Bílaleigubræður á Suðurnesjum fá það óþvegið á Trustpilot Jakob Bjarnar skrifar 11. október 2019 15:45 Einar og Bjarki Hallssynir reka bílaleiguna FairCar og eiga nú í vök að verjast á internetinu. „Þetta er ekki þannig að við stundum það að fara út á plan og sparka í bílana til að fá sjálfsábyrgðina greidda. Við tökum myndir fyrir og eftir,“ segir Bjarki Hallsson framkvæmdastjóri FairCar-bílaleigunnar í Reykjanesbæ. „Það eru til sannanir fyrir öllu þessu.“Holskefla óhróðurs á netinu Bílaleigan, sem nú hefur starfað í sjö ár, hefur að undanförnu fengið yfir sig herfilegar umsagnir á netinu, á vef sem heitir Trustpilot. Þar hefur magnast upp nokkur ófriðarbál og er ákaft varað við bílaleigunni, bílarnir sagðir gamlir og lélegir, allt öðru vísi en um var talað og auk þess eru þeir á FairCar sakaðir um að stunda glæpsamlega starfsemi; það að senda út bakreikninga, óskýrðan aukakostnað og að rukka fyrir tilhæfulaust tjón.Ekkert vantar uppá að bræðurnir fái það óþvegið á Trustpilot. Fair Car? More like ScamCar. Og þannig gengur dælan, óhróðurinn hrannast upp.Bjarki vísar þessu alfarið á bug og segir tvær hliðar á þessari sögu. „Það sem bílaleigur gera er að þær taka aðeins heimild til að staðfesta að eiginábyrgð viðskiptavina sé til ráðstöfunar á kortinu. Þannig að upphæðin er ekki tekin út af kortinu. Það eru strangar reglur sem við þurfum að fylgja frá kortafyrirtækjunum, þetta er ekki eins og bílaleigan geti tekið af kortum viðskiptavinarins eins og þeim þóknast. Það eru gróusögur, þetta virkar ekki þannig,“ segir Bjarki og bætir því að ef hann gæti valið væru engin tjón, þau væru sannarlega ekki fyrir reksturinn heldur verulegt tap.Algengt að því sé hótað að fjallað verði illa um fyrirtæki Þau hjá FairCar, sem er fjölskyldufyrirtæki en forstjóri leigunnar er bróðir Bjarka, Einar Hallsson, hafa oft orðið fyrir hótunum. Að ef sá kostnaður sé innheimtur muni viðkomandi siga fjölmiðlum á þau og/eða skrifa um þá „bad review“. Þetta eru algengar hótanir. Og ekkert vantar uppá að bílaleigunni sé nú úthúðað á netinu, á þessum tiltekna vef.Bjarki segir þetta erfiða stöðu og hann segir brögð að því að þeir sem aldrei hafi átt í viðskiptum við fyrirtækið skrifi umsagnir. „Réttur kúnnans er svo mikill innan gæsalappa. Áður náðum við að halda þessu góðu með að senda út á alla sem áttu viðskipti við okkur ósk um umsögn. Nú hafa þessar slæmu umsagnir safnast saman.“ Og vissulega er það svo að til eru umsagnir um reynslu viðskiptavina þar sem fyrirtækinu er hrósað og það sagt afbragð. En, nú staflast hinar neikvæðu umsagnir upp.Misvandaðir viðskiptavinir Bjarki segir það vissulega erfitt að fá svona nokkuð í andlitið en segir að fólk átti sig oftast á því, þegar þetta er útskýrt, að ekki sé gott við að eiga.Umsagnir eru 180. Samkvæmt vefnum var fyrirtækið með miklum ágætum áður en nú hrannast hinar neikvæðu umsagnir upp.„Ef ég væri í þeirri stöðu að skrifa umsagnir um kúnna þá gæti það orðið æsilegur lestur,“ segir Bjarki. Hann segir hegðun margra viðskiptavina vera fyrir neðan allar hellur og að þeir sumir hverjir virði ekki lágmarks mannasiði. „Þetta er ekki skemmtilegur bransi að vera í þegar svo er.“ Bjarki lýsir því að þetta sé ný staða fyrir fyrirtæki í ferðamennsku og veitingarekstri með þessum vefjum sem gera út á umsagnir, svo sem TripAdvisor og fleiri vefir. Þar standi rekstraraðilar oft frammi fyrir hótunum um að ef ekki sé látið að vilja viðskiptavinarins þá verði skrifað „bad review“ eða neikvæð umsögn. Bílar Ferðamennska á Íslandi Keflavíkurflugvöllur Neytendur Mest lesið Verðfall á Wall Street Viðskipti erlent Talaði gegn eigin ráðgjöfum um tollana Viðskipti erlent Leiðtogar ESB íhuga háa sekt á X og Musk Viðskipti erlent Guðmundur í Brimi nýr formaður Viðskipti innlent Lítið sem ekkert fékkst upp í kröfur í þrotabú bakarísins Viðskipti innlent Hatar sjálfsafgreiðslukassa: „Ég er orðinn gamall karl að gefast upp á nútímanum“ Neytendur Kristjana til ÍSÍ Viðskipti innlent Tollastríð geti haft áhrif á vaxtalækkunarferli og íslenska ferðaþjónustu Viðskipti innlent Lækkanir í Asíu halda áfram Viðskipti erlent Nánast allir telja útgerðirnar geta greitt hærri veiðigjöld Viðskipti innlent Fleiri fréttir Eldrauð Kauphöll: Bandaríkjamenn horfi fram á lakari lífskjör Sættast við Fjármálaeftirlitið og greiða fimmtán milljóna sekt Guðmundur í Brimi nýr formaður Einar Hrafn og Díana Dögg til Reon Kristjana til ÍSÍ Nánast allir telja útgerðirnar geta greitt hærri veiðigjöld Lítið sem ekkert fékkst upp í kröfur í þrotabú bakarísins Kaupmáttur jókst á milli ára Tollastríð geti haft áhrif á vaxtalækkunarferli og íslenska ferðaþjónustu Trump-tollarnir muni ekki kollsteypa útflutningsgreinum Íslands „Svartari sviðsmynd en flestir bjuggust við“ ÍL-sjóður sýknaður í níu dómsmálum Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Stjórnin telur RÚV enn vera of skuldsett Sjá meira
„Þetta er ekki þannig að við stundum það að fara út á plan og sparka í bílana til að fá sjálfsábyrgðina greidda. Við tökum myndir fyrir og eftir,“ segir Bjarki Hallsson framkvæmdastjóri FairCar-bílaleigunnar í Reykjanesbæ. „Það eru til sannanir fyrir öllu þessu.“Holskefla óhróðurs á netinu Bílaleigan, sem nú hefur starfað í sjö ár, hefur að undanförnu fengið yfir sig herfilegar umsagnir á netinu, á vef sem heitir Trustpilot. Þar hefur magnast upp nokkur ófriðarbál og er ákaft varað við bílaleigunni, bílarnir sagðir gamlir og lélegir, allt öðru vísi en um var talað og auk þess eru þeir á FairCar sakaðir um að stunda glæpsamlega starfsemi; það að senda út bakreikninga, óskýrðan aukakostnað og að rukka fyrir tilhæfulaust tjón.Ekkert vantar uppá að bræðurnir fái það óþvegið á Trustpilot. Fair Car? More like ScamCar. Og þannig gengur dælan, óhróðurinn hrannast upp.Bjarki vísar þessu alfarið á bug og segir tvær hliðar á þessari sögu. „Það sem bílaleigur gera er að þær taka aðeins heimild til að staðfesta að eiginábyrgð viðskiptavina sé til ráðstöfunar á kortinu. Þannig að upphæðin er ekki tekin út af kortinu. Það eru strangar reglur sem við þurfum að fylgja frá kortafyrirtækjunum, þetta er ekki eins og bílaleigan geti tekið af kortum viðskiptavinarins eins og þeim þóknast. Það eru gróusögur, þetta virkar ekki þannig,“ segir Bjarki og bætir því að ef hann gæti valið væru engin tjón, þau væru sannarlega ekki fyrir reksturinn heldur verulegt tap.Algengt að því sé hótað að fjallað verði illa um fyrirtæki Þau hjá FairCar, sem er fjölskyldufyrirtæki en forstjóri leigunnar er bróðir Bjarka, Einar Hallsson, hafa oft orðið fyrir hótunum. Að ef sá kostnaður sé innheimtur muni viðkomandi siga fjölmiðlum á þau og/eða skrifa um þá „bad review“. Þetta eru algengar hótanir. Og ekkert vantar uppá að bílaleigunni sé nú úthúðað á netinu, á þessum tiltekna vef.Bjarki segir þetta erfiða stöðu og hann segir brögð að því að þeir sem aldrei hafi átt í viðskiptum við fyrirtækið skrifi umsagnir. „Réttur kúnnans er svo mikill innan gæsalappa. Áður náðum við að halda þessu góðu með að senda út á alla sem áttu viðskipti við okkur ósk um umsögn. Nú hafa þessar slæmu umsagnir safnast saman.“ Og vissulega er það svo að til eru umsagnir um reynslu viðskiptavina þar sem fyrirtækinu er hrósað og það sagt afbragð. En, nú staflast hinar neikvæðu umsagnir upp.Misvandaðir viðskiptavinir Bjarki segir það vissulega erfitt að fá svona nokkuð í andlitið en segir að fólk átti sig oftast á því, þegar þetta er útskýrt, að ekki sé gott við að eiga.Umsagnir eru 180. Samkvæmt vefnum var fyrirtækið með miklum ágætum áður en nú hrannast hinar neikvæðu umsagnir upp.„Ef ég væri í þeirri stöðu að skrifa umsagnir um kúnna þá gæti það orðið æsilegur lestur,“ segir Bjarki. Hann segir hegðun margra viðskiptavina vera fyrir neðan allar hellur og að þeir sumir hverjir virði ekki lágmarks mannasiði. „Þetta er ekki skemmtilegur bransi að vera í þegar svo er.“ Bjarki lýsir því að þetta sé ný staða fyrir fyrirtæki í ferðamennsku og veitingarekstri með þessum vefjum sem gera út á umsagnir, svo sem TripAdvisor og fleiri vefir. Þar standi rekstraraðilar oft frammi fyrir hótunum um að ef ekki sé látið að vilja viðskiptavinarins þá verði skrifað „bad review“ eða neikvæð umsögn.
Bílar Ferðamennska á Íslandi Keflavíkurflugvöllur Neytendur Mest lesið Verðfall á Wall Street Viðskipti erlent Talaði gegn eigin ráðgjöfum um tollana Viðskipti erlent Leiðtogar ESB íhuga háa sekt á X og Musk Viðskipti erlent Guðmundur í Brimi nýr formaður Viðskipti innlent Lítið sem ekkert fékkst upp í kröfur í þrotabú bakarísins Viðskipti innlent Hatar sjálfsafgreiðslukassa: „Ég er orðinn gamall karl að gefast upp á nútímanum“ Neytendur Kristjana til ÍSÍ Viðskipti innlent Tollastríð geti haft áhrif á vaxtalækkunarferli og íslenska ferðaþjónustu Viðskipti innlent Lækkanir í Asíu halda áfram Viðskipti erlent Nánast allir telja útgerðirnar geta greitt hærri veiðigjöld Viðskipti innlent Fleiri fréttir Eldrauð Kauphöll: Bandaríkjamenn horfi fram á lakari lífskjör Sættast við Fjármálaeftirlitið og greiða fimmtán milljóna sekt Guðmundur í Brimi nýr formaður Einar Hrafn og Díana Dögg til Reon Kristjana til ÍSÍ Nánast allir telja útgerðirnar geta greitt hærri veiðigjöld Lítið sem ekkert fékkst upp í kröfur í þrotabú bakarísins Kaupmáttur jókst á milli ára Tollastríð geti haft áhrif á vaxtalækkunarferli og íslenska ferðaþjónustu Trump-tollarnir muni ekki kollsteypa útflutningsgreinum Íslands „Svartari sviðsmynd en flestir bjuggust við“ ÍL-sjóður sýknaður í níu dómsmálum Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Stjórnin telur RÚV enn vera of skuldsett Sjá meira