Tíu ár frá fyrstu tónleikum: Stundum tekur spuninn og bullið í okkur völdin og þá er fjandinn laus, Guðrún Jóna Stefánsdóttir skrifar 27. janúar 2017 10:45 Vinirnir Halli og Gói halda leikhústónleika á Hard Rock Café í kvöld. Vísir/Eyþór „Það verður mikið stuð, við Gói ætlum að flytja lög úr leikritum og söngleikjum ásamt því að bulla almennt á milli laga, tónleikarnir verða haldnir í Hard Rock Café í glænýjum sal,“ segir leikarinn Hallgrímur Ólafsson, en hann og Guðjón Davíð Karlsson halda leikhústónleika í kvöld. Vinirnir eru að taka upp þráðinn á nýjan leik en þeir fluttu svipað prógramm þegar þeir störfuðu saman hjá Leikfélagi Akureyrar fyrir um tíu árum. „Þetta byrjaði fyrir tíu árum þegar við vorum báðir að leika hjá Leikfélagi Akureyrar. Eitt af mörgum verkefnum okkar þar var að leiklesa leikritið Ævintýri á gönguför, sem er danskt leikrit sem fyrst var sýnt hér 1882. Þetta er ansi skemmtilegt leikrit og þar er lag sem heitir Ég vil fá mér kærustu. Við félagarnir fórum að ræða hvað væri mikið af skemmtilegum lögum sem væru vinsæl, eins og þetta lag sem hljómsveitin Hjálmar var þá nýbúin að gefa út, en fáir vissu að væri úr leikriti,“ útskýrir Halli. Ævintýrið hófst á Græna hattinum á Akureyri og fjöldi fólks mætti til að skemmta sér með strákunum en gleðin var við völd öll kvöld sem þeir komu saman.Halli og Gói skemmta Skagamönnum á Akranesi í nóvember á síðasta ári. Mynd/Halli„Við smöluðum saman í hljómsveit og héldum tónleika á Græna hattinum. Við höfðum svo gaman af þessu að við gerðum þetta nokkrum sinnum og alltaf fylltist kofinn. Við fórum svo báðir að vinna hér í Reykjavík og þá liðu alltaf nokkrir mánuðir á milli gigga. Nú í nóvember ákváðum við að dusta rykið af þessu og spiluðum fyrir troðfullu húsi á Akranesi,“ segir Halli og bætir við að núna ætli þeir að blása lífi í þetta prógramm í Reykjavík. Í kvöld koma strákarnir fram ásamt stórri hljómsveit, en hljómsveitina skipa Þorgils Björgvinsson á gítar, Sigurþór Þorgilsson á bassa, Birgir Þórisson á píanó og Jón Borgar Loftsson á trommur. „Það er óhætt að segja að við erum rosa spenntir. Með okkur er frábært band og hver veit nema Magnús Magnús Magnússon komi og taki víkingaklappið svona til að kóróna kvöldið,“ segir Halli léttur, en þess má geta að í síðasta áramótaskaupi lék hann eftirminnilegan stuðningsmann íslenska landsliðsins í fótbolta sem bar nafnið Magnús Magnús Magnússon og sló rækilega í gegn. En hvernig verður prógrammið í kvöld? „Það verður virkilega skemmtilegt og þétt prógramm sem samanstendur af lögum sem við höfum sungið í leikritum og söngleikjum og lögum sem okkur hefur alltaf langað að syngja. Svo segjum við sögur og sprellum á milli laga. Aðalatriðið er að hafa gaman,“ segir Halli. Spurður út í hvernig æfingaferlið hefur gengið samhliða æfingum á Fjarskalandi, nýju barnaleikriti eftir Góa, sem frumsýnt var í Þjóðleikhúsinu um síðustu helgi segir Halli að það hafi gengið vel. „Það gekk bara vel, þetta prógramm var náttúrulega til í grunninn svo við þurftum bara að dusta rykið af því og fínpússa. En svo vitum við náttúrulega ekkert hvað gerist, stundum tekur spuninn og bullið í okkur völdin og þá er fjandinn laus, skemmtilegur fjandi samt sem áður,“ segir Halli hress. Menning Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Dóttir Snæfríðar og Högna komin með nafn Lífið Fréttatía vikunnar: Vindmyllur, tannlæknar og fegurðardrottningar Lífið Ekki búið spil Lífið Randy er litríkasti gaurinn í hinni geggjuðu Pittsburgh Lífið Sjáðu myndirnar frá Ungfrú Ísland Lífið „Klæddu þig eftir veðri, ekki verði“ Tíska og hönnun Dró Antonio grunlausan með sér í Gamla bíó Lífið Búið spil Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
„Það verður mikið stuð, við Gói ætlum að flytja lög úr leikritum og söngleikjum ásamt því að bulla almennt á milli laga, tónleikarnir verða haldnir í Hard Rock Café í glænýjum sal,“ segir leikarinn Hallgrímur Ólafsson, en hann og Guðjón Davíð Karlsson halda leikhústónleika í kvöld. Vinirnir eru að taka upp þráðinn á nýjan leik en þeir fluttu svipað prógramm þegar þeir störfuðu saman hjá Leikfélagi Akureyrar fyrir um tíu árum. „Þetta byrjaði fyrir tíu árum þegar við vorum báðir að leika hjá Leikfélagi Akureyrar. Eitt af mörgum verkefnum okkar þar var að leiklesa leikritið Ævintýri á gönguför, sem er danskt leikrit sem fyrst var sýnt hér 1882. Þetta er ansi skemmtilegt leikrit og þar er lag sem heitir Ég vil fá mér kærustu. Við félagarnir fórum að ræða hvað væri mikið af skemmtilegum lögum sem væru vinsæl, eins og þetta lag sem hljómsveitin Hjálmar var þá nýbúin að gefa út, en fáir vissu að væri úr leikriti,“ útskýrir Halli. Ævintýrið hófst á Græna hattinum á Akureyri og fjöldi fólks mætti til að skemmta sér með strákunum en gleðin var við völd öll kvöld sem þeir komu saman.Halli og Gói skemmta Skagamönnum á Akranesi í nóvember á síðasta ári. Mynd/Halli„Við smöluðum saman í hljómsveit og héldum tónleika á Græna hattinum. Við höfðum svo gaman af þessu að við gerðum þetta nokkrum sinnum og alltaf fylltist kofinn. Við fórum svo báðir að vinna hér í Reykjavík og þá liðu alltaf nokkrir mánuðir á milli gigga. Nú í nóvember ákváðum við að dusta rykið af þessu og spiluðum fyrir troðfullu húsi á Akranesi,“ segir Halli og bætir við að núna ætli þeir að blása lífi í þetta prógramm í Reykjavík. Í kvöld koma strákarnir fram ásamt stórri hljómsveit, en hljómsveitina skipa Þorgils Björgvinsson á gítar, Sigurþór Þorgilsson á bassa, Birgir Þórisson á píanó og Jón Borgar Loftsson á trommur. „Það er óhætt að segja að við erum rosa spenntir. Með okkur er frábært band og hver veit nema Magnús Magnús Magnússon komi og taki víkingaklappið svona til að kóróna kvöldið,“ segir Halli léttur, en þess má geta að í síðasta áramótaskaupi lék hann eftirminnilegan stuðningsmann íslenska landsliðsins í fótbolta sem bar nafnið Magnús Magnús Magnússon og sló rækilega í gegn. En hvernig verður prógrammið í kvöld? „Það verður virkilega skemmtilegt og þétt prógramm sem samanstendur af lögum sem við höfum sungið í leikritum og söngleikjum og lögum sem okkur hefur alltaf langað að syngja. Svo segjum við sögur og sprellum á milli laga. Aðalatriðið er að hafa gaman,“ segir Halli. Spurður út í hvernig æfingaferlið hefur gengið samhliða æfingum á Fjarskalandi, nýju barnaleikriti eftir Góa, sem frumsýnt var í Þjóðleikhúsinu um síðustu helgi segir Halli að það hafi gengið vel. „Það gekk bara vel, þetta prógramm var náttúrulega til í grunninn svo við þurftum bara að dusta rykið af því og fínpússa. En svo vitum við náttúrulega ekkert hvað gerist, stundum tekur spuninn og bullið í okkur völdin og þá er fjandinn laus, skemmtilegur fjandi samt sem áður,“ segir Halli hress.
Menning Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Dóttir Snæfríðar og Högna komin með nafn Lífið Fréttatía vikunnar: Vindmyllur, tannlæknar og fegurðardrottningar Lífið Ekki búið spil Lífið Randy er litríkasti gaurinn í hinni geggjuðu Pittsburgh Lífið Sjáðu myndirnar frá Ungfrú Ísland Lífið „Klæddu þig eftir veðri, ekki verði“ Tíska og hönnun Dró Antonio grunlausan með sér í Gamla bíó Lífið Búið spil Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira