Aðeins þrír leikmenn í ísraelsku deildinni skorað meira en Viðar

Viðar Örn Kjartansson var á skotskónum þegar Maccabi Tel Aviv vann öruggan 4-1 sigur á H. Raanana í ísraelsku úrvalsdeildinni í kvöld.

Viðar skoraði fjórða mark Maccabi á 69. mínútu.

Þetta var sjöunda mark Viðars í 14 deildarleikjum fyrir félagið. Aðeins þrír leikmenn hafa skorað fleiri mörk en hann í ísraelsku deildinni í vetur.

Maccabi er í 2. sæti deildarinnar með 31 stig, átta stigum á eftir toppliði Hapoel Be'er Sheva.

Næsti leikur Viðars og félaga er gegn Hapoel Tel Aviv á mánudaginn.