Íslandsbanki ætti að biðja fjölmiðla afsökunar Sylvía Hall skrifar 27. október 2019 18:00 „Þetta er aðför að ritstjórnarlegu sjálfstæði fjölmiðla, það er ekkert flóknara en það,“ sagði Hjálmar Jónsson, formaður Blaðamannafélagsins, um stefnu Íslandsbanka að auglýsa ekki í fjölmiðlum með áberandi kynjahalla. Hjálmar var í viðtali í þjóðmálaþættinum Víglínan í dag ásamt Ólínu Þorvarðardóttur Kjerúlf þar sem þessi mál voru rædd. Hjálmar sagði það vera ómögulegt fyrir bankann að ætla að skipta sér að því hvað fjölmiðlar fjalli um. Það fari einfaldlega eftir því sem er til umræðu hverju sinni og skylda fjölmiðla fælist í því að upplýsa almenning um málefni líðandi stundar. Auglýsendur ættu ekki að skipta sér af umfjöllunarefni fjölmiðla.Sjá einnig: BÍ fordæmir aðgerðir Íslandsbanka fortakslaust í harðorðri ályktun „Auðvitað ætti Íslandsbanki að sjá sóma sinn í því að biðjast afsökunar á því að hafa komið svona fram við fjölmiðla í þessu landi.“ Hjálmar sagði fjölmiðla vera frábrugðna öðrum fyrirtækjum sem bankinn kjósi að eiga viðskipti við. Þess utan snerist málið ekki um jafnréttismál og benti Hjálmar á að bankinn væri ekki kynjajafnaður vinnustaður. „Það er eins og þetta fólk lifi í einhverri búbblu og haldi að kynin séu ekki mismunandi og hafi mismunandi áhugamál og svo framvegis. Hvað hefur það með jafnrétti að gera? Ekki neitt.“Viðbrögðin meiri við jafnréttisstefnunni en umhverfisstefnunni Ólína Þorvarðardóttir Kjerúlf, þjóðfræðingur og fyrrum blaðamaður, benti á að fjölmiðlar hefðu lögbundnar skyldur til þess að sinna kynjajafnrétti og passa upp á ekki yrði kynjahalli í efnistökum né í starfi þeirra. Þá þyrfti að líta til þess að fjölmiðlar væru margir hverjir í eigu sérhagsmunaafla sem reyndu að nýta dagskrárvaldið til að koma ákveðinni stefnu í gegn. „Ég sé ekki blaðamannafélagið sýna miklar áhyggjur af því,“ sagði Ólína. Hún sagðist vera hugsi yfir þeim viðbrögðum sem hafa orðið vegna þess að fjármálastofnun ákvað að setja markmið Sameinuðu þjóðanna á dagskrá í sinni starfsemi sem eigi að stuðla að betra samfélagi. Þau markmið megi einnig finna í íslenskri löggjöf en þrátt fyrir það hallaði enn á konur í íslenskum fjölmiðlum. „Ég tek nefnilega eftir því að æsingurinn er ekki út af áherslum bankans í loftslagsmálum heldur út af þessum kynjajafnréttisáherslum. Þá er eins og það spretti alltaf upp þetta gamla ofnæmisviðbragð sem maður sér alltaf gjósa upp þegar málið fer að snúast um karla og konur.“„Fjölmiðlar hafa bara eina skyldu“ Hjálmar var ósammála þeirri fullyrðingu Ólínu að fjölmiðlar hefðu margvíslegum skyldum að gegna í samfélaginu. Þeirra eina skylda væri skyldan við sannleikann. „Fjölmiðlar hafa bara eina skyldu, og fjölmiðlamenn hafa bara eina skyldu. Það er skyldan við sannleikann og það er skyldan við að gagnrýna samfélagið, hvort sem það er jafnrétti, hvort sem það er loftslagsþróun eða hvað sem er,“ sagði Hjálmar. „Skylda blaðamanns númer eitt, tvö og þrjú er að vera gagnrýninn, og við hefðum ekki verið gagnrýnin í gegnum tíðina og ef við hefðum ekki sett mál á dagskrá sem eru umdeild, þá væri þetta samfélag ekki í dag þar sem það er.“ Hann sagði sannleikann veita samfélaginu og blaðamönnum sjálfum besta aðhaldið og hann stuðlaði jafnframt að mesta gagnsæinu. Skoðanir einstaklinga skiptu ekki máli í því samhengi, og þá sérstaklega ekki í tilfelli blaðamanna. „Skoðanir mínar á kvótakerfinu eða skoðanir mínar á ESB, eiga þær að hafa áhrif á vinnu mína sem blaðamaður? Nei, þær mega ekki hafa áhrif á vinnu mína sem blaðamaður.“ Ólína sagði það ekki vera rétt að blaðamenn hefðu bara eina skyldu þar sem þeir hefðu, samkvæmt lögum, margþættum skyldum að gegna. Í því samhengi minnti hún á ályktun fjölmiðlanefndar þar sem blaðamenn voru áminntir um að þeir hefðu sérstökum skyldum gagnvart lýðræðinu að gegna. „Auðvitað hafa fjölmiðlar þessa skyldu og hún er innbyggð. Það er ekkert til umræðu hér að fara að beita einhverjum annarlegum þrýstingi til þess að fá fjölmiðla til að fjalla um einhverja sérhagsmuni. Þetta snýst um að hér eru sameiginleg grunngildi.“ Fjölmiðlar Víglínan Tengdar fréttir Kvenréttindafélagið fagnar framtaki Íslandsbanka Kvenréttindafélag Íslands segist fagna framtaki Íslandsbanka að að færa viðskipti sín til þeirra fjölmiðla og fyrirtækja sem búi ekki við afgerandi kynjahalla. Þetta kemur fram í ályktun félagsins. 25. október 2019 14:30 Útspil Íslandsbanka kemur fjármálaráðherra spánskt fyrir sjónir Bjarni Benediktsson fjármálaráðherra veltir fyrir sér hvar Íslandsbanki ætli að draga mörkin þegar komi að jafnréttismálum. Bankinn, sem er í eigu ríkisins, ætlar að beina viðskiptum sínum frá karlægum fyrirtækjum og hætta að kaupa auglýsingar hjá fjölmiðlum "sem bjóða upp á afgerandi kynjahalla.“ 24. október 2019 11:30 Íslandsbanki setur viðskiptabann á karllæga fjölmiðla Búið að flagga tiltekna fjölmiðla. 24. október 2019 08:00 Mest lesið Fjörutíu tonn af eldfimu fiskafóðri í stórskemmdum bílnum Innlent Hneykslast á ákvörðun ríkissaksóknara Innlent Óeirðir í Southport eftir mannskæðu árásina Erlent Maður hætt kominn eftir ísbjarnarárás Innlent Skjálfti að stærð 3 á Reykjanestá Innlent „Virðist vera partur af því að reka verslun á Íslandi í dag“ Innlent Nýútskrifuð kona ráðin í stað reynslumikils karls Innlent Vegfarendum stafi hætta af auglýsingaskiltum Innlent Minnst 120 létust í aurskriðum á Indlandi Erlent Óeirð á hjúkrunarheimilum vegna endalausra íþrótta á RÚV Innlent Fleiri fréttir Skjálfti að stærð 3 á Reykjanestá Fjörutíu tonn af eldfimu fiskafóðri í stórskemmdum bílnum Hneykslast á ákvörðun ríkissaksóknara Flutningabíll varð alelda í Þrengslum Vegfarendum stafi hætta af auglýsingaskiltum „Munum hafa nægan tíma til að bregðast við ef við þurfum“ Feðgar með 90 ára reynslu á elstu og minnstu rakarastofu landsins Hjólhýsið fuðraði upp „Ekki við hæfi“ að dómsmálaráðherra tjái sig um mál Helga Umdeild ummæli, líkur á gosi og truflandi skilti „Virðist vera partur af því að reka verslun á Íslandi í dag“ Vonar að ráðherra verði ekki við ósk Sigríðar Óeirð á hjúkrunarheimilum vegna endalausra íþrótta á RÚV Svona verða hátíðarhöldin á fimmtudaginn Segja Vöku fara offari við að draga burt bíla Bíllinn ekki í handbremsu við sundlaug og rann niður kletta Kobbi Láki kom stýrisvana skútu til bjargar Háttsemi Helga nái aftur til 2017 Sagði móður ekki heila á geði og fær skömm í hattinn Nýútskrifuð kona ráðin í stað reynslumikils karls Ekki sammála því að atvinnulífið hafi brugðist Helgi segir lítinn sóma að framgöngu ríkissaksóknara Gæti gosið á næstu dögum Samtök atvinnulífsins blása á gagnrýni formanns VR Segir Helga ekki hafa bætt ráð sitt Maður hætt kominn eftir ísbjarnarárás Bilið aldrei meira milli karla og kvenna Lúxussnekkja Ratcliffe í Reykjavíkurhöfn Bugaðar á bak við eldavélina að baka fyrir TikTok Almennir borgara eltu uppi þjófa í tveimur aðskildum málum Sjá meira
„Þetta er aðför að ritstjórnarlegu sjálfstæði fjölmiðla, það er ekkert flóknara en það,“ sagði Hjálmar Jónsson, formaður Blaðamannafélagsins, um stefnu Íslandsbanka að auglýsa ekki í fjölmiðlum með áberandi kynjahalla. Hjálmar var í viðtali í þjóðmálaþættinum Víglínan í dag ásamt Ólínu Þorvarðardóttur Kjerúlf þar sem þessi mál voru rædd. Hjálmar sagði það vera ómögulegt fyrir bankann að ætla að skipta sér að því hvað fjölmiðlar fjalli um. Það fari einfaldlega eftir því sem er til umræðu hverju sinni og skylda fjölmiðla fælist í því að upplýsa almenning um málefni líðandi stundar. Auglýsendur ættu ekki að skipta sér af umfjöllunarefni fjölmiðla.Sjá einnig: BÍ fordæmir aðgerðir Íslandsbanka fortakslaust í harðorðri ályktun „Auðvitað ætti Íslandsbanki að sjá sóma sinn í því að biðjast afsökunar á því að hafa komið svona fram við fjölmiðla í þessu landi.“ Hjálmar sagði fjölmiðla vera frábrugðna öðrum fyrirtækjum sem bankinn kjósi að eiga viðskipti við. Þess utan snerist málið ekki um jafnréttismál og benti Hjálmar á að bankinn væri ekki kynjajafnaður vinnustaður. „Það er eins og þetta fólk lifi í einhverri búbblu og haldi að kynin séu ekki mismunandi og hafi mismunandi áhugamál og svo framvegis. Hvað hefur það með jafnrétti að gera? Ekki neitt.“Viðbrögðin meiri við jafnréttisstefnunni en umhverfisstefnunni Ólína Þorvarðardóttir Kjerúlf, þjóðfræðingur og fyrrum blaðamaður, benti á að fjölmiðlar hefðu lögbundnar skyldur til þess að sinna kynjajafnrétti og passa upp á ekki yrði kynjahalli í efnistökum né í starfi þeirra. Þá þyrfti að líta til þess að fjölmiðlar væru margir hverjir í eigu sérhagsmunaafla sem reyndu að nýta dagskrárvaldið til að koma ákveðinni stefnu í gegn. „Ég sé ekki blaðamannafélagið sýna miklar áhyggjur af því,“ sagði Ólína. Hún sagðist vera hugsi yfir þeim viðbrögðum sem hafa orðið vegna þess að fjármálastofnun ákvað að setja markmið Sameinuðu þjóðanna á dagskrá í sinni starfsemi sem eigi að stuðla að betra samfélagi. Þau markmið megi einnig finna í íslenskri löggjöf en þrátt fyrir það hallaði enn á konur í íslenskum fjölmiðlum. „Ég tek nefnilega eftir því að æsingurinn er ekki út af áherslum bankans í loftslagsmálum heldur út af þessum kynjajafnréttisáherslum. Þá er eins og það spretti alltaf upp þetta gamla ofnæmisviðbragð sem maður sér alltaf gjósa upp þegar málið fer að snúast um karla og konur.“„Fjölmiðlar hafa bara eina skyldu“ Hjálmar var ósammála þeirri fullyrðingu Ólínu að fjölmiðlar hefðu margvíslegum skyldum að gegna í samfélaginu. Þeirra eina skylda væri skyldan við sannleikann. „Fjölmiðlar hafa bara eina skyldu, og fjölmiðlamenn hafa bara eina skyldu. Það er skyldan við sannleikann og það er skyldan við að gagnrýna samfélagið, hvort sem það er jafnrétti, hvort sem það er loftslagsþróun eða hvað sem er,“ sagði Hjálmar. „Skylda blaðamanns númer eitt, tvö og þrjú er að vera gagnrýninn, og við hefðum ekki verið gagnrýnin í gegnum tíðina og ef við hefðum ekki sett mál á dagskrá sem eru umdeild, þá væri þetta samfélag ekki í dag þar sem það er.“ Hann sagði sannleikann veita samfélaginu og blaðamönnum sjálfum besta aðhaldið og hann stuðlaði jafnframt að mesta gagnsæinu. Skoðanir einstaklinga skiptu ekki máli í því samhengi, og þá sérstaklega ekki í tilfelli blaðamanna. „Skoðanir mínar á kvótakerfinu eða skoðanir mínar á ESB, eiga þær að hafa áhrif á vinnu mína sem blaðamaður? Nei, þær mega ekki hafa áhrif á vinnu mína sem blaðamaður.“ Ólína sagði það ekki vera rétt að blaðamenn hefðu bara eina skyldu þar sem þeir hefðu, samkvæmt lögum, margþættum skyldum að gegna. Í því samhengi minnti hún á ályktun fjölmiðlanefndar þar sem blaðamenn voru áminntir um að þeir hefðu sérstökum skyldum gagnvart lýðræðinu að gegna. „Auðvitað hafa fjölmiðlar þessa skyldu og hún er innbyggð. Það er ekkert til umræðu hér að fara að beita einhverjum annarlegum þrýstingi til þess að fá fjölmiðla til að fjalla um einhverja sérhagsmuni. Þetta snýst um að hér eru sameiginleg grunngildi.“
Fjölmiðlar Víglínan Tengdar fréttir Kvenréttindafélagið fagnar framtaki Íslandsbanka Kvenréttindafélag Íslands segist fagna framtaki Íslandsbanka að að færa viðskipti sín til þeirra fjölmiðla og fyrirtækja sem búi ekki við afgerandi kynjahalla. Þetta kemur fram í ályktun félagsins. 25. október 2019 14:30 Útspil Íslandsbanka kemur fjármálaráðherra spánskt fyrir sjónir Bjarni Benediktsson fjármálaráðherra veltir fyrir sér hvar Íslandsbanki ætli að draga mörkin þegar komi að jafnréttismálum. Bankinn, sem er í eigu ríkisins, ætlar að beina viðskiptum sínum frá karlægum fyrirtækjum og hætta að kaupa auglýsingar hjá fjölmiðlum "sem bjóða upp á afgerandi kynjahalla.“ 24. október 2019 11:30 Íslandsbanki setur viðskiptabann á karllæga fjölmiðla Búið að flagga tiltekna fjölmiðla. 24. október 2019 08:00 Mest lesið Fjörutíu tonn af eldfimu fiskafóðri í stórskemmdum bílnum Innlent Hneykslast á ákvörðun ríkissaksóknara Innlent Óeirðir í Southport eftir mannskæðu árásina Erlent Maður hætt kominn eftir ísbjarnarárás Innlent Skjálfti að stærð 3 á Reykjanestá Innlent „Virðist vera partur af því að reka verslun á Íslandi í dag“ Innlent Nýútskrifuð kona ráðin í stað reynslumikils karls Innlent Vegfarendum stafi hætta af auglýsingaskiltum Innlent Minnst 120 létust í aurskriðum á Indlandi Erlent Óeirð á hjúkrunarheimilum vegna endalausra íþrótta á RÚV Innlent Fleiri fréttir Skjálfti að stærð 3 á Reykjanestá Fjörutíu tonn af eldfimu fiskafóðri í stórskemmdum bílnum Hneykslast á ákvörðun ríkissaksóknara Flutningabíll varð alelda í Þrengslum Vegfarendum stafi hætta af auglýsingaskiltum „Munum hafa nægan tíma til að bregðast við ef við þurfum“ Feðgar með 90 ára reynslu á elstu og minnstu rakarastofu landsins Hjólhýsið fuðraði upp „Ekki við hæfi“ að dómsmálaráðherra tjái sig um mál Helga Umdeild ummæli, líkur á gosi og truflandi skilti „Virðist vera partur af því að reka verslun á Íslandi í dag“ Vonar að ráðherra verði ekki við ósk Sigríðar Óeirð á hjúkrunarheimilum vegna endalausra íþrótta á RÚV Svona verða hátíðarhöldin á fimmtudaginn Segja Vöku fara offari við að draga burt bíla Bíllinn ekki í handbremsu við sundlaug og rann niður kletta Kobbi Láki kom stýrisvana skútu til bjargar Háttsemi Helga nái aftur til 2017 Sagði móður ekki heila á geði og fær skömm í hattinn Nýútskrifuð kona ráðin í stað reynslumikils karls Ekki sammála því að atvinnulífið hafi brugðist Helgi segir lítinn sóma að framgöngu ríkissaksóknara Gæti gosið á næstu dögum Samtök atvinnulífsins blása á gagnrýni formanns VR Segir Helga ekki hafa bætt ráð sitt Maður hætt kominn eftir ísbjarnarárás Bilið aldrei meira milli karla og kvenna Lúxussnekkja Ratcliffe í Reykjavíkurhöfn Bugaðar á bak við eldavélina að baka fyrir TikTok Almennir borgara eltu uppi þjófa í tveimur aðskildum málum Sjá meira
Kvenréttindafélagið fagnar framtaki Íslandsbanka Kvenréttindafélag Íslands segist fagna framtaki Íslandsbanka að að færa viðskipti sín til þeirra fjölmiðla og fyrirtækja sem búi ekki við afgerandi kynjahalla. Þetta kemur fram í ályktun félagsins. 25. október 2019 14:30
Útspil Íslandsbanka kemur fjármálaráðherra spánskt fyrir sjónir Bjarni Benediktsson fjármálaráðherra veltir fyrir sér hvar Íslandsbanki ætli að draga mörkin þegar komi að jafnréttismálum. Bankinn, sem er í eigu ríkisins, ætlar að beina viðskiptum sínum frá karlægum fyrirtækjum og hætta að kaupa auglýsingar hjá fjölmiðlum "sem bjóða upp á afgerandi kynjahalla.“ 24. október 2019 11:30
Íslandsbanki setur viðskiptabann á karllæga fjölmiðla Búið að flagga tiltekna fjölmiðla. 24. október 2019 08:00