Kallar eftir því að fólk í valdastöðum vandi málflutning um vímuefnanotendur Sylvía Hall skrifar 7. nóvember 2019 21:30 Elísabet segir skaðaminnkandi úrræði bæði hafa ávinning fyrir vímuefnanotendur sem og samfélagið allt. Neyslurými muni bjarga lífum. Helga Lind Mar/Aðsend Elísabet Brynjarsdóttir, hjúkrunarfræðingur hjá Frú Ragnheiði – skaðaminnkunarverkefni Rauða krossins, segir mikilvægt að vanda málflutning þegar fjallað er um heimilislausa sem glíma við vímuefnavanda. Hún gagnrýnir ummæli Baldurs Borgþórssonar varaborgarfulltrúa Miðflokksins, sem hann lét falla í viðtali við Útvarp Sögu, en segist vilja trúa því að hann meini vel. Í viðtalinu fullyrti Baldur að Reykjavíkurborg hefði útvegað og afhent fíklum lyfseðilsskyld lyf í gistiskýli fyrir heimilislausa. Hann sagði salernum þar hafa verið breytt í neyslurými án heimildar og voru myndir birtar af salernunum. Á einni mynd sáust leiðbeiningar fyrir þá sem kysu að nota vímuefni í æð og tekið fram að horft væri fram hjá því ef einstaklingar notuðu salernin til þess í skaðaminnkandi tilgangi. Baldur sagðist jafnframt hafa unnið sem sjálfboðaliði við að hjálpa fólki sem væri að glíma við mikinn vímuefnavanda og sagði hann neyslurými leysa engan vanda. Frekar ætti að setja fjármuni í að koma fíklum í meðferð. Í samtali við Vísi segir Elísabet málflutning Baldurs einkennast af ákveðnu viðhorfi sem hún hafi persónulega oft orðið vitni að í samfélaginu. Fólk stýrist af sinni sannfæringu en oft hafi það ekki kynnt sér málin nægilega vel.Baldur Borgþórsson, varaborgarfulltrúi Miðflokksins, segir neyslurými ekki leysa neinn vanda.„Heimilislausir einstaklingar með vímuefnavanda er jaðarsettur hópur í samfélaginu okkar og það er mikilvægt að vanda sig þegar maður tjáir sig um svo viðkvæm málefni. Óvandaður málflutningur sem byggist ekki á gagnreyndri þekkingu getur valdið meiri skaða, meiri fordómum í samfélaginu, aukið jaðarsetningu viðkvæms hóps og sá skaði getur orðið stærri en fyrir bara einstaklinginn sjálfan sem málflutningurinn beinist gegn,“ segir Elísabet. Hún segir mikilvægt að einstaklingar í áhrifastöðum átti sig á þeirri ábyrgð sem fylgir því og það sé þeim ekki til framdráttar að koma höggi á einn veikasta og viðkvæmasta hóp samfélagsins. „Þetta er virkilega varhugavert og ég kalla að sjálfsögðu eftir því að einstaklingar sem hafa tök á því að vera í pólitík vandi sig betur.“Neyslurými munu bjarga lífum Svandís Svavarsdóttir heilbrigðisráðherra hefur lagt fram frumvarp um neyslurými í annað sinn og verði það að lögum getur Embætti landlæknis veitt sveitarfélagi leyfi til að stofna og reka neyslurými. Samkvæmt því verði heimilt að semja við lögreglu að hún grípi ekki til aðgerða gegn notendum á tilteknu svæði í kringum rýmið sem yrði lagalega verndað umhverfi.Sjá einnig: Mælt fyrir frumvarpi um neyslurými í annað sinnElísabet bendir á að rannsóknir styðji við neyslurými sem og skaðaminnkandi aðgerðir. Slíkar aðgerðir dragi úr líkum á dauðsföllum vegna ofskömmtunar sem og sýkingum og smithættu á milli einstaklinga. Slík rými séu sett upp með mannúðarsjónarmið að leiðarljósi og virðingu fyrir mannslífum og í þeim felist ekki síst samfélagslegur ávinningur. „Samfélagið okkar er byggt upp á ákveðinn máta og ekki hefur verið gert ráð fyrir þeim hópi sem ég starfa nánast með, heimilislausir einstaklingar með vímuefnavanda, sem nota vímuefni í æð. Á Íslandi er við gildi svokölluð refsistefna, sem refsar veiku fólki fyrir að vera með vímuefnavanda. Lögin í dag skilgreina þau sem glæpamenn þegar þau þurfa í raun á heilbrigðisaðstoð að halda. Þessum einstaklingum er oft neitað um þá þjónustu sem þau þurfa og veldur það talsverðum skaða fyrir þeirra heilsu og velferð,“ segir Elísabet. Hún segir ekkert rými vera til á Íslandi þar sem einstaklingar geti notað vímuefni í æð undir eftirliti fagaðila. Það að kalla salerni þar sem fólk noti vímuefni í æð sé engum til framdráttar, þar sem það flokkist ekki sem neyslurými. „Neyslurými munu bjarga lífum og leysa risastóran vanda sem Ísland verður að horfast í augu við; ofskammtanir af völdum vímuefna og lyfseðilsskyldra lyfja.“Svandís Svavarsdóttir, heilbrigðisráðherra, hefur lagt fram frumvarp um neyslurými.Vísir/VilhelmMagnaðir hlutir gerast þegar fólki er mætt af virðingu og mannúð Elísabet ítrekar mikilvægi skaðaminnkunar og segir slíka aðferðafræði horfa raunsætt í augun á vímuefnavandanum og lágmarki skaðann af notkun slíkra efna. Skaðaminnkun sé ekki meðferðarúrræði en tali á sama tíma ekki gegn meðferðarúrræðum. „Mikilvægt er að hafa hugfast að á bakvið alvarlegan vímuefnavanda liggur flókin saga. Áföll, ofbeldi, fátækt og hlutir sem mörg okkar geta ekki ímyndað sér. Þetta er ekki sjálfskaparvíti. Vímuefnaneysla er oft leið fyrir fólk til þess að lifa af þessi áföll. Að takast svo á við vímuefnavandann er stórt skref og þá þarf fólk mikinn stuðning til að geta unnið úr ástæðum neyslunnar og er ótrúlega mikilvægt að það séu til slík úrræði í samfélaginu,“ segir Elísabet. Hún segir mikilvægt að samfélagið búi til pláss fyrir þennan hóp, beri virðingu fyrir honum og horfist í augu við það að hann sé til staðar. Afneitun á vandamálinu hjálpi engum. „Það er nefnilega magnað að þegar maður mætir fólki þar sem það er statt, á mannúðlegan máta og af virðingu, án fordóma og forræðishyggju, þá gerast magnaðir hlutir.“ Fíkn Heilbrigðismál Tengdar fréttir Segir Ísland áratugum á eftir í úrræðum fyrir heimilislausa Aðstandandi manns sem var heimilislaus til margra ára og lést á götunni segir Ísland áratugum á eftir nágrannaþjóðum í úrræðum. Formaður Velferðarráðs segir lykilatriði að ríkið komi að í fjármögnun til þess að hægt sé að taka á vanda heimilislausra. 11. október 2019 20:00 Rauði krossinn styður frumvarp um neyslurými Í umsögn Rauða krossins sem birt var í dag er lýst yfir stuðningi við frumvarpið og þær breytingar á löggjöfinni sem felast í frumvarpinu. 6. ágúst 2019 18:10 Skaðaminnkandi nálgun og húsnæðið fyrst Borgarstjórn hefur samþykkt nýja stefnu í þjónustu við heimilislausa einstaklinga með miklar þjónustuþarfir. Stefnan byggir á valdeflingu, virðingu og þörfum notenda hverju sinni. 17. október 2019 13:15 Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Skotvopnaleyfi afturkallað og byssa gerð upptæk Innlent „Þetta var bara okkar líf og nú er það farið“ Innlent „Ég veit ekki hvort að ég sé sammála um að rokið sé auðlind“ Innlent Láglaunakonur neiti sér um mat svo að börn þeirra fái að borða Innlent Sagði Pétri Jökli að skipta um síma í snarheitum Innlent Sérsveitin í útkalli í Hafnarfirði Innlent Katrín gerir upp framboðið og safnar heitum Innlent Á 110 á gangstétt og ók á lögreglubifhjól Innlent Fleiri fréttir „Ég hef aldrei séð annan eins viðbjóð“ „Ég veit ekki hvort að ég sé sammála um að rokið sé auðlind“ Neitaði að borga heita vatnið og slapp með skrekkinn Skotvopnaleyfi afturkallað og byssa gerð upptæk Sérsveitin í útkalli í Hafnarfirði Kerlingadráttur í 120 ára afmælisveislu í Borgarnesi Láglaunakonur neiti sér um mat svo að börn þeirra fái að borða Bjarni skilar jafnréttis- og mannréttindamálunum „Þetta var bara okkar líf og nú er það farið“ „Stórt skref í átt að kolefnislausum flota“ Keyrði á 110 á gangstétt og ók á lögreglubifhjól Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Skjálfti af stærðinni 3,0 í Mýrdalsjökli en enginn órói Alma Mjöll ráðin til þingflokks VG Flugfélagið Ernir svipt flugrekstrarleyfi „Það er komið að skuldadögum“ Kvikusöfnun og landris enn á sama hraða Pétur Jökull hljóti að vera einstaklega óheppinn „Algjörlega mistekist að stýra efnahag landsins“ Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Gagnrýnir tvískinnung borgaryfirvalda með orlofsgreiðslur Dags Þriggja daga heitavatnsleysi í næstu viku Tæknileg vandræði hjá Háskóla Íslands Sjá meira
Elísabet Brynjarsdóttir, hjúkrunarfræðingur hjá Frú Ragnheiði – skaðaminnkunarverkefni Rauða krossins, segir mikilvægt að vanda málflutning þegar fjallað er um heimilislausa sem glíma við vímuefnavanda. Hún gagnrýnir ummæli Baldurs Borgþórssonar varaborgarfulltrúa Miðflokksins, sem hann lét falla í viðtali við Útvarp Sögu, en segist vilja trúa því að hann meini vel. Í viðtalinu fullyrti Baldur að Reykjavíkurborg hefði útvegað og afhent fíklum lyfseðilsskyld lyf í gistiskýli fyrir heimilislausa. Hann sagði salernum þar hafa verið breytt í neyslurými án heimildar og voru myndir birtar af salernunum. Á einni mynd sáust leiðbeiningar fyrir þá sem kysu að nota vímuefni í æð og tekið fram að horft væri fram hjá því ef einstaklingar notuðu salernin til þess í skaðaminnkandi tilgangi. Baldur sagðist jafnframt hafa unnið sem sjálfboðaliði við að hjálpa fólki sem væri að glíma við mikinn vímuefnavanda og sagði hann neyslurými leysa engan vanda. Frekar ætti að setja fjármuni í að koma fíklum í meðferð. Í samtali við Vísi segir Elísabet málflutning Baldurs einkennast af ákveðnu viðhorfi sem hún hafi persónulega oft orðið vitni að í samfélaginu. Fólk stýrist af sinni sannfæringu en oft hafi það ekki kynnt sér málin nægilega vel.Baldur Borgþórsson, varaborgarfulltrúi Miðflokksins, segir neyslurými ekki leysa neinn vanda.„Heimilislausir einstaklingar með vímuefnavanda er jaðarsettur hópur í samfélaginu okkar og það er mikilvægt að vanda sig þegar maður tjáir sig um svo viðkvæm málefni. Óvandaður málflutningur sem byggist ekki á gagnreyndri þekkingu getur valdið meiri skaða, meiri fordómum í samfélaginu, aukið jaðarsetningu viðkvæms hóps og sá skaði getur orðið stærri en fyrir bara einstaklinginn sjálfan sem málflutningurinn beinist gegn,“ segir Elísabet. Hún segir mikilvægt að einstaklingar í áhrifastöðum átti sig á þeirri ábyrgð sem fylgir því og það sé þeim ekki til framdráttar að koma höggi á einn veikasta og viðkvæmasta hóp samfélagsins. „Þetta er virkilega varhugavert og ég kalla að sjálfsögðu eftir því að einstaklingar sem hafa tök á því að vera í pólitík vandi sig betur.“Neyslurými munu bjarga lífum Svandís Svavarsdóttir heilbrigðisráðherra hefur lagt fram frumvarp um neyslurými í annað sinn og verði það að lögum getur Embætti landlæknis veitt sveitarfélagi leyfi til að stofna og reka neyslurými. Samkvæmt því verði heimilt að semja við lögreglu að hún grípi ekki til aðgerða gegn notendum á tilteknu svæði í kringum rýmið sem yrði lagalega verndað umhverfi.Sjá einnig: Mælt fyrir frumvarpi um neyslurými í annað sinnElísabet bendir á að rannsóknir styðji við neyslurými sem og skaðaminnkandi aðgerðir. Slíkar aðgerðir dragi úr líkum á dauðsföllum vegna ofskömmtunar sem og sýkingum og smithættu á milli einstaklinga. Slík rými séu sett upp með mannúðarsjónarmið að leiðarljósi og virðingu fyrir mannslífum og í þeim felist ekki síst samfélagslegur ávinningur. „Samfélagið okkar er byggt upp á ákveðinn máta og ekki hefur verið gert ráð fyrir þeim hópi sem ég starfa nánast með, heimilislausir einstaklingar með vímuefnavanda, sem nota vímuefni í æð. Á Íslandi er við gildi svokölluð refsistefna, sem refsar veiku fólki fyrir að vera með vímuefnavanda. Lögin í dag skilgreina þau sem glæpamenn þegar þau þurfa í raun á heilbrigðisaðstoð að halda. Þessum einstaklingum er oft neitað um þá þjónustu sem þau þurfa og veldur það talsverðum skaða fyrir þeirra heilsu og velferð,“ segir Elísabet. Hún segir ekkert rými vera til á Íslandi þar sem einstaklingar geti notað vímuefni í æð undir eftirliti fagaðila. Það að kalla salerni þar sem fólk noti vímuefni í æð sé engum til framdráttar, þar sem það flokkist ekki sem neyslurými. „Neyslurými munu bjarga lífum og leysa risastóran vanda sem Ísland verður að horfast í augu við; ofskammtanir af völdum vímuefna og lyfseðilsskyldra lyfja.“Svandís Svavarsdóttir, heilbrigðisráðherra, hefur lagt fram frumvarp um neyslurými.Vísir/VilhelmMagnaðir hlutir gerast þegar fólki er mætt af virðingu og mannúð Elísabet ítrekar mikilvægi skaðaminnkunar og segir slíka aðferðafræði horfa raunsætt í augun á vímuefnavandanum og lágmarki skaðann af notkun slíkra efna. Skaðaminnkun sé ekki meðferðarúrræði en tali á sama tíma ekki gegn meðferðarúrræðum. „Mikilvægt er að hafa hugfast að á bakvið alvarlegan vímuefnavanda liggur flókin saga. Áföll, ofbeldi, fátækt og hlutir sem mörg okkar geta ekki ímyndað sér. Þetta er ekki sjálfskaparvíti. Vímuefnaneysla er oft leið fyrir fólk til þess að lifa af þessi áföll. Að takast svo á við vímuefnavandann er stórt skref og þá þarf fólk mikinn stuðning til að geta unnið úr ástæðum neyslunnar og er ótrúlega mikilvægt að það séu til slík úrræði í samfélaginu,“ segir Elísabet. Hún segir mikilvægt að samfélagið búi til pláss fyrir þennan hóp, beri virðingu fyrir honum og horfist í augu við það að hann sé til staðar. Afneitun á vandamálinu hjálpi engum. „Það er nefnilega magnað að þegar maður mætir fólki þar sem það er statt, á mannúðlegan máta og af virðingu, án fordóma og forræðishyggju, þá gerast magnaðir hlutir.“
Fíkn Heilbrigðismál Tengdar fréttir Segir Ísland áratugum á eftir í úrræðum fyrir heimilislausa Aðstandandi manns sem var heimilislaus til margra ára og lést á götunni segir Ísland áratugum á eftir nágrannaþjóðum í úrræðum. Formaður Velferðarráðs segir lykilatriði að ríkið komi að í fjármögnun til þess að hægt sé að taka á vanda heimilislausra. 11. október 2019 20:00 Rauði krossinn styður frumvarp um neyslurými Í umsögn Rauða krossins sem birt var í dag er lýst yfir stuðningi við frumvarpið og þær breytingar á löggjöfinni sem felast í frumvarpinu. 6. ágúst 2019 18:10 Skaðaminnkandi nálgun og húsnæðið fyrst Borgarstjórn hefur samþykkt nýja stefnu í þjónustu við heimilislausa einstaklinga með miklar þjónustuþarfir. Stefnan byggir á valdeflingu, virðingu og þörfum notenda hverju sinni. 17. október 2019 13:15 Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Skotvopnaleyfi afturkallað og byssa gerð upptæk Innlent „Þetta var bara okkar líf og nú er það farið“ Innlent „Ég veit ekki hvort að ég sé sammála um að rokið sé auðlind“ Innlent Láglaunakonur neiti sér um mat svo að börn þeirra fái að borða Innlent Sagði Pétri Jökli að skipta um síma í snarheitum Innlent Sérsveitin í útkalli í Hafnarfirði Innlent Katrín gerir upp framboðið og safnar heitum Innlent Á 110 á gangstétt og ók á lögreglubifhjól Innlent Fleiri fréttir „Ég hef aldrei séð annan eins viðbjóð“ „Ég veit ekki hvort að ég sé sammála um að rokið sé auðlind“ Neitaði að borga heita vatnið og slapp með skrekkinn Skotvopnaleyfi afturkallað og byssa gerð upptæk Sérsveitin í útkalli í Hafnarfirði Kerlingadráttur í 120 ára afmælisveislu í Borgarnesi Láglaunakonur neiti sér um mat svo að börn þeirra fái að borða Bjarni skilar jafnréttis- og mannréttindamálunum „Þetta var bara okkar líf og nú er það farið“ „Stórt skref í átt að kolefnislausum flota“ Keyrði á 110 á gangstétt og ók á lögreglubifhjól Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Skjálfti af stærðinni 3,0 í Mýrdalsjökli en enginn órói Alma Mjöll ráðin til þingflokks VG Flugfélagið Ernir svipt flugrekstrarleyfi „Það er komið að skuldadögum“ Kvikusöfnun og landris enn á sama hraða Pétur Jökull hljóti að vera einstaklega óheppinn „Algjörlega mistekist að stýra efnahag landsins“ Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Gagnrýnir tvískinnung borgaryfirvalda með orlofsgreiðslur Dags Þriggja daga heitavatnsleysi í næstu viku Tæknileg vandræði hjá Háskóla Íslands Sjá meira
Segir Ísland áratugum á eftir í úrræðum fyrir heimilislausa Aðstandandi manns sem var heimilislaus til margra ára og lést á götunni segir Ísland áratugum á eftir nágrannaþjóðum í úrræðum. Formaður Velferðarráðs segir lykilatriði að ríkið komi að í fjármögnun til þess að hægt sé að taka á vanda heimilislausra. 11. október 2019 20:00
Rauði krossinn styður frumvarp um neyslurými Í umsögn Rauða krossins sem birt var í dag er lýst yfir stuðningi við frumvarpið og þær breytingar á löggjöfinni sem felast í frumvarpinu. 6. ágúst 2019 18:10
Skaðaminnkandi nálgun og húsnæðið fyrst Borgarstjórn hefur samþykkt nýja stefnu í þjónustu við heimilislausa einstaklinga með miklar þjónustuþarfir. Stefnan byggir á valdeflingu, virðingu og þörfum notenda hverju sinni. 17. október 2019 13:15