Sigmundi heitt í hamsi eftir spurningar Smára: „Hvers konar endemis della er þetta?“ Tryggvi Páll Tryggvason skrifar 26. febrúar 2019 18:11 Sigmundur Davíð Gunnlaugsson og Smári McCarthy tókust á á Alþingi í dag. Vísir/Vilhelm/Hanna Sigmundur Davíð Gunnlaugsson, formaður Miðflokksins, virtist ekki vera hrifinn af spurningum Smára McCarthy, þingmanns Pírata, um hagsmuni hins fyrrnefnda í tengslum við aflandskrónueigendur og vogunarsjóði á Alþingi nú síðdegis.Umræða stendur nú yfir á Alþingium frumvarp fjármálaráðherra um meðferð krónueigna sem háðar eru sérstökum takmörkunum og gjaldeyrismál. Seðlabankinn hefur hvatt til þess að frumvarpið verði samþykkt í tæka tíð áður en gjalddagi á tiltekins flokks ríkisbréfa rennur upp, sem er í dag. Benti Seðlabankinn á að yrði frumvarpið ekki samþykkt fyrir þann tíma myndi hættan aukast á því að stórir aflandskrónueigendur muni leiti út með fjármagn sitt í stað þess að endurfjárfesta í íslenskum skuldabréfum. Það geti haft í för með sér slæmar afleiðingar fyrir efnahaginn.Það virðist hafa verið af þessu tilefni sem Smára þótti rétt að spyrja Sigmund Davíð af hverju svo virtist sem að Miðflokkurinn væri kominn í málþóf til þess að tefja framgang frumvarpsins, en þingmenn Miðflokksins eru nær þeir einu sem eru á mælendaskrá.„Mig langar til þess að spyrja háttvirtan þingmann hvort hann hafi nú, eins og hann hafði hér fyrir nokkrum árum eins og alþjóð veit, persónulega hagsmuni sem tengjast meðferð þessa þingmáls. Og ef svo er ekki þá langar mig að spyrja, í þágu hvaða markmiða eða hvaða hagsmunaðila það er sem Miðflokkurinn er nú að reyna að tefja framgöngu þessa máls,“ spurði Smári Sigmund Davíð.Vísaði Smári þar til aflandsfélagsins Wintris sem var í eigu Sigmundar Davíðs þegar það lýsti kröfum í stóru bankanna þriggja sem féllu í Hruninu.Sigmundur Davíð Gunnlaugsson er formaður MiðflokksinsVísir/VilhelmSagði tímabært að siðanefnd skoðaði framgöngu Pírata á þingi Sigmundur virtist ekki vera hrifinn af spurningu Smára og svaraði henni um hæl. „Því virðast fá takmörk sett hversu framganga Pírata getur orðið ógeðfelld á þessu Alþingi. Ég held að það sé orðið löngu tímabært að siðanefnd fari aðeins að fjalla um Pírata og hvernig þeir starfa, ekki bara eineltiskúlturinn innan þeirra raða heldur framgöngu þeirra við aðra þingmenn,“ sagði Sigmundur Davíð. Viðraði hann einnig efasemdir sínar um að samþykki frumvarpsins myndi gera það að verkum að stórir aflandskrónueigendur myndi endurfjárfesta í íslenskum skuldabréfum. Töluverðar líkur væru á því að aflandskrónueigendurnir myndu leita út. „Og ég hef sannarlega engra hagsmuna að gæta hjá vogunarsjóðum eins og háttvirtar þingmaður á að geta gert sér grein fyrir. En ég ítreka, mér finnst framganga Pírata undanfarnar vikur, mánuði og reyndar kannski dálítið mörg ár vera fyrir neðan allar hellur,“ svaraði Sigmundur Davíð. Ekkert óeðlilegt við að spyrja að mati Smára Smári virtist þó ekki vera sáttur við þetta svar formanns Miðflokksins og steig aftur í pontu. „Það er eðlilegt og ekki eineltistilburðir að spyrja þegar þekkt er að þingmenn hafi einhver tengsl eða hafi haft einhver tengsl í fortíðinni við ákveðin mál að spyrja hvort að þau tengsl séu enn til staðar.“ „Við þekkjum öll að þessi áhætta er til þá er eðlilegt að spyrja, úr því að Miðflokkurinn er kominn í þennan málþófsgír, fyrir hvern, hver græðir? „Cui Bono?“ eins og stundum er sagt með leyfi forseta. Vegna þess að ég sé það ekki í hendi mér til hvers þessi málþófsgír er í gangi og satt að segja væri eðlilegast að við myndum klára þetta mál og svo myndum við taka nokkur önnur góð mál fyrir,“ bætti hann við. AlþingiVísir/VilhelmSakaði Smára um meiðyrði Aftur steig Sigmundur Davíð í pontu og virtist hann allt annað en kátur með framgöngu þingmanns Pírata í málinu. „Þingmaður sem talar hér á undan mér gerðist sekur um meiðyrði. Hann laug og lagði sig fram við það að reyna að stimpla inn ógeðfellda mynd sem hann því miður og allt of margir félagar hans hafa á undanförnum árum reynt að viðhalda og koma inn hjá fólki. Ég hef aldrei haft nein tengsl við neina hrægammasjóði og það hafa engir ættingjar mínir gert heldur,“ sagði Sigmundur Davíð. Taldi hann framgöngu Smára „vera fyrir neðan allar hellur“ „Fyrir utan það að kenning hans er svo arfavitlaus að búa til samsæriskenningu um að það að koma í veg fyrir að harðskeyttustu vogunarsjóðirnir séu losaðir úr höftum einhliða af hálfu ríkisins að með því móti sé á einhvern hátt verið að ganga gegn hagsmunum ríkisins. Hvers konar endemis della er þetta og hversu lengi eigum við að þola meira af þessu frá þingmönnum Pírata?“ Alþingi Gjaldeyrishöft Miðflokkurinn Píratar Mest lesið Pakistan segir Indland mögulega gera árás á næstu klukkustundum Erlent Skiptar skoðanir á stöðvarskyldu: „Held að enginn vilji hverfa aftur í það ástand“ Innlent Njósnaaðgerðir sagðar tengjast deilum tveggja af auðugustu mönnum landsins Innlent „Miklu svakalegra en ég gerði mér grein fyrir“ Innlent Árásarmannsins enn leitað Erlent Boðar brottfararstöð fyrir hælisleitendur Innlent Furðar sig á umdeildri Exit-auglýsingu og hækkar veiðigjöldin Innlent „Fyrst hélt ég að þetta væri eitthvað grín“ Innlent „Í guðanna bænum höldum vöku okkar við aksturinn" Innlent „Viltu ekki tala við mig eins og ég sé gamalmenni“ Innlent Fleiri fréttir Skiptar skoðanir á stöðvarskyldu: „Held að enginn vilji hverfa aftur í það ástand“ „Miklu svakalegra en ég gerði mér grein fyrir“ Njósnaaðgerðir sagðar tengjast deilum tveggja af auðugustu mönnum landsins Boðar brottfararstöð fyrir hælisleitendur Óttaðist hið versta þegar allar tengingar rofnuðu Furðar sig á umdeildri Exit-auglýsingu og hækkar veiðigjöldin Selfyssingar buðu lægst í brúasmíði á Vestfjörðum Hræðilegt að missa samskipti við umheiminn og veiðigjöldin Varðstjóri leystur undan vinnuskyldu vegna gruns um njósnir Vesturbæingar búa sig undir fjögurra vikna sundlaugarlokun Mikill reykur vegna elds í bílatætara Vill taka upp stöðvarskyldu tveimur árum eftir að hún var afnumin Ný stjórn Ríkisútvarpsins kjörin Létt í lund þrátt fyrir margra klukkustunda bið eftir Lissabon „Í guðanna bænum höldum vöku okkar við aksturinn" „Viltu ekki tala við mig eins og ég sé gamalmenni“ Ráðherra skoðar frekari girðingar á strandveiðar Rafmagnið komið í lag og verðbólgan eykst á ný „Fyrst hélt ég að þetta væri eitthvað grín“ Fá ekki áheyrn vegna stympinga kennara og nemanda Hraðbankinn enn ekki látinn í friði Foreldrar eigi að byrja á því að setja sjálfum sér skjátíma „Við þrífumst ekki til lengdar ein“ Reyndu að brjótast inn í hraðbanka Mikilvægt að vera betri í bakgarðinum en óvelkomnir gestir „Við erum mjög háð rafmagninu“ Gyltur gjóta þrettán til sextán grísum í hverju goti Öryggi ógnað og refsingar fyrnist Starfsfólk Isavia of smeykt til að taka á kaffistofumálinu Fólk eigi ekki að breyta sínu daglega lífi vegna frásagna af hópnauðgun Sjá meira
Sigmundur Davíð Gunnlaugsson, formaður Miðflokksins, virtist ekki vera hrifinn af spurningum Smára McCarthy, þingmanns Pírata, um hagsmuni hins fyrrnefnda í tengslum við aflandskrónueigendur og vogunarsjóði á Alþingi nú síðdegis.Umræða stendur nú yfir á Alþingium frumvarp fjármálaráðherra um meðferð krónueigna sem háðar eru sérstökum takmörkunum og gjaldeyrismál. Seðlabankinn hefur hvatt til þess að frumvarpið verði samþykkt í tæka tíð áður en gjalddagi á tiltekins flokks ríkisbréfa rennur upp, sem er í dag. Benti Seðlabankinn á að yrði frumvarpið ekki samþykkt fyrir þann tíma myndi hættan aukast á því að stórir aflandskrónueigendur muni leiti út með fjármagn sitt í stað þess að endurfjárfesta í íslenskum skuldabréfum. Það geti haft í för með sér slæmar afleiðingar fyrir efnahaginn.Það virðist hafa verið af þessu tilefni sem Smára þótti rétt að spyrja Sigmund Davíð af hverju svo virtist sem að Miðflokkurinn væri kominn í málþóf til þess að tefja framgang frumvarpsins, en þingmenn Miðflokksins eru nær þeir einu sem eru á mælendaskrá.„Mig langar til þess að spyrja háttvirtan þingmann hvort hann hafi nú, eins og hann hafði hér fyrir nokkrum árum eins og alþjóð veit, persónulega hagsmuni sem tengjast meðferð þessa þingmáls. Og ef svo er ekki þá langar mig að spyrja, í þágu hvaða markmiða eða hvaða hagsmunaðila það er sem Miðflokkurinn er nú að reyna að tefja framgöngu þessa máls,“ spurði Smári Sigmund Davíð.Vísaði Smári þar til aflandsfélagsins Wintris sem var í eigu Sigmundar Davíðs þegar það lýsti kröfum í stóru bankanna þriggja sem féllu í Hruninu.Sigmundur Davíð Gunnlaugsson er formaður MiðflokksinsVísir/VilhelmSagði tímabært að siðanefnd skoðaði framgöngu Pírata á þingi Sigmundur virtist ekki vera hrifinn af spurningu Smára og svaraði henni um hæl. „Því virðast fá takmörk sett hversu framganga Pírata getur orðið ógeðfelld á þessu Alþingi. Ég held að það sé orðið löngu tímabært að siðanefnd fari aðeins að fjalla um Pírata og hvernig þeir starfa, ekki bara eineltiskúlturinn innan þeirra raða heldur framgöngu þeirra við aðra þingmenn,“ sagði Sigmundur Davíð. Viðraði hann einnig efasemdir sínar um að samþykki frumvarpsins myndi gera það að verkum að stórir aflandskrónueigendur myndi endurfjárfesta í íslenskum skuldabréfum. Töluverðar líkur væru á því að aflandskrónueigendurnir myndu leita út. „Og ég hef sannarlega engra hagsmuna að gæta hjá vogunarsjóðum eins og háttvirtar þingmaður á að geta gert sér grein fyrir. En ég ítreka, mér finnst framganga Pírata undanfarnar vikur, mánuði og reyndar kannski dálítið mörg ár vera fyrir neðan allar hellur,“ svaraði Sigmundur Davíð. Ekkert óeðlilegt við að spyrja að mati Smára Smári virtist þó ekki vera sáttur við þetta svar formanns Miðflokksins og steig aftur í pontu. „Það er eðlilegt og ekki eineltistilburðir að spyrja þegar þekkt er að þingmenn hafi einhver tengsl eða hafi haft einhver tengsl í fortíðinni við ákveðin mál að spyrja hvort að þau tengsl séu enn til staðar.“ „Við þekkjum öll að þessi áhætta er til þá er eðlilegt að spyrja, úr því að Miðflokkurinn er kominn í þennan málþófsgír, fyrir hvern, hver græðir? „Cui Bono?“ eins og stundum er sagt með leyfi forseta. Vegna þess að ég sé það ekki í hendi mér til hvers þessi málþófsgír er í gangi og satt að segja væri eðlilegast að við myndum klára þetta mál og svo myndum við taka nokkur önnur góð mál fyrir,“ bætti hann við. AlþingiVísir/VilhelmSakaði Smára um meiðyrði Aftur steig Sigmundur Davíð í pontu og virtist hann allt annað en kátur með framgöngu þingmanns Pírata í málinu. „Þingmaður sem talar hér á undan mér gerðist sekur um meiðyrði. Hann laug og lagði sig fram við það að reyna að stimpla inn ógeðfellda mynd sem hann því miður og allt of margir félagar hans hafa á undanförnum árum reynt að viðhalda og koma inn hjá fólki. Ég hef aldrei haft nein tengsl við neina hrægammasjóði og það hafa engir ættingjar mínir gert heldur,“ sagði Sigmundur Davíð. Taldi hann framgöngu Smára „vera fyrir neðan allar hellur“ „Fyrir utan það að kenning hans er svo arfavitlaus að búa til samsæriskenningu um að það að koma í veg fyrir að harðskeyttustu vogunarsjóðirnir séu losaðir úr höftum einhliða af hálfu ríkisins að með því móti sé á einhvern hátt verið að ganga gegn hagsmunum ríkisins. Hvers konar endemis della er þetta og hversu lengi eigum við að þola meira af þessu frá þingmönnum Pírata?“
Alþingi Gjaldeyrishöft Miðflokkurinn Píratar Mest lesið Pakistan segir Indland mögulega gera árás á næstu klukkustundum Erlent Skiptar skoðanir á stöðvarskyldu: „Held að enginn vilji hverfa aftur í það ástand“ Innlent Njósnaaðgerðir sagðar tengjast deilum tveggja af auðugustu mönnum landsins Innlent „Miklu svakalegra en ég gerði mér grein fyrir“ Innlent Árásarmannsins enn leitað Erlent Boðar brottfararstöð fyrir hælisleitendur Innlent Furðar sig á umdeildri Exit-auglýsingu og hækkar veiðigjöldin Innlent „Fyrst hélt ég að þetta væri eitthvað grín“ Innlent „Í guðanna bænum höldum vöku okkar við aksturinn" Innlent „Viltu ekki tala við mig eins og ég sé gamalmenni“ Innlent Fleiri fréttir Skiptar skoðanir á stöðvarskyldu: „Held að enginn vilji hverfa aftur í það ástand“ „Miklu svakalegra en ég gerði mér grein fyrir“ Njósnaaðgerðir sagðar tengjast deilum tveggja af auðugustu mönnum landsins Boðar brottfararstöð fyrir hælisleitendur Óttaðist hið versta þegar allar tengingar rofnuðu Furðar sig á umdeildri Exit-auglýsingu og hækkar veiðigjöldin Selfyssingar buðu lægst í brúasmíði á Vestfjörðum Hræðilegt að missa samskipti við umheiminn og veiðigjöldin Varðstjóri leystur undan vinnuskyldu vegna gruns um njósnir Vesturbæingar búa sig undir fjögurra vikna sundlaugarlokun Mikill reykur vegna elds í bílatætara Vill taka upp stöðvarskyldu tveimur árum eftir að hún var afnumin Ný stjórn Ríkisútvarpsins kjörin Létt í lund þrátt fyrir margra klukkustunda bið eftir Lissabon „Í guðanna bænum höldum vöku okkar við aksturinn" „Viltu ekki tala við mig eins og ég sé gamalmenni“ Ráðherra skoðar frekari girðingar á strandveiðar Rafmagnið komið í lag og verðbólgan eykst á ný „Fyrst hélt ég að þetta væri eitthvað grín“ Fá ekki áheyrn vegna stympinga kennara og nemanda Hraðbankinn enn ekki látinn í friði Foreldrar eigi að byrja á því að setja sjálfum sér skjátíma „Við þrífumst ekki til lengdar ein“ Reyndu að brjótast inn í hraðbanka Mikilvægt að vera betri í bakgarðinum en óvelkomnir gestir „Við erum mjög háð rafmagninu“ Gyltur gjóta þrettán til sextán grísum í hverju goti Öryggi ógnað og refsingar fyrnist Starfsfólk Isavia of smeykt til að taka á kaffistofumálinu Fólk eigi ekki að breyta sínu daglega lífi vegna frásagna af hópnauðgun Sjá meira