RasenBallsport Leipzig leiðir 1-0 í viðureigninni gegn Tottenham í 16-liða úrslitum Meistaradeildarinnar en fyrri leikur liðanna fór fram í Lundúnum í kvöld.
Beðið var með mikilli eftirvæntingu eftir leiknum en Leipzig hefur verið eitt skemmtilegasta lið Þýskalands það sem af er móti. Tottenham var þó án Harry Kane og Son Heung-min sem eru á meiðslalistanum.
Jose Mourinho has failed to win any of his last games in @ChampionsLeague knock-out stages with Chelsea (4 games), Man Utd (2) & Tottenham (1) combined
— Sky Sports Statto (@SkySportsStatto) February 19, 2020
Mourinho’s last CL knock-out stage win was as Chelsea manager against PSG in April 2014#TOTRBL#Mourinhopic.twitter.com/uqLriY2Br8
Þjóðverjarnir byrjuðu af rosalegum krafti og óðu í færum fyrstu mínúturnar. Hugo Lloris hélt Tottenham inn í leiknum og staðan var markalaus í hálfleik.
Fyrsta og eina mark leiksins kom á 58. mínútu er Timo Werner skoraði úr vítaspyrnu eftir að Ben Davies hafði brotið á Konrad Laimer. Fyrsta mark Leipzig í útsláttarkeppni Meistaradeildarinnar.
Leipzig réði áfram lögum og lofum og fékk gott færi skömmu síðar en það geigaði. Eftir að Jose Mourinho fór að hreyfa aðeins við Tottenham-liðinu og ferskir fætur komu inn á, var með lífsmark með þeim.
Þeir héldu boltanum betur innan liðsins og sköpuðu sér ágætis færi en allt kom fyrir ekki og lokatölur 1-0 sigur Leipzig.
Síðari leikur liðanna fer fram 10. mars.
- Chance of progress based on 1st leg result
— Gracenote Live (@GracenoteLive) February 19, 2020
88.2% - RB Leipzig
87.7% - Atalanta
12.3% - Valencia CF
11.8% - Tottenham Hotspur#UCL#KnockOut
