Icelandair segist ekki hafa átt í viðræðum við önnur stéttarfélög Stefán Ó. Jónsson skrifar 20. maí 2020 12:43 Icelandair segist vera í kjarasamningaviðræðum sínum við flugfreyjur og þjóna af heilindum. Allt kapp er lagt á að landa samningi fyrir hluthafafund á föstudag. Vísir/vilhelm Forseti ASÍ og formaður VR ætla að beita sér fyrir því að Icelandair fái ekki meira fjármagn frá lífeyrissjóðum ætli flugfélagið að ráða starfsfólk sem stendur utan Flugfreyjufélags Íslands (FFÍ). Icelandair segist sjálft ekki hafa átt í viðræðum við önnur stéttarfélög um störf flugfreyja og þjóna. Verkalýðshreyfing segist aukinheldur ætla að gera sömu kröfu til stjórnvalda: Að veita Icelandair ekki stuðning úr opinberum sjóðum ef það gerist uppvíst að „ólöglegu og ósiðlegu athæfi“ sem þessu. Þessi viðbrögð verkalýðshreyfingarinnar má rekja til forsíðufrétta beggja dagblaða landsins í morgun. Morgunblaðið sagði þannig að komið hefði til tals að setja á laggirnar nýtt stéttarfélag flugfreyja, hvers félagsmenn væru flugfreyjur sem ekki styðja stefnu samninganefndar Flugfreyjufélags Íslands (FFÍ). Forsíðufrétt Fréttablaðsins var á þá leið að Icelandair íhugi nú að láta reyna á kjarasamningsákvæði fyrir félagsdómi, þannig að hægt sé að ráða flugfreyjur til félagsins sem standa utan FFÍ. Viðræður í kjaradeilu Icelandair og FFÍ eru nú á afar viðkvæmu stigi, samkvæmt upplýsingum fréttastofu. Samnninganefndir beggja komu saman til fundar hjá Ríkissáttasemjara í morgun og stendur fundur enn yfir. Lýsi vanþekkingu Verkalýðshreyfingin segir fréttaflutning morgunsins til þess eins fallinn að „reka fleyg í samstöðu félagsmanna“ FFÍ, auk þess sem hann byggi á „mikilli vanþekkingu á íslenskri og alþjóðlegri vinnulöggjöf og kjarasamningi FFÍ,“ eins og það er orðað í yfirlýsingu ASÍ. Icelandair geti ekki sjálft stofnað til eða haft frumkvæði að stofnun stéttarfélaga. Félög launafólks njóti verndar í stjórnarskrá og atvinnurekendum sé óheimilt að skipta sér af. Við slíkt atferli verður ekki unað í íslensku samfélagi og Icelandair hollt að hafa í huga að aðildarfélög ASÍ hafa heimildir til þess að veita FFÍ stuðning í yfirstandandi kjaradeilu með boðun samúðarvinnustöðvana og fulla heimild til þess að verja réttarstöðu sína gegn ólögmætum árásum. ASÍ segir að sama skapi að fari svo að „fyrrnefndar vangaveltur“ dagblaðanna raungerist eigi Icelandair „ekkert tilkall til stuðnings úr opinberum sjóðum eða viðbótarhlutafjár úr lífeyrissjóðum launafólks,“ að mati ASÍ. Ragnar Þór Ingólfsson formaður VR tekur í sama streng við Fréttablaðið. Verkalýðshreyfingin sé með helming stjórnarsæta í almennum lífeyrissjóðunum og því með neitunarvald, en Icelandair er einmitt að stærstum hluta í eigu lífeyrissjóðanna. Ragnar segir alveg ljóst að þau muni beita sínu valdi ef lífeyrissjóðirnir ætli að setja meira fé í Icelandair, fari félagið þessa leið. Jafnframt muni verkalýðshreyfingin gera þá kröfu til stjórnvalda að fé úr opinberum sjóðum renni ekki til flugfélagsins rói Icelandair á þessi mið í kjaramálum flugfreyja og þjóna. Ekki átt í viðræðum við aðra Icelandair sendi hins vegar bréf á FFÍ þar sem segir að ætlun félagsins hafi frá upphafi verið að ná samningum við FFÍ. Flugfélagið hafi ekki átt í viðræðum við önnur stéttarfélög í þessum efnum. „Icelandair hefur verið í þessum viðræðum af heilindum og lagt fram tilboð sem myndi tryggja samkeppnishæfni Icelandair til framtíðar en á sama tíma verja ráðstöfunartekjur starfsmanna félagsins,“ segir í bréfinu til FFÍ. Tímapressan í samningaviðræðunum sé vissulega orðin mikil að sögn Icelandair. Það sé óvenjulegt að vinna að gerð kjarsamninga undir slíkri pressu sem skýrist af fordæmalausum aðstæðum sem ekki hafi komið upp áður í sögu félagsins. Bogi Nils Bogason forstjóri Icelandair Group undirritar bréfið til FFÍ.Vísir/vilhelm „Það staðfestist hér með að Icelandair hefur ekki verið í viðræðum við önnur stéttarfélög um gerð kjarasamnings um störf flugfreyja og flugþjóna hjá félaginu,“ segir Icelandair í bréfinu. Fleiri orðum er ekki vikið að forsíðufréttum dagblaðanna í morgun. Icelandair segir hins vegar að það hafi verið markmið félagsins frá upphafi að tryggja nýjan samning milli Icelandair og FFÍ sem tryggi hagsmuni beggja. Vonir stjórnenda Icelandair standi til að slík niðurstaða náist fram í tæka tíð. Ætla má að þar sé vísað til hluthafafundarins sem Icelandair hefur boðið til á föstudag. Mikil áhersla er lögð á að samið verði við flugstéttir félagsins fyrir þann tíma, en hluthafar eru sagðir hafa gert þá kröfu til að tryggja stöðugleika í launamálum næstu árin. Nú þegar hafa náðst samningar við flugvirkja og flugstjóra. Icelandair Kjaramál Tengdar fréttir Flugfreyjur og Icelandair byrjuð að funda á ný Fundur samninganefnda Flugfreyjufélags Íslands (FFÍ) og Icelandair hófst núna klukkan hálf níu í húsakynnum ríkissáttasemjara í Karphúsinu í Borgartúni. 20. maí 2020 09:41 Atkvæðagreiðslu flugmanna lýkur á sama tíma og fundur hluthafa hefst 19. maí 2020 11:23 Mest lesið Í fullkomnu frelsi: „Þar sem er heyskapur er ég“ Atvinnulíf Íhuga hærri tolla á alla Viðskipti erlent Ræðst í byggingu átta húsa í Hvammsvík Viðskipti innlent Einn vinsælasti tengiltvinnbíll Íslendinga snýr aftur Samstarf Eldisfiskur fluttur út fyrir 54 milljarða króna Viðskipti innlent Vörur gerðar af meisturum fyrir meistara Samstarf Deila um þvottahús stöðvar ekki Hreint í bili Viðskipti innlent BYKO opnar nýja og glæsilega timburverslun Samstarf „Væri samt mjög til í að vera betri söngvari“ Atvinnulíf „Við bara tókum íslensku brjáluðu bjartsýnina á þetta“ Atvinnulíf Fleiri fréttir Deila um þvottahús stöðvar ekki Hreint í bili Eldisfiskur fluttur út fyrir 54 milljarða króna Ræðst í byggingu átta húsa í Hvammsvík Trúir ekki að menn loki fiskvinnslu til að mótmæla veiðigjöldum „Þetta er afnotagjald“ Play komið með flugrekstrarleyfi á Möltu Jón Ólafur í framboði til formanns SA Eigendaskipti hjá Fótbolta.net Feðgarnir nú aftur einu hluthafarnir í Eyri Invest Eyjólfur Árni hættir hjá SA Hagnaðist um tvo milljarða: Ljóst að greinin megi ekki við hækkunum Verðbólga heldur áfram að hjaðna Versta sviðsmyndin sé að lenda á milli Evrópu og Bandaríkjanna í tollastríði Íhuga að sameina lífeyrissjóði „Reiðarslag fyrir þau þorp þar sem stundaðar eru veiðar og vinnsla“ Tollastríðið gæti vel haft áhrif á lífskjör almennings Salóme tekur við af stofnanda Ísorku Helgi ráðinn sölustjóri Bein útsending: Kynna yfirlýsingu fjármálastöðugleikanefndar Kemur nýr inn í fjármálastöðugleikanefnd Mikil óvissa í alþjóðamálum gæti reynt á þjóðarbúið Segir útlitið svart fyrir sjávarútveginn og breytingarnar illa unnar „Íslenskur sjávarútvegur er burðarás í atvinnulífinu“ Lýsa yfir verulegum áhyggjum af tvöföldun veiðigjalda Allt að tvöfalda veiðigjöldin og segja útgerðina þola það vel Aflinn verði verkaður annars staðar eftir breytingar stjórnarinnar Sækja á sjötta milljarð króna Laun eftir kjarasamningi „gervistéttarfélags“ sögð tugum þúsunda lægri Spá 1,8 prósent hagvexti í ár og 2,7 prósent verðbólgu á næsta ári Helgi fær ekki áheyrn Hæstaréttar Sjá meira
Forseti ASÍ og formaður VR ætla að beita sér fyrir því að Icelandair fái ekki meira fjármagn frá lífeyrissjóðum ætli flugfélagið að ráða starfsfólk sem stendur utan Flugfreyjufélags Íslands (FFÍ). Icelandair segist sjálft ekki hafa átt í viðræðum við önnur stéttarfélög um störf flugfreyja og þjóna. Verkalýðshreyfing segist aukinheldur ætla að gera sömu kröfu til stjórnvalda: Að veita Icelandair ekki stuðning úr opinberum sjóðum ef það gerist uppvíst að „ólöglegu og ósiðlegu athæfi“ sem þessu. Þessi viðbrögð verkalýðshreyfingarinnar má rekja til forsíðufrétta beggja dagblaða landsins í morgun. Morgunblaðið sagði þannig að komið hefði til tals að setja á laggirnar nýtt stéttarfélag flugfreyja, hvers félagsmenn væru flugfreyjur sem ekki styðja stefnu samninganefndar Flugfreyjufélags Íslands (FFÍ). Forsíðufrétt Fréttablaðsins var á þá leið að Icelandair íhugi nú að láta reyna á kjarasamningsákvæði fyrir félagsdómi, þannig að hægt sé að ráða flugfreyjur til félagsins sem standa utan FFÍ. Viðræður í kjaradeilu Icelandair og FFÍ eru nú á afar viðkvæmu stigi, samkvæmt upplýsingum fréttastofu. Samnninganefndir beggja komu saman til fundar hjá Ríkissáttasemjara í morgun og stendur fundur enn yfir. Lýsi vanþekkingu Verkalýðshreyfingin segir fréttaflutning morgunsins til þess eins fallinn að „reka fleyg í samstöðu félagsmanna“ FFÍ, auk þess sem hann byggi á „mikilli vanþekkingu á íslenskri og alþjóðlegri vinnulöggjöf og kjarasamningi FFÍ,“ eins og það er orðað í yfirlýsingu ASÍ. Icelandair geti ekki sjálft stofnað til eða haft frumkvæði að stofnun stéttarfélaga. Félög launafólks njóti verndar í stjórnarskrá og atvinnurekendum sé óheimilt að skipta sér af. Við slíkt atferli verður ekki unað í íslensku samfélagi og Icelandair hollt að hafa í huga að aðildarfélög ASÍ hafa heimildir til þess að veita FFÍ stuðning í yfirstandandi kjaradeilu með boðun samúðarvinnustöðvana og fulla heimild til þess að verja réttarstöðu sína gegn ólögmætum árásum. ASÍ segir að sama skapi að fari svo að „fyrrnefndar vangaveltur“ dagblaðanna raungerist eigi Icelandair „ekkert tilkall til stuðnings úr opinberum sjóðum eða viðbótarhlutafjár úr lífeyrissjóðum launafólks,“ að mati ASÍ. Ragnar Þór Ingólfsson formaður VR tekur í sama streng við Fréttablaðið. Verkalýðshreyfingin sé með helming stjórnarsæta í almennum lífeyrissjóðunum og því með neitunarvald, en Icelandair er einmitt að stærstum hluta í eigu lífeyrissjóðanna. Ragnar segir alveg ljóst að þau muni beita sínu valdi ef lífeyrissjóðirnir ætli að setja meira fé í Icelandair, fari félagið þessa leið. Jafnframt muni verkalýðshreyfingin gera þá kröfu til stjórnvalda að fé úr opinberum sjóðum renni ekki til flugfélagsins rói Icelandair á þessi mið í kjaramálum flugfreyja og þjóna. Ekki átt í viðræðum við aðra Icelandair sendi hins vegar bréf á FFÍ þar sem segir að ætlun félagsins hafi frá upphafi verið að ná samningum við FFÍ. Flugfélagið hafi ekki átt í viðræðum við önnur stéttarfélög í þessum efnum. „Icelandair hefur verið í þessum viðræðum af heilindum og lagt fram tilboð sem myndi tryggja samkeppnishæfni Icelandair til framtíðar en á sama tíma verja ráðstöfunartekjur starfsmanna félagsins,“ segir í bréfinu til FFÍ. Tímapressan í samningaviðræðunum sé vissulega orðin mikil að sögn Icelandair. Það sé óvenjulegt að vinna að gerð kjarsamninga undir slíkri pressu sem skýrist af fordæmalausum aðstæðum sem ekki hafi komið upp áður í sögu félagsins. Bogi Nils Bogason forstjóri Icelandair Group undirritar bréfið til FFÍ.Vísir/vilhelm „Það staðfestist hér með að Icelandair hefur ekki verið í viðræðum við önnur stéttarfélög um gerð kjarasamnings um störf flugfreyja og flugþjóna hjá félaginu,“ segir Icelandair í bréfinu. Fleiri orðum er ekki vikið að forsíðufréttum dagblaðanna í morgun. Icelandair segir hins vegar að það hafi verið markmið félagsins frá upphafi að tryggja nýjan samning milli Icelandair og FFÍ sem tryggi hagsmuni beggja. Vonir stjórnenda Icelandair standi til að slík niðurstaða náist fram í tæka tíð. Ætla má að þar sé vísað til hluthafafundarins sem Icelandair hefur boðið til á föstudag. Mikil áhersla er lögð á að samið verði við flugstéttir félagsins fyrir þann tíma, en hluthafar eru sagðir hafa gert þá kröfu til að tryggja stöðugleika í launamálum næstu árin. Nú þegar hafa náðst samningar við flugvirkja og flugstjóra.
Icelandair Kjaramál Tengdar fréttir Flugfreyjur og Icelandair byrjuð að funda á ný Fundur samninganefnda Flugfreyjufélags Íslands (FFÍ) og Icelandair hófst núna klukkan hálf níu í húsakynnum ríkissáttasemjara í Karphúsinu í Borgartúni. 20. maí 2020 09:41 Atkvæðagreiðslu flugmanna lýkur á sama tíma og fundur hluthafa hefst 19. maí 2020 11:23 Mest lesið Í fullkomnu frelsi: „Þar sem er heyskapur er ég“ Atvinnulíf Íhuga hærri tolla á alla Viðskipti erlent Ræðst í byggingu átta húsa í Hvammsvík Viðskipti innlent Einn vinsælasti tengiltvinnbíll Íslendinga snýr aftur Samstarf Eldisfiskur fluttur út fyrir 54 milljarða króna Viðskipti innlent Vörur gerðar af meisturum fyrir meistara Samstarf Deila um þvottahús stöðvar ekki Hreint í bili Viðskipti innlent BYKO opnar nýja og glæsilega timburverslun Samstarf „Væri samt mjög til í að vera betri söngvari“ Atvinnulíf „Við bara tókum íslensku brjáluðu bjartsýnina á þetta“ Atvinnulíf Fleiri fréttir Deila um þvottahús stöðvar ekki Hreint í bili Eldisfiskur fluttur út fyrir 54 milljarða króna Ræðst í byggingu átta húsa í Hvammsvík Trúir ekki að menn loki fiskvinnslu til að mótmæla veiðigjöldum „Þetta er afnotagjald“ Play komið með flugrekstrarleyfi á Möltu Jón Ólafur í framboði til formanns SA Eigendaskipti hjá Fótbolta.net Feðgarnir nú aftur einu hluthafarnir í Eyri Invest Eyjólfur Árni hættir hjá SA Hagnaðist um tvo milljarða: Ljóst að greinin megi ekki við hækkunum Verðbólga heldur áfram að hjaðna Versta sviðsmyndin sé að lenda á milli Evrópu og Bandaríkjanna í tollastríði Íhuga að sameina lífeyrissjóði „Reiðarslag fyrir þau þorp þar sem stundaðar eru veiðar og vinnsla“ Tollastríðið gæti vel haft áhrif á lífskjör almennings Salóme tekur við af stofnanda Ísorku Helgi ráðinn sölustjóri Bein útsending: Kynna yfirlýsingu fjármálastöðugleikanefndar Kemur nýr inn í fjármálastöðugleikanefnd Mikil óvissa í alþjóðamálum gæti reynt á þjóðarbúið Segir útlitið svart fyrir sjávarútveginn og breytingarnar illa unnar „Íslenskur sjávarútvegur er burðarás í atvinnulífinu“ Lýsa yfir verulegum áhyggjum af tvöföldun veiðigjalda Allt að tvöfalda veiðigjöldin og segja útgerðina þola það vel Aflinn verði verkaður annars staðar eftir breytingar stjórnarinnar Sækja á sjötta milljarð króna Laun eftir kjarasamningi „gervistéttarfélags“ sögð tugum þúsunda lægri Spá 1,8 prósent hagvexti í ár og 2,7 prósent verðbólgu á næsta ári Helgi fær ekki áheyrn Hæstaréttar Sjá meira
Flugfreyjur og Icelandair byrjuð að funda á ný Fundur samninganefnda Flugfreyjufélags Íslands (FFÍ) og Icelandair hófst núna klukkan hálf níu í húsakynnum ríkissáttasemjara í Karphúsinu í Borgartúni. 20. maí 2020 09:41