Rannsókn lögreglunnar á íkveikju við bílaumboðið Öskju í ágúst í fyrra er á lokametrunum og er búist við að málið verði sent ákærusviði á næstu dögum til afgreiðslu. Átta bíla eyðilögðust í brunanum en helmingur þeirra var í eigu viðskiptavina. Tjónið hleypur á tugum milljóna króna.
Tilkynnt var um eldinn klukkan fimm að morgni 20. ágúst síðastliðinn en Fjölmennt lið slökkviliðsins á höfuðborgarsvæðinu tók þátt í slökkvistarfi og réði niðurlögum eldsins á um klukkustund.
Kristján Ólafur Guðnason, aðstoðaryfirlögregluþjónn á höfuðborgarsvæðinu, segir í samtali við vísi að myndefni úr eftirlitsmyndavélum við vettvang og víðar hafi leitt til handtöku nokkurra einstaklinga fljótlega eftir brunann. Voru þeir yfirheyrðir og húsleitir framkvæmdar. Hann segir rannsóknina hafa verið viðamikla, gengið vel og á lokastigi.
Nokkrir handteknir í tengslum við rannsókn á bruna í Öskju
Tengdar fréttir
Tjónið metið á tugi milljóna króna
Jón Trausti, framkvæmdastjóri Öskju, segir að augljóslega sjáist í öryggismyndavélum á svæðinu að um íkveikju hafi verið ræða.
Átta bílar skemmdust í bruna við Öskju
Átta bílar skemmdust í brunanum, að sögn varðstjóra hjá slökkviliðinu á höfuðborgarsvæðinu.
Helmingur bifreiðanna úr brunanum í eigu viðskiptavina
Að minnsta kosti átta bifreiðar eru mikið skemmdar eða ónýtar eftir íkveikju við bílaumboðið Öskju snemma í morgun.
