Með rúmlega tvær milljónir á mánuði Hörður Ægisson skrifar 12. apríl 2018 08:00 Stefnir, sem er dótturfélag Arions-banka, borgar hæstu launin á meðal stærstu sjóðastýringarfyrirtækja landsins. VÍSIR/PJETUR Meðallaun starfsmanna Stefnis, dótturfélags Arion banka og stærsta sjóðastýringarfyrirtækis landsins, námu tæplega 2.100 þúsundum króna á mánuði í fyrra og hækkuðu um 13 prósent á milli ára. Af stærstu sjóðastýringarfélögunum greiddi Stefnir sem fyrr hæstu launin á síðasta ári en laun starfsmanna GAMMA Capital Management hækkuðu hins vegar mest, eða um 327 þúsund krónur á mánuði, og voru þau að meðaltali um 1.716 þúsund. Í prósentum talið hækkuðu laun starfsmanna félagsins, en fjöldi þeirra var að meðaltali 22 á árinu, því um 23,5 prósent á árinu. Launagreiðslur til starfsmanna Íslandssjóða og Landsbréfa, dótturfélaga Íslandsbanka og Landsbankans, voru að meðaltali um 1.670 þúsund krónur á mánuði á liðnu ári, eða um 400 þúsundum lægri en hjá Stefni. Á meðan laun starfsmanna Landsbréfa hækkuðu að jafnaði um 5 prósent í fyrra lækkuðu þau um 4,7 prósent í tilfelli Íslandssjóða en það skýrist að hluta til vegna starfslokasamnings við fyrrverandi framkvæmdastjóra félagsins sem var gjaldfærður á árinu 2016. Starfsmenn Júpíters rekstrarfélags, dótturfélags Kviku banka, voru hins vegar með næsthæstu launin á meðal helstu sjóðastýringarfyrirtækja landsins. Námu þau að meðaltali nærri 1.900 þúsundum króna í fyrra og hækkuðu um rúmlega 100 þúsund á milli ára. Upplýsingar um launagreiðslur fyrirtækjanna byggja á nýbirtum ársreikningum þeirra um heildarlaun og meðalfjölda starfsmanna á árinu 2017. Í einhverjum tilfellum, meðal annars hjá Stefni, innihalda þær greiðslur kaupauka sem stjórnendur og lykilstarfsmenn félaganna fengu í sinn hlut í fyrra. Hagnaðurinn jókst mikið í fyrra Sjóðastýringarfélög stóru bankanna eru hvað umsvifamest á eignastýringarmarkaði og voru þau með eignir í stýringu upp á samanlagt um 760 milljarða í árslok 2017. Sé hins vegar einnig tekið tillit til Júpíters og GAMMA eru þessi fimm stærstu sjóðastýringarfyrirtæki landsins með um 970 milljarða eignir í stýringu. Íslandsbanki og Landsbankinn eru eins og kunnugt er í eigu íslenska ríkisins. Þrátt fyrir að eignir í stýringu Stefnis hafi minnkað um liðlega 60 milljarða á árinu, meðal annars vegna innlausna lífeyrissjóða, þá er félagið með nærri 350 milljarða í stýringu og nam hagnaður þess 1.680 milljónum í fyrra og næstum tvöfaldaðist á milli ára. Afkoma Landsbréfa batnaði einnig umtalsvert á síðasta ári, einkum vegna árangurstengdra þóknana af rekstri framtakssjóða, þar sem hagnaðurinn jókst um rúmlega 400 milljónir og var samtals 1.113 milljónir. Hagnaður Íslandssjóða var 183 milljónir borið saman við 97 milljóna hagnað árið áður. Júpíter skilaði um 59 milljóna króna hagnaði í fyrra og tvöfaldaðist hann á milli ára. Eignir í stýringu voru rúmlega 70 milljarðar í árslok, borið saman við 31 milljarð árið áður, en sú aukning skýrist einkum af sameiningu við sjóði sem áður voru í stýringu Virðingar og Öldu en félögin voru yfirtekin af Kviku banka á árinu. Á sama tíma og meðallaun starfsmanna GAMMA hækkuðu verulega á síðasta ári versnaði afkoma félagsins aftur á móti og dróst hagnaðurinn saman um rúmlega fjórðung og var tæplega 626 milljónir. Námu eignir í stýringu GAMMA 139 milljörðum í árslok. Á undanförnum árum hefur verið hvað mest launaskrið á meðal sjóðastýringarfélaganna hjá Stefni. Meðalmánaðarlaun starfsmanna Stefnis námu þannig um 820 þúsundum króna á árinu 2009 og hafa þau því hækkað um liðlega 155 prósent á síðustu átta árum. Á sama tíma hefur almenn launavísitala hækkað um rúmlega 60 prósent. Þá eru meðallaun starfsmanna í stærstu sjóðastýringarfyrirtækjum landsins töluvert hærri en almennt þekkist innan fjármálageirans. Heildarlaun í fjármála- og vátryggingarstarfsemi voru að meðaltali um 893 þúsund krónur á mánuði á árinu 2016, samkvæmt tölum frá Hagstofu Íslands, en ekki hafa verið birtar tölur fyrir árið 2017. Birtist í Fréttablaðinu Kjaramál Mest lesið Kaupsamningur undirritaður um Grósku Viðskipti innlent Ísfélagið greiðir út tveggja milljarða arð Viðskipti innlent Frumkvöðlar í áratugi: „Launalaus sjálfboðavinna fyrstu árin“ Atvinnulíf Gefur eftir í tollastríði við Kína Viðskipti erlent Breyta Kaffi Kjós í íbúðarhús Viðskipti innlent Nova eignast tuttugu prósenta hlut í Dineout Viðskipti innlent Munu opna tvö Starbucks-kaffihús í miðborginni Viðskipti innlent Nýjar íbúðir seljast verr en aðrar vegna stærðar Viðskipti innlent Reynst betur að kaupa fasteign en hlutabréf Viðskipti innlent Ætlar að einbeita sér að Tesla eftir slæmt uppgjör Viðskipti erlent Fleiri fréttir Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Nýjar íbúðir seljast verr en aðrar vegna stærðar Bærinn vildi húsið en þurfti svo að borga tvöfalt meira Aðalgeir frá Lucinity til Símans Latabæjarnammið vel þekkt um allan heim Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Þriggja ára fangelsi og tveggja milljarða sekt Stofnandinn búinn að eignast Mandi á ný Matvælastofnun gerir ekki athugsemdir við kjötvinnslu í Álfabakka Íslandshótel taka að óbreyttu yfir rekstur Nordica og Natura Ánægjulegt að breið sátt liggi fyrir um uppgjör vegna ÍL-sjóðs Hafa samþykkt tillögu um uppgjör ríkisins á bréfum ÍL-sjóðs Icelandair skrúfar fyrir fría gosið Sjá meira
Meðallaun starfsmanna Stefnis, dótturfélags Arion banka og stærsta sjóðastýringarfyrirtækis landsins, námu tæplega 2.100 þúsundum króna á mánuði í fyrra og hækkuðu um 13 prósent á milli ára. Af stærstu sjóðastýringarfélögunum greiddi Stefnir sem fyrr hæstu launin á síðasta ári en laun starfsmanna GAMMA Capital Management hækkuðu hins vegar mest, eða um 327 þúsund krónur á mánuði, og voru þau að meðaltali um 1.716 þúsund. Í prósentum talið hækkuðu laun starfsmanna félagsins, en fjöldi þeirra var að meðaltali 22 á árinu, því um 23,5 prósent á árinu. Launagreiðslur til starfsmanna Íslandssjóða og Landsbréfa, dótturfélaga Íslandsbanka og Landsbankans, voru að meðaltali um 1.670 þúsund krónur á mánuði á liðnu ári, eða um 400 þúsundum lægri en hjá Stefni. Á meðan laun starfsmanna Landsbréfa hækkuðu að jafnaði um 5 prósent í fyrra lækkuðu þau um 4,7 prósent í tilfelli Íslandssjóða en það skýrist að hluta til vegna starfslokasamnings við fyrrverandi framkvæmdastjóra félagsins sem var gjaldfærður á árinu 2016. Starfsmenn Júpíters rekstrarfélags, dótturfélags Kviku banka, voru hins vegar með næsthæstu launin á meðal helstu sjóðastýringarfyrirtækja landsins. Námu þau að meðaltali nærri 1.900 þúsundum króna í fyrra og hækkuðu um rúmlega 100 þúsund á milli ára. Upplýsingar um launagreiðslur fyrirtækjanna byggja á nýbirtum ársreikningum þeirra um heildarlaun og meðalfjölda starfsmanna á árinu 2017. Í einhverjum tilfellum, meðal annars hjá Stefni, innihalda þær greiðslur kaupauka sem stjórnendur og lykilstarfsmenn félaganna fengu í sinn hlut í fyrra. Hagnaðurinn jókst mikið í fyrra Sjóðastýringarfélög stóru bankanna eru hvað umsvifamest á eignastýringarmarkaði og voru þau með eignir í stýringu upp á samanlagt um 760 milljarða í árslok 2017. Sé hins vegar einnig tekið tillit til Júpíters og GAMMA eru þessi fimm stærstu sjóðastýringarfyrirtæki landsins með um 970 milljarða eignir í stýringu. Íslandsbanki og Landsbankinn eru eins og kunnugt er í eigu íslenska ríkisins. Þrátt fyrir að eignir í stýringu Stefnis hafi minnkað um liðlega 60 milljarða á árinu, meðal annars vegna innlausna lífeyrissjóða, þá er félagið með nærri 350 milljarða í stýringu og nam hagnaður þess 1.680 milljónum í fyrra og næstum tvöfaldaðist á milli ára. Afkoma Landsbréfa batnaði einnig umtalsvert á síðasta ári, einkum vegna árangurstengdra þóknana af rekstri framtakssjóða, þar sem hagnaðurinn jókst um rúmlega 400 milljónir og var samtals 1.113 milljónir. Hagnaður Íslandssjóða var 183 milljónir borið saman við 97 milljóna hagnað árið áður. Júpíter skilaði um 59 milljóna króna hagnaði í fyrra og tvöfaldaðist hann á milli ára. Eignir í stýringu voru rúmlega 70 milljarðar í árslok, borið saman við 31 milljarð árið áður, en sú aukning skýrist einkum af sameiningu við sjóði sem áður voru í stýringu Virðingar og Öldu en félögin voru yfirtekin af Kviku banka á árinu. Á sama tíma og meðallaun starfsmanna GAMMA hækkuðu verulega á síðasta ári versnaði afkoma félagsins aftur á móti og dróst hagnaðurinn saman um rúmlega fjórðung og var tæplega 626 milljónir. Námu eignir í stýringu GAMMA 139 milljörðum í árslok. Á undanförnum árum hefur verið hvað mest launaskrið á meðal sjóðastýringarfélaganna hjá Stefni. Meðalmánaðarlaun starfsmanna Stefnis námu þannig um 820 þúsundum króna á árinu 2009 og hafa þau því hækkað um liðlega 155 prósent á síðustu átta árum. Á sama tíma hefur almenn launavísitala hækkað um rúmlega 60 prósent. Þá eru meðallaun starfsmanna í stærstu sjóðastýringarfyrirtækjum landsins töluvert hærri en almennt þekkist innan fjármálageirans. Heildarlaun í fjármála- og vátryggingarstarfsemi voru að meðaltali um 893 þúsund krónur á mánuði á árinu 2016, samkvæmt tölum frá Hagstofu Íslands, en ekki hafa verið birtar tölur fyrir árið 2017.
Birtist í Fréttablaðinu Kjaramál Mest lesið Kaupsamningur undirritaður um Grósku Viðskipti innlent Ísfélagið greiðir út tveggja milljarða arð Viðskipti innlent Frumkvöðlar í áratugi: „Launalaus sjálfboðavinna fyrstu árin“ Atvinnulíf Gefur eftir í tollastríði við Kína Viðskipti erlent Breyta Kaffi Kjós í íbúðarhús Viðskipti innlent Nova eignast tuttugu prósenta hlut í Dineout Viðskipti innlent Munu opna tvö Starbucks-kaffihús í miðborginni Viðskipti innlent Nýjar íbúðir seljast verr en aðrar vegna stærðar Viðskipti innlent Reynst betur að kaupa fasteign en hlutabréf Viðskipti innlent Ætlar að einbeita sér að Tesla eftir slæmt uppgjör Viðskipti erlent Fleiri fréttir Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Nýjar íbúðir seljast verr en aðrar vegna stærðar Bærinn vildi húsið en þurfti svo að borga tvöfalt meira Aðalgeir frá Lucinity til Símans Latabæjarnammið vel þekkt um allan heim Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Þriggja ára fangelsi og tveggja milljarða sekt Stofnandinn búinn að eignast Mandi á ný Matvælastofnun gerir ekki athugsemdir við kjötvinnslu í Álfabakka Íslandshótel taka að óbreyttu yfir rekstur Nordica og Natura Ánægjulegt að breið sátt liggi fyrir um uppgjör vegna ÍL-sjóðs Hafa samþykkt tillögu um uppgjör ríkisins á bréfum ÍL-sjóðs Icelandair skrúfar fyrir fría gosið Sjá meira