Bandamenn, ráðgjafar og Rússar: Hér eru þeir sem Mueller ákærði í Rússarannsókninni Kjartan Kjartansson skrifar 22. mars 2019 23:45 Robert Mueller og Donald Trump. Vísir/GETTY/AP Rannsókn Roberts Mueller, sérstaka rannsakanda bandaríska dómsmálaráðuneytisins, er lokið, tæpum tveimur árum eftir að hann tók við henni. Fyrsti þjóðaröryggisráðgjafi Trump, kosningastjórar hans og hópur Rússa eru á meðal á fjórða tug einstaklinga sem Mueller ákærði í rannsókninni. Dómsmálaráðuneytið staðfesti í kvöld að Mueller hefði skilað trúnaðarskýrslu um rannsókn sína í dag. William Barr, dómsmálaráðherra, segist jafnvel ætla að kynna þingmönnum helstu niðurstöður hans um helgina. Talsmaður embættis sérstaka rannsakandans segir að hann láti af störfum á næstu dögum. Það fellur í skaut Barr að ákveða hvort og hversu mikið af skýrslunni verður gert opinbert. Trump forseti hefur ítrekað lýst Rússarannsókninni svonefndu sem nornaveiðum. Hún beinist að því hvort að framboð hans fyrir forsetakosningarnar árið 2016 hafi átt í samráði við útsendara rússneskra stjórnvalda um að hafa áhrif á úrslit þeirra. Einnig rannsakaði Mueller hvort Trump hefði reynt að hindra framgang réttvísinnar þegar hann rak James Comey, þáverandi forstjóra alríkislögreglunnar FBI, í maí árið 2017. Brottrekstur Comey var ástæða þess að Mueller var skipaður sérstakur rannsakandi yfir rannsókninni sem hófst þegar árið 2016. Bandarískir fjölmiðlar hafa eftir embættismanni dómsmálaráðuneytisins að Mueller ætli sér ekki að ákæra fleiri og því virðist Trump forseti vera óhultur fyrir saksókn af hálfu sérstaka rannsakandans. Hér á eftir fer listi yfir þá helstu sem Mueller hefur ákært undanfarna tuttugu og tvo mánuði. Listinn byggir á samantekt Vox.Paul Manafort, fyrrverandi kosningastjóri Donald Trumps Bandaríkjaforseta.Getty/Andrew HarrerPaul Manafort, fyrrverandi kosningastjóri Trump Manafort var ákærður í tuttugu og fimm liðum í tveimur málum, þar á meðal fyrir skattsvik, peningaþvætti, bankasvik og að hafa ekki greint stjórnvöldum frá því að hann starfaði sem útsendari erlends ríkis. Brot hans tengjast ekki meintu samráði við Rússa með beinum hætti heldur störfum hans sem málafylgjumaður fyrir fyrrverandi ríkisstjórn Úkraínu. Manafort hefur verið dæmdur í sjö og hálfs árs fangelsi og gæti átt yfir höfði sér frekari refsingu í New York-ríki.Rick Gates, aðstoðarkosningastjóri Trump Gates var viðskiptafélagi Manafort og hélt áfram störfum fyrir framboðið eftir að Manafort steig til hliðar í ágúst árið 2016 í kjölfar ásakana um að hann hefði þegið milljónir dollara á laun í Úkraínu. Gates vann með saksóknurum og gerði sátt þar sem hann játaði sig sekan um að ljúga að alríkislögreglunni.George Papadopoulous, utanríkisráðgjafi framboðsins Papdopoulos var lítt þekktur áður en hann var ásamt Manafort og Gates sá fyrsti sem var ákærður í rannsókn Mueller. Hann játaði sig sekan um að hafa logið að alríkislögreglunni um samskipti sín við rússneska einstaklinga.Michael Flynn, fyrrverandi hershöfðingi og þjóðaröryggisráðgjafi Bandaríkjanna.AP/Carolyn KasterMichael Flynn, fyrsti þjóðaröryggisráðgjafi Trump Flynn játaði sig sekan um að hafa logið að alríkislögreglunni um samskipti sín við sendiherra Rússa og hefur unnið með saksóknurum. Hann var fyrsti þjóðaröryggisráðgjafi Trump en hrökklaðist frá eftir aðeins um mánuð í starfi.Þrettán Rússar og þrjú rússnesk fyrirtækiRannsókn Mueller beindist einnig að tilraunum rússneskra stjórnvalda til að hafa áhrif á forsetakosningarnar árið 2016. Hann afhjúpaði áróðursherferð Rússa sem var rekin í gegnum fyrirtæki eins og Internetrannsóknastofnunina sem nefnd hafa verið „rússneska tröllaverksmiðjan“. Starfsmenn hennar dældu út áróðri sem var ætlað að ala á sundrungu í bandarísku samfélagi.Tólf rússneskir leyniþjónustumenn. Þeir voru ákærðir fyrir glæpi sem tengjast því þegar brotist var inn í tölvupósta Demókrataflokksins og þeim lekið árið 2016.Michael Cohen hefur unnið með saksóknurum. Hann lýsti Trump sem svikahrappi og rasista þegar hann kom fyrir þingnefnd á dögunum.AP/Manuel Balce CenetaMichael Cohen, fyrrverandi lögmaður Trump Saksóknarar Mueller ákærðu Cohen ekki sjálfir heldur vísuðu máli hans til saksóknara í New York-ríki. Hann játaði sig sekan um átta brot í ágúst í fyrra, þar á meðal skatt- og bankasvik, auk kosningalagabrota sem hann fullyrðir að hafi verið að skipan Trump. Cohen hefur unnið með saksóknurum en á að hefja afplánun þriggja ára fangelsisdóm á næstu vikum. Eftir að hafa um árabil verið maðurinn sem lét vandamál Trump hverfa hefur Cohen snúist harkalega gegn forsetanum. Í vitnisburði hjá þingnefnd í febrúar lýsti hann Trump sem rasista og svikahrappi.Roger Stone, formlegur og óformlegur ráðgjafi Trump Einn skrautlegasti bandamaður Trump sem blandaðist í rannsóknina er Roger Stone, pólitískur klækjarefur Repúblikanaflokksins til áratuga. Mueller ákærði hann fyrir að ljúga að bandarískri þingnefnd um tilraunir hans til að komast í samband við uppljóstranavefinn Wikileaks sem lak tölvupóstum demókrata. Þá er hann sakaður um að hafa reynt að hafa áhrif á framburð vitnis. Stone, sem vann meðal annars fyrir endurkjörnefnd Richards Nixon og er með húðflúr af forsetanum fyrrverandi á herðunum, hefur neitað allri sök. Bandaríkin Donald Trump Rússarannsóknin Tengdar fréttir Mueller hefur lokið Rússarannsókn sinni og ákærir ekki fleiri Búist er við því að dómsmálaráðherra Bandaríkjanna staðfesti að hann hafi fengið rannsóknarskýrslu Roberts Mueller afhenta í dag. 22. mars 2019 21:04 Mest lesið Dvaldi lengi í Engey áður en hún synti til baka í flasið á hvalaskoðunarskipi Innlent Diljá Mist segir hræsni einkenna íslenska femínista Innlent Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent Þrettán þúsund krónur fyrir nótt í tjaldi Innlent Íslensk kona og fjölskylda hennar á sjúkrahúsi eftir árás á Krít Innlent Stórhættulegur framúrakstur á Holtavörðuheiði Innlent „Væri ekki að fara ef ekki væri fyrir góðvild fólks“ Innlent Dósent við HÍ „óskaði þess að árásarmaðurinn hefði hitt“ Innlent Munaði engu að ökumaður straujaði niður nítján hjólreiðamenn Innlent Íslendingur á sextugsaldri fannst látinn í Taílandi Innlent Fleiri fréttir Biden leggur lokahönd á tillögur að breytingum á hæstarétti Bretar samþykkja sölu dýrafóðurs úr ræktaðri kjötvöru Eitraði fyrir sjálfri sér og ferðafélögum sínum með blásýru Stefna Starmers mörkuð í ræðu konungs Íranir hafna aðild að banatilræðinu Ekkert nema ást og aðdáun á landsþingi Repúblikana Valið á Vance fyrirboði einangrunarhyggju í utanríkismálum Tveir fundust skotnir til bana í brunnum bíl í Malmö Grunar að Íranir hafi skipulagt morð á Trump fyrir atburði vikunnar Vonar að árásin gegn Trump veki Bandaríkjamenn Hver er J.D. Vance? Pattstaða í Frakklandi Segja Musk hyggjast styrkja Trump um 45 milljónir dala á mánuði „Búið að leggja upp dauðafæri fyrir Donald Trump“ Kallaði Trump „Hitler Ameríku“ og studdi Never Trump-hreyfinguna J.D. Vance verður varaforsetaefni Trump Leyniskjalamáli Trump vísað frá dómi Fulltrúar Hamas og Fatah funda í Kína í næstu viku Hringurinn þrengist í leitinni að varaforsetaefni Lík Jay Slater fundið Kallas segir af sér vegna nýja starfsins Raðmorðingi játar að hafa myrt allt að 42 konur Katrínu tekið fagnandi á Wimbledon „Ég ætti að vera dauður“ Tæki 100 flutningabifreiðar 15 ár að flytja húsarústirnar á brott Ávarpaði þjóðina og hvatti menn til að „kæla“ orðræðuna Ástand hinna særðu sagt stöðugt Íslenskir ráðamenn verið skammaðir fyrir að senda Trump batakveðju Hinn látni slökkviliðsmaður sem fórnaði sér fyrir fjölskylduna Fundu sprengjur í bíl og á heimili árásarmannsins Sjá meira
Rannsókn Roberts Mueller, sérstaka rannsakanda bandaríska dómsmálaráðuneytisins, er lokið, tæpum tveimur árum eftir að hann tók við henni. Fyrsti þjóðaröryggisráðgjafi Trump, kosningastjórar hans og hópur Rússa eru á meðal á fjórða tug einstaklinga sem Mueller ákærði í rannsókninni. Dómsmálaráðuneytið staðfesti í kvöld að Mueller hefði skilað trúnaðarskýrslu um rannsókn sína í dag. William Barr, dómsmálaráðherra, segist jafnvel ætla að kynna þingmönnum helstu niðurstöður hans um helgina. Talsmaður embættis sérstaka rannsakandans segir að hann láti af störfum á næstu dögum. Það fellur í skaut Barr að ákveða hvort og hversu mikið af skýrslunni verður gert opinbert. Trump forseti hefur ítrekað lýst Rússarannsókninni svonefndu sem nornaveiðum. Hún beinist að því hvort að framboð hans fyrir forsetakosningarnar árið 2016 hafi átt í samráði við útsendara rússneskra stjórnvalda um að hafa áhrif á úrslit þeirra. Einnig rannsakaði Mueller hvort Trump hefði reynt að hindra framgang réttvísinnar þegar hann rak James Comey, þáverandi forstjóra alríkislögreglunnar FBI, í maí árið 2017. Brottrekstur Comey var ástæða þess að Mueller var skipaður sérstakur rannsakandi yfir rannsókninni sem hófst þegar árið 2016. Bandarískir fjölmiðlar hafa eftir embættismanni dómsmálaráðuneytisins að Mueller ætli sér ekki að ákæra fleiri og því virðist Trump forseti vera óhultur fyrir saksókn af hálfu sérstaka rannsakandans. Hér á eftir fer listi yfir þá helstu sem Mueller hefur ákært undanfarna tuttugu og tvo mánuði. Listinn byggir á samantekt Vox.Paul Manafort, fyrrverandi kosningastjóri Donald Trumps Bandaríkjaforseta.Getty/Andrew HarrerPaul Manafort, fyrrverandi kosningastjóri Trump Manafort var ákærður í tuttugu og fimm liðum í tveimur málum, þar á meðal fyrir skattsvik, peningaþvætti, bankasvik og að hafa ekki greint stjórnvöldum frá því að hann starfaði sem útsendari erlends ríkis. Brot hans tengjast ekki meintu samráði við Rússa með beinum hætti heldur störfum hans sem málafylgjumaður fyrir fyrrverandi ríkisstjórn Úkraínu. Manafort hefur verið dæmdur í sjö og hálfs árs fangelsi og gæti átt yfir höfði sér frekari refsingu í New York-ríki.Rick Gates, aðstoðarkosningastjóri Trump Gates var viðskiptafélagi Manafort og hélt áfram störfum fyrir framboðið eftir að Manafort steig til hliðar í ágúst árið 2016 í kjölfar ásakana um að hann hefði þegið milljónir dollara á laun í Úkraínu. Gates vann með saksóknurum og gerði sátt þar sem hann játaði sig sekan um að ljúga að alríkislögreglunni.George Papadopoulous, utanríkisráðgjafi framboðsins Papdopoulos var lítt þekktur áður en hann var ásamt Manafort og Gates sá fyrsti sem var ákærður í rannsókn Mueller. Hann játaði sig sekan um að hafa logið að alríkislögreglunni um samskipti sín við rússneska einstaklinga.Michael Flynn, fyrrverandi hershöfðingi og þjóðaröryggisráðgjafi Bandaríkjanna.AP/Carolyn KasterMichael Flynn, fyrsti þjóðaröryggisráðgjafi Trump Flynn játaði sig sekan um að hafa logið að alríkislögreglunni um samskipti sín við sendiherra Rússa og hefur unnið með saksóknurum. Hann var fyrsti þjóðaröryggisráðgjafi Trump en hrökklaðist frá eftir aðeins um mánuð í starfi.Þrettán Rússar og þrjú rússnesk fyrirtækiRannsókn Mueller beindist einnig að tilraunum rússneskra stjórnvalda til að hafa áhrif á forsetakosningarnar árið 2016. Hann afhjúpaði áróðursherferð Rússa sem var rekin í gegnum fyrirtæki eins og Internetrannsóknastofnunina sem nefnd hafa verið „rússneska tröllaverksmiðjan“. Starfsmenn hennar dældu út áróðri sem var ætlað að ala á sundrungu í bandarísku samfélagi.Tólf rússneskir leyniþjónustumenn. Þeir voru ákærðir fyrir glæpi sem tengjast því þegar brotist var inn í tölvupósta Demókrataflokksins og þeim lekið árið 2016.Michael Cohen hefur unnið með saksóknurum. Hann lýsti Trump sem svikahrappi og rasista þegar hann kom fyrir þingnefnd á dögunum.AP/Manuel Balce CenetaMichael Cohen, fyrrverandi lögmaður Trump Saksóknarar Mueller ákærðu Cohen ekki sjálfir heldur vísuðu máli hans til saksóknara í New York-ríki. Hann játaði sig sekan um átta brot í ágúst í fyrra, þar á meðal skatt- og bankasvik, auk kosningalagabrota sem hann fullyrðir að hafi verið að skipan Trump. Cohen hefur unnið með saksóknurum en á að hefja afplánun þriggja ára fangelsisdóm á næstu vikum. Eftir að hafa um árabil verið maðurinn sem lét vandamál Trump hverfa hefur Cohen snúist harkalega gegn forsetanum. Í vitnisburði hjá þingnefnd í febrúar lýsti hann Trump sem rasista og svikahrappi.Roger Stone, formlegur og óformlegur ráðgjafi Trump Einn skrautlegasti bandamaður Trump sem blandaðist í rannsóknina er Roger Stone, pólitískur klækjarefur Repúblikanaflokksins til áratuga. Mueller ákærði hann fyrir að ljúga að bandarískri þingnefnd um tilraunir hans til að komast í samband við uppljóstranavefinn Wikileaks sem lak tölvupóstum demókrata. Þá er hann sakaður um að hafa reynt að hafa áhrif á framburð vitnis. Stone, sem vann meðal annars fyrir endurkjörnefnd Richards Nixon og er með húðflúr af forsetanum fyrrverandi á herðunum, hefur neitað allri sök.
Bandaríkin Donald Trump Rússarannsóknin Tengdar fréttir Mueller hefur lokið Rússarannsókn sinni og ákærir ekki fleiri Búist er við því að dómsmálaráðherra Bandaríkjanna staðfesti að hann hafi fengið rannsóknarskýrslu Roberts Mueller afhenta í dag. 22. mars 2019 21:04 Mest lesið Dvaldi lengi í Engey áður en hún synti til baka í flasið á hvalaskoðunarskipi Innlent Diljá Mist segir hræsni einkenna íslenska femínista Innlent Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent Þrettán þúsund krónur fyrir nótt í tjaldi Innlent Íslensk kona og fjölskylda hennar á sjúkrahúsi eftir árás á Krít Innlent Stórhættulegur framúrakstur á Holtavörðuheiði Innlent „Væri ekki að fara ef ekki væri fyrir góðvild fólks“ Innlent Dósent við HÍ „óskaði þess að árásarmaðurinn hefði hitt“ Innlent Munaði engu að ökumaður straujaði niður nítján hjólreiðamenn Innlent Íslendingur á sextugsaldri fannst látinn í Taílandi Innlent Fleiri fréttir Biden leggur lokahönd á tillögur að breytingum á hæstarétti Bretar samþykkja sölu dýrafóðurs úr ræktaðri kjötvöru Eitraði fyrir sjálfri sér og ferðafélögum sínum með blásýru Stefna Starmers mörkuð í ræðu konungs Íranir hafna aðild að banatilræðinu Ekkert nema ást og aðdáun á landsþingi Repúblikana Valið á Vance fyrirboði einangrunarhyggju í utanríkismálum Tveir fundust skotnir til bana í brunnum bíl í Malmö Grunar að Íranir hafi skipulagt morð á Trump fyrir atburði vikunnar Vonar að árásin gegn Trump veki Bandaríkjamenn Hver er J.D. Vance? Pattstaða í Frakklandi Segja Musk hyggjast styrkja Trump um 45 milljónir dala á mánuði „Búið að leggja upp dauðafæri fyrir Donald Trump“ Kallaði Trump „Hitler Ameríku“ og studdi Never Trump-hreyfinguna J.D. Vance verður varaforsetaefni Trump Leyniskjalamáli Trump vísað frá dómi Fulltrúar Hamas og Fatah funda í Kína í næstu viku Hringurinn þrengist í leitinni að varaforsetaefni Lík Jay Slater fundið Kallas segir af sér vegna nýja starfsins Raðmorðingi játar að hafa myrt allt að 42 konur Katrínu tekið fagnandi á Wimbledon „Ég ætti að vera dauður“ Tæki 100 flutningabifreiðar 15 ár að flytja húsarústirnar á brott Ávarpaði þjóðina og hvatti menn til að „kæla“ orðræðuna Ástand hinna særðu sagt stöðugt Íslenskir ráðamenn verið skammaðir fyrir að senda Trump batakveðju Hinn látni slökkviliðsmaður sem fórnaði sér fyrir fjölskylduna Fundu sprengjur í bíl og á heimili árásarmannsins Sjá meira
Mueller hefur lokið Rússarannsókn sinni og ákærir ekki fleiri Búist er við því að dómsmálaráðherra Bandaríkjanna staðfesti að hann hafi fengið rannsóknarskýrslu Roberts Mueller afhenta í dag. 22. mars 2019 21:04
Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent
Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent