Twitter í fyrri hálfleik: „Sver það eru 6klst síðan leikurinn byrjaði“

Staðan í hálfleik í leik Íslands og Argentínu á HM í Rússlandi er 1-1 eftir jöfnunarmark Alfreðs Finnbogasonar. Íslendingar eru nær allir límdir við skjáinn og láta vel í sér heyra á samfélagsmiðlum.

Twitter hefur verið afar líflegt yfir leiknum og eru flestir á því að þetta sé einn mest taugatrekkjandi tími sem þeir hafa upplifað.

Horfi með geðlækni og hjartalækni og hef aldrei tekið jafn góða ákvörðun í lífinu og þegar ég bauð þeim heim #hmruv#fyrirIsland#ArgISL

— Fanney Birna (@fanneybj) June 16, 2018

Er leikklukkan eitthvað biluð? Ég sver að það eru 6 klst síðan leikurinn byrjaði #fotbolti#HMruv

— Halldór Þór Halldórs (@Doraldiniho) June 16, 2018

Er með sérmenntaðann endurlífgunar hjúkrunarfræðing í húsinu. Vona að ég þurfi ekki á honum að halda fljótlega. #FyrirÍsland#fotboltinet#ARGISL#ARGICE

— Daniel Scheving (@dscheving) June 16, 2018

Seint í fyrri hálfleiknum voru Argentínumenn brjálaðir og vildu fá vítaspyrnu þegar boltinn fór jú vissulega í hendina á Ragnari Sigurðssyni innan vítateigs. Dómari leiksins dæmdi þó ekkert.

Aldrei víti. Hendur í nátturulegri stóðu og boltinn hrekkur af fótunum upp í hendi

— Einar Gudnason (@EinarGudna) June 16, 2018

Nú þurfa menn að VARa sig.

— Tómas Þór Þórðarson (@tomthordarson) June 16, 2018

Hönd Guðs! #fyrirísland#argisl#hmruv#fotboltinet

— Björn R Halldórsson (@bjornreynir) June 16, 2018

Fun fact; Dómari leiksins Szymon Marciniak á frænku sem býr í Bolungarvík #hmruv#FyrirIsland#ISL#ARGISL

— Guðbjörg Stefanía (@guggastebba) June 16, 2018

Dómarinn kom einnig við sögu aðeins fyrr í hálfleiknum þegar hann steig aftan á hæl Arons Einars Gunnarssonar og hjarta allra Íslendinga hætti að slá í augnablik þegar fyrirliðinn féll í grasið.

Nei ég meina viðbrögð mín við því þegar ég sá Aron í grasinu voru eins og hann væri dáinn. #HMRUV

— Arnar Sveinn (@arnarsveinn) June 16, 2018

Can VAR send off the referee?

— Raphael Honigstein (@honigstein) June 16, 2018