Fingraför Klopp á nýju æfingasvæði Liverpool Runólfur Trausti Þórhallsson skrifar 11. febrúar 2020 13:30 Klopp er svona ánægður með að komast á nýtt æfingasvæði í sumar. Vísir/Getty Liverpool, topplið ensku úrvalsdeildarinnar, mun í sumar yfirgefa Melwood, hið fornfræga æfingasvæði liðsins, þar sem liðið hefur æft frá því á sjötta áratug síðustu aldar. Gengi Liverpool undanfarin tvö ár hefur verið lyginni líkast og stefnt er að því að viðhalda þeim árangri með því að færa liðið yfir á uppfært æfingasvæði í Kirkby þar sem U23 ára lið félagsins sem og yngri lið þess æfa. Munu viðbæturnar við svæðið kosta allt að 50 milljónir punda en uppbygging svæðisins hófst árið 2017.James Pearce hjá The Athletic greinir frá þessu. Ljóst að er að knattspyrnustjóri Liverpool, hinn þýski Jürgen Klopp, hefur haft mikið að segja um hvernig svæðið í Kirkby er byggt upp. Það verður tennis völlur, utandyra, svo Klopp og aðstoðarmaður hans Pepjin Lijnders geti keppt milli æfinga eða eftir. Þá verða lagðir þrír grasvellir með svokölluðu GrassMaster hybrid grasi sem er blanda af venjulegu grasi sem og gervigrasi. Einnig verður sérstakt svæði sérstaklega ætlað markmannsæfingum. Kirkby er staðsett tæpum 13 kílómetrum frá miðborg Liverpool. Þá er svæðið rúmum níu og hálfum kílómetra frá núverandi æfingasvæði liðsins í Melwood. Vegalengd sem Klopp er ósáttur með. Svona ku svæðið við Kirkby vera þegar allt er tilbúið.Vísir/Athletic Klopp hefur sagt að aðstaðan í Kirkby sé „mikil yfirlýsing“ frá Liverpool og sýnir metnað þeirra á komandi árum. Undir þetta tekur Tom Werner, einn af stjórnarmönnum Fenway Sports Group (FSG) sem á Liverpool. Werner hefur sagt að langtíma áætlun FSG sé að fjárfesta í, og þannig stækka, klúbbinn bæði innan- sem utan vallar.„Það hefur alltaf verið metnaður fyrir því byggja æfingaaðstöðu sem telst meðal þeirra bestu í heimi þar sem yngri leikmenn félagsins geti notið sín og átt beina leið inn í aðallið félagsins,“ sagði Werner. Svæðið í Kirkby mun vera 9200 fermetrar að stærð og hýsa bæði U23 ára lið félagsins ásamt aðalliðinu. Þá eru yngri liðin staðsett á æfingasvæði rétt hjá. Klopp mun þó hafa skipt svæðinu upp svo leikmenn í U23 ára liðinu þurfi að vinna sér inn að fá að lyfta með leikmönnum aðalliðsins. Markmiðið er að fá leikmenn til að vinna enn harðar í von um að komast í aðallið Liverpool. Ásamt tennisvellinum, nýlögðum grasvöllum og sérstöku svæði til markmannsæfinga þá verða tvær líkamsræktarstöðvar á svæðinu, innanhúsvöllur í fullri stærð, sundlaug, sérstakir kæliklefar sem flýta fyrir endurhæfingu og aðstaða fyrir læknateymi félagsins. Klopp hefur sagt að hann elski Melwood en svæðið sé einfaldlega orðið of gamalt og vegalengdin á milli aðalliðsins og yngri liða félagsins sé einfaldlega of mikil. Liverpool seldi svæðið fyrir 10 milljónir punda og mun sá peningur fara upp í kostnað á nýja svæðinu. Þá er Liverpool opið fyrir hugmyndinni að selja nafnið á æfingasvæðinu fyrir dágóða summu líkt og Manchester United gerði en bandaríska tryggingafyrirtækið Aon keypti nafnið á æfingasvæði félagsins við Carrington. Líkt og Louis Van Gaal lét gera hjá Manchester United á sínum tíma þá hafa Liverpool menn plantað trjám í kringum æfingasvæðið til þessa að hindra það að vindur geti haft of mikil áhrif á æfingar félagsins. Mynd innan úr æfingasvæðinu við Kirkby.Vísir/Athletic Einnig verður aðstaða fyrir leikmenn og starfsmenn til að slaka á eftir æfingar ásamt matarsvæði. Að lokum verður sjónvarpsstúdíó fyrir sjónvarpsstöð félagsins, aðstaða fyrir blaðamannafundi og nóg af skrifstofum en það ku vera skortur á þeim á Melwood samkvæmt Klopp. Sá þýski mun einnig hafa kvartað yfir slakri aðstöðu innandyra. Klopp er þó ekki eini maðurinn sem hefur haft puttana í uppbyggingu svæðisins en þeir Michael Edwards (yfirmaður íþróttamála), Alex Inglethorpe (yfirmaður akademíu Liverpool), ásamt Lijnders, Jorden Henderson og James Milner hafa fengið að koma sínum skoðunum á framfæri. Eiga forsvarsmenn Liverpool að hafa skoðað aðstöðu hinna ýmsu liða um gervalla Evrópu til að ákvarða hvað myndi henta þeim best. Þá var félagið KSS fengið til að sjá um byggingu svæðisins en það er sama félag og byggði nýjan völl Tottenham Hotspur sem og æfingasvæði Lundúnafélagsins ásamt nýju æfingasvæði Leicester City.„Að koma akademíu félagsins og aðalliðinu undir sama þak er eitt en þetta snýst líka um að bæta þá hluti sem við getum bætt. Þetta verður bara jákvætt fyrir framtíð félagsins. Ég trúi því að innviðir félagsins geti viðhaldið árangri okkar,“ sagði Klopp meðal annars við The Athletic. Hann vill hafa betri aðgang að yngri liðum sem og að yngri liðin hafi betri aðgang að aðalliðinu. Yngri leikmenn félagsins eiga að geta séð leikmenn á borð við Virgil Van Dijk, Jordan Henderson, Sadio Mané og Mo Salah. Séð þannig hvernig þeir æfa og hvað þeir leggja á sig. Þá verður mun auðveldara að færa leikmenn upp í aðalliðshópinn ef það vantar þar sem yngri leikmennirnir eru á staðnum. Það verður því áhugavert að sjá hvort ný aðstaða muni leiða til þess að fleiri leikmenn á borð við Trent Alexander-Arnold komi upp í aðallið Liverpool á komandi árum. Enski boltinn Mest lesið Líflátshótunum rignir yfir Víkinga: „Djöfull er þetta lasið“ Fótbolti Tiger svaf ekki eftir morðtilræðið gegn Trump Golf Einn sá skrautlegasti mættur á Opna breska Golf „Getur ennþá orðið stórkostlegt tímabil“ Fótbolti Heimsleikarnir gætu byrjað klukkan sex um morguninn Sport Víkingar með augun á leik í Albaníu í kvöld Fótbolti Segja að Alexander-Arnold sé opinn fyrir því að fara til Real Madrid Enski boltinn Enska sambandið vill Guardiola og er tilbúið að bíða Enski boltinn McIlroy hunsaði Tiger óvart í mánuð Sport Frakkar í mál og vesen hjá Chelsea vegna rasískra söngva Argentínumanna Enski boltinn Fleiri fréttir Enska sambandið vill Guardiola og er tilbúið að bíða Liðsfélagi Hákonar á leið til United Segja að Alexander-Arnold sé opinn fyrir því að fara til Real Madrid Wiegman gaf lítið fyrir það að hún gæti tekið við enska karlalandsliðinu Como viðurkennir að leikmaður liðsins hafi kallað Hwang Jackie Chan Neville vill enskan þjálfara fyrir landsliðið Frakkar í mál og vesen hjá Chelsea vegna rasískra söngva Argentínumanna Kynþáttafordómar og hnefarnir látnir tala í æfingaleik Wolves og Como Ten Hag hundfúll eftir tap fyrir Rosenborg: „Það eru kröfur hjá United“ Milljarður punda í húfi fyrir leikmenn Englands Aston Villa að ganga frá kaupum á Onana Man. Utd hefur borgað 171 milljarð í vexti af skuldum frá 2005 Jonny Evans verður áfram hjá Manchester United Sancho sættist við Ten Hag og er mættur aftur á æfingar Liverpool vill fá fund um stúkuslagsmál Darwin Núnez Darwin Nunez slóst við áhorfendur í stúkunni Aston Villa losar Coutinho af launaskrá og lánar til uppeldisfélagsins Eigendur Liverpool að kaupa franskt félag „Félög alls staðar að úr heiminum vildu fá hann en hann valdi okkur“ Man. Utd hækkaði tilboðið í Branthwaite Bobby Firmino orðinn prestur Man United á eftir fleiri Hollendingum en De Ligt Donny van de Beek snýr við blaðinu og fer til Spánar Michael Olise mættur til læknisskoðunar hjá Bayern München Jóhann lenti óvænt í flugi með formanninum og fer ekki fet Vistaskipti Kilman gætu breytt framtíð E-deildarliðs Maidenhead Jóhann Berg áfram hjá Burnley Sky biður Nottingham Forest afsökunar Man. Utd bannað að kaupa varnarmann en leyft að spila Hollenska markavélin semur við Manchester City Sjá meira
Liverpool, topplið ensku úrvalsdeildarinnar, mun í sumar yfirgefa Melwood, hið fornfræga æfingasvæði liðsins, þar sem liðið hefur æft frá því á sjötta áratug síðustu aldar. Gengi Liverpool undanfarin tvö ár hefur verið lyginni líkast og stefnt er að því að viðhalda þeim árangri með því að færa liðið yfir á uppfært æfingasvæði í Kirkby þar sem U23 ára lið félagsins sem og yngri lið þess æfa. Munu viðbæturnar við svæðið kosta allt að 50 milljónir punda en uppbygging svæðisins hófst árið 2017.James Pearce hjá The Athletic greinir frá þessu. Ljóst að er að knattspyrnustjóri Liverpool, hinn þýski Jürgen Klopp, hefur haft mikið að segja um hvernig svæðið í Kirkby er byggt upp. Það verður tennis völlur, utandyra, svo Klopp og aðstoðarmaður hans Pepjin Lijnders geti keppt milli æfinga eða eftir. Þá verða lagðir þrír grasvellir með svokölluðu GrassMaster hybrid grasi sem er blanda af venjulegu grasi sem og gervigrasi. Einnig verður sérstakt svæði sérstaklega ætlað markmannsæfingum. Kirkby er staðsett tæpum 13 kílómetrum frá miðborg Liverpool. Þá er svæðið rúmum níu og hálfum kílómetra frá núverandi æfingasvæði liðsins í Melwood. Vegalengd sem Klopp er ósáttur með. Svona ku svæðið við Kirkby vera þegar allt er tilbúið.Vísir/Athletic Klopp hefur sagt að aðstaðan í Kirkby sé „mikil yfirlýsing“ frá Liverpool og sýnir metnað þeirra á komandi árum. Undir þetta tekur Tom Werner, einn af stjórnarmönnum Fenway Sports Group (FSG) sem á Liverpool. Werner hefur sagt að langtíma áætlun FSG sé að fjárfesta í, og þannig stækka, klúbbinn bæði innan- sem utan vallar.„Það hefur alltaf verið metnaður fyrir því byggja æfingaaðstöðu sem telst meðal þeirra bestu í heimi þar sem yngri leikmenn félagsins geti notið sín og átt beina leið inn í aðallið félagsins,“ sagði Werner. Svæðið í Kirkby mun vera 9200 fermetrar að stærð og hýsa bæði U23 ára lið félagsins ásamt aðalliðinu. Þá eru yngri liðin staðsett á æfingasvæði rétt hjá. Klopp mun þó hafa skipt svæðinu upp svo leikmenn í U23 ára liðinu þurfi að vinna sér inn að fá að lyfta með leikmönnum aðalliðsins. Markmiðið er að fá leikmenn til að vinna enn harðar í von um að komast í aðallið Liverpool. Ásamt tennisvellinum, nýlögðum grasvöllum og sérstöku svæði til markmannsæfinga þá verða tvær líkamsræktarstöðvar á svæðinu, innanhúsvöllur í fullri stærð, sundlaug, sérstakir kæliklefar sem flýta fyrir endurhæfingu og aðstaða fyrir læknateymi félagsins. Klopp hefur sagt að hann elski Melwood en svæðið sé einfaldlega orðið of gamalt og vegalengdin á milli aðalliðsins og yngri liða félagsins sé einfaldlega of mikil. Liverpool seldi svæðið fyrir 10 milljónir punda og mun sá peningur fara upp í kostnað á nýja svæðinu. Þá er Liverpool opið fyrir hugmyndinni að selja nafnið á æfingasvæðinu fyrir dágóða summu líkt og Manchester United gerði en bandaríska tryggingafyrirtækið Aon keypti nafnið á æfingasvæði félagsins við Carrington. Líkt og Louis Van Gaal lét gera hjá Manchester United á sínum tíma þá hafa Liverpool menn plantað trjám í kringum æfingasvæðið til þessa að hindra það að vindur geti haft of mikil áhrif á æfingar félagsins. Mynd innan úr æfingasvæðinu við Kirkby.Vísir/Athletic Einnig verður aðstaða fyrir leikmenn og starfsmenn til að slaka á eftir æfingar ásamt matarsvæði. Að lokum verður sjónvarpsstúdíó fyrir sjónvarpsstöð félagsins, aðstaða fyrir blaðamannafundi og nóg af skrifstofum en það ku vera skortur á þeim á Melwood samkvæmt Klopp. Sá þýski mun einnig hafa kvartað yfir slakri aðstöðu innandyra. Klopp er þó ekki eini maðurinn sem hefur haft puttana í uppbyggingu svæðisins en þeir Michael Edwards (yfirmaður íþróttamála), Alex Inglethorpe (yfirmaður akademíu Liverpool), ásamt Lijnders, Jorden Henderson og James Milner hafa fengið að koma sínum skoðunum á framfæri. Eiga forsvarsmenn Liverpool að hafa skoðað aðstöðu hinna ýmsu liða um gervalla Evrópu til að ákvarða hvað myndi henta þeim best. Þá var félagið KSS fengið til að sjá um byggingu svæðisins en það er sama félag og byggði nýjan völl Tottenham Hotspur sem og æfingasvæði Lundúnafélagsins ásamt nýju æfingasvæði Leicester City.„Að koma akademíu félagsins og aðalliðinu undir sama þak er eitt en þetta snýst líka um að bæta þá hluti sem við getum bætt. Þetta verður bara jákvætt fyrir framtíð félagsins. Ég trúi því að innviðir félagsins geti viðhaldið árangri okkar,“ sagði Klopp meðal annars við The Athletic. Hann vill hafa betri aðgang að yngri liðum sem og að yngri liðin hafi betri aðgang að aðalliðinu. Yngri leikmenn félagsins eiga að geta séð leikmenn á borð við Virgil Van Dijk, Jordan Henderson, Sadio Mané og Mo Salah. Séð þannig hvernig þeir æfa og hvað þeir leggja á sig. Þá verður mun auðveldara að færa leikmenn upp í aðalliðshópinn ef það vantar þar sem yngri leikmennirnir eru á staðnum. Það verður því áhugavert að sjá hvort ný aðstaða muni leiða til þess að fleiri leikmenn á borð við Trent Alexander-Arnold komi upp í aðallið Liverpool á komandi árum.
Enski boltinn Mest lesið Líflátshótunum rignir yfir Víkinga: „Djöfull er þetta lasið“ Fótbolti Tiger svaf ekki eftir morðtilræðið gegn Trump Golf Einn sá skrautlegasti mættur á Opna breska Golf „Getur ennþá orðið stórkostlegt tímabil“ Fótbolti Heimsleikarnir gætu byrjað klukkan sex um morguninn Sport Víkingar með augun á leik í Albaníu í kvöld Fótbolti Segja að Alexander-Arnold sé opinn fyrir því að fara til Real Madrid Enski boltinn Enska sambandið vill Guardiola og er tilbúið að bíða Enski boltinn McIlroy hunsaði Tiger óvart í mánuð Sport Frakkar í mál og vesen hjá Chelsea vegna rasískra söngva Argentínumanna Enski boltinn Fleiri fréttir Enska sambandið vill Guardiola og er tilbúið að bíða Liðsfélagi Hákonar á leið til United Segja að Alexander-Arnold sé opinn fyrir því að fara til Real Madrid Wiegman gaf lítið fyrir það að hún gæti tekið við enska karlalandsliðinu Como viðurkennir að leikmaður liðsins hafi kallað Hwang Jackie Chan Neville vill enskan þjálfara fyrir landsliðið Frakkar í mál og vesen hjá Chelsea vegna rasískra söngva Argentínumanna Kynþáttafordómar og hnefarnir látnir tala í æfingaleik Wolves og Como Ten Hag hundfúll eftir tap fyrir Rosenborg: „Það eru kröfur hjá United“ Milljarður punda í húfi fyrir leikmenn Englands Aston Villa að ganga frá kaupum á Onana Man. Utd hefur borgað 171 milljarð í vexti af skuldum frá 2005 Jonny Evans verður áfram hjá Manchester United Sancho sættist við Ten Hag og er mættur aftur á æfingar Liverpool vill fá fund um stúkuslagsmál Darwin Núnez Darwin Nunez slóst við áhorfendur í stúkunni Aston Villa losar Coutinho af launaskrá og lánar til uppeldisfélagsins Eigendur Liverpool að kaupa franskt félag „Félög alls staðar að úr heiminum vildu fá hann en hann valdi okkur“ Man. Utd hækkaði tilboðið í Branthwaite Bobby Firmino orðinn prestur Man United á eftir fleiri Hollendingum en De Ligt Donny van de Beek snýr við blaðinu og fer til Spánar Michael Olise mættur til læknisskoðunar hjá Bayern München Jóhann lenti óvænt í flugi með formanninum og fer ekki fet Vistaskipti Kilman gætu breytt framtíð E-deildarliðs Maidenhead Jóhann Berg áfram hjá Burnley Sky biður Nottingham Forest afsökunar Man. Utd bannað að kaupa varnarmann en leyft að spila Hollenska markavélin semur við Manchester City Sjá meira