Skilja ekkert í plönum ráðherra um heilsugæslu ljósmæðra fyrir konur Kolbeinn Tumi Daðason skrifar 17. október 2018 08:49 Ljósmæður sem hættu störfum á Landspítalanum í kjarabaráttu sinni lögðu sumar skó sína á tröppur stjórnarráðsins. Nú stefnir í að einhverjar ljósmæður hefji störf á nýrri heilsugæslu fyrir konur innan tíðar. Fréttablaðið/Anton Brink Hugmyndir heilbrigðisráðherra um opnun sérstakrar heilsugæslu fyrir konur sem allra fyrst mælast misjafnlega fyrir hjá læknum. Heilsugæslan yrði eingöngu mönnuð af ljósmæðrum. Telja sumir læknar sérstakt að á sama tíma og stefnt sé að heildarendurskoðun heilsugæslunnar sé þröngur hópur tekinn út og opnað nýtt úrræði. Svandís Svavarsdóttir heilbrigðisráðherra sagði í fréttum Stöðvar 2 í gær að hugmyndin kæmi frá ljósmæðrum en stéttin átti í langri kjarabaráttu við ríkið sem lauk með samningum í vor. Ljósmæður bendi á að ýmiss konar upplýsingum um heilsu og áfallasögu kvenna sé safnað saman í mæðravernd en eftirfylgni fellur niður um leið og konan fæðir barnið. Þannig megi nýta sérþekkingu ljósmæðra betur. „Að þeirra hlutverk útvíkkist í raun og veru í það að þjóna konum á öllum aldri. Þá er ég að tala um þau heilsufarsviðfangsefni sem koma upp. Ég nefni bara breytingarskeið og túrverki sem er ekki beinlínis það sem tengist meðgöngu eða fæðingu," segir Svandís Svavarsdóttir.Henda krónum aftur og aftur í vitleysu Ragnar Freyr Ingvarsson, sérfræðingur í gigtar- og lyflækningum, er meðal þeirra lækna sem átta sig ekki á útspili ráðherra. „Hvernig væri bara að efla heilsugæsluna?“ spyr Ragnar Freyr. „Er þörf á sérstakri túrverkja og tíðarhvarfamiðsöð - svona í ljósi þess að 40 rúm eru lokuð á LSH, að illa gekk að semja við ljósmæður, að skortur sé á hjúkrunarfræðingum, að ekki séu til hjúkrunarúrræði fyrir aldraða. Að heilsugæslan sé veikluð af starfsmönnum!“ Sigurveig Stefánsdóttir, sérlæknir í heimilislækningum, tjáir sig um málið á Facebook líkt og Ragnar Freyr. „Nú er konan gengin af göfflum og skeiðum og hnífum. Hún ætlar að opna eitthvað strax af því að krafa kom frá ljósmæðrum, án þess að bíða eftir niðurstöðum starfshóps. Á meðan hver heilsugæsla núna vandar sig meira en nokkru sinni fyrr í að sinna skjólstæðingum í stærð 50 cm til 107 ára, með hjúkrunarfræðingum, ljósmæðrum og sérfræðilæknum með 12-13 ára nám að baki í þeim breiðu fræðum sem liggja til grundvallar læknisfræði og svo heimilislækningum og vantar peninga samt í öll horn sem litið er í,“ segir Sigurveig. „Við sitjum í hverju einasta viðtali og pössum að panta ekki óþarfa rannsóknir, skrifa ekki út óþarfa lyf af því að það er krafan. Hver er þörfin á því að opna heilsugæslu fyrir konur og afhverju þá ekki líka sér fyrir karla og svo þá sem eru þar á milli ef því er að skipta?“ Hún minnir á að ljósmæður séu þegar á heilsugæslunum. „Geta ljósmæður í alvörunni ekki boðið fram þessa aðstoð á þeim stöðvum sem þær vinna á með okkur ef þær vilja fara að meðhöndla og sinna túrverkjum og tíðarhvörfum? Þurfum við alltaf að vera að henda krónum í vitleysu, aftur og aftur og aftur og aftur í stað þess að hlúa að því sem vel gengur?!“Frétt Stöðvar 2 frá í gær má sjá hér að neðan en þar er rætt við ráðherra um málið.Er ekki 2018? Undir þetta tekur Hildur Svavarsdóttir heimilislæknir. „Það er ekki hægt að auka fjármagn til heilsugæslunnar þar sem mikill meirihluti starfsmanna er konur og meirihluti þeirra sem sækir þangað eru konur en það eru til peningar í "hysteríu" klínikur þar sem konur og veikindi þeirra eru smættuð niður í móðurlíf þeirra (nákvæmlega eins og hysteríu kenningar fortíðar gerðu svo þetta er rétta nafnið á svona "fyrirbæri" og það þarf ekkert nema sérhæfðar ljósmæður til að sinna þeim,“ segir Hildur. Hún spyr hvort ekki sé örugglega árið 2018 og spyr hvernig rekstur þessara heilbrigðisfyrirtækja sé frábrugðinn rekstri annara heilbrigðisfyrirtækja sem vinna á samningi við hið opinbera? „Vil taka það fram að ég hef ekki neitt nema gott að segja um þær ljósmæður sem ég hef haft þá ánægju af að starfa með í þverfaglegu starfi okkar á heilsugæslu þar sem heildarmynd einstaklingsins er höfð að leiðarljósi.“ Heilbrigðismál Mest lesið „Hann tók algjörlega völdin yfir lífi mínu“ Innlent Kosningavaktin: Íslendingar ganga að kjörborðinu Innlent Þiggja milljónir í húsnæðisstyrk þótt þau búi nálægt Alþingi Innlent Þórdís svarar gagnrýni vegna húsnæðisstyrks Innlent Tveir á slysadeild í kjölfar bruna á Stuðlum Innlent Nokkrir foreldrar sóttu börn á lögreglustöð Innlent Vistmaður og starfsmaður Stuðla fluttir á bráðamóttöku Innlent Grunaður um alvarlega líkamsárás gegn fyrrverandi sambýliskonu Innlent Snorri vill leiða Miðflokkinn í Reykjavík Innlent Átti samtal við Höllu Hrund fyrir stjórnarslitin Innlent Fleiri fréttir Kom ekkert annað til greina en Miðflokkurinn Kostnaður við snagana nam 1,7 milljónum Fluttur á spítala vegna alvarlegs efnabruna af völdum ætandi efnis Slátur og stuð í félagsheimilinu á Blönduósi Alma vill leiða Samfylkinguna í Kraganum Nektarmyndir gerðar óskýrar sjálfkrafa á Instagram Grunaður um alvarlega líkamsárás gegn fyrrverandi sambýliskonu Hannes snýr baki við Sjálfstæðisflokknum og fer fram fyrir Samfylkingu Átti samtal við Höllu Hrund fyrir stjórnarslitin Vendingar í pólitíkinni og áhrif frestunar bankasölu á markaðinn Guðmundur Árni hættur við og styður Ölmu Vistmaður og starfsmaður Stuðla fluttir á bráðamóttöku Bilun í brunaboða á Keflavíkurflugvelli Snorri vill leiða Miðflokkinn í Reykjavík Þórdís svarar gagnrýni vegna húsnæðisstyrks Slagurinn harðnar í Suðvestur hjá Sjálfstæðisflokki „Hann tók algjörlega völdin yfir lífi mínu“ Formaður Framsóknar segir ríkisstjórnina hafa talað sjálfa sig niður Tveir á slysadeild í kjölfar bruna á Stuðlum Nokkrir foreldrar sóttu börn á lögreglustöð „Það þarf að nýta auðlindir landsins, það er alveg ljóst“ Þiggja milljónir í húsnæðisstyrk þótt þau búi nálægt Alþingi Fleiri þvottavélar en pólitíkusar á skjánum vikuna fyrir kosningar Hefur sett saman um 100 módelbíla í Hveragerði Dæmi um að menntaðir kennarar nái ekki endum saman Óvænt og taktískt útspil Sigurðar Inga Páll Valur vill forystusæti fyrir Samfylkinguna í Suðurkjördæmi Fyrstu skoðanakannanir eftir stjórnarslit og öll auglýsingapláss uppbókuð Lætur af störfum sem bæjarstjóri Voga Vill leiða Viðreisn í Suðurkjördæmi Sjá meira
Hugmyndir heilbrigðisráðherra um opnun sérstakrar heilsugæslu fyrir konur sem allra fyrst mælast misjafnlega fyrir hjá læknum. Heilsugæslan yrði eingöngu mönnuð af ljósmæðrum. Telja sumir læknar sérstakt að á sama tíma og stefnt sé að heildarendurskoðun heilsugæslunnar sé þröngur hópur tekinn út og opnað nýtt úrræði. Svandís Svavarsdóttir heilbrigðisráðherra sagði í fréttum Stöðvar 2 í gær að hugmyndin kæmi frá ljósmæðrum en stéttin átti í langri kjarabaráttu við ríkið sem lauk með samningum í vor. Ljósmæður bendi á að ýmiss konar upplýsingum um heilsu og áfallasögu kvenna sé safnað saman í mæðravernd en eftirfylgni fellur niður um leið og konan fæðir barnið. Þannig megi nýta sérþekkingu ljósmæðra betur. „Að þeirra hlutverk útvíkkist í raun og veru í það að þjóna konum á öllum aldri. Þá er ég að tala um þau heilsufarsviðfangsefni sem koma upp. Ég nefni bara breytingarskeið og túrverki sem er ekki beinlínis það sem tengist meðgöngu eða fæðingu," segir Svandís Svavarsdóttir.Henda krónum aftur og aftur í vitleysu Ragnar Freyr Ingvarsson, sérfræðingur í gigtar- og lyflækningum, er meðal þeirra lækna sem átta sig ekki á útspili ráðherra. „Hvernig væri bara að efla heilsugæsluna?“ spyr Ragnar Freyr. „Er þörf á sérstakri túrverkja og tíðarhvarfamiðsöð - svona í ljósi þess að 40 rúm eru lokuð á LSH, að illa gekk að semja við ljósmæður, að skortur sé á hjúkrunarfræðingum, að ekki séu til hjúkrunarúrræði fyrir aldraða. Að heilsugæslan sé veikluð af starfsmönnum!“ Sigurveig Stefánsdóttir, sérlæknir í heimilislækningum, tjáir sig um málið á Facebook líkt og Ragnar Freyr. „Nú er konan gengin af göfflum og skeiðum og hnífum. Hún ætlar að opna eitthvað strax af því að krafa kom frá ljósmæðrum, án þess að bíða eftir niðurstöðum starfshóps. Á meðan hver heilsugæsla núna vandar sig meira en nokkru sinni fyrr í að sinna skjólstæðingum í stærð 50 cm til 107 ára, með hjúkrunarfræðingum, ljósmæðrum og sérfræðilæknum með 12-13 ára nám að baki í þeim breiðu fræðum sem liggja til grundvallar læknisfræði og svo heimilislækningum og vantar peninga samt í öll horn sem litið er í,“ segir Sigurveig. „Við sitjum í hverju einasta viðtali og pössum að panta ekki óþarfa rannsóknir, skrifa ekki út óþarfa lyf af því að það er krafan. Hver er þörfin á því að opna heilsugæslu fyrir konur og afhverju þá ekki líka sér fyrir karla og svo þá sem eru þar á milli ef því er að skipta?“ Hún minnir á að ljósmæður séu þegar á heilsugæslunum. „Geta ljósmæður í alvörunni ekki boðið fram þessa aðstoð á þeim stöðvum sem þær vinna á með okkur ef þær vilja fara að meðhöndla og sinna túrverkjum og tíðarhvörfum? Þurfum við alltaf að vera að henda krónum í vitleysu, aftur og aftur og aftur og aftur í stað þess að hlúa að því sem vel gengur?!“Frétt Stöðvar 2 frá í gær má sjá hér að neðan en þar er rætt við ráðherra um málið.Er ekki 2018? Undir þetta tekur Hildur Svavarsdóttir heimilislæknir. „Það er ekki hægt að auka fjármagn til heilsugæslunnar þar sem mikill meirihluti starfsmanna er konur og meirihluti þeirra sem sækir þangað eru konur en það eru til peningar í "hysteríu" klínikur þar sem konur og veikindi þeirra eru smættuð niður í móðurlíf þeirra (nákvæmlega eins og hysteríu kenningar fortíðar gerðu svo þetta er rétta nafnið á svona "fyrirbæri" og það þarf ekkert nema sérhæfðar ljósmæður til að sinna þeim,“ segir Hildur. Hún spyr hvort ekki sé örugglega árið 2018 og spyr hvernig rekstur þessara heilbrigðisfyrirtækja sé frábrugðinn rekstri annara heilbrigðisfyrirtækja sem vinna á samningi við hið opinbera? „Vil taka það fram að ég hef ekki neitt nema gott að segja um þær ljósmæður sem ég hef haft þá ánægju af að starfa með í þverfaglegu starfi okkar á heilsugæslu þar sem heildarmynd einstaklingsins er höfð að leiðarljósi.“
Heilbrigðismál Mest lesið „Hann tók algjörlega völdin yfir lífi mínu“ Innlent Kosningavaktin: Íslendingar ganga að kjörborðinu Innlent Þiggja milljónir í húsnæðisstyrk þótt þau búi nálægt Alþingi Innlent Þórdís svarar gagnrýni vegna húsnæðisstyrks Innlent Tveir á slysadeild í kjölfar bruna á Stuðlum Innlent Nokkrir foreldrar sóttu börn á lögreglustöð Innlent Vistmaður og starfsmaður Stuðla fluttir á bráðamóttöku Innlent Grunaður um alvarlega líkamsárás gegn fyrrverandi sambýliskonu Innlent Snorri vill leiða Miðflokkinn í Reykjavík Innlent Átti samtal við Höllu Hrund fyrir stjórnarslitin Innlent Fleiri fréttir Kom ekkert annað til greina en Miðflokkurinn Kostnaður við snagana nam 1,7 milljónum Fluttur á spítala vegna alvarlegs efnabruna af völdum ætandi efnis Slátur og stuð í félagsheimilinu á Blönduósi Alma vill leiða Samfylkinguna í Kraganum Nektarmyndir gerðar óskýrar sjálfkrafa á Instagram Grunaður um alvarlega líkamsárás gegn fyrrverandi sambýliskonu Hannes snýr baki við Sjálfstæðisflokknum og fer fram fyrir Samfylkingu Átti samtal við Höllu Hrund fyrir stjórnarslitin Vendingar í pólitíkinni og áhrif frestunar bankasölu á markaðinn Guðmundur Árni hættur við og styður Ölmu Vistmaður og starfsmaður Stuðla fluttir á bráðamóttöku Bilun í brunaboða á Keflavíkurflugvelli Snorri vill leiða Miðflokkinn í Reykjavík Þórdís svarar gagnrýni vegna húsnæðisstyrks Slagurinn harðnar í Suðvestur hjá Sjálfstæðisflokki „Hann tók algjörlega völdin yfir lífi mínu“ Formaður Framsóknar segir ríkisstjórnina hafa talað sjálfa sig niður Tveir á slysadeild í kjölfar bruna á Stuðlum Nokkrir foreldrar sóttu börn á lögreglustöð „Það þarf að nýta auðlindir landsins, það er alveg ljóst“ Þiggja milljónir í húsnæðisstyrk þótt þau búi nálægt Alþingi Fleiri þvottavélar en pólitíkusar á skjánum vikuna fyrir kosningar Hefur sett saman um 100 módelbíla í Hveragerði Dæmi um að menntaðir kennarar nái ekki endum saman Óvænt og taktískt útspil Sigurðar Inga Páll Valur vill forystusæti fyrir Samfylkinguna í Suðurkjördæmi Fyrstu skoðanakannanir eftir stjórnarslit og öll auglýsingapláss uppbókuð Lætur af störfum sem bæjarstjóri Voga Vill leiða Viðreisn í Suðurkjördæmi Sjá meira