Sidekick fær innspýtingu frá Novator Þorsteinn Friðrik Halldórsson skrifar 8. ágúst 2019 08:00 Tryggvi Þorgeirsson segir að fjármagnið verði meðal annars nýtt til að ráða fleiri starfsmenn til fyrirtækisins. Fréttablaðið/Anton Brink Novator og tengdir fjárfestar hafa lokið við hundrað milljóna króna innspýtingu í íslenska heilbrigðistæknifyrirtækið SidekickHealth en fjárfestahópurinn hefur lagt fyrirtækinu til hundruð milljóna frá stofnun þess. SidekickHealth er komið með annan fótinn inn um dyr alþjóðlega lyfjabransans eftir að hafa byrjað farsælt samstarf við tvö af fimm stærstu lyfjafyrirtækjum heims. Áformuð er önnur og stærri hlutafjáraukning undir lok árs. SidekickHealth hefur þróað svokallaða stafræna heilbrigðismeðferð, þar sem tækninni er beitt til að bæta meðferð fólks með langvinna sjúkdóma svo sem sykursýki, bólgusjúkdóma og hjarta- og æðasjúkdóma. Félagið var stofnað árið 2013 af tveimur læknum, þeim Tryggva Þorgeirssyni og Sæmundi Oddssyni. Tryggvi segir í samtali við Fréttablaðið að tæknin grundvallist á hugmyndinni um fyrirbyggjandi læknisfræði. „Strax eftir útskrift úr læknisfræðinni árið 2008 fann ég á eigin skinni að við læknar erum stöðugt að slökkva elda sem í mörgum tilfellum er hægt að fyrirbyggja. Það skýtur skökku við að samfélagið fjárfestir 80 prósent af heilbrigðisútgjöldum í að meðhöndla afleiðingar lífsstílstengdra sjúkdóma en aðeins 1,6 prósent af útgjöldum eru nýtt í fyrirbyggjandi aðgerðir. Til að fyrirbyggja og meðhöndla þessa lífsstílstengdu sjúkdóma þarf að virkja sjúklingana sjálfa til að breyta um lífsstíl, tryggja meðferðarheldni og svo framvegis. Þar stendur hnífurinn í kúnni því við höfum einfaldlega ekki fjármagn eða starfsfólk til að sinna því sem skyldi inni á heilbrigðisstofnunum, enda þarf tuga klukkustunda meðferðarsamband til þess. Fjöldi einstaklinga með þessa lífsstílstengdu sjúkdóma er svo mikill að ómögulegt er að ná því án hjálpar tækninnar og þar komum við til sögunnar,“ segir Tryggvi.Klínískar niðurstöður lykillinn Eitt af því sem hefur skapað SidekickHealth sérstöðu er að fyrirtækið var stofnað af læknum og því var lögð áhersla á að tæknin byggði á heilbrigðisvísindum. Því er öfugt farið hjá mörgum fyrirtækjum af svipuðum meiði, að sögn Tryggva, sem eru stofnuð af tæknifólki. Í kjölfar beta-útgáfu árið 2015 var ákveðið að ráðast í klínískar rannsóknir sem sýndu góðar niðurstöður og voru fyrstu niðurstöður kynntar á vísindaþingi í Bandaríkjunum árið 2017. „Það að vera með sterkar klínískar niðurstöður færði okkur strax upp um flokk og þannig náðum við samningi við eitt af fimm stærstu lyfjafyrirtækjum heims á síðasta ári í tengslum við nýja lyfjameðferð við tilteknum bólgusjúkdómi. Í vor var SidekickHealth notað samhliða lyfjameðferð hjá fyrstu sjúklingum á vegum þess fyrirtækis og niðurstöðurnar sem við fengum í kjölfarið voru frábærar. Allt sem við mældum batnaði: Sjúklingar fundu fyrir meiri orku, þeim leið betur, þeir mundu betur að taka lyfin sín og þeir voru virkir alla meðferðina. Það var ekki síður mikilvægt að notendur sögðust vera betur í stakk búnir til að takast á við þær áskoranir sem fylgja sjúkdómnum, sama hvort er í vinnu eða einkalífi. Lyfjafyrirtækið var hæstánægt með niðurstöðurnar og við erum núna á lokastigi vinnu við rammasamning sem útvíkkar samstarfið til fleiri landa og á fleiri sjúkdómaflokka,“ segir Tryggvi, en samstarfið verður kynnt í haust. Gríðarmikill ávinningur SidekickHealth náði síðan samningi við annað af stærstu lyfjafyrirtækjum heims fyrir samstarf í tengslum við hjarta- og æðasjúkdóma, og er í viðræðum við fleiri. Í lyfjabransanum felast stór tækifæri en Tryggvi segir að lyfjarisarnir sjái mikinn hag í því að auka árangur af lyfjameðferðum með því að virkja sjúklinga á meðan á meðferðinni stendur. „Það að vera komin með samninga við tvö af fimm stærstu lyfjafyrirtækjunum breytir öllum forsendum í viðræðum við næstu lyfjafyrirtæki. Samningarnir eru gæðavottorð og nú erum við komin í viðræður við flest af stærstu fyrirtækjunum. Þau sjá tækifæri í að stórbæta árangurinn af lyfjameðferðunum sem tryggir þeim samkeppnisforskot og getur aukið endurgreiðslur frá tryggingafyrirtækjum á réttum forsendum, nefnilega betri meðferðarárangri. Fyrir hvert prósentustig sem árangurinn fyrir eitt lyf batnar getur ávinningurinn numið um 20-60 milljónum dala á ári,“ segir Tryggvi. „Sjúklingurinn er sá sem græðir mest vegna þess að útkoma meðferðarinnar verður betri þegar tekið er á vandanum með heildstæðum hætti. Það er kjarninn í okkar starfi og möguleikarnir eru gríðarmiklir.” Novator og tengdir fjárfestar eru núna að setja um 100 milljónir króna í aukið hlutafé en þeir hafa verið leiðandi fjárfestar SidekickHealth frá upphafi ásamt Frumtaki II, auk þess sem verkefnið hefur fengið stuðning frá Tækniþróunarsjóði. Fjármagninu verður meðal annars varið í að ráða í átta ný sérfræðistörf. Undir lok árs verður síðan ráðist í aðra og stærri hlutafjáraukningu þar sem núverandi hluthafar sjá fram á að taka þátt en einnig er horft til þess að fá einn eða tvo erlenda sjóði í hluthafahópinn. Birtist í Fréttablaðinu Lyf Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Telja minni líkur á samdrætti í ferðaþjónustu með aukinni kortaveltu Viðskipti innlent Verðstríð að hefjast á matvörumarkaði Neytendur Susan Wojcicki er látin Viðskipti erlent Staðreyndum snúið á hvolf til að eigna ríkisstjórninni verðbólguna Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Ummæli Trump vekja áhyggjur af sjálfstæði seðlabanka Viðskipti erlent Tónleikastöðum fækkar: „Þetta er bara sorgleg þróun“ Viðskipti innlent Fleiri fréttir Telja minni líkur á samdrætti í ferðaþjónustu með aukinni kortaveltu Ósáttur við að fyrrum eigandi Skagans 3X standi í vegi endurreisnar Staðreyndum snúið á hvolf til að eigna ríkisstjórninni verðbólguna Seðlabankinn hafi ekki önnur úrræði en að lækka vexti Tónleikastöðum fækkar: „Þetta er bara sorgleg þróun“ Spá áframhaldandi óbreyttum stýrivöxtum í næstu viku Tryggja sér 650 milljóna króna fjármögnun „Allt að því galið“ að taka ekki þátt í séreignarsparnaði Þórhallur ráðinn fjármálastjóri SORPU Ætla að lækka verð með ungverskum tannlæknum Hefja sölu áfengis á næstu tveimur vikum Atvinnuleysi mest á Suðurnesjum og minnst á Norðurlandi vestra Afnám tolla myndi gera út af við íslenskan landbúnað Bjóða upp á langlægsta verðið en samkeppnisaðilar óttast ekkert Upplifunin verði eins og að fara í búð í útlöndum Kominn tími til að Hopp og Zolo fái samkeppni Evrópska rafhlaupahjólaleigan Bolt opnar á Íslandi í dag Stórt skref stigið í yfirtöku JBT á Marel Klara nýr forstöðumaður hjá RSV „Komin í hóp fullorðnu félaganna“ Play mætt á aðalmarkað Kauphallar Meiri harka í framkvæmdum en áður og fleiri mál fyrir dóm Stefnir í helmingshækkun fasteignaskatta á atvinnuhúsnæði Allt að 43 prósent lægra matvöruverð án tolla Ein og hálf milljón í sekt vegna leyfislausrar Airbnb útleigu Gjaldþrotið nam 780 milljónum króna Stefna að því að opna Starbucks á fyrri hluta næsta árs Frá Bjarna Benediktssyni til Bestseller Play í Kauphöllina Skemmtistaðurinn 22 opnaður á nýjan leik Sjá meira
Novator og tengdir fjárfestar hafa lokið við hundrað milljóna króna innspýtingu í íslenska heilbrigðistæknifyrirtækið SidekickHealth en fjárfestahópurinn hefur lagt fyrirtækinu til hundruð milljóna frá stofnun þess. SidekickHealth er komið með annan fótinn inn um dyr alþjóðlega lyfjabransans eftir að hafa byrjað farsælt samstarf við tvö af fimm stærstu lyfjafyrirtækjum heims. Áformuð er önnur og stærri hlutafjáraukning undir lok árs. SidekickHealth hefur þróað svokallaða stafræna heilbrigðismeðferð, þar sem tækninni er beitt til að bæta meðferð fólks með langvinna sjúkdóma svo sem sykursýki, bólgusjúkdóma og hjarta- og æðasjúkdóma. Félagið var stofnað árið 2013 af tveimur læknum, þeim Tryggva Þorgeirssyni og Sæmundi Oddssyni. Tryggvi segir í samtali við Fréttablaðið að tæknin grundvallist á hugmyndinni um fyrirbyggjandi læknisfræði. „Strax eftir útskrift úr læknisfræðinni árið 2008 fann ég á eigin skinni að við læknar erum stöðugt að slökkva elda sem í mörgum tilfellum er hægt að fyrirbyggja. Það skýtur skökku við að samfélagið fjárfestir 80 prósent af heilbrigðisútgjöldum í að meðhöndla afleiðingar lífsstílstengdra sjúkdóma en aðeins 1,6 prósent af útgjöldum eru nýtt í fyrirbyggjandi aðgerðir. Til að fyrirbyggja og meðhöndla þessa lífsstílstengdu sjúkdóma þarf að virkja sjúklingana sjálfa til að breyta um lífsstíl, tryggja meðferðarheldni og svo framvegis. Þar stendur hnífurinn í kúnni því við höfum einfaldlega ekki fjármagn eða starfsfólk til að sinna því sem skyldi inni á heilbrigðisstofnunum, enda þarf tuga klukkustunda meðferðarsamband til þess. Fjöldi einstaklinga með þessa lífsstílstengdu sjúkdóma er svo mikill að ómögulegt er að ná því án hjálpar tækninnar og þar komum við til sögunnar,“ segir Tryggvi.Klínískar niðurstöður lykillinn Eitt af því sem hefur skapað SidekickHealth sérstöðu er að fyrirtækið var stofnað af læknum og því var lögð áhersla á að tæknin byggði á heilbrigðisvísindum. Því er öfugt farið hjá mörgum fyrirtækjum af svipuðum meiði, að sögn Tryggva, sem eru stofnuð af tæknifólki. Í kjölfar beta-útgáfu árið 2015 var ákveðið að ráðast í klínískar rannsóknir sem sýndu góðar niðurstöður og voru fyrstu niðurstöður kynntar á vísindaþingi í Bandaríkjunum árið 2017. „Það að vera með sterkar klínískar niðurstöður færði okkur strax upp um flokk og þannig náðum við samningi við eitt af fimm stærstu lyfjafyrirtækjum heims á síðasta ári í tengslum við nýja lyfjameðferð við tilteknum bólgusjúkdómi. Í vor var SidekickHealth notað samhliða lyfjameðferð hjá fyrstu sjúklingum á vegum þess fyrirtækis og niðurstöðurnar sem við fengum í kjölfarið voru frábærar. Allt sem við mældum batnaði: Sjúklingar fundu fyrir meiri orku, þeim leið betur, þeir mundu betur að taka lyfin sín og þeir voru virkir alla meðferðina. Það var ekki síður mikilvægt að notendur sögðust vera betur í stakk búnir til að takast á við þær áskoranir sem fylgja sjúkdómnum, sama hvort er í vinnu eða einkalífi. Lyfjafyrirtækið var hæstánægt með niðurstöðurnar og við erum núna á lokastigi vinnu við rammasamning sem útvíkkar samstarfið til fleiri landa og á fleiri sjúkdómaflokka,“ segir Tryggvi, en samstarfið verður kynnt í haust. Gríðarmikill ávinningur SidekickHealth náði síðan samningi við annað af stærstu lyfjafyrirtækjum heims fyrir samstarf í tengslum við hjarta- og æðasjúkdóma, og er í viðræðum við fleiri. Í lyfjabransanum felast stór tækifæri en Tryggvi segir að lyfjarisarnir sjái mikinn hag í því að auka árangur af lyfjameðferðum með því að virkja sjúklinga á meðan á meðferðinni stendur. „Það að vera komin með samninga við tvö af fimm stærstu lyfjafyrirtækjunum breytir öllum forsendum í viðræðum við næstu lyfjafyrirtæki. Samningarnir eru gæðavottorð og nú erum við komin í viðræður við flest af stærstu fyrirtækjunum. Þau sjá tækifæri í að stórbæta árangurinn af lyfjameðferðunum sem tryggir þeim samkeppnisforskot og getur aukið endurgreiðslur frá tryggingafyrirtækjum á réttum forsendum, nefnilega betri meðferðarárangri. Fyrir hvert prósentustig sem árangurinn fyrir eitt lyf batnar getur ávinningurinn numið um 20-60 milljónum dala á ári,“ segir Tryggvi. „Sjúklingurinn er sá sem græðir mest vegna þess að útkoma meðferðarinnar verður betri þegar tekið er á vandanum með heildstæðum hætti. Það er kjarninn í okkar starfi og möguleikarnir eru gríðarmiklir.” Novator og tengdir fjárfestar eru núna að setja um 100 milljónir króna í aukið hlutafé en þeir hafa verið leiðandi fjárfestar SidekickHealth frá upphafi ásamt Frumtaki II, auk þess sem verkefnið hefur fengið stuðning frá Tækniþróunarsjóði. Fjármagninu verður meðal annars varið í að ráða í átta ný sérfræðistörf. Undir lok árs verður síðan ráðist í aðra og stærri hlutafjáraukningu þar sem núverandi hluthafar sjá fram á að taka þátt en einnig er horft til þess að fá einn eða tvo erlenda sjóði í hluthafahópinn.
Birtist í Fréttablaðinu Lyf Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Telja minni líkur á samdrætti í ferðaþjónustu með aukinni kortaveltu Viðskipti innlent Verðstríð að hefjast á matvörumarkaði Neytendur Susan Wojcicki er látin Viðskipti erlent Staðreyndum snúið á hvolf til að eigna ríkisstjórninni verðbólguna Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Ummæli Trump vekja áhyggjur af sjálfstæði seðlabanka Viðskipti erlent Tónleikastöðum fækkar: „Þetta er bara sorgleg þróun“ Viðskipti innlent Fleiri fréttir Telja minni líkur á samdrætti í ferðaþjónustu með aukinni kortaveltu Ósáttur við að fyrrum eigandi Skagans 3X standi í vegi endurreisnar Staðreyndum snúið á hvolf til að eigna ríkisstjórninni verðbólguna Seðlabankinn hafi ekki önnur úrræði en að lækka vexti Tónleikastöðum fækkar: „Þetta er bara sorgleg þróun“ Spá áframhaldandi óbreyttum stýrivöxtum í næstu viku Tryggja sér 650 milljóna króna fjármögnun „Allt að því galið“ að taka ekki þátt í séreignarsparnaði Þórhallur ráðinn fjármálastjóri SORPU Ætla að lækka verð með ungverskum tannlæknum Hefja sölu áfengis á næstu tveimur vikum Atvinnuleysi mest á Suðurnesjum og minnst á Norðurlandi vestra Afnám tolla myndi gera út af við íslenskan landbúnað Bjóða upp á langlægsta verðið en samkeppnisaðilar óttast ekkert Upplifunin verði eins og að fara í búð í útlöndum Kominn tími til að Hopp og Zolo fái samkeppni Evrópska rafhlaupahjólaleigan Bolt opnar á Íslandi í dag Stórt skref stigið í yfirtöku JBT á Marel Klara nýr forstöðumaður hjá RSV „Komin í hóp fullorðnu félaganna“ Play mætt á aðalmarkað Kauphallar Meiri harka í framkvæmdum en áður og fleiri mál fyrir dóm Stefnir í helmingshækkun fasteignaskatta á atvinnuhúsnæði Allt að 43 prósent lægra matvöruverð án tolla Ein og hálf milljón í sekt vegna leyfislausrar Airbnb útleigu Gjaldþrotið nam 780 milljónum króna Stefna að því að opna Starbucks á fyrri hluta næsta árs Frá Bjarna Benediktssyni til Bestseller Play í Kauphöllina Skemmtistaðurinn 22 opnaður á nýjan leik Sjá meira