Færeyingar ganga að kjörkössunum í dag Sylvía Hall skrifar 31. ágúst 2019 12:50 Þegar kjörkassar höfðu verið innsiglaðir var Færeyingum ekkert að vandbúnaði og voru kjörstaðir opnaðir klukkan tíu í morgun. Sverri Egholm/Portal.fo 37.819 eru á kjörskrá þegar þingkosningar fara fram í Færeyjum í dag. Níu flokkar eru í framboði til Lögþingsins þar sem barist er um 33 þingsæti.Kjörstaðir opnuðu klukkan tíu að staðartíma í morgun og eru þeir 57 talsins, einum færri en í síðustu kosningum árið 2015. Fólki á kjörskrá fjölgar um 1.361 frá síðustu kosningum en hlutfall nema erlendis er þó lægra en síðast og fer úr 670 niður í 375. Kjörstaðir loka klukkan átta í kvöld að staðartíma. Skoðanakannanir í aðdraganda kosninganna hafa gefið misvísandi niðurstöður, ýmist benda þær til stórsigur Fólkaflokksins eða núverandi stjórnarflokks, Javnaðarflokksins, sem hefur verið í vinstri samsteypustjórn með Tjóðveldisflokknum og Framsókn. Í tveimur skoðanakönnunum sem gerðar voru fyrir fréttamiðilinn Portal.fo á dögunum kemur fram að Aksel V. Johannesen, lögmaður Færeyja og formaður Javnaðarflokksins, nýtur mikils stuðnings kjósenda og vilja tæplega fjörutíu prósent sjá hann áfram í embætti. Þar kemur næstur Bárður á Steig Nielsen, formaður Sambandsflokksins, með 21,9 prósent og þar á eftir Jørgen Niclasen, formaður Fólkaflokksins, með 14,8 prósent. Frá kjörstað í KÍ-höllinni.Sverri Egholm/Portal.foKjósendur ekki spenntir fyrir þverpólitískri stjórn Stuðningur við núverandi ríkisstjórn mælist mestur á meðal íbúa höfuðstaðarins Þórshafnar sem og kvenna almennt. Í öðrum bæjarfélögum örlar á meiri hægri sveiflu meðal kjósenda sem vilja sjá íhaldsflokkanna í ríkisstjórn. Sjá einnig: Stefnir í hægri sveiflu og stjórnarskipti í FæreyjumÞá virðist vera almenn samstaða á meðal kjósenda Fólkaflokksins og Tjóðveldis um hvaða flokka þeirra flokkur eigi að sækjast eftir samstarfi við. Þeir sem hyggjast kjósa Fólkaflokkinn vilja sjá samstarf með Sambandsflokknum á meðan kjósendur Tjóðveldis óska eftir samstarfi við Javnaðarflokkin, núverandi samstarfsflokk Tjóðveldis í ríkisstjórn. Kjósendur þessara flokka vilja því samstarfsflokka á svipuðum væng stjórnmálanna. Kjósendur Framsóknar, sem er þriðji flokkurinn í núverandi samsteypustjórn og sá minnsti, vilja einna helst sjá núverandi ríkisstjórn halda velli.Buðu flugmiða til þess að safna undirskriftum Færeyjaflokkurinn fór óvenjulegar leiðir til þess að safna undirskriftum.FacebookÍ kosningunum í ár komu tveir nýir flokkar fram á sjónarsviðið, annars vegar flokkurinn Framtakið þar sem tólf eru í framboði og hins vegar Færeyjaflokkurinn þar sem fjórir eru í framboði. Leið Færeyjaflokksins að kjörseðlinum var ekki auðveld og í febrúar var tilkynnt að flokkurinn væri hættur störfum. Hjalmar Zachariassen, leiðtogi flokksins og á þeim tíma eini flokksmaður flokksins, sagði ástæðuna vera að það væri einfaldlega of erfitt að sjá um heilan flokk einn síns liðs. Hann sagði í yfirlýsingu sinni að það væri mikil vöntun á „alvöru frjáslyndum flokki“ í Færeyjum þar sem nær allir aðrir flokkar væru hliðhollir miðstýringu og sú þróun væri að skila sér í því að færri færu með völdin og græddu hvað mest. Jafnframt væri það einfaldlega ekki réttlátt að höfuðstaðurinn væri algjörlega í forgangi hjá stjórnvöldum. Hjálmar gekk í kjölfarið til liðs við Framtakið sem berst nær eingöngu fyrir lögleiðingu kannabisefna. Það stóð stutt og ákvað hann að gefa ekki drauminn um Færeyjaflokkinn upp á bátinn. Hann óskaði eftir aðstoð við að safna þeim áttahundruð undirskriftum sem þurfti til að bjóða fram þar sem fyrri undirskriftir flokksins höfðu runnið út og vakti það athygli hve óvenjulegar leiðir var farið í því verkefni, en þeir sem skrifuðu undir framboð flokksins áttu möguleika á að vinna flugmiða. Flokkurinn biðlaði því til fylgjenda sinna á Facebook að skrifa undir framboð þeirra, og áréttaði að þeir sem höfðu áður gert það þyrftu að gera það á ný. Þrátt fyrir að skiptar skoðanir voru á þessu útspili flokksins var það hvorki brot á markaðslögum né kosningalögum svo lengi sem undirskriftirnar væru réttar. Færeyjaflokkurinn er því á meðal þeirra níu flokka sem Færeyingar velja á milli í dag, með fjóra frambjóðendur á lista. Færeyjar Tengdar fréttir Stefnir í hægri sveiflu og stjórnarskipti í Færeyjum Færeyingar hafa aldrei séð eins mikið kraðak af kosningaspjöldum eins og nú en þingkosningar fara fram í Færeyjum á laugardag. Skoðanakannanir benda til hægri sveiflu. 26. ágúst 2019 21:18 Mest lesið „Mér að mæta“ ef krossar yrðu fjarlægðir Innlent Óttast að tapa bestu flúðum landsins í virkjun Innlent Hlé vegna gagna frá ChatGPT Innlent Katrín gerir upp framboðið og safnar heitum Innlent Segir verkfræðinga á villigötum Innlent Sérsveitin kölluð til í Urriðaholti Innlent Rauðu örvarnar leika listir sínar á Íslandi Innlent „Viðbrögð lögreglu óásættanleg“ eftir líkamsárás á Þjóðhátíð Innlent Landsvirkjun gerir 725 milljón króna tilboð í Toppstöðina Innlent Tæknileg vandræði hjá Háskóla Íslands Innlent Fleiri fréttir Rússar saka Nató og Vesturlönd um aðild að áhlaupi Úkraínumanna Landtökumenn á Vesturbakkanum kveiktu í húsum og bifreiðum Dóttir Thaksin verður yngsti forsætisráðherra Taílands Apabóla greinist í Svíþjóð Úkraínumenn hafa náð valdi yfir Súdsja Gæsluvarðhald yfir Paul Watson framlengt Tólf ára fangelsi fyrir að styrkja Úkraínu um þúsundkalla Sagðir hafa lagt á ráðin um skemmdarverkin á Nord Stream í ölæði Óttast aukna útbreiðslu sýklalyfjaónæmra lekandabaktería Gena Rowlands er látin Neyðarástandi lýst yfir vegna apabólu í hluta Afríku Rannsaka innbrot og mögulega vatnsmengun á herstöð í Þýskalandi Nýfæddir tvíburar létust í sprengjuárás á meðan faðirinn brá sér frá Úkraínumenn halda sókn sinni handan landamæranna áfram Fjögurra daga gamlir tvíburar drepnir í árás Ísraela Segja sjónvarpsáskrift koma í veg fyrir lögsókn vegna dauðsfalls SÞ fordæma ógegnsæi í kosningunum í Venesúela Erlendir þrjótar reyna að brjótast inn til Harris og Trump „Hélt ég væri að fara að drepast. Þú heyrir i sprengjunni koma“ Forsætisráðherra Japan sækist ekki eftir endurkjöri Handtökuskipun gefin út vegna Nord Stream skemmdarverkanna Hamas segjast ekki munu senda fulltrúa til viðræðna á morgun Hafa ekki í hyggju að halda Kúrsk Tugir þúsunda létust af völdum hita í Evrópu Mannréttindastjóri gagnrýnir óhóflega beitingu valds í Venesúela Gera sér ekki mat úr lekanum úr framboði Trump Netanyahu og Gallant í hár saman undir hótunum frá Íran Maður ákærður fyrir stunguárás á ellefu ára stúlku í Lundúnum í gær Fyrsta dauðfallið staðfest í eldunum á Grikklandi Fóru um víðan völl í samtali á X í gær Sjá meira
37.819 eru á kjörskrá þegar þingkosningar fara fram í Færeyjum í dag. Níu flokkar eru í framboði til Lögþingsins þar sem barist er um 33 þingsæti.Kjörstaðir opnuðu klukkan tíu að staðartíma í morgun og eru þeir 57 talsins, einum færri en í síðustu kosningum árið 2015. Fólki á kjörskrá fjölgar um 1.361 frá síðustu kosningum en hlutfall nema erlendis er þó lægra en síðast og fer úr 670 niður í 375. Kjörstaðir loka klukkan átta í kvöld að staðartíma. Skoðanakannanir í aðdraganda kosninganna hafa gefið misvísandi niðurstöður, ýmist benda þær til stórsigur Fólkaflokksins eða núverandi stjórnarflokks, Javnaðarflokksins, sem hefur verið í vinstri samsteypustjórn með Tjóðveldisflokknum og Framsókn. Í tveimur skoðanakönnunum sem gerðar voru fyrir fréttamiðilinn Portal.fo á dögunum kemur fram að Aksel V. Johannesen, lögmaður Færeyja og formaður Javnaðarflokksins, nýtur mikils stuðnings kjósenda og vilja tæplega fjörutíu prósent sjá hann áfram í embætti. Þar kemur næstur Bárður á Steig Nielsen, formaður Sambandsflokksins, með 21,9 prósent og þar á eftir Jørgen Niclasen, formaður Fólkaflokksins, með 14,8 prósent. Frá kjörstað í KÍ-höllinni.Sverri Egholm/Portal.foKjósendur ekki spenntir fyrir þverpólitískri stjórn Stuðningur við núverandi ríkisstjórn mælist mestur á meðal íbúa höfuðstaðarins Þórshafnar sem og kvenna almennt. Í öðrum bæjarfélögum örlar á meiri hægri sveiflu meðal kjósenda sem vilja sjá íhaldsflokkanna í ríkisstjórn. Sjá einnig: Stefnir í hægri sveiflu og stjórnarskipti í FæreyjumÞá virðist vera almenn samstaða á meðal kjósenda Fólkaflokksins og Tjóðveldis um hvaða flokka þeirra flokkur eigi að sækjast eftir samstarfi við. Þeir sem hyggjast kjósa Fólkaflokkinn vilja sjá samstarf með Sambandsflokknum á meðan kjósendur Tjóðveldis óska eftir samstarfi við Javnaðarflokkin, núverandi samstarfsflokk Tjóðveldis í ríkisstjórn. Kjósendur þessara flokka vilja því samstarfsflokka á svipuðum væng stjórnmálanna. Kjósendur Framsóknar, sem er þriðji flokkurinn í núverandi samsteypustjórn og sá minnsti, vilja einna helst sjá núverandi ríkisstjórn halda velli.Buðu flugmiða til þess að safna undirskriftum Færeyjaflokkurinn fór óvenjulegar leiðir til þess að safna undirskriftum.FacebookÍ kosningunum í ár komu tveir nýir flokkar fram á sjónarsviðið, annars vegar flokkurinn Framtakið þar sem tólf eru í framboði og hins vegar Færeyjaflokkurinn þar sem fjórir eru í framboði. Leið Færeyjaflokksins að kjörseðlinum var ekki auðveld og í febrúar var tilkynnt að flokkurinn væri hættur störfum. Hjalmar Zachariassen, leiðtogi flokksins og á þeim tíma eini flokksmaður flokksins, sagði ástæðuna vera að það væri einfaldlega of erfitt að sjá um heilan flokk einn síns liðs. Hann sagði í yfirlýsingu sinni að það væri mikil vöntun á „alvöru frjáslyndum flokki“ í Færeyjum þar sem nær allir aðrir flokkar væru hliðhollir miðstýringu og sú þróun væri að skila sér í því að færri færu með völdin og græddu hvað mest. Jafnframt væri það einfaldlega ekki réttlátt að höfuðstaðurinn væri algjörlega í forgangi hjá stjórnvöldum. Hjálmar gekk í kjölfarið til liðs við Framtakið sem berst nær eingöngu fyrir lögleiðingu kannabisefna. Það stóð stutt og ákvað hann að gefa ekki drauminn um Færeyjaflokkinn upp á bátinn. Hann óskaði eftir aðstoð við að safna þeim áttahundruð undirskriftum sem þurfti til að bjóða fram þar sem fyrri undirskriftir flokksins höfðu runnið út og vakti það athygli hve óvenjulegar leiðir var farið í því verkefni, en þeir sem skrifuðu undir framboð flokksins áttu möguleika á að vinna flugmiða. Flokkurinn biðlaði því til fylgjenda sinna á Facebook að skrifa undir framboð þeirra, og áréttaði að þeir sem höfðu áður gert það þyrftu að gera það á ný. Þrátt fyrir að skiptar skoðanir voru á þessu útspili flokksins var það hvorki brot á markaðslögum né kosningalögum svo lengi sem undirskriftirnar væru réttar. Færeyjaflokkurinn er því á meðal þeirra níu flokka sem Færeyingar velja á milli í dag, með fjóra frambjóðendur á lista.
Færeyjar Tengdar fréttir Stefnir í hægri sveiflu og stjórnarskipti í Færeyjum Færeyingar hafa aldrei séð eins mikið kraðak af kosningaspjöldum eins og nú en þingkosningar fara fram í Færeyjum á laugardag. Skoðanakannanir benda til hægri sveiflu. 26. ágúst 2019 21:18 Mest lesið „Mér að mæta“ ef krossar yrðu fjarlægðir Innlent Óttast að tapa bestu flúðum landsins í virkjun Innlent Hlé vegna gagna frá ChatGPT Innlent Katrín gerir upp framboðið og safnar heitum Innlent Segir verkfræðinga á villigötum Innlent Sérsveitin kölluð til í Urriðaholti Innlent Rauðu örvarnar leika listir sínar á Íslandi Innlent „Viðbrögð lögreglu óásættanleg“ eftir líkamsárás á Þjóðhátíð Innlent Landsvirkjun gerir 725 milljón króna tilboð í Toppstöðina Innlent Tæknileg vandræði hjá Háskóla Íslands Innlent Fleiri fréttir Rússar saka Nató og Vesturlönd um aðild að áhlaupi Úkraínumanna Landtökumenn á Vesturbakkanum kveiktu í húsum og bifreiðum Dóttir Thaksin verður yngsti forsætisráðherra Taílands Apabóla greinist í Svíþjóð Úkraínumenn hafa náð valdi yfir Súdsja Gæsluvarðhald yfir Paul Watson framlengt Tólf ára fangelsi fyrir að styrkja Úkraínu um þúsundkalla Sagðir hafa lagt á ráðin um skemmdarverkin á Nord Stream í ölæði Óttast aukna útbreiðslu sýklalyfjaónæmra lekandabaktería Gena Rowlands er látin Neyðarástandi lýst yfir vegna apabólu í hluta Afríku Rannsaka innbrot og mögulega vatnsmengun á herstöð í Þýskalandi Nýfæddir tvíburar létust í sprengjuárás á meðan faðirinn brá sér frá Úkraínumenn halda sókn sinni handan landamæranna áfram Fjögurra daga gamlir tvíburar drepnir í árás Ísraela Segja sjónvarpsáskrift koma í veg fyrir lögsókn vegna dauðsfalls SÞ fordæma ógegnsæi í kosningunum í Venesúela Erlendir þrjótar reyna að brjótast inn til Harris og Trump „Hélt ég væri að fara að drepast. Þú heyrir i sprengjunni koma“ Forsætisráðherra Japan sækist ekki eftir endurkjöri Handtökuskipun gefin út vegna Nord Stream skemmdarverkanna Hamas segjast ekki munu senda fulltrúa til viðræðna á morgun Hafa ekki í hyggju að halda Kúrsk Tugir þúsunda létust af völdum hita í Evrópu Mannréttindastjóri gagnrýnir óhóflega beitingu valds í Venesúela Gera sér ekki mat úr lekanum úr framboði Trump Netanyahu og Gallant í hár saman undir hótunum frá Íran Maður ákærður fyrir stunguárás á ellefu ára stúlku í Lundúnum í gær Fyrsta dauðfallið staðfest í eldunum á Grikklandi Fóru um víðan völl í samtali á X í gær Sjá meira
Stefnir í hægri sveiflu og stjórnarskipti í Færeyjum Færeyingar hafa aldrei séð eins mikið kraðak af kosningaspjöldum eins og nú en þingkosningar fara fram í Færeyjum á laugardag. Skoðanakannanir benda til hægri sveiflu. 26. ágúst 2019 21:18