Málaði Heimaklett sundur og saman Steingerður Sonja Þórisdóttir skrifar 3. júlí 2019 09:00 Listamaðurinn Tolli opnar einkasýningu nú á fimmtudaginn á flugvellinum í Vestmannaeyjum. Mynd/Aðsend Fimmtudaginn 4. júlí verður opnuð sýning á nýjum olíumálverkum eftir listamanninn Tolla á Vestmannaeyjaflugvelli. Sýningin er samvinnuverkefni Isavia, rekstraraðila flugvallarins og Tolla. „Ég er rosalega hress,“ segir Tolli glaður í bragði þegar Fréttablaðið nær tali af honum þar sem hann er að ferja verk á sýningarstað. „Ég er að koma með til Eyja stór og smá verk, þar sem ég er búinn að mála Heimaklettinn sundur og saman,“ bætir hann svo við.Náttúruundrið Heimaklettur Sýningin er sú síðasta af fjórum sem Tolli hefur unnið í samstarfi við Isavia. Í seríunni hefur hann sýnt verk sín á flugvöllum á landsbyggðinnni. Hann hefur því haldið álíka sýningar á Akureyri, Ísafirði og Egilsstöðum. „Vestmannaeyjar eru Ítalía Íslands,“ fullyrðir Tolli ,,Þetta er í raun suðrið okkar. Svo eru Vestmannaeyingar blóðheitir og lífsglaðir. Fólk sem hefur lifað við erfiðar aðstæður, eldgosið og hafið. Maður finnur hvað Heimaklettur á stórt pláss í hjörtum þeirra. Það er ekkert náttúruundur sem Íslendingar tengja meira við en Vestmanneyingar gera við Heimaklett,“ segir Tolli. Tolli kemur því með verk prýdd Heimakletti, og það í öllum regnbogans litum. „Ég geri honum að ég tel það góð skil að Vestmannaeyingar eiga að geta speglað lífsgleði sína og kraft í þessum málverkum sem ég er að fara að sýna.“Litríkt og kraftmikið stöff Hann hvetur fólk til að mæta á sýninguna, og sérstaklega þá sem eiga rætur að rekja til Eyja, til að gera sér ferð yfir sjóinn og berja verkin augu. „Allir sem hafa gaman af náttúruundrinu Heimakletti, Vestmannaeyjum og góðri myndlist almennt eiga erindi á þessa sýningu,“ segir Tolli. Sýningin á Ísafirði samanstóð mestmegnis af verkum sem sýndu landslagið fyrir vestan. Hann hafi þó ekki farið strangt eftir beinum tengslum verkanna við staðsetninguna á sýningunum hingað til. „En þarna fer ég alla leið. Megnið á sýningunni sem ég opna núna á fimmtudaginn er úr Eyjum. Þetta er litríkt og kraftmikið stöff.“Tolli segir alla þá sem hafa gaman af Heimakletti, Vestmannaeyjum og góðri myndlist eiga erindi á sýninguna.Svettið ekki allra Næst á dagskrá hjá Tolla er Listahátíðin LungA á Seyðisfirði. Þangað ætlar hann að taka með svett-tjaldið sitt. Aðspurður um áhrif svettsins viðurkennir Tolli að það sé svo sannarlega ekki allra. „Svettið er fyrir þá sem hafa gaman af því að prófa eitthvað nýtt og skora sjálfa sig svolítið á hólm. Fyrir þá aðila er svett mjög fallegt, skemmtilegt og síðast en ekki síst áhrifamikið verkfæri. Fyrir listamenn sem og blaðamenn!“ segir Tolli glettinn að lokum. Birtist í Fréttablaðinu Myndlist Vestmannaeyjar Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Fimmtudaginn 4. júlí verður opnuð sýning á nýjum olíumálverkum eftir listamanninn Tolla á Vestmannaeyjaflugvelli. Sýningin er samvinnuverkefni Isavia, rekstraraðila flugvallarins og Tolla. „Ég er rosalega hress,“ segir Tolli glaður í bragði þegar Fréttablaðið nær tali af honum þar sem hann er að ferja verk á sýningarstað. „Ég er að koma með til Eyja stór og smá verk, þar sem ég er búinn að mála Heimaklettinn sundur og saman,“ bætir hann svo við.Náttúruundrið Heimaklettur Sýningin er sú síðasta af fjórum sem Tolli hefur unnið í samstarfi við Isavia. Í seríunni hefur hann sýnt verk sín á flugvöllum á landsbyggðinnni. Hann hefur því haldið álíka sýningar á Akureyri, Ísafirði og Egilsstöðum. „Vestmannaeyjar eru Ítalía Íslands,“ fullyrðir Tolli ,,Þetta er í raun suðrið okkar. Svo eru Vestmannaeyingar blóðheitir og lífsglaðir. Fólk sem hefur lifað við erfiðar aðstæður, eldgosið og hafið. Maður finnur hvað Heimaklettur á stórt pláss í hjörtum þeirra. Það er ekkert náttúruundur sem Íslendingar tengja meira við en Vestmanneyingar gera við Heimaklett,“ segir Tolli. Tolli kemur því með verk prýdd Heimakletti, og það í öllum regnbogans litum. „Ég geri honum að ég tel það góð skil að Vestmannaeyingar eiga að geta speglað lífsgleði sína og kraft í þessum málverkum sem ég er að fara að sýna.“Litríkt og kraftmikið stöff Hann hvetur fólk til að mæta á sýninguna, og sérstaklega þá sem eiga rætur að rekja til Eyja, til að gera sér ferð yfir sjóinn og berja verkin augu. „Allir sem hafa gaman af náttúruundrinu Heimakletti, Vestmannaeyjum og góðri myndlist almennt eiga erindi á þessa sýningu,“ segir Tolli. Sýningin á Ísafirði samanstóð mestmegnis af verkum sem sýndu landslagið fyrir vestan. Hann hafi þó ekki farið strangt eftir beinum tengslum verkanna við staðsetninguna á sýningunum hingað til. „En þarna fer ég alla leið. Megnið á sýningunni sem ég opna núna á fimmtudaginn er úr Eyjum. Þetta er litríkt og kraftmikið stöff.“Tolli segir alla þá sem hafa gaman af Heimakletti, Vestmannaeyjum og góðri myndlist eiga erindi á sýninguna.Svettið ekki allra Næst á dagskrá hjá Tolla er Listahátíðin LungA á Seyðisfirði. Þangað ætlar hann að taka með svett-tjaldið sitt. Aðspurður um áhrif svettsins viðurkennir Tolli að það sé svo sannarlega ekki allra. „Svettið er fyrir þá sem hafa gaman af því að prófa eitthvað nýtt og skora sjálfa sig svolítið á hólm. Fyrir þá aðila er svett mjög fallegt, skemmtilegt og síðast en ekki síst áhrifamikið verkfæri. Fyrir listamenn sem og blaðamenn!“ segir Tolli glettinn að lokum.
Birtist í Fréttablaðinu Myndlist Vestmannaeyjar Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira