Maðurinn sem handtekinn var í gærkvöldi, grunaður um að hafa hrint konu fram af svölum í Breiðholti, hefur verið úrskurðaður í gæsluvarðhald til 15. október næstkomandi.
Þetta kemur fram í tilkynningu frá lögreglunni á höfuðborgarsvæðinu. Í tilkynningunni segir að maðurinn sé úrskurðaður í varðhald á grundvelli 1. mgr. 95. gr. laga um meðferð sakamála, það er að segja að talið er að hann hafi rofið, í verulegum atriðum, skilyrði skilorðsbundins dóms.
Konan sem maðurinn er grunaður um að hafa hrint er illa slösuð en ekki talin í lífshættu.
