Axel Íslandsmeistari í annað sinn eftir bráðabana Kristinn Páll Teitsson á Hvaleyrarvelli skrifar 23. júlí 2017 18:15 Axel Bóasson hefur tvisvar sinnum orðið Íslandsmeistari í golfi. vísir/andri marinó Axel Bóasson, kylfingur úr GK, varð í dag Íslandsmeistari í höggleik í karlaflokki á heimavelli sínum eftir bráðabana en ótrúleg fimm högga sveifla á lokaholunum sendi þetta í bráðabana þótt að Axel hafi leitt um tíma með sjö höggum. Er þetta í annað skiptið sem Axel verður Íslandsmeistari í höggleik en hann vann í fyrsta sinn í Leirunni árið 2011. Fór mótið fram á golfvelli Golfklúbbsins Keilis á þessu ári í tilefni fimmtíu ára afmæli klúbbsins en þetta er í þriðja skiptið sem mótið fer fram á þessum velli. Veðuraðstæður stríddu kylfingum framan af og fékk Axel líkt og allir í ráshóp hans skolla á annarri braut en hann svaraði með þremur fuglum og var ellefu höggum undir pari eftir níu holur. Var hann kominn með sex högga forskot á Harald Franklín á þeim tímapunkti. Slæmt upphafshögg á tólftu holu þýddi að hann tapaði höggi en þrátt fyrir það hélt hann góðu forskoti á þeim tímapunkti. Var það ekki fyrr en á sautjándu holu sem Haraldur náði að minnka forskotið niður í þrjú högg en það reyndist of seint. Upphafshögg Axels og Haralds kom þeim í smá vandræði á átjándu braut en innáhögg Axels fór í steinana og þurfti hann að slá út á braut aftur til að bjarga sér. Gaf það Haraldi líflínu á lokaholunni eftir að hafa verið fimm höggum eftir á þegar komið var á sautjándu braut. Á átjándu fór allt í bál og brand hjá Axeli en hann þurfti að slá úr steinatorfæru aftur inn á braut eftir slakt innáhögg og setti Haraldur pressu á hann með því að setja niður langt pútt fyrir fugli. Axel fékk færi á því að setja niður fyrir sigrinum en fór framhjá holu af 4 metra færi og þurfti því bráðabana til að knýja fram úrslitin. Haraldur byrjaði bráðabanann illa á því að fá skolla á 10. braut eftir að hafa farið í sandgryfjuna og fugl Axels á elleftu þýddi að aftur þurfti Haraldur að vinna upp forskot á lokaholunni. Þar lék Axel holuna af miklu öryggi og setti niður fyrir pari á meðan Haraldur fékk skolla og játaði sig sigraðan fyrir lokapúttið hjá Axeli. Fylgst var með Íslandsmótinu í golfi í beinni textalýsingu. Hana má lesa hér að neðan.
Axel Bóasson, kylfingur úr GK, varð í dag Íslandsmeistari í höggleik í karlaflokki á heimavelli sínum eftir bráðabana en ótrúleg fimm högga sveifla á lokaholunum sendi þetta í bráðabana þótt að Axel hafi leitt um tíma með sjö höggum. Er þetta í annað skiptið sem Axel verður Íslandsmeistari í höggleik en hann vann í fyrsta sinn í Leirunni árið 2011. Fór mótið fram á golfvelli Golfklúbbsins Keilis á þessu ári í tilefni fimmtíu ára afmæli klúbbsins en þetta er í þriðja skiptið sem mótið fer fram á þessum velli. Veðuraðstæður stríddu kylfingum framan af og fékk Axel líkt og allir í ráshóp hans skolla á annarri braut en hann svaraði með þremur fuglum og var ellefu höggum undir pari eftir níu holur. Var hann kominn með sex högga forskot á Harald Franklín á þeim tímapunkti. Slæmt upphafshögg á tólftu holu þýddi að hann tapaði höggi en þrátt fyrir það hélt hann góðu forskoti á þeim tímapunkti. Var það ekki fyrr en á sautjándu holu sem Haraldur náði að minnka forskotið niður í þrjú högg en það reyndist of seint. Upphafshögg Axels og Haralds kom þeim í smá vandræði á átjándu braut en innáhögg Axels fór í steinana og þurfti hann að slá út á braut aftur til að bjarga sér. Gaf það Haraldi líflínu á lokaholunni eftir að hafa verið fimm höggum eftir á þegar komið var á sautjándu braut. Á átjándu fór allt í bál og brand hjá Axeli en hann þurfti að slá úr steinatorfæru aftur inn á braut eftir slakt innáhögg og setti Haraldur pressu á hann með því að setja niður langt pútt fyrir fugli. Axel fékk færi á því að setja niður fyrir sigrinum en fór framhjá holu af 4 metra færi og þurfti því bráðabana til að knýja fram úrslitin. Haraldur byrjaði bráðabanann illa á því að fá skolla á 10. braut eftir að hafa farið í sandgryfjuna og fugl Axels á elleftu þýddi að aftur þurfti Haraldur að vinna upp forskot á lokaholunni. Þar lék Axel holuna af miklu öryggi og setti niður fyrir pari á meðan Haraldur fékk skolla og játaði sig sigraðan fyrir lokapúttið hjá Axeli. Fylgst var með Íslandsmótinu í golfi í beinni textalýsingu. Hana má lesa hér að neðan.
Golf Tengdar fréttir Valdís Þóra Íslandsmeistari í þriðja sinn Valdís Þóra Jónsdóttir, kylfingur úr GL, er Íslandsmeistari í höggleik í kvennaflokki í þriðja sinn á ferlinum eftir æsispennandi lokahring þar sem hún hafði betur gegn heimakonunni Guðrúnu Brá Björgvinsdóttur úr GK. 23. júlí 2017 17:01 Mest lesið Selfoss fór með sigur af hólmi á Laugardalsvelli Íslenski boltinn „Komnir með miklu fleiri stig en ég átti von á“ Handbolti Dortmund kom til baka á meðan AC Milan og Chelsea unnu örugga sigra Fótbolti Uppgjörið: Fram - Haukar 37-34 | Framarar gengu á lagið í síðari hálfleik Handbolti „Varnarleikurinn var skelfilegur” Handbolti FH á toppinn eftir sigur í Garðabæ Handbolti Virtist ætla að vaða í samherja sinn Fótbolti Tryggvi Snær í riðlakeppni Evrópubikarsins Körfubolti Efast um dugnað og hugarfar Rashford Enski boltinn Ísak Bergmann kom Düsseldorf til bjargar Fótbolti Fleiri fréttir Íslenskt hugvit á að umbylta golfheiminum LIV-kylfingar mega áfram taka þátt í Ryder-bikarnum og PGA-meistaramótinu Guðrún Brá í góðri stöðu eftir sinn besta árangur Berbrjósta kylfusveinar fagna sigri á kvennagolfmóti Tiger í enn eina bakaðgerðina Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sló golfhögg þótt að björninn væri að horfa á McIlroy grýtti kylfunni sinni út í vatn Rændur á flugvelli eftir bronsið á ÓL Ólympíumeistarinn í golfi fékk rúman milljarð í bónus Kylfingur í bann eftir fall á lyfjaprófi Hulda Clara kórónaði frábært sumar með sigri í Hvaleyrarbikarnum Stigameistarinn ræðst í keppni um bikar sem var hannaður í Japan Ósátt við að fá ekki að reykja á golfvellinum Dagbjartur fagnaði sigri í Einvíginu á Nesinu Grét þegar hann missti af medalíu og undanþágu frá herskyldu Einvígið á Nesinu fer fram í dag Scheffler Ólympíumeistari í golfi Íslendingur vinnur við að mynda Ólympíuleikana fyrir Frakkana Sjá meira
Valdís Þóra Íslandsmeistari í þriðja sinn Valdís Þóra Jónsdóttir, kylfingur úr GL, er Íslandsmeistari í höggleik í kvennaflokki í þriðja sinn á ferlinum eftir æsispennandi lokahring þar sem hún hafði betur gegn heimakonunni Guðrúnu Brá Björgvinsdóttur úr GK. 23. júlí 2017 17:01