að undirbúningi þessa máls að mati Gests. „Það er eins og hagsmunaaðilar hafi bitið sig í þennan stað og síðan verði málinu ekki þokað,“ segir Gestur. Hann telur að það sé klárt mál að skammsýni og pólitísk vikt hagsmunaaðila hafi fengið að ráða ferðinni. Gestur segir enga sérfræðinga á borð við skipulagsfræðinga hafa komið að málinu. „Það er náttúrulega hægt að fá alla mögulega aðila til að hafa skoðun á þessu en ég held að nútíma þjóðfélag þurfi að nota tiltæka þekkingu. Það sem fer líka fyrir brjóstið á bæði mér og öðrum sem hafa komið á þessu máli og verið að benda á þetta, að vísvitandi er verið að plata Alþingi. Þarna eru 60 þúsund fermetrar af gömlu húsnæði sem verið er að endurnýja og það er verið að segja Alþingi að það kosti ekki nema hundrað þúsund kall að endurnýja þessa 60 þúsund fermetra. Það er bara gjörsamlega galið að bjóða Alþingi Íslendinga að bjóða upp á svona vinnubrögð,“ segir Gestur.Gunnar segir að margar úttektir hafi farið fram á staðsetningu LandpítalansHringbrautar verkefniðÚttektir hafa verið gerðar með tilliti til gagnrýni Gunnar Svavarsson er framkvæmdastjóri opinbera hlutafélagsins Nýr Landspítali sem stofnað var með lögum árið 2010. Hann segir það ekki rétt að ekki hafi verið framkvæmd staðvalsgreining. Hún hafi verið gerð í byrjun af verkfræðistofum þess tíma þegar umræður um nýjan Landspítala fóru af stað. Umræður um nýjan Landspítala eiga upptök sín árið 2002. Gunnar nefnir í samtali við Vísi að það hafi einnig verið gerðar úttektir á málinu þegar Kristján Þór Júlíusson var heilbrigðisráðherra og minnist hann sérstaklega á úttekt KPMG frá árinu 2015 þar sem komist var að ekki væri ástæða til að hverfa frá ákvörðun um staðsetninguna á Hringbraut. Sú greining hefði sérstaklega verið gerð vegna þeirrar gagnrýni sem staðsetning spítalans hafi fengið á sig. Gunnar segir þetta vera stórkostlegt fyrir sjúklinga, því verkefnið snúist um þá en ekki einungis staðarval eða umferð; þetta verði gríðarleg búbót og framför fyrir þjóðina. „Ýmsar greiningar og úttektir hafa verið framkvæmdar frá árinu 2002. Í þeim greiningum þar sem gerður hefur verið samanburður á staðsetningum með tilliti til hagkvæmni eða uppbyggingar hefur niðurstaðan ávallt orðið að hagkvæmast sé að byggja nýjan Landspítala við Hringbraut,“ segir meðal annars í skýrslu KPMG. „Umræðan um staðsetninguna er ekki upp á borðum í dag því verkefnið er komið það langt áfram auk þess að ríkisstjórnin er með þetta inni í stjórnarsáttmálanum og þingið hefur verið á bak við þetta undanfarin ár og áratug,“ segir Gunnar. Hér má sjá hluta af þeim rökum sem KPMG skoðuðu þegar skýrsla var gerð.skjáskotEkki einsdæmi Gunnar segir að það ekki sé einsdæmi að byggt sé upp við gamla spítala sem síðan þurfi viðhald. Það hafi verið gert víða um heim „Auðvitað snýst þetta um það, að það er verið að nýta þá fjárfestingu sem er fyrir hendi. Þó hún þurfi viðhald og annað þá ætlum við að það sé hægt að viðhalda byggingunni,“ segir Gunnar og nefnir að kostnaðaráætlun hafi verið unnin af norskum aðilum sem komist hafi að því að þetta væri besti kosturinn hvað fjármagn varðar. Stefnt er að því að elstu byggingarnar fái nýtt hlutverk þegar búið verði að fullbyggja á suðursvæðinu. Byrjað verður að byggja meðferðarkjarna á næsta ári. Það eigi að verða aðaleiningin í þessum nýja spítala. Þá verði sjúkrahótelið afhent á haustmánuðum miðað við nýjustu áætlanir. Aðspurður um viðhald annarra bygginga á svæðinu, til að mynda kvennadeildar, segir Gunnar það vera í höndum framkvæmdasviðs Landspítalans. Hann leggur áherslu á að hlutafélagið Nýr Landspítali sjái aðeins um nýju byggingarnar og sjái ekki um viðhaldið á eldri byggingum. Þeir sjái því um bílastæðahús, rannsóknarhús, sjúkrahótelið og meðferðarkjarnann.
Mest lesið „Hann tók algjörlega völdin yfir lífi mínu“ Innlent Kosningavaktin: Íslendingar ganga að kjörborðinu Innlent Þiggja milljónir í húsnæðisstyrk þótt þau búi nálægt Alþingi Innlent Þórdís svarar gagnrýni vegna húsnæðisstyrks Innlent Tveir á slysadeild í kjölfar bruna á Stuðlum Innlent Nokkrir foreldrar sóttu börn á lögreglustöð Innlent Vistmaður og starfsmaður Stuðla fluttir á bráðamóttöku Innlent Snorri vill leiða Miðflokkinn í Reykjavík Innlent Átti samtal við Höllu Hrund fyrir stjórnarslitin Innlent Grunaður um alvarlega líkamsárás gegn fyrrverandi sambýliskonu Innlent Fleiri fréttir Fluttur á spítala vegna alvarlegs efnabruna af völdum ætandi efnis Slátur og stuð í félagsheimilinu á Blönduósi Alma vill leiða Samfylkinguna í Kraganum Nektarmyndir gerðar óskýrar sjálfkrafa á Instagram Grunaður um alvarlega líkamsárás gegn fyrrverandi sambýliskonu Hannes snýr baki við Sjálfstæðisflokknum og fer fram fyrir Samfylkingu Átti samtal við Höllu Hrund fyrir stjórnarslitin Vendingar í pólitíkinni og áhrif frestunar bankasölu á markaðinn Guðmundur Árni hættur við og styður Ölmu Vistmaður og starfsmaður Stuðla fluttir á bráðamóttöku Bilun í brunaboða á Keflavíkurflugvelli Snorri vill leiða Miðflokkinn í Reykjavík Þórdís svarar gagnrýni vegna húsnæðisstyrks Slagurinn harðnar í Suðvestur hjá Sjálfstæðisflokki „Hann tók algjörlega völdin yfir lífi mínu“ Formaður Framsóknar segir ríkisstjórnina hafa talað sjálfa sig niður Tveir á slysadeild í kjölfar bruna á Stuðlum Nokkrir foreldrar sóttu börn á lögreglustöð „Það þarf að nýta auðlindir landsins, það er alveg ljóst“ Þiggja milljónir í húsnæðisstyrk þótt þau búi nálægt Alþingi Fleiri þvottavélar en pólitíkusar á skjánum vikuna fyrir kosningar Hefur sett saman um 100 módelbíla í Hveragerði Dæmi um að menntaðir kennarar nái ekki endum saman Óvænt og taktískt útspil Sigurðar Inga Páll Valur vill forystusæti fyrir Samfylkinguna í Suðurkjördæmi Fyrstu skoðanakannanir eftir stjórnarslit og öll auglýsingapláss uppbókuð Lætur af störfum sem bæjarstjóri Voga Vill leiða Viðreisn í Suðurkjördæmi Eldur kviknaði í bílskúr Helgi hættur á Heimildinni Sjá meira