Hefur alltaf haft áhuga á leikstjórn Guðrún Jóna Stefánsdóttir skrifar 4. júní 2016 09:15 Oddur Júlíusson er aðstoðarleikstjóri Djöflaeyjunnar, en þetta mun vera frumraun hans í leikstjórasætinu. Vísir/Hanna Sem stendur er ég í miðju æfingaferli á Djöflaeyjunni þar sem ég er í hlutverki aðstoðarleikstjóra en Atli Rafn Sigurðsson er leikstjóri verksins,“ segir Oddur Júlíusson leikari spurður út í aðkomu sína að verkinu Djöflaeyjan sem frumsýnt verður í þjóðleikhúsinu 3. september. Oddur útskrifaðist úr leiklistardeild Listaháskóla Íslands vorið 2013 og hefur frá þeim tíma verið á samningi hjá Þjóðleikhúsinu og farið með fjölda hlutverka, en hann var tilnefndur til Grímuverðlaunanna í ár sem leikari ársins í aukahlutverki fyrir verkið Um það bil, í leikstjórn Unu Þorleifsdóttur. „Það er búið að vera alveg frábært að vinna hér í Þjóðleikhúsinu ég hef á þeim stutta tíma sem ég hef unnið hér fengið frábær tækifæri og tekið þátt í mjög skemmtilegum og krefjandi verkefnum.“ Meðal leiksýninga sem Oddur hefur tekið þátt í eru Hleyptu þeim rétta inn, Fjalla-Eyvindur, Dýrin í Hálsaskógi, Óvitar, Ofsi, Spamalot, Eldraunin. „Þetta hefur verið einstaklega skemmtilegt, ég hef fengið að þroskast mikið sem leikari og finnst ég eiga mikið inni. Í dag er ég að leika í leiksýningunni, Í hjarta Hróa hattar en það eru nokkrar sýningar eftir áður en leikhúsið fer í sumarfrí,“ segir Oddur. Eins og fram hefur komið er Oddur aðstoðarleikstjóri í Djöflaeyjunni, en þetta mun vera frumraun hans í leikstjórasætinu. Djöflaeyjan er nýr söngleikur, byggður á metsölubók Einars Kárasonar og fjallar verkið um drauma, sorgir og sigra fjölskyldu Karólínu spákonu, og mannlífið í braggahverfum Reykjavíkur á eftirstríðsárunum. „Þetta er alveg ótrúlega skemmtilegt og hópurinn allur alveg frábær, ég hef alltaf haft mikinn áhuga á því að vera leikstjóri og stefni jafnvel á það seinna meir, það er frábært að vinna með Atla Rafni hann er algjör fagmaður og ég get lært mikið af honum,“ segir Oddur. Næsta leikár Þjóðleikhússins var kynnt í síðustu viku og má búast við virkilega spennandi vetri en fjöldi verka er nú þegar komið í vinnslu. „Þetta eru virkilega spennandi tímar. Ásamt því að vera aðstoðarleikstjóri í Djöflaeyjunni kem ég til með að leika einleik í skemmtilegu verki sem nefnist Lofthræddi örninn Örvar, verkið fjallar að miklu leyti um það hvernig það er að takast á við og yfirstíga ótta. Verkið er með frekar óhefðbundnu sniði en þetta mun vera farandsýning þar sem við komum jafnvel til með að frumsýna verkið í Vestmanneyjum og fara svo í ferðalag um landið í kjölfarið, við erum að færa Þjóðleikhúsið nær landsbyggðinni og að þessu sinni verða það börnin sem fá að njóta þess,“ segir Oddur spennur fyrir komandi tímum. Nú styttist óðum í sumarfrí en nóg verður að gera hjá Oddi þar sem hann meðal annars tekur þátt í uppsetningu Icelandic Sagas - The greatest hits, sem sýnt er í Hörpu en á sýningunni er farið yfir fjörutíu Íslendingasögur á aðeins sjötíu og fimm mínútum. „Þetta verður skemmtilegt sumar. Ég ákvað að skella mér í smá aukavinnu og kem inn í sýninguna í júlí. Svo ætla ég líka að reyna að nýta sumarið í það að ferðast, fara á Bræðsluna og njóta lífsins,“ segir Oddur brosandi. Menning Mest lesið Hefur gefið út tvö hundruð lög á fimm mánuðum Lífið Heitustu hinsegin pör landsins Lífið Byrjaði í smábrotum en vatt svo upp á sig Lífið „Þetta er enginn helvítis félagskvíði, það bara þolir mig enginn“ Áskorun Dóttir Snæfríðar og Högna komin með nafn Lífið Ekki búið spil Lífið Dró Antonio grunlausan með sér í Gamla bíó Lífið Harðfisk-, laxa- og beikonís á Ísdeginum í Hveragerði Lífið Sjáðu myndirnar frá Ungfrú Ísland Lífið Fundu ástina á ný eftir skilnað Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Sem stendur er ég í miðju æfingaferli á Djöflaeyjunni þar sem ég er í hlutverki aðstoðarleikstjóra en Atli Rafn Sigurðsson er leikstjóri verksins,“ segir Oddur Júlíusson leikari spurður út í aðkomu sína að verkinu Djöflaeyjan sem frumsýnt verður í þjóðleikhúsinu 3. september. Oddur útskrifaðist úr leiklistardeild Listaháskóla Íslands vorið 2013 og hefur frá þeim tíma verið á samningi hjá Þjóðleikhúsinu og farið með fjölda hlutverka, en hann var tilnefndur til Grímuverðlaunanna í ár sem leikari ársins í aukahlutverki fyrir verkið Um það bil, í leikstjórn Unu Þorleifsdóttur. „Það er búið að vera alveg frábært að vinna hér í Þjóðleikhúsinu ég hef á þeim stutta tíma sem ég hef unnið hér fengið frábær tækifæri og tekið þátt í mjög skemmtilegum og krefjandi verkefnum.“ Meðal leiksýninga sem Oddur hefur tekið þátt í eru Hleyptu þeim rétta inn, Fjalla-Eyvindur, Dýrin í Hálsaskógi, Óvitar, Ofsi, Spamalot, Eldraunin. „Þetta hefur verið einstaklega skemmtilegt, ég hef fengið að þroskast mikið sem leikari og finnst ég eiga mikið inni. Í dag er ég að leika í leiksýningunni, Í hjarta Hróa hattar en það eru nokkrar sýningar eftir áður en leikhúsið fer í sumarfrí,“ segir Oddur. Eins og fram hefur komið er Oddur aðstoðarleikstjóri í Djöflaeyjunni, en þetta mun vera frumraun hans í leikstjórasætinu. Djöflaeyjan er nýr söngleikur, byggður á metsölubók Einars Kárasonar og fjallar verkið um drauma, sorgir og sigra fjölskyldu Karólínu spákonu, og mannlífið í braggahverfum Reykjavíkur á eftirstríðsárunum. „Þetta er alveg ótrúlega skemmtilegt og hópurinn allur alveg frábær, ég hef alltaf haft mikinn áhuga á því að vera leikstjóri og stefni jafnvel á það seinna meir, það er frábært að vinna með Atla Rafni hann er algjör fagmaður og ég get lært mikið af honum,“ segir Oddur. Næsta leikár Þjóðleikhússins var kynnt í síðustu viku og má búast við virkilega spennandi vetri en fjöldi verka er nú þegar komið í vinnslu. „Þetta eru virkilega spennandi tímar. Ásamt því að vera aðstoðarleikstjóri í Djöflaeyjunni kem ég til með að leika einleik í skemmtilegu verki sem nefnist Lofthræddi örninn Örvar, verkið fjallar að miklu leyti um það hvernig það er að takast á við og yfirstíga ótta. Verkið er með frekar óhefðbundnu sniði en þetta mun vera farandsýning þar sem við komum jafnvel til með að frumsýna verkið í Vestmanneyjum og fara svo í ferðalag um landið í kjölfarið, við erum að færa Þjóðleikhúsið nær landsbyggðinni og að þessu sinni verða það börnin sem fá að njóta þess,“ segir Oddur spennur fyrir komandi tímum. Nú styttist óðum í sumarfrí en nóg verður að gera hjá Oddi þar sem hann meðal annars tekur þátt í uppsetningu Icelandic Sagas - The greatest hits, sem sýnt er í Hörpu en á sýningunni er farið yfir fjörutíu Íslendingasögur á aðeins sjötíu og fimm mínútum. „Þetta verður skemmtilegt sumar. Ég ákvað að skella mér í smá aukavinnu og kem inn í sýninguna í júlí. Svo ætla ég líka að reyna að nýta sumarið í það að ferðast, fara á Bræðsluna og njóta lífsins,“ segir Oddur brosandi.
Menning Mest lesið Hefur gefið út tvö hundruð lög á fimm mánuðum Lífið Heitustu hinsegin pör landsins Lífið Byrjaði í smábrotum en vatt svo upp á sig Lífið „Þetta er enginn helvítis félagskvíði, það bara þolir mig enginn“ Áskorun Dóttir Snæfríðar og Högna komin með nafn Lífið Ekki búið spil Lífið Dró Antonio grunlausan með sér í Gamla bíó Lífið Harðfisk-, laxa- og beikonís á Ísdeginum í Hveragerði Lífið Sjáðu myndirnar frá Ungfrú Ísland Lífið Fundu ástina á ný eftir skilnað Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira