Arsenal á engin svör gegn City Ástrós Ýr Eggertsdóttir skrifar 1. mars 2018 21:45 Úr leik liðanna um síðustu helgi. vísir/getty Manchester City kláraði Arsenal á hálftíma á Emirates vellinum í kvöld í lokaleik 28. umferðar ensku úrvalsdeildarinnar. Bernando Silva kom City yfir eftir korter, David Silva tvöfaldaði forystuna á 28. mínútu og aðeins fimm mínútum síðar skoraði Leroy Sane þriðja markið. Með þessum mörkum varð Manchester City fyrsta liðið til þess að komast í 3-0 á útivelli frá stofnun ensku úrvalsdeildarinnar. Þetta er í annað sinn sem City gengur auðveldlega frá Arsenal á stuttum tíma, en sömu úrslit urðu í viðureign þessara liða í úrslitum deildarbikarsins á sunnudaginn. Arsenal kom aðeins til baka í seinni hálfleik en náði ekki að klóra í bakkann, þrátt fyrir að Pierre-Emerick Aubameyang hafi fengið gullið tækifæri þegar Arsenal fékk vítaspyrnu snemma í seinni hálfleiknum en hann brenndi af spyrnunni. City er nú komið aftur með 16 stiga forskot í ensku úrvalsdeildinni þegar 10 umferðir eru eftir. Enski boltinn
Manchester City kláraði Arsenal á hálftíma á Emirates vellinum í kvöld í lokaleik 28. umferðar ensku úrvalsdeildarinnar. Bernando Silva kom City yfir eftir korter, David Silva tvöfaldaði forystuna á 28. mínútu og aðeins fimm mínútum síðar skoraði Leroy Sane þriðja markið. Með þessum mörkum varð Manchester City fyrsta liðið til þess að komast í 3-0 á útivelli frá stofnun ensku úrvalsdeildarinnar. Þetta er í annað sinn sem City gengur auðveldlega frá Arsenal á stuttum tíma, en sömu úrslit urðu í viðureign þessara liða í úrslitum deildarbikarsins á sunnudaginn. Arsenal kom aðeins til baka í seinni hálfleik en náði ekki að klóra í bakkann, þrátt fyrir að Pierre-Emerick Aubameyang hafi fengið gullið tækifæri þegar Arsenal fékk vítaspyrnu snemma í seinni hálfleiknum en hann brenndi af spyrnunni. City er nú komið aftur með 16 stiga forskot í ensku úrvalsdeildinni þegar 10 umferðir eru eftir.