Manchester United heldur áfram að raða inn mörkum eftir kórónuveiruna en þeir skoruðu fimm mörk gegn Bournemouth á heimavelli í dag.
Mason Greenwood gerði tvö mörk og þeir Anthony Martial, Marcus Rashford og Bruno Fernandes gerðu sitt hvort markið.
Rashford og Martial eru því báðir komnir með yfir tuttugu mörk á tímabilinu en það er í fyrsta sinn síðan 2011 sem tveir leikmenn Manchester-liðsins fara yfir tuttugu mörk á tímabili.
Two MUFC players (Rashford and Martial) score 20 goals in a season for first time since 2011.
— Andy Mitten (@AndyMitten) July 4, 2020
United hefur verið á fljúgandi siglingu að undanförnu en þeir eru í 5. sæti deildarinnar, tveimur stigum á eftir Chelsea.
United hefur unnið fjóra leiki í röð í öllum keppnum og skorað tólf mörk. Liðið spilar næst gegn Aston Villa á fimmtudagskvöldið.
