Körlunum ekki sama um skeggið Ragnheiður Tryggvadóttir skrifar 9. febrúar 2017 14:00 Pámar Magnússon skipti úr málmsmíði og logsuðu yfir í hár- og skeggsnyrtingu og sér ekki eftir því. Hann hlaut viðurkenningu Iðnaðarmannafélagsins í Reykjavík fyrir framúrskarandi árangur á sveinsprófi. Pálmar Magnússon hársnyrtir hlaut viðurkenningu á árlegri nýsveinahátíð Iðnaðarmannafélagsins í Reykjavík síðastliðinn laugardag. Hann fann sína hillu í skeggsnyrtingu og herraklippingum eftir að hafa lært logsuðu og málmsmíði. Hann segir skeggjaða karlmenn hafa miklar skoðanir á skegginu á sér.„Ég tók hressilega U-beygju þegar ég fór í hárgreiðsluna en ég byrjaði á að taka grunndeild málmiðna í Verkmenntaskóla Akureyrar. Eftir hana ætlaði ég í gullsmíði en komst ekki að og tók mér þá frí frá skóla í eitt ár. Ég hafði alltaf haft áhuga á hárgreiðslu en þegar farið var að ýta á mig að læra þá iðn var ég samt ekkert alveg á því, þurfti að eiga við smá fordóma hjá sjálfum mér út af einsleitri umræðunni um að allir karlmenn í hárgreiðsluiðn séu hommar. Það er auðvitað bara kjaftæði,“ segir Pálmar létt. Hann sér ekki eftir þeirri U-beygju enda hlaut hann viðurkenningu fyrir framúrskarandi árangur á sveinsprófi hjá Iðnaðarmannafélaginu í Reykjavík um liðna helgi. Hann hafi sannarlega fundið sína hillu á Rakarastofu Akureyrar þar sem hann klippir karla og snyrtir skegg. Það sé alls ekki einhæft starf að klippa karla þó flestir þeirra vilji tiltölulega einfalda klippingu.Pálmar segir að stíga þurfi varlega til jarðar í kringum karlmenn þegar kemur að skeggsnyrtingu. „Skeggjaðir karlmenn hugsa mjög mikið um skeggið á sér og er alls ekki sama hvernig það er snyrt.“ Mynd/Auðunn Níelsson„Herraklippingar eru kannski aðeins einfaldari en dömuklippingar, eða kannski má segja að það sé einfaldara að díla við karlana. Þeir vilja „bara fá klippingu“ meðan miklu meiri hugsun er yfirleitt á bak við klippingu hjá konum,“ segir hann sposkur. Þegar kemur að skeggsnyrtingu þurfi þó að stíga varlega til jarðar kringum karlmenn. „Skeggjaðir karlmenn hugsa mjög mikið um skeggið á sér og er alls ekki sama hvernig það er snyrt. Þegar stelpurnar eru að safna hári má varla taka einn sentimetra af því, þá er það „of mikið“. Þessu er alveg eins með karlana, þeim finnst einn sentimetri allt of mikið þegar þeir eru að safna skeggi og hafa miklar skoðanir á hvernig á að gera þetta,“ segir Pálmar. „En það verður að snyrta skegg, annars verður það ekki fallegt. Auðvitað spá margir strákar mikið í hártísku og ungir strákar fylgjast vel með því hvað til dæmis Ronaldo gerir við hárið á sér. Eins og ég á þeirra aldri fylgdist með hárinu á David Beckham. Ég hafði alltaf skoðanir á því hvernig hárið á mér átti að vera. Maður var að setja í sig strípur og var alltaf með gel í hárinu. Beckham er reyndar enn þá leiðandi í hártískunni í dag.“Hefurðu gefið gullsmíðina upp á bátinn? „Ég bý að gullsmíðaáfanganum sem kenndur var í málmiðninni á sínum tíma. Ég er búinn að koma mér upp aðstöðu heima hjá mér og sinni þessu sem áhugamáli. Enda á maður víst aldrei að læra áhugamálið, þá fær maður leiða á því.“ Tíska og hönnun Mest lesið Fundu ástina á ný eftir skilnað Lífið Sóldís Vala er Ungfrú Ísland Lífið Dró Antonio grunlausan með sér í Gamla bíó Lífið Sunneva og Tanja ræða lýtaaðgerðirnar sínar Lífið Ungfrú Ísland í beinni útsendingu Lífið Forsetagæinn hyggst hlaupa sitt lengsta hlaup til þessa Lífið Borgaði tvöfalt meira fyrir miklu minna Lífið Sjáðu myndirnar frá Ungfrú Ísland Lífið Búið spil Lífið Fimm ákærðir í tengslum við andlát Perry Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira
Pálmar Magnússon hársnyrtir hlaut viðurkenningu á árlegri nýsveinahátíð Iðnaðarmannafélagsins í Reykjavík síðastliðinn laugardag. Hann fann sína hillu í skeggsnyrtingu og herraklippingum eftir að hafa lært logsuðu og málmsmíði. Hann segir skeggjaða karlmenn hafa miklar skoðanir á skegginu á sér.„Ég tók hressilega U-beygju þegar ég fór í hárgreiðsluna en ég byrjaði á að taka grunndeild málmiðna í Verkmenntaskóla Akureyrar. Eftir hana ætlaði ég í gullsmíði en komst ekki að og tók mér þá frí frá skóla í eitt ár. Ég hafði alltaf haft áhuga á hárgreiðslu en þegar farið var að ýta á mig að læra þá iðn var ég samt ekkert alveg á því, þurfti að eiga við smá fordóma hjá sjálfum mér út af einsleitri umræðunni um að allir karlmenn í hárgreiðsluiðn séu hommar. Það er auðvitað bara kjaftæði,“ segir Pálmar létt. Hann sér ekki eftir þeirri U-beygju enda hlaut hann viðurkenningu fyrir framúrskarandi árangur á sveinsprófi hjá Iðnaðarmannafélaginu í Reykjavík um liðna helgi. Hann hafi sannarlega fundið sína hillu á Rakarastofu Akureyrar þar sem hann klippir karla og snyrtir skegg. Það sé alls ekki einhæft starf að klippa karla þó flestir þeirra vilji tiltölulega einfalda klippingu.Pálmar segir að stíga þurfi varlega til jarðar í kringum karlmenn þegar kemur að skeggsnyrtingu. „Skeggjaðir karlmenn hugsa mjög mikið um skeggið á sér og er alls ekki sama hvernig það er snyrt.“ Mynd/Auðunn Níelsson„Herraklippingar eru kannski aðeins einfaldari en dömuklippingar, eða kannski má segja að það sé einfaldara að díla við karlana. Þeir vilja „bara fá klippingu“ meðan miklu meiri hugsun er yfirleitt á bak við klippingu hjá konum,“ segir hann sposkur. Þegar kemur að skeggsnyrtingu þurfi þó að stíga varlega til jarðar kringum karlmenn. „Skeggjaðir karlmenn hugsa mjög mikið um skeggið á sér og er alls ekki sama hvernig það er snyrt. Þegar stelpurnar eru að safna hári má varla taka einn sentimetra af því, þá er það „of mikið“. Þessu er alveg eins með karlana, þeim finnst einn sentimetri allt of mikið þegar þeir eru að safna skeggi og hafa miklar skoðanir á hvernig á að gera þetta,“ segir Pálmar. „En það verður að snyrta skegg, annars verður það ekki fallegt. Auðvitað spá margir strákar mikið í hártísku og ungir strákar fylgjast vel með því hvað til dæmis Ronaldo gerir við hárið á sér. Eins og ég á þeirra aldri fylgdist með hárinu á David Beckham. Ég hafði alltaf skoðanir á því hvernig hárið á mér átti að vera. Maður var að setja í sig strípur og var alltaf með gel í hárinu. Beckham er reyndar enn þá leiðandi í hártískunni í dag.“Hefurðu gefið gullsmíðina upp á bátinn? „Ég bý að gullsmíðaáfanganum sem kenndur var í málmiðninni á sínum tíma. Ég er búinn að koma mér upp aðstöðu heima hjá mér og sinni þessu sem áhugamáli. Enda á maður víst aldrei að læra áhugamálið, þá fær maður leiða á því.“
Tíska og hönnun Mest lesið Fundu ástina á ný eftir skilnað Lífið Sóldís Vala er Ungfrú Ísland Lífið Dró Antonio grunlausan með sér í Gamla bíó Lífið Sunneva og Tanja ræða lýtaaðgerðirnar sínar Lífið Ungfrú Ísland í beinni útsendingu Lífið Forsetagæinn hyggst hlaupa sitt lengsta hlaup til þessa Lífið Borgaði tvöfalt meira fyrir miklu minna Lífið Sjáðu myndirnar frá Ungfrú Ísland Lífið Búið spil Lífið Fimm ákærðir í tengslum við andlát Perry Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira