Nítján eru látnir eftir sjálfsmorðssprengjuárás í borginni Jalalabad í austurhluta Afganistan.
Flestir hinna látnu eru Síka múslimar, sem eru í miklum minnihluta í landinu. Meðal hinna látnu er eini Síkamúsliminn sem hugðist bjóða sig fram til þings í kosningum þar í landi í október. Hryðjuverkasamtökin Íslamska ríkið hefur lýst yfir ábyrgð á árásinni. Hin látnu voru á leið til fundar við forseta landsins, Ashraf Ghani, sem er í heimsókn á svæðinu, þegar árásin átti sér stað.
Hryðjuverkasamtökin Íslamska ríkið segjast bera ábyrð á árásinni, sem indverska sendiráðið í Kabúl segir að hafa verið „heigulsleg.“ Samtökin hafa þó ekki sýnt fram á neitt sem rennir stoðum undir fullyrðingu sína.
Íslamska ríkið var ekki hluti af þriggja daga vopnahléi, sem Talíbar og afgönsk stjórnvöld undirrituðu í síðasta mánuði. Íslamska ríkið berst gegn báðum samningsaðilum.
Nítján látnir eftir sprengjuárás
Tengdar fréttir
Talíbanar færa ópíumvinnslu úr þéttbýli vegna árása
Herforingi Talíbana í Afganistan hefur skipað undirmönnum sínum að stöðva ópíumvinnslu í þéttbýli vegna tíðra loftárása Bandaríkjamanna.
30 féllu í fyrstu árás Talíbana eftir vopnahlé
Að minnsta kosti 30 féllu í tveimur árásum Talíbana á hermenn í vesturhluta Afganistans í morgun. Þetta er fyrsta árás Talíbana frá því að þeir samþykktu vopnahlé yfir trúarhátíð múslima, Eid al Fitr, sem var í síðustu viku.
