Everton kom til baka eftir niðurlæginguna gegn Liverpool í enska bikarnum um síðustu helgi og vann 1-0 sigur á Brighton á heimavelli.
Fyrsta og eina mark leiksins gerði Richarlison á 38. mínútu. Eftir laglega sókn fékk hann sendingu frá Lucas Digne og kláraði færið vel.
Gylfi Þór Sigurðsson spilaði allan leikinn fyrir Everton sem er í 11. sæti deildarinnar með 28 stig.
Full time! Everton 1-0 Brighton
— Everton FC News (@LivEchoEFC) January 11, 2020
Another win for Ancelotti
Thoughts on the game, Blues? pic.twitter.com/jlqIlYSGK2
Chelsea vann loksins heimasigur er liðið hafði betur gegn Burnley, 3-0. Jorginho skoraði úr vítaspyrnu á 27. mínútu og Tammy Abraham bætti við marki ellefu mínútum síðar.
Þetta var fimmtánda mark Abraham í deildinni en þriðja og síðasta mark leiksins kom einnig frá ungum Englendingi. Það gerði Callum Hudson Odoi á 49. mínútu. Lokatölur 3-0.
FT
— BBC Sport (@BBCSport) January 11, 2020
A comfortable afternoon for the Blues.
Chelsea 3-0 Burnley#PL LIVE: https://t.co/nmT7875ZT9#CHEBURpic.twitter.com/hCVKzyvlbE
Chelsea er í 4. sætinu með 39 stig, fimm stigum á undan Man. United sem er sæti neðar, en Jóhann Berg Guðmundsson var á meiðslalistanum hjá Burnley sem er í 15. sætinu.
Leicester gæti misst annað sætið til Manchester City eftir að tapaði 2-1 fyrir við Southampton á heimavelli.
Leicester vann fyrri leik þessara liða 9-0. Dennis Praet kom Leicester yfir en Stuart Armstrong og Danny Ings tryggðu Sothampton sigurinn.
25th October 2019: Southampton 0-9 Leicester
— Squawka Football (@Squawka) January 11, 2020
11th January 2020: Leicester 1-2 Southampton
Revenge. pic.twitter.com/ZUSwsda1AZ
Southampton hefur verið á miklu skriði. Liðið er í 10. til 12. sæti deildarinnar með 28 stig en Leicester er í 2. sætinu. Þeir gætu þó misst það til Man. City á morgun.
Newcastle og Wolves gerðu svo 1-1 jafntefli. Miguel Almiron kom Newcastle yfir á sjöundu mínútu en eftir stundarfjórðung jafnaði Leander Dendoncker.
Newcastle er í þrettánda sætinu og Wolves í því sjöunda.
Úrslit dagsins:
Crystal Palace - Arsenal 1-1
Chelsea - Burnley 3-0
Everton - Brighton 1-0
Leicester - Southampton 1-2
Man. United - Norwich 4-0
Wolves - Newcastle 1-1
17.30 Tottenham - Liverpool
