Mikilvægur en naumur sigur City | Aron Einar og Jóhann Berg í tapliðum Anton Ingi Leifsson skrifar 2. mars 2019 17:00 Guardiola fagnar marki Mahrez. vísir/getty Manchester City er komið á topp ensku úrvalsdeildarinnar, að minnsta kosti þangað til á morgun, eftir 1-0 sigur á Bournemouth í dag. Það tók tíma fyrir City að brjóta niður varnarmúr Bournemouth en að endingu fundu þeir leiðina. Það gerði Riyad Mahrez á 55. mínútu og lokatölur 1-0. City er með tveggja stiga forskot á Liverpool sem leikur á morgun en þeir heimsækja þá granna sína í Everton. Bournemouth er í tólfta sæti deildarinnar. Aron Einar Gunnarsson spilaði allan leikinn er Cardiff tapaði 2-0 fyrir Wolves á útivelli. Mörkin skoruðu þeir Diogo Jota á 16. mínútu og Raul Jimenez á 18. mínútu. Það hefur gengið erfiðlega hjá Aroni og félögum að undanförnu en þeir eru í falsæti sem stendur. Þeir sitja í 18. sætinu, tveimur stigum frá Southampton sem er sæti ofar en Wolves er í sjöunda sætinu. Jóhann Berg Guðmundsson kom inn á í hálfleik er Burnley tapaði 3-1 fyrir Crystal Palace á heimavelli. Palace komst í 3-0 með mörkum frá sjálfsmarki Phil Bardsley og sitt hvoru markinu frá framherjunum Michy Batshuayi og Wilfried Zaha. Í uppbótartíma minnkaði Ashley Barnes metin fyrir Burnley en þeir eru í sextánda sæti deildarinnar og eru fimm stigum fyrir ofan falldrauginn. Palace er komið upp í þrettánda sæti deildarinnar. Huddersfield náði ekki að fylgja eftir góðum sigri í síðustu umferð en þeir töpuðu 1-0 fyrir Brighton í fallbaráttuslag. Eina markið gerði Florin Andone ellefu mínútum fyrir leikslok. Brighton í fimmtánda sætinu en Huddersfield á botninum.Úrslit dagsins: Tottenham - Arsenal 1-1 Bournemouth - Man. City 0-1 Brighton - Huddersfield 1-0 Burnley - Crystal Palace 1-3 Man. United - Southampton 3-2 Wolves - Cardiff 2-0 17.30 West Ham - Newcastle Enski boltinn
Manchester City er komið á topp ensku úrvalsdeildarinnar, að minnsta kosti þangað til á morgun, eftir 1-0 sigur á Bournemouth í dag. Það tók tíma fyrir City að brjóta niður varnarmúr Bournemouth en að endingu fundu þeir leiðina. Það gerði Riyad Mahrez á 55. mínútu og lokatölur 1-0. City er með tveggja stiga forskot á Liverpool sem leikur á morgun en þeir heimsækja þá granna sína í Everton. Bournemouth er í tólfta sæti deildarinnar. Aron Einar Gunnarsson spilaði allan leikinn er Cardiff tapaði 2-0 fyrir Wolves á útivelli. Mörkin skoruðu þeir Diogo Jota á 16. mínútu og Raul Jimenez á 18. mínútu. Það hefur gengið erfiðlega hjá Aroni og félögum að undanförnu en þeir eru í falsæti sem stendur. Þeir sitja í 18. sætinu, tveimur stigum frá Southampton sem er sæti ofar en Wolves er í sjöunda sætinu. Jóhann Berg Guðmundsson kom inn á í hálfleik er Burnley tapaði 3-1 fyrir Crystal Palace á heimavelli. Palace komst í 3-0 með mörkum frá sjálfsmarki Phil Bardsley og sitt hvoru markinu frá framherjunum Michy Batshuayi og Wilfried Zaha. Í uppbótartíma minnkaði Ashley Barnes metin fyrir Burnley en þeir eru í sextánda sæti deildarinnar og eru fimm stigum fyrir ofan falldrauginn. Palace er komið upp í þrettánda sæti deildarinnar. Huddersfield náði ekki að fylgja eftir góðum sigri í síðustu umferð en þeir töpuðu 1-0 fyrir Brighton í fallbaráttuslag. Eina markið gerði Florin Andone ellefu mínútum fyrir leikslok. Brighton í fimmtánda sætinu en Huddersfield á botninum.Úrslit dagsins: Tottenham - Arsenal 1-1 Bournemouth - Man. City 0-1 Brighton - Huddersfield 1-0 Burnley - Crystal Palace 1-3 Man. United - Southampton 3-2 Wolves - Cardiff 2-0 17.30 West Ham - Newcastle