Jón Axel valinn besti leikmaður vikunnar í Atlantic 10

Íslenski körfuboltamaðurinn Jón Axel Guðmundsson kórónaði eftirminnilega viku hjá sér með því að vera kosinn besti leikmaður vikunnar í Atlantic 10 deildinni.

Jón Axel var með 23,0 stig, 9,0 fráköst og 7,5 stoðsendingar að meðaltali í leik í vikunni en hápunkturinn var þegar hann náði fyrstu þrennunni hjá Davidson háskólaliðinu í 46 ár eða síðan árið 1973.

Jon Axel Gudmundsson recorded a triple-double Friday, the first in 46 years for @DavidsonMBB while averaging 23 points, 9.0 rebounds and 7.5 assists to earn #A10MBB Player of the Week

STORY: https://t.co/MaVN4FnrlTpic.twitter.com/TpUyVJJfjt

— Atlantic 10 MBB (@A10MBB) February 25, 2019

Jón Axel var með 20 stig, 10 fráköst og 10 stoðsendingar í sigri Davidson á Rhode Island.

Jón Axel náði líka tveimur tímamótum í vikunni þegar hann tók sitt 500. frákast og gaf sína 400. stoðsendingu.

Í skólanum sem Steph Curry spilaði áður en hann fór í NBA-deildina þá varð Jón Axel fyrstur í sögu Davidson-skólans til að ná því skora að minnsta kosti 1000 stig, taka að lágmarki 500 fráköst og gefa meira en 400 stoðsendingar.

He made it easy on the voters this week... CONGRATS JAG!

Gudmundsson Tabbed Atlantic 10 Player of the Week

- https://t.co/xkfijybT2Mpic.twitter.com/dM6slCPZqn

— Davidson Basketball (@DavidsonMBB) February 25, 2019