City örugglega á toppinn Ástrós Ýr Eggertsdóttir skrifar 4. nóvember 2018 16:45 Englandsmeistararnir áttu ekki í vandræðum i dag vísir/getty Manchester City er með tveggja stiga forystu á toppi ensku úrvalsdeildarinnar eftir stórsigur gegn Southampton í dag. Úrslit leiksins voru ráðin á fyrstu tuttugu mínútunum. Wesley Hoedt varð fyrir því óláni að skora sjálfsmark strax á 6. mínútu leiksins þegar hann ætlaði að hreinsa fyrirgjöf Leroy Sane en skilaði henni í eigið net. Sergio Aguero skoraði sitt 150. úrvalsdeildarmark sex mínútum síðar og á 18. mínútu kom David Silva City í 3-0. Yfirburðir City á vellinum voru algjörir og spurningin var bara hversu stór sigurinn yrði. Eftir hálftíma leik fékk Southampton smá líflínu. Danny Ings komst framhjá Josh Stones og inn á teig City. Ederson ákvað að fara út í sóknarmanninn og ætlaði að reyna að stöðva hann, markvörðurinn felldi Ings hins vegar ólöglega að mati dómarans og vítaspyrna dæmd. Ings fór sjálfur á punktinn og skoraði. Líflínan gerði þó lítið fyrir Southampton. Raheem Sterling bætti við tveimur mörkum fyrir heimamenn sitt hvoru meginn við hálfleikinn og Leroy Sane kláraði leikinn endanlega með marki á 90. mínútu. City endurheimti því toppsætið af Liverpool en Southampton er í basli í neðri hluta deildarinnar, tveimur stigum frá fallsæti. Enski boltinn
Manchester City er með tveggja stiga forystu á toppi ensku úrvalsdeildarinnar eftir stórsigur gegn Southampton í dag. Úrslit leiksins voru ráðin á fyrstu tuttugu mínútunum. Wesley Hoedt varð fyrir því óláni að skora sjálfsmark strax á 6. mínútu leiksins þegar hann ætlaði að hreinsa fyrirgjöf Leroy Sane en skilaði henni í eigið net. Sergio Aguero skoraði sitt 150. úrvalsdeildarmark sex mínútum síðar og á 18. mínútu kom David Silva City í 3-0. Yfirburðir City á vellinum voru algjörir og spurningin var bara hversu stór sigurinn yrði. Eftir hálftíma leik fékk Southampton smá líflínu. Danny Ings komst framhjá Josh Stones og inn á teig City. Ederson ákvað að fara út í sóknarmanninn og ætlaði að reyna að stöðva hann, markvörðurinn felldi Ings hins vegar ólöglega að mati dómarans og vítaspyrna dæmd. Ings fór sjálfur á punktinn og skoraði. Líflínan gerði þó lítið fyrir Southampton. Raheem Sterling bætti við tveimur mörkum fyrir heimamenn sitt hvoru meginn við hálfleikinn og Leroy Sane kláraði leikinn endanlega með marki á 90. mínútu. City endurheimti því toppsætið af Liverpool en Southampton er í basli í neðri hluta deildarinnar, tveimur stigum frá fallsæti.
Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn
Uppgjörið: Breiðablik - Stjarnan 2-1 | Draumaúrslitaleikurinn verður að veruleika Íslenski boltinn
Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn
Uppgjörið: Breiðablik - Stjarnan 2-1 | Draumaúrslitaleikurinn verður að veruleika Íslenski boltinn