Wilshere í viðræðum við West Ham

Jack Wilshere gæti verið á leið til West Ham. Hann hefur átt í viðræðum við forráðamenn félagsins.

Samningur Wilshere við Arsenal rann út um mánaðarmótin og því er hann frjáls ferða sinna. Heimildir Sky Sports herma tyrkneska félagið Fenerbahce hafi einnig áhuga á leikmanninum.

„Ég ætla að taka þennan tíma og hugsa mig vel um hvað ég vil gera, ég ætla ekki að flýta mér í að taka ákvörðun,“ sagði Wilshere í síðustu viku.

Manuel Pellegrini tók við stjórn West Ham í sumar og stýrði hann sinni fyrstu æfingu á þriðjudag.