Jafntefli í baráttu íslensku þjálfaranna í Belgíu

Arnar Grétarsson og Stefán Gíslason gerðu 1-1 jafntefli er félög þeirra, Roeselare og Lommel, mættust í belgísku B-deildinni í knattspyrnu í dag.

Kolbeinn Þórðarson var í byrjunarliði Lommel sem og Jonathan Hendrickx, fyrrum leikmaður Breiðabliks og FH.

pic.twitter.com/37Buev4MTm

— Lommel SK (@LommelSKOff) August 31, 2019

Lommel komst yfir skömmu fyrir hlé en heimamenn í Rooselare jöfnuðu metin á 72. mínútu. Lokatölur 1-1.

Bæði lið eru með tvö stig eftir fyrstu fjóra leikina í deildinni; Arnar með Roeselare og Stefán með Lommel.