Guðni Bergsson, formaður KSÍ, mun fá mótframboð á ársþingi KSÍ í febrúar en Geir Þorsteinsson hefur ákveðið að bjóða sig fram á nýjan leik.
Þetta tilkynnti hann í útvarpsþættinum Fótbolta.net á X-inu í dag þar sem hann ræddi við Elvar Geir Magnússon og Benedikt Bóas Hinriksson um framboðið og fótbolta almennt.
Geir var formaður KSÍ frá 2007 og gegndi því í tíu ár. Hann ákvað að fara ekki gegn fram gegn Guðna Bergssyni sem ákvað að bjóða sig fram fyrir síðasta árþing, árið 2017, en þar hafði Guðni betur gegn Birni Einarssyni.
Sögusagnir höfðu gengið undanfarnar vikur að Geir myndi bjóða sig fram gegn Guðna og nú hefur það verið staðfest. Það verður því fróðlegt að sjá formannsslaginn næstu vikur.
Ársþing KSÍ fer fram níunda febrúar næstkomandi á Hilton-hótelinu í Reykjavík.
Geir býður sig fram gegn Guðna: Formannsslagur í febrúar

Tengdar fréttir

Íslenskur toppfótbolti ekki með mótframboð gegn Guðna
Ársþing KSÍ er í febrúar og sögusagnir hafa verið um að Guðni Bergsson fái mótframboð.