Horfi bjartsýnn til næstu ára Kristinn Páll Teitsson. skrifar 11. febrúar 2019 12:00 Geir, Eggert og Guðni sem allir hafa gegnt starfi formanns KSÍ ræða málin á ársþingi KSÍ. Fréttablaðið/eyþór Guðni Bergsson vann afar sannfærandi sigur í formannskjörinu á 73. ársþingi KSÍ sem fór fram um helgina þegar hann var endurkjörinn með rúmum 80% atkvæða. Hann mun því leiða Knattspyrnusambandið áfram næstu tvö árin eftir að hafa tekið við starfinu fyrir tveimur árum. Geir Þorsteinsson, heiðursformaður KSÍ og fyrrum formaður, bauð sig fram gegn Guðna og fékk tæplega 20% atkvæða en tveir auðir seðlar skiluðu sér á ársþinginu sem fór fram á laugardaginn. Það var ljóst í aðdraganda kosninganna að meðbyrinn var með Guðna enda búinn að fá stuðningsyfirlýsingu frá forseta UEFA. Skömmu fyrir ársþingið lýstu landsliðskonurnar Dagný Brynjarsdóttir og Sara Björk Gunnarsdóttir yfir stuðningi við Guðna og stuttu síðar lýsti Hallgrímur Jónasson, sem lék á sínum tíma sextán leiki fyrir A-landsliðið, yfir stuðningi við Guðna í ljósi þess að erfiðleikar hafi verið í samskiptum við Geir þegar hann gegndi embætti formann. Þegar Fréttablaðið bar þetta undir Geir á ársþinginu var hann brattur og virtist hafa gert sér grein fyrir stöðunni í aðdraganda þingsins. „Ég vissi alltaf að þetta yrði brekka. Síðustu vikur hafa verið erfiðar. Það hafa óvænt ummæli komið upp síðustu daga sem mér hafa þótt ósanngjörn en ég gat lítið gert í því,“ sagði Geir sem sagðist stefna að því að halda áfram að vinna við þróunarverkefni knattspyrnunnar í öðrum heimsálfum. Guðni Bergsson sagðist í samtali við Fréttablaðið vera stoltur yfir að finna fyrir þessum stuðningi og að þetta væri viðurkenning á góðu starfi KSÍ undanfarin tvö ár. „Það var léttir þegar þetta var í höfn. Ég var bjartsýnn á sigur enda voru sterkar vísbendingar sem bentu til þess en maður veit aldrei fyrr en talið er upp úr kössunum. Geir hefur unnið frábært starf fyrir KSÍ og hefur mikla þekkingu svo að það mátti ekki vanmeta framboð hans. Þetta sterka fylgi er viðurkenning á því góða starfi sem KSÍ hefur unnið undanfarin ár og er hvatning fyrir næstu tvö ár,“ sagði Guðni og hélt áfram: „Ég varð hálf hrærður þegar tölurnar skiluðu sér en ég er ekki einn í þessu. Þetta er viðurkenning á því starfi sem stjórn KSÍ hefur unnið undanfarin ár. Við höfum verið að vinna í mörgum verkefnum og það eru fleiri spennandi verkefni fram undan svo að ég horfi bjartsýnum augum til næstu ára. Knattspyrnuhreyfingin á Íslandi er á góðum stað og ég er spenntur að halda áfram þessu starfi næstu árin.“ Guðni segist skilja afstöðu Geirs sem gagnrýndi aðkomu utanaðkomandi aðila að kosningabaráttunni í viðtali sem birtist á frettabladid.is eftir kosningarnar. „Það eru allir komnir með rödd og það er erfitt að stýra umræðunni á samfélagsmiðlunum sem ratar oft í blöðin. Það eru kostir og gallar sem fylgja þessu en það ríkir málfrelsi. Þetta var aðeins sýnilegt í aðdraganda kosninganna 2017 en mun meira í dag og þetta sýnir hvað fótboltinn skiptir alla miklu máli sem er það jákvæða í þessu öllu saman.“ Heilt yfir var Guðni ánægður með ársþingið og hugmyndir sem komu upp, bæði á þinginu og á málþingi í aðdraganda ársþingsins. „Það var ánægjulegt hvað það var mikill samhugur á þinginu. Það komu fram margar áhugaverðar tillögur um hvernig hægt væri að fara með sjóði KSÍ enda eiginfjárstaða sambandsins góð. Svo var ánægjulegt hvað allir voru samróma í því að ræða ályktunina um endurgreiðslu á hluta byggingarkostnaðar og jöfnun ferðakostnaðar. Það eru góð skref fyrir öll félög landsins og eitthvað sem þau munu njóta góðs af.“ Íslenski boltinn Mest lesið Varð pabbi sjö mánuðum eftir að hann lést Sport Glórulaus tækling Gylfa Þórs Íslenski boltinn Landsliðskonum borist skilaboð og sagðar styðja Ísrael Handbolti Gæti HSÍ orðið gjaldþrota: „Okkar að sjá til þess að svo verði ekki“ Handbolti Sjáðu markið umdeilda í Garðabæ: „Ekki var hann hræddur við Örvar?“ Íslenski boltinn Stúkan segir ekki rautt og framkvæmdastjórinn æfur: „Má leggja hana niður“ Íslenski boltinn „Vælum og öskrum þó við meiðum okkur ekki neitt“ Íslenski boltinn Borgaði ósáttum aðdáanda eftir rothögg Stefáns Inga Fótbolti „Síðast þegar ég sá svona atriði var það Petersson í Austurríki“ Handbolti „Er allavega engin þreyta í mér“ Fótbolti Fleiri fréttir Aron í tveggja leikja bann Stúkan segir ekki rautt og framkvæmdastjórinn æfur: „Má leggja hana niður“ Stórir draumar í Laugardalnum: „Allir vilja að Þróttur fari sem hæst“ „Vælum og öskrum þó við meiðum okkur ekki neitt“ Sjáðu markið umdeilda í Garðabæ: „Ekki var hann hræddur við Örvar?“ „Bæði svekktur en líka stoltur“ „Verðum bara að vona það besta en undirbúa okkur fyrir það versta“ „Ég tek þetta bara á mig“ Uppgjörið: Stjarnan - FH 2-1 | Stjarnan slapp með sigur úr grannaslagnum Glórulaus tækling Gylfa Þórs Uppgjörið: Víkingur - ÍBV 2-0 | Gylfi Þór sá rautt í sannfærandi sigri LUÍH: Var gerð að fyrirliða Þróttar átján ára Tveir Bestu deildarslagir og bikarmeistararnir mæta KFA Sjáðu glæsimark Rúnars Más og skrautlegt sjálfsmark á Hlíðarenda „Sá það strax að boltinn myndi enda inni“ Uppgjörið: Fram - ÍA 0-1 | Stórglæsilegt mark Rúnars Más tryggði Skagamönnum sigurinn gegn Fram „Ekki fyrsta stóra ákvörðunin sem hann tekur á móti mínu liði á þessum velli“ Uppgjörið: KA - KR 2-2 | Tvö rauð á KR í markaleik á Akureyri „Stundum þá skapar maður bara sína eigin heppni með alvöru vinnuframlagi“ Uppgjörið: Valur - Vestri 1-1 | Óvænt stig Djúpmanna á Hlíðarenda Blikar byrjuðu vel með græna nögl á litla fingri Sjáðu fyrstu mörk Íslandsmótsins í ár: Var þetta víti? „Viðeigandi að fagna komu hennar með marki“ „Skrifast á ákveðinn sviðsskrekk“ Uppgjörið: Breiðablik - Afturelding 2-0 | Meistararnir með öruggan sigur í opnunarleiknum Erfiðasta frumraun félags í efstu deild í 36 ár Blikar hafa byrjað báðar titilvarnir sínar illa Íslenskir dómarar verða á samfélagsmiðlum í sumar „Sé þá ekki vinna í ár“ Besta-spáin 2025: Hamra járnið meðan það er heitt Sjá meira
Guðni Bergsson vann afar sannfærandi sigur í formannskjörinu á 73. ársþingi KSÍ sem fór fram um helgina þegar hann var endurkjörinn með rúmum 80% atkvæða. Hann mun því leiða Knattspyrnusambandið áfram næstu tvö árin eftir að hafa tekið við starfinu fyrir tveimur árum. Geir Þorsteinsson, heiðursformaður KSÍ og fyrrum formaður, bauð sig fram gegn Guðna og fékk tæplega 20% atkvæða en tveir auðir seðlar skiluðu sér á ársþinginu sem fór fram á laugardaginn. Það var ljóst í aðdraganda kosninganna að meðbyrinn var með Guðna enda búinn að fá stuðningsyfirlýsingu frá forseta UEFA. Skömmu fyrir ársþingið lýstu landsliðskonurnar Dagný Brynjarsdóttir og Sara Björk Gunnarsdóttir yfir stuðningi við Guðna og stuttu síðar lýsti Hallgrímur Jónasson, sem lék á sínum tíma sextán leiki fyrir A-landsliðið, yfir stuðningi við Guðna í ljósi þess að erfiðleikar hafi verið í samskiptum við Geir þegar hann gegndi embætti formann. Þegar Fréttablaðið bar þetta undir Geir á ársþinginu var hann brattur og virtist hafa gert sér grein fyrir stöðunni í aðdraganda þingsins. „Ég vissi alltaf að þetta yrði brekka. Síðustu vikur hafa verið erfiðar. Það hafa óvænt ummæli komið upp síðustu daga sem mér hafa þótt ósanngjörn en ég gat lítið gert í því,“ sagði Geir sem sagðist stefna að því að halda áfram að vinna við þróunarverkefni knattspyrnunnar í öðrum heimsálfum. Guðni Bergsson sagðist í samtali við Fréttablaðið vera stoltur yfir að finna fyrir þessum stuðningi og að þetta væri viðurkenning á góðu starfi KSÍ undanfarin tvö ár. „Það var léttir þegar þetta var í höfn. Ég var bjartsýnn á sigur enda voru sterkar vísbendingar sem bentu til þess en maður veit aldrei fyrr en talið er upp úr kössunum. Geir hefur unnið frábært starf fyrir KSÍ og hefur mikla þekkingu svo að það mátti ekki vanmeta framboð hans. Þetta sterka fylgi er viðurkenning á því góða starfi sem KSÍ hefur unnið undanfarin ár og er hvatning fyrir næstu tvö ár,“ sagði Guðni og hélt áfram: „Ég varð hálf hrærður þegar tölurnar skiluðu sér en ég er ekki einn í þessu. Þetta er viðurkenning á því starfi sem stjórn KSÍ hefur unnið undanfarin ár. Við höfum verið að vinna í mörgum verkefnum og það eru fleiri spennandi verkefni fram undan svo að ég horfi bjartsýnum augum til næstu ára. Knattspyrnuhreyfingin á Íslandi er á góðum stað og ég er spenntur að halda áfram þessu starfi næstu árin.“ Guðni segist skilja afstöðu Geirs sem gagnrýndi aðkomu utanaðkomandi aðila að kosningabaráttunni í viðtali sem birtist á frettabladid.is eftir kosningarnar. „Það eru allir komnir með rödd og það er erfitt að stýra umræðunni á samfélagsmiðlunum sem ratar oft í blöðin. Það eru kostir og gallar sem fylgja þessu en það ríkir málfrelsi. Þetta var aðeins sýnilegt í aðdraganda kosninganna 2017 en mun meira í dag og þetta sýnir hvað fótboltinn skiptir alla miklu máli sem er það jákvæða í þessu öllu saman.“ Heilt yfir var Guðni ánægður með ársþingið og hugmyndir sem komu upp, bæði á þinginu og á málþingi í aðdraganda ársþingsins. „Það var ánægjulegt hvað það var mikill samhugur á þinginu. Það komu fram margar áhugaverðar tillögur um hvernig hægt væri að fara með sjóði KSÍ enda eiginfjárstaða sambandsins góð. Svo var ánægjulegt hvað allir voru samróma í því að ræða ályktunina um endurgreiðslu á hluta byggingarkostnaðar og jöfnun ferðakostnaðar. Það eru góð skref fyrir öll félög landsins og eitthvað sem þau munu njóta góðs af.“
Íslenski boltinn Mest lesið Varð pabbi sjö mánuðum eftir að hann lést Sport Glórulaus tækling Gylfa Þórs Íslenski boltinn Landsliðskonum borist skilaboð og sagðar styðja Ísrael Handbolti Gæti HSÍ orðið gjaldþrota: „Okkar að sjá til þess að svo verði ekki“ Handbolti Sjáðu markið umdeilda í Garðabæ: „Ekki var hann hræddur við Örvar?“ Íslenski boltinn Stúkan segir ekki rautt og framkvæmdastjórinn æfur: „Má leggja hana niður“ Íslenski boltinn „Vælum og öskrum þó við meiðum okkur ekki neitt“ Íslenski boltinn Borgaði ósáttum aðdáanda eftir rothögg Stefáns Inga Fótbolti „Síðast þegar ég sá svona atriði var það Petersson í Austurríki“ Handbolti „Er allavega engin þreyta í mér“ Fótbolti Fleiri fréttir Aron í tveggja leikja bann Stúkan segir ekki rautt og framkvæmdastjórinn æfur: „Má leggja hana niður“ Stórir draumar í Laugardalnum: „Allir vilja að Þróttur fari sem hæst“ „Vælum og öskrum þó við meiðum okkur ekki neitt“ Sjáðu markið umdeilda í Garðabæ: „Ekki var hann hræddur við Örvar?“ „Bæði svekktur en líka stoltur“ „Verðum bara að vona það besta en undirbúa okkur fyrir það versta“ „Ég tek þetta bara á mig“ Uppgjörið: Stjarnan - FH 2-1 | Stjarnan slapp með sigur úr grannaslagnum Glórulaus tækling Gylfa Þórs Uppgjörið: Víkingur - ÍBV 2-0 | Gylfi Þór sá rautt í sannfærandi sigri LUÍH: Var gerð að fyrirliða Þróttar átján ára Tveir Bestu deildarslagir og bikarmeistararnir mæta KFA Sjáðu glæsimark Rúnars Más og skrautlegt sjálfsmark á Hlíðarenda „Sá það strax að boltinn myndi enda inni“ Uppgjörið: Fram - ÍA 0-1 | Stórglæsilegt mark Rúnars Más tryggði Skagamönnum sigurinn gegn Fram „Ekki fyrsta stóra ákvörðunin sem hann tekur á móti mínu liði á þessum velli“ Uppgjörið: KA - KR 2-2 | Tvö rauð á KR í markaleik á Akureyri „Stundum þá skapar maður bara sína eigin heppni með alvöru vinnuframlagi“ Uppgjörið: Valur - Vestri 1-1 | Óvænt stig Djúpmanna á Hlíðarenda Blikar byrjuðu vel með græna nögl á litla fingri Sjáðu fyrstu mörk Íslandsmótsins í ár: Var þetta víti? „Viðeigandi að fagna komu hennar með marki“ „Skrifast á ákveðinn sviðsskrekk“ Uppgjörið: Breiðablik - Afturelding 2-0 | Meistararnir með öruggan sigur í opnunarleiknum Erfiðasta frumraun félags í efstu deild í 36 ár Blikar hafa byrjað báðar titilvarnir sínar illa Íslenskir dómarar verða á samfélagsmiðlum í sumar „Sé þá ekki vinna í ár“ Besta-spáin 2025: Hamra járnið meðan það er heitt Sjá meira