Munaði litlu að Hamrén reyndist berdreyminn Kolbeinn Tumi Daðason á Laugardalsvelli skrifar 7. september 2019 18:43 Erik Hamrén í viðtali eftir leikinn við Henry Birgi Gunnarsson. Vísir Erik Hamrén, þjálfari karlaliðs Íslands, var afslappaður þegar hann settist niður með blaðamönnum að loknum 3-0 sigri á Moldóvu á Laugardalsvelli í dag. Eftir erfiða byrjun í brúnni er sá sænski með íslenska liðið á toppi H-riðils undankeppninnar með tólf stig eftir fjóra leiki. Hamrén gaf sig á tal við íþróttadeild rétt fyrir fundinn og minntist á draum sinn í nótt. „Mig dreymdi í nótt að úrslitin yrðu 4-0 svo ég var nálægt því!“Hugsi fyrstu tíu mínúturnar „Ég er mjög ánægður og sáttur með stigin þrjú, mörkin þrjú, engin meiðsli og engin spjöld. Þetta var mjög gott síðdegi,“ sagði sá sænski og brosti. Fundurinn með Hamrén var fámennur og aðeins nokkrar spurningar bornar upp. Að hverju á að spyrja eftir 3-0 sannfærandi sigur gegn slökum andstæðingi? Strákarnir okkar voru þó nokkrar mínútur að koma sér í gang. „Moldóvar byrjuðu betur en við fyrstu tíu mínúturnar. Þeir unnu fleiri einvígi en við,“ sagði Hamrén sem stóð á hlaupabrautinni í rigningunni framan af leik. Greinlega hugsi. „En eftir það stjórnuðum við leiknum vel. Fyrsta markið er líka svo mikilvægt. Við náðum því í fyrri hálfleik sem skipti miklu máli.“Aldrei auðvelt Hamrén nefndi engan leikmann umfram annan heldur lagði áherslu á frammistöðu liðsins í heild. Hvernig leikmenn börðust hver fyrir annan. Hann var þó spurður sérstaklega út í Kolbein Sigþórsson sem skoraði sitt 24 landsliðsmark. „Við vildum hafa tvo framherja að vinna vel og þeir skoruðu báðir,“ sagði Hamrén. Ekki nóg með það heldur lagði Jón Daði Böðvarsson upp mark Kolbeins með glæsilegum hætti. „Ég er ánægður fyrir hönd Kolbeins, að hann sé kominn aftur eftir þessi erfiðu ár. Hann skoraði geggjað mark. Við þekkjum öll hæfileika hans. Vonandi getur hann haldið áfram að æfa og spila með AIK svo hann bæti sig enn meira.“ Hann minnti á að þótt niðurstaðan hefði verið 3-0 sigur og allt virkaði svo auðvelt þá væru leikir sem þessir aldrei auðveldir. „Ég er ánægðastur með einbeitinguna í liðinu. Ef þú ert ekki á tánum þá geturðu alltaf fengið á þig mark.“Hvíldi menn fyrir Albaníuleikinn Hamrén gerði þrjár skiptingar í leiknum. Emil Hallfreðsson, Rúnar Már Sigurjónsson og Viðar Örn Kjartansson komu inn fyrir Kolbein, Birki og Jón Daða. Hamrén sagði enga skiptingu hafa verið fyrir fram ákveðna. „Kolbeinn er enn í þróun. Það var alltaf gott að geta tekið hann af velli áður en 90 mínútur væru búnar svo hann væri tilbúinn í Albaníuleikinn á þriðjudaginn,“ sagði Hamrén. „Birkir hefði farið í bann ef hann hefði fengið spjald,“ sagði Hamrén og því fékk hárprúði kantmaðurinn, sem virkaði nokkuð þreyttur, skiptingu. „Jón Daði hafði hlaupið mikið og við munum þurfa að hlaupa mikið í Albaníu, svo var hann orðinn þreyttur,“ sagði Hamrén. EM 2020 í fótbolta Mest lesið England: Hver er kominn, að koma, farinn og að fara? Enski boltinn Víkingar á leið til Albaníu Fótbolti „Verður að dæmast af því hvernig við högum okkur í Evrópu í ár“ Fótbolti Grátlegt tap niðurstaðan og barátta um sæti í A-deild framundan Körfubolti Enn ein stjarnan slítur krossband í hné Fótbolti Hin reynda Dinkins í raðir Njarðvíkur Körfubolti Líflátshótunum rignir yfir Víkinga: „Djöfull er þetta lasið“ Fótbolti Guðmundur Bragi til Danmerkur Handbolti Stefán Ingi á leið til Noregs Fótbolti Fyrrum leikmaður Everton í teymi Slot Enski boltinn Fleiri fréttir „Verður að dæmast af því hvernig við högum okkur í Evrópu í ár“ England: Hver er kominn, að koma, farinn og að fara? Víkingar á leið til Albaníu Enn ein stjarnan slítur krossband í hné Stefán Ingi á leið til Noregs KR fær ungan framherja frá Húsavík Fyrrum leikmaður Everton í teymi Slot Fórnaði sér fyrir fyrsta boltann frá Mbappé FIFA hefur rannsókn á rasískum söngvum Argentínumanna Enska sambandið vill Guardiola og er tilbúið að bíða Víkingar með augun á leik í Albaníu í kvöld Frá Liverpool beint í teymi Flick Cecilía Rán spilar með Internazionale í vetur Luka Modric framlengir samning sinn við Real Madrid Liðsfélagi Hákonar á leið til United Fer frá Barcelona til Chelsea Segja að Alexander-Arnold sé opinn fyrir því að fara til Real Madrid Wiegman gaf lítið fyrir það að hún gæti tekið við enska karlalandsliðinu Líflátshótunum rignir yfir Víkinga: „Djöfull er þetta lasið“ Sjáðu vítaklúður Nikolaj Hansen og mörkin í gær „Það var alltaf hugmyndin, þannig að mission completed“ Como viðurkennir að leikmaður liðsins hafi kallað Hwang Jackie Chan „Getur ennþá orðið stórkostlegt tímabil“ Neville vill enskan þjálfara fyrir landsliðið Frakkar í mál og vesen hjá Chelsea vegna rasískra söngva Argentínumanna Uppgjörið: Shamrock Rovers - Víkingur 2-1 | Víti í súginn í uppbótartíma og Víkingar úr leik Englendingar á EM en Svíar og Norðmenn þurfa í umspil Þorsteinn: Ég held að maður geti ekki farið fram á meira „Náði að pota honum með löngu leggjunum“ Fjör hjá Víkingum í Dublin Sjá meira
Erik Hamrén, þjálfari karlaliðs Íslands, var afslappaður þegar hann settist niður með blaðamönnum að loknum 3-0 sigri á Moldóvu á Laugardalsvelli í dag. Eftir erfiða byrjun í brúnni er sá sænski með íslenska liðið á toppi H-riðils undankeppninnar með tólf stig eftir fjóra leiki. Hamrén gaf sig á tal við íþróttadeild rétt fyrir fundinn og minntist á draum sinn í nótt. „Mig dreymdi í nótt að úrslitin yrðu 4-0 svo ég var nálægt því!“Hugsi fyrstu tíu mínúturnar „Ég er mjög ánægður og sáttur með stigin þrjú, mörkin þrjú, engin meiðsli og engin spjöld. Þetta var mjög gott síðdegi,“ sagði sá sænski og brosti. Fundurinn með Hamrén var fámennur og aðeins nokkrar spurningar bornar upp. Að hverju á að spyrja eftir 3-0 sannfærandi sigur gegn slökum andstæðingi? Strákarnir okkar voru þó nokkrar mínútur að koma sér í gang. „Moldóvar byrjuðu betur en við fyrstu tíu mínúturnar. Þeir unnu fleiri einvígi en við,“ sagði Hamrén sem stóð á hlaupabrautinni í rigningunni framan af leik. Greinlega hugsi. „En eftir það stjórnuðum við leiknum vel. Fyrsta markið er líka svo mikilvægt. Við náðum því í fyrri hálfleik sem skipti miklu máli.“Aldrei auðvelt Hamrén nefndi engan leikmann umfram annan heldur lagði áherslu á frammistöðu liðsins í heild. Hvernig leikmenn börðust hver fyrir annan. Hann var þó spurður sérstaklega út í Kolbein Sigþórsson sem skoraði sitt 24 landsliðsmark. „Við vildum hafa tvo framherja að vinna vel og þeir skoruðu báðir,“ sagði Hamrén. Ekki nóg með það heldur lagði Jón Daði Böðvarsson upp mark Kolbeins með glæsilegum hætti. „Ég er ánægður fyrir hönd Kolbeins, að hann sé kominn aftur eftir þessi erfiðu ár. Hann skoraði geggjað mark. Við þekkjum öll hæfileika hans. Vonandi getur hann haldið áfram að æfa og spila með AIK svo hann bæti sig enn meira.“ Hann minnti á að þótt niðurstaðan hefði verið 3-0 sigur og allt virkaði svo auðvelt þá væru leikir sem þessir aldrei auðveldir. „Ég er ánægðastur með einbeitinguna í liðinu. Ef þú ert ekki á tánum þá geturðu alltaf fengið á þig mark.“Hvíldi menn fyrir Albaníuleikinn Hamrén gerði þrjár skiptingar í leiknum. Emil Hallfreðsson, Rúnar Már Sigurjónsson og Viðar Örn Kjartansson komu inn fyrir Kolbein, Birki og Jón Daða. Hamrén sagði enga skiptingu hafa verið fyrir fram ákveðna. „Kolbeinn er enn í þróun. Það var alltaf gott að geta tekið hann af velli áður en 90 mínútur væru búnar svo hann væri tilbúinn í Albaníuleikinn á þriðjudaginn,“ sagði Hamrén. „Birkir hefði farið í bann ef hann hefði fengið spjald,“ sagði Hamrén og því fékk hárprúði kantmaðurinn, sem virkaði nokkuð þreyttur, skiptingu. „Jón Daði hafði hlaupið mikið og við munum þurfa að hlaupa mikið í Albaníu, svo var hann orðinn þreyttur,“ sagði Hamrén.
EM 2020 í fótbolta Mest lesið England: Hver er kominn, að koma, farinn og að fara? Enski boltinn Víkingar á leið til Albaníu Fótbolti „Verður að dæmast af því hvernig við högum okkur í Evrópu í ár“ Fótbolti Grátlegt tap niðurstaðan og barátta um sæti í A-deild framundan Körfubolti Enn ein stjarnan slítur krossband í hné Fótbolti Hin reynda Dinkins í raðir Njarðvíkur Körfubolti Líflátshótunum rignir yfir Víkinga: „Djöfull er þetta lasið“ Fótbolti Guðmundur Bragi til Danmerkur Handbolti Stefán Ingi á leið til Noregs Fótbolti Fyrrum leikmaður Everton í teymi Slot Enski boltinn Fleiri fréttir „Verður að dæmast af því hvernig við högum okkur í Evrópu í ár“ England: Hver er kominn, að koma, farinn og að fara? Víkingar á leið til Albaníu Enn ein stjarnan slítur krossband í hné Stefán Ingi á leið til Noregs KR fær ungan framherja frá Húsavík Fyrrum leikmaður Everton í teymi Slot Fórnaði sér fyrir fyrsta boltann frá Mbappé FIFA hefur rannsókn á rasískum söngvum Argentínumanna Enska sambandið vill Guardiola og er tilbúið að bíða Víkingar með augun á leik í Albaníu í kvöld Frá Liverpool beint í teymi Flick Cecilía Rán spilar með Internazionale í vetur Luka Modric framlengir samning sinn við Real Madrid Liðsfélagi Hákonar á leið til United Fer frá Barcelona til Chelsea Segja að Alexander-Arnold sé opinn fyrir því að fara til Real Madrid Wiegman gaf lítið fyrir það að hún gæti tekið við enska karlalandsliðinu Líflátshótunum rignir yfir Víkinga: „Djöfull er þetta lasið“ Sjáðu vítaklúður Nikolaj Hansen og mörkin í gær „Það var alltaf hugmyndin, þannig að mission completed“ Como viðurkennir að leikmaður liðsins hafi kallað Hwang Jackie Chan „Getur ennþá orðið stórkostlegt tímabil“ Neville vill enskan þjálfara fyrir landsliðið Frakkar í mál og vesen hjá Chelsea vegna rasískra söngva Argentínumanna Uppgjörið: Shamrock Rovers - Víkingur 2-1 | Víti í súginn í uppbótartíma og Víkingar úr leik Englendingar á EM en Svíar og Norðmenn þurfa í umspil Þorsteinn: Ég held að maður geti ekki farið fram á meira „Náði að pota honum með löngu leggjunum“ Fjör hjá Víkingum í Dublin Sjá meira