„Ég hef ekkert að fela“ Elín Margrét Böðvarsdóttir skrifar 22. janúar 2020 12:45 Kristján Þór Júlíusson, sjávarútvegs- og landbúnaðarráðherra, segir hvorki sig né ráðuneyti sitt hafa neitt að fela í tengslum við Samherjamálið. Formaður stjórnskipunar- og eftirlitsnefndar segir mörgum spurningum ósvarað varðandi hæfi ráðherra. Kristján Þór mætti á opinn fund stjórnskipunar- og eftirlitsnefndar í morgun í tengslum við frumkvæðisathugun nefndarinnar á hæfi ráðherra í ljósi stöðu hans gagnvart útgerðarfyrirtækinu Samherja.Sjá einnig: Engin tengsl við Samherja nema áratugakunningsskapur við eigandann Fátt nýtt kom fram í máli ráðherra umfram það sem hann hefur áður sagt í framhaldi af umfjöllun um Samherjaskjölin svokölluðu. Hann ítrekaði að hann hefði ekkert að fela og að hann hafi engra hagsmuna að gæta gagnvart Samherja. Hann var á fundinum meðal annars mikið spurður um hæfisreglur stjórnsýsluréttarins. „Það er alveg ljóst að í hæfisreglum stjórnsýslunnar eru þónokkuð af matskenndum hlutum sem varað hæfi og það getur vel verið að það eigi eftir og þurfi að skýra þær eftir því sem að tíminn líður og menn fá fordæmi og reynslu af stjórnsýsluathöfnum sem kunna að leiða til þess að einhver svona matskennd ákvæði verði skýrð frekar en raun ber vitni í dag,“ segir Kristján Þór í samtali við fréttastofu, spurður hvort hann telji gildandi reglur nógu skýrar. Hann sé aftur á móti ekki best til þess fallinn að svara því en hann reyni eftir bestu getu að framfylgja þeim reglum sem gildi. Svarar eftir bestu getu Aðspurður kveðst hann ekki óttast að framvinda málsins við frumkvæðisathugun nefndarinnar kunni að leiða eitthvað í ljós sem verði til þess að hann endurmeti stöðu sína. „Ég óttast ekkert í þessum efnum. Ég held að þetta sé bara eðlilegur gangur þingræðis, það er að segja að nefndin hefur rétt til að óska eftir þessari frumkvæðisathugun og það ber bara að virða það og bregðast við með sem öruggustum og skjótustum hætti og leggja sig fram við það að gefa sem best svör við þeim spurningum sem þar koma upp,“ segir Kristján Þór. Kristján Þór mætti á fund nefndarinnar ásamt Kristjáni Skarphéðinssyni, ráðuneytisstjóra atvinnuvega- og nýsköpunarráðuneytisins.Vísir/Vilhelm „Ég hef ekkert að fela í þessum efnum og bregst við hvenær sem eftir því er leitað til þess að ræða þetta og það er bara sjálfsagður hlutur.“ Grunar að ekki sé nógu vel staðið að hagsmunamati Þórhildur Sunna Ævarsdóttir, þingmaður Pírata og formaður nefndarinnar, telur að enn sé ýmsum spurningum ósvarað, einkum hvað varðar það hversu víðtækt eða þröngt reglur um hæfi séu túlkaðar. „Það þarf að hafa þetta hagsmunamat og ég mun spyrja nánar út í það vegna þess að mér hefur ekki fundist koma skýrt fram hvort að það fari fram og mig grunar að það geri það ekki nógu vel og ekki nógu mikið,“ segir Þórhildur Sunna. „Þetta var ágætur fundur og ég held að hann hafi kannski kristallað þennan ágreining sem er uppi um hvar hæfisreglur stjórnsýsluréttarins skipta máli. Það hefur verið þessi þröngi fókus á stjórnsýsluúrskurði og ákvarðanir sem við höfum verið að gagnrýna og ég lít svo á að þessu fókus, hann sé ennþá til staðar. Hann hafi kannski víkkað aðeins út í huga ráðherra og ráðuneytisstjóra við þennan fund. Við ræddum mikið þessar hæfisreglur og hvenær þær gilda og hvernig og mér finnst ennþá þurfa að skýra betur hvernig ráðherra á að sinna sínum athafna- og eftirlitsskyldum miðað við þessi tengsl. Sérstaklega ef það þarf að grípa til sérstakra ráðstafanna útaf Samherja sjálfum,“ segir Þórhildur Sunna. Þórhildur Sunna Ævarsdóttir, þingmaður Pírata og formaður stjórnskipunar- og eftirlitsnefndar.Vísir/Vilhelm Spurð hvort hún sé að fundinum loknum enn þeirrar skoðunar að Kristján Þór eigi að víkja, segir hún svo vera. „Ég hef alltaf sagt að mér finnst að hann eigi að víkja á meðan þetta Samherjamál gengur yfir okkur. Ég hef ekki breytt þeirri skoðun minni. En ráðherra ber auðvitað sjálfur, og meirihluti Alþingis, ábyrgð á því að hann sitji sem fastast,“ segir Þórhildur Sunna. Líneik Anna Sævarsdóttir, þingmaður Framsóknarflokksins er framsögumaður frumkvæðisathugunarinnar í nefndinni. Hún segir ekki liggja fyrir nákvæmlega hver næstu skref verða í málinu. „Við eigum eftir að taka ákvörðun um það. Við förum yfir málið og það sem fram kom á fundinum. En það er líklegt að málið verði ekkert á dagskrá nefndarinnar aftur fyrr en í annarri viku héðan frá því það er ekki fundur til dæmis næsta mánudag,“ segir Líneik í samtali við fréttastofu. Í sjálfu sér sé enginn fyrir fram ákveðinn tímarammi sem nefndin vinni út frá varðandi það hvenær frumkvæðisathuguninni verði lokið. Nefndarmenn í stjórnskipunar- og eftirlitsnefnd spurðu ráðherra spjörunum úr.Vísir/Vilhelm Alþingi Samherjaskjölin Sjávarútvegur Stjórnsýsla Mest lesið „Ef þessi maður kemst út úr fangelsi mun hann drepa barnið mitt“ Innlent „Ef þið haldið mér áfram í fangelsi þá verður vandamál“ Innlent „Að láta taka sig ósmurt? Takk, en nei takk“ Innlent Þrír af hverjum fjórum sitja eftir með sárt ennið Innlent Segja Ásgeir Helga hafa verið 20 mínútur í stæðinu Innlent Ósáttur með sætin og fær milljón endurgreidda Neytendur „Pabbi er að senda þér skilaboð og mamma vill fá að sjá hvað stendur“ Innlent Íris segir RÚV henda blautri og kaldri tusku í andlit sjómanna Innlent Ætlaði með allt of ungt barn í ferð og heimtaði endurgreiðslu Innlent Ekki náttúruspjöll heldur forvarnir Innlent Fleiri fréttir Óhjákvæmilegt fyrir stjórnvöld að grípa inn í Milljarðar streyma úr landi með starfsemi veðmálafyrirtækja Lagabreytingin vegi að eldri borgurum og öryrkjum erlendis Vestmannaeyjabær höfðar skaðabótamál á hendur Vinnslustöðinni Bóndi þvingaður til að afhenda hrút Segja Ásgeir Helga hafa verið 20 mínútur í stæðinu Segja Grindavík alls ekki ónýta og vilja hleypa fólki inn Fjórar ferðir vegna heilbrigðisþjónustu fást nú endurgreiddar Skemmdu bíla í reiðiskasti áður en þeir flúðu lögreglu á rafskútu Dýrmætu vasaúri og silfurfesti stolið af byggðasafni „Ef þessi maður kemst út úr fangelsi mun hann drepa barnið mitt“ Rannsókn lokið á máli sem snýr að Polar Nanoq Fyrsta makrílfarmi vertíðarinnar landað í Neskaupstað Kári Garðarsson ráðinn framkvæmdastjóri Samtakanna 78 „Að láta taka sig ósmurt? Takk, en nei takk“ Albert neitaði sök Mikil tækifæri felist í að gera Þórsmörk að þjóðgarði Öldrun heimilislækna og fólksfjölgun valda læknaskorti Sjómenn „arfavitlausir“ og Lilja biður Stefán um frest Læknaskortur og sjávarháski Ætlaði með allt of ungt barn í ferð og heimtaði endurgreiðslu Ekki náttúruspjöll heldur forvarnir „Ef þið haldið mér áfram í fangelsi þá verður vandamál“ „Við erum að klæða vegi sem eiga að vera malbikaðir“ Íris segir RÚV henda blautri og kaldri tusku í andlit sjómanna Faglært starfsfólk og eftirlit skorti í búsetuúrræðum fyrir börn Skipverji á strandveiðibát í bráðri hættu Þrír af hverjum fjórum sitja eftir með sárt ennið „Pabbi er að senda þér skilaboð og mamma vill fá að sjá hvað stendur“ Komu fótbrotnum göngumanni til bjargar Sjá meira
Kristján Þór Júlíusson, sjávarútvegs- og landbúnaðarráðherra, segir hvorki sig né ráðuneyti sitt hafa neitt að fela í tengslum við Samherjamálið. Formaður stjórnskipunar- og eftirlitsnefndar segir mörgum spurningum ósvarað varðandi hæfi ráðherra. Kristján Þór mætti á opinn fund stjórnskipunar- og eftirlitsnefndar í morgun í tengslum við frumkvæðisathugun nefndarinnar á hæfi ráðherra í ljósi stöðu hans gagnvart útgerðarfyrirtækinu Samherja.Sjá einnig: Engin tengsl við Samherja nema áratugakunningsskapur við eigandann Fátt nýtt kom fram í máli ráðherra umfram það sem hann hefur áður sagt í framhaldi af umfjöllun um Samherjaskjölin svokölluðu. Hann ítrekaði að hann hefði ekkert að fela og að hann hafi engra hagsmuna að gæta gagnvart Samherja. Hann var á fundinum meðal annars mikið spurður um hæfisreglur stjórnsýsluréttarins. „Það er alveg ljóst að í hæfisreglum stjórnsýslunnar eru þónokkuð af matskenndum hlutum sem varað hæfi og það getur vel verið að það eigi eftir og þurfi að skýra þær eftir því sem að tíminn líður og menn fá fordæmi og reynslu af stjórnsýsluathöfnum sem kunna að leiða til þess að einhver svona matskennd ákvæði verði skýrð frekar en raun ber vitni í dag,“ segir Kristján Þór í samtali við fréttastofu, spurður hvort hann telji gildandi reglur nógu skýrar. Hann sé aftur á móti ekki best til þess fallinn að svara því en hann reyni eftir bestu getu að framfylgja þeim reglum sem gildi. Svarar eftir bestu getu Aðspurður kveðst hann ekki óttast að framvinda málsins við frumkvæðisathugun nefndarinnar kunni að leiða eitthvað í ljós sem verði til þess að hann endurmeti stöðu sína. „Ég óttast ekkert í þessum efnum. Ég held að þetta sé bara eðlilegur gangur þingræðis, það er að segja að nefndin hefur rétt til að óska eftir þessari frumkvæðisathugun og það ber bara að virða það og bregðast við með sem öruggustum og skjótustum hætti og leggja sig fram við það að gefa sem best svör við þeim spurningum sem þar koma upp,“ segir Kristján Þór. Kristján Þór mætti á fund nefndarinnar ásamt Kristjáni Skarphéðinssyni, ráðuneytisstjóra atvinnuvega- og nýsköpunarráðuneytisins.Vísir/Vilhelm „Ég hef ekkert að fela í þessum efnum og bregst við hvenær sem eftir því er leitað til þess að ræða þetta og það er bara sjálfsagður hlutur.“ Grunar að ekki sé nógu vel staðið að hagsmunamati Þórhildur Sunna Ævarsdóttir, þingmaður Pírata og formaður nefndarinnar, telur að enn sé ýmsum spurningum ósvarað, einkum hvað varðar það hversu víðtækt eða þröngt reglur um hæfi séu túlkaðar. „Það þarf að hafa þetta hagsmunamat og ég mun spyrja nánar út í það vegna þess að mér hefur ekki fundist koma skýrt fram hvort að það fari fram og mig grunar að það geri það ekki nógu vel og ekki nógu mikið,“ segir Þórhildur Sunna. „Þetta var ágætur fundur og ég held að hann hafi kannski kristallað þennan ágreining sem er uppi um hvar hæfisreglur stjórnsýsluréttarins skipta máli. Það hefur verið þessi þröngi fókus á stjórnsýsluúrskurði og ákvarðanir sem við höfum verið að gagnrýna og ég lít svo á að þessu fókus, hann sé ennþá til staðar. Hann hafi kannski víkkað aðeins út í huga ráðherra og ráðuneytisstjóra við þennan fund. Við ræddum mikið þessar hæfisreglur og hvenær þær gilda og hvernig og mér finnst ennþá þurfa að skýra betur hvernig ráðherra á að sinna sínum athafna- og eftirlitsskyldum miðað við þessi tengsl. Sérstaklega ef það þarf að grípa til sérstakra ráðstafanna útaf Samherja sjálfum,“ segir Þórhildur Sunna. Þórhildur Sunna Ævarsdóttir, þingmaður Pírata og formaður stjórnskipunar- og eftirlitsnefndar.Vísir/Vilhelm Spurð hvort hún sé að fundinum loknum enn þeirrar skoðunar að Kristján Þór eigi að víkja, segir hún svo vera. „Ég hef alltaf sagt að mér finnst að hann eigi að víkja á meðan þetta Samherjamál gengur yfir okkur. Ég hef ekki breytt þeirri skoðun minni. En ráðherra ber auðvitað sjálfur, og meirihluti Alþingis, ábyrgð á því að hann sitji sem fastast,“ segir Þórhildur Sunna. Líneik Anna Sævarsdóttir, þingmaður Framsóknarflokksins er framsögumaður frumkvæðisathugunarinnar í nefndinni. Hún segir ekki liggja fyrir nákvæmlega hver næstu skref verða í málinu. „Við eigum eftir að taka ákvörðun um það. Við förum yfir málið og það sem fram kom á fundinum. En það er líklegt að málið verði ekkert á dagskrá nefndarinnar aftur fyrr en í annarri viku héðan frá því það er ekki fundur til dæmis næsta mánudag,“ segir Líneik í samtali við fréttastofu. Í sjálfu sér sé enginn fyrir fram ákveðinn tímarammi sem nefndin vinni út frá varðandi það hvenær frumkvæðisathuguninni verði lokið. Nefndarmenn í stjórnskipunar- og eftirlitsnefnd spurðu ráðherra spjörunum úr.Vísir/Vilhelm
Alþingi Samherjaskjölin Sjávarútvegur Stjórnsýsla Mest lesið „Ef þessi maður kemst út úr fangelsi mun hann drepa barnið mitt“ Innlent „Ef þið haldið mér áfram í fangelsi þá verður vandamál“ Innlent „Að láta taka sig ósmurt? Takk, en nei takk“ Innlent Þrír af hverjum fjórum sitja eftir með sárt ennið Innlent Segja Ásgeir Helga hafa verið 20 mínútur í stæðinu Innlent Ósáttur með sætin og fær milljón endurgreidda Neytendur „Pabbi er að senda þér skilaboð og mamma vill fá að sjá hvað stendur“ Innlent Íris segir RÚV henda blautri og kaldri tusku í andlit sjómanna Innlent Ætlaði með allt of ungt barn í ferð og heimtaði endurgreiðslu Innlent Ekki náttúruspjöll heldur forvarnir Innlent Fleiri fréttir Óhjákvæmilegt fyrir stjórnvöld að grípa inn í Milljarðar streyma úr landi með starfsemi veðmálafyrirtækja Lagabreytingin vegi að eldri borgurum og öryrkjum erlendis Vestmannaeyjabær höfðar skaðabótamál á hendur Vinnslustöðinni Bóndi þvingaður til að afhenda hrút Segja Ásgeir Helga hafa verið 20 mínútur í stæðinu Segja Grindavík alls ekki ónýta og vilja hleypa fólki inn Fjórar ferðir vegna heilbrigðisþjónustu fást nú endurgreiddar Skemmdu bíla í reiðiskasti áður en þeir flúðu lögreglu á rafskútu Dýrmætu vasaúri og silfurfesti stolið af byggðasafni „Ef þessi maður kemst út úr fangelsi mun hann drepa barnið mitt“ Rannsókn lokið á máli sem snýr að Polar Nanoq Fyrsta makrílfarmi vertíðarinnar landað í Neskaupstað Kári Garðarsson ráðinn framkvæmdastjóri Samtakanna 78 „Að láta taka sig ósmurt? Takk, en nei takk“ Albert neitaði sök Mikil tækifæri felist í að gera Þórsmörk að þjóðgarði Öldrun heimilislækna og fólksfjölgun valda læknaskorti Sjómenn „arfavitlausir“ og Lilja biður Stefán um frest Læknaskortur og sjávarháski Ætlaði með allt of ungt barn í ferð og heimtaði endurgreiðslu Ekki náttúruspjöll heldur forvarnir „Ef þið haldið mér áfram í fangelsi þá verður vandamál“ „Við erum að klæða vegi sem eiga að vera malbikaðir“ Íris segir RÚV henda blautri og kaldri tusku í andlit sjómanna Faglært starfsfólk og eftirlit skorti í búsetuúrræðum fyrir börn Skipverji á strandveiðibát í bráðri hættu Þrír af hverjum fjórum sitja eftir með sárt ennið „Pabbi er að senda þér skilaboð og mamma vill fá að sjá hvað stendur“ Komu fótbrotnum göngumanni til bjargar Sjá meira