Barcelona vill ekki að ungstirnið Ansu Fati verði valinn í landsliðsverkefni með Spánverjum og segir stjóri Börsunga að það yrði skref aftur á bak fyrir leikmanninn.
Fati varð spænskur ríkisborgari á dögunum og er áhugi fyrir því að kalla hann inn í hóp Spánverja fyrir HM U17 ára.
Fati hefur slegið í gegn hjá Barcelona á tímabilinu, er orðinn yngsti markaskorari Barcelona í La Liga deildinni og yngsti leikmaðurinn til þess að spila fyrir Barcelona í Meistaradeildinni.
Ef Fati verður valinn í U17 landsliðið, sem er talið líklegt, þá verður hann frá í allt að fimm vikur.
„Hann hefur enn ekki verið kallaður í landsliðið svo við þurfum bara að sjá. En það yrði skref til baka því hann er leikmaður sem er bara að koma inn í aðalliðið,“ sagði Ernesto Valverde, knattspyrnustjóri Barcelona.
„Við vitum ekki hvað gerist í þessum leikjum sem hann myndi missa af.“
Valverde vill að Fati æfi með aðalliði Barcelona í allan vetur, þó það muni koma tímar þar sem hann mun spila fyrir B-lið félagsins.
Vilja ekki að Fati verði valinn í landsliðið
Tengdar fréttir
Þrjú félög buðu Fati samning þegar hann var níu ára og Real Madrid vildi kaupa fyrir hann hús
Hinn sextán ára gamli Ansu Fati hefur slegið í gegn síðan hann fékk frumraun sína með Barcelona fyrr á leiktíðinni.
Ný ofurstjarna að verða til í Barcelona?
Ansu Fati er nafn sem fæstir knattspyrnuáhugamenn könnuðust við fyrir nokkrum vikum en þessi sextán ára gamli piltur er að slá í gegn á stærsta sviði knattspyrnunnar um þessar mundir.
Undrabarnið Fati orðinn Spánverji
Hið 16 ára gamla undrabarn Barcelona, Ansu Fati, fékk í dag spænskt ríkisfang og hann getur því spilað með spænska landsliðinu í framtíðinni.
