Fjögur lið í þremur heimsálfum á níu mánuðum en spilaði aldrei leik Runólfur Trausti Þórhallsson skrifar 10. júlí 2020 12:30 Verhagen er hann handsalaði samning við Cape Town City í Suður-Afríku. Vísir/Vice Bernio Verhagen er knattspyrnumaður, ef knattspyrnumann mætti kalla, sem reyndi fyrir sér í atvinnumennsku í Moldóvu, Suður-Afríku, Síle, Danmörku og Hollandi. Verhagen á þó lítið skylt við alvöru fótboltamenn enda spilaði hann aldrei leik. Saga hans er ótrúleg og náði hápunkti sínum í Danmörku seint á síðasta ári. Sagan hefst hjá Sam van Raalte, ritstjóra Vice Sports í Hollandi. Raalte hefur mikinn áhuga á að skoða áhugaverð félagaskipti innan fótboltaheimsins. Leikmenn - þá sérstaklega Hollendingar - sem ferðast til landa sem enginn hefur heyrt um til þess eins að geta kallað sig atvinnumenn vekja sérstaklega athygli. Mögulega hafa einn eða tveir slíkir spilað bolta í neðri deildunum á Íslandi undanfarin ár. Vefsíðan Transfermarkt heldur utan um nær öll félagaskipti heims sem og hún reiknar út hversu mikils virði hver leikmaður er. Raalte er þar af leiðandi mikill aðdáandi síðunnar og skoðar hana reglulega. Á hefðbundnum netrúnti í júní á síðasta ári rak Raalte augun í einkar áhugaverð félagaskipti. Bernio Verhagen – leikmaður í 8. deild í Hollandi - fór til FC Dinamo-Auto, smáfélags í Moldóvu. Reyndar er félagið staðsett í Transnistria en það er svæði sem er ekki viðurkennt af alþjóðasamfélaginu. Leikmaðurinn snéri svo aftur til Hollands án þess að spila leik fyrir félagið. Verhagen er hann skrifar undir hjá FC Dinamo-Auto í Moldóvu.Vísir/Vice „Ég varð einfaldlega að vita hvað átti sér stað þarna,“ sagði Raalte sem fór yfir þessa ótrúlegu sögu með Jack Lang hjá The Athletic á dögunum. Raalte sjálfur skrifaði langa grein fyrir ensku útgáfu Vice í desember á síðasta ári. Hinn 25 ára gamli Verhagen – á þeim tímapunkti – er fæddur í Surinam, gamalli hollenskri nýlendu en ólst upp í Tilburg í Hollandi, nálægt landamærum Belgíu. Eina reynsla hans af atvinnumennsku í fótbolta var eitt ár í akademíu hollenska úrvalsdeildarliðsins Willem II áratug áður en hann hélt til Moldóvu. Raalte sendi honum skilaboð og bauð honum í viðtal eftir að hann sá félagaskiptin. Nokkrum dögum síðar var Verhagen mættur og sá hafði sögu að segja. Hann kom vel undirbúinn og sagði sögur af ónýtu vegakerfi í Moldóvu þar sem varla hefði verið hægt að keyra. Verhagen skemmti sér við að segja frá því að samherjar hans hjá FC Dinamo-Auto hefðu aldrei séð svartan mann á ævinni. Þá voru allir að dást að stærðinni á djásninu hans eftir æfingar. Ástæðan fyrir því að Verhagen kom nánast samstundis aftur til Hollands var vegna þess að það var of kalt í Moldóvu. Þá var umboðsmaðurinn hans með eitthvað vesen. Viðtalið var tekið upp og birt í hlaðvarpi sem Raalte heldur úti. Í kjölfarið fékk hann tvo tölvupósta. Leikmaður sem hafði spilað með Verhagen efaðist um að hann hefði fengið samning erlendis einfaldlega vegna þess hve slakur hann væri. Hinn var öllu alvarlegri, þar kom fram að Verhagen væri ekki treystandi. Raalte hringdi í Verhagen sem skellti á þegar blaðamaðurinn vildi ekki gefa upp gagnrýnendur leikmannsins. Í kjölfarið ákvað Raalte að fylgjast með leikmanninum og hverju hann tæki upp á næst. „Ég bjóst ekki við að neitt annað myndi gerast en hlutirnir voru fljótir að stigmagnast,“ sagði Raalte við Jack Lang. Í lok júlímánaðar á síðasta ári birti Cape Town City FC – lið í Suður-Afríku – mynd á samfélagsmiðlum þar sem John Comitis, eigandi félagsins, var að handsala samning við nýjan leikmann liðsins. Myndinni hefur verið eytt af samfélagsmiðlum en Verhagen – hinn maðurinn á myndinni – var hjá félaginu í minna en mánuð. Hann spilaði aldrei fyrir félagið. Skjáskot af færslu félagsins má sjá hér að neðan. Skjáskot af Twitter-færslu Cape Town City.Vísir/Vice Innan við mánuði síðar var Verhagen genginn til liðs við Audax Italiano sem leikur í Síle. „Þökk sé alþjóðlegum tengslum félagsins tókst okkur að næla í leikmann sem mun vera með okkur fram í desember. Hann er framherji sem getur einnig spilað á vængnum,“ sagði Lorenzo Antillo, forseti félagsins um þennan nýjan huldumann sem hafði skrifað undir hjá félaginu. Verhagen var í herbúðum félagsins í 61 dag og spilaði aldrei leik. Þann 5. nóvember dúkkaði hann svo upp hjá Viborg FF í dönsku B-deildinni. Er það mál sem við Íslendingar könnumst ef til vill aðeins við en Fótbolti.net fjallaði til að mynda um það þegar lögreglan þar í landi var á höttunum á eftir Verhagen. Viborg FF hefur kært Verhagen fyrir skjalafals og að villa á sér heimildir. Tókst honum að stinga af úr haldi lögreglu en á endanum hafði hún hendur í hári hans. „Hann fékk góð meðmæli frá fólki sem er tengt félaginu svo okkur fannst sniðugt að fá hann til félagsins,“ sagði Jesper Fredberg, yfirmaður knattspyrnumála hjá félaginu. Verhagen entist aðeins í 19 daga og spilaði aldrei leik. Á innan við níu mánuðum fór Verhagen frá Hollandi til Moldóvu, þaðan til Suður-Afríku og svo Chile áður en hann endaði í Danmörku. Það sem gerir þetta enn ótrúlegra er að áður en hann hóf ævintýri sitt þá var hann í herbúðum Den Dungen sem spilar í 8. deild í Hollandi. Þegar Raalte reyndi að ná í Verhagen til að spyrja um félagaskiptin til Suður-Afríku og Síle sagði leikmaðurinn honum pent að troða forvitni sinni þangað sem sólin skín ekki. Raalte gafst ekki upp og hafði samband við Den Dungen. Þar kom fram að Verhagen hafi varla spilað leik og hafi raunar ekki getað neitt. Svo virðist sem Verhagen hafi tekist að sannfæra aðila hjá öllum félögum – undir fölsku nafni – að hann væri tengdur Stellar Group, umboðsstofu sem er með leikmenn á borð við Gareth Bale og Saúl Ñíguez á sínum snærum. Þá átti hann að vera á leiðinni til Kína eftir að tímabilinu lauk. Stellar Group er með marga frábæra leikmenn á sínum snærum. Bernio Verhagen er ekki einn af þeim.EPA-EFE/PETER POWELL Hvorki FC Dinamo-Auto, Cape Town City né Audax Italiano vildu opinberlega tjá sig um Verhagen og að hann hefði verið leikmaður þeirra. Vildu félögin ekki gera sig að fíflum. Viborg var ekki á sömu blaðsíðu en Verhagen gerðist sekur um töluvert meira en skjalafals í Danmörku. Verhagen var handtekinn fyrir að beita Nayaret Muci – unga konu frá Síle sem kom með honum til Danmerkur – ofbeldi undir lok nóvember í fyrra. Í kjölfarið bárust fréttir að Verhagen hefði stolið peningum og skartgripum af fyrrum kærustu sinni. Eftir að hafa sloppið úr varðhaldi og verið handtekinn á nýjan leik var Verhagen ákærður fyrir að hóta tveimur manneskjum – barnsmóður sinni og föður hennar, nauðgun, líkamsárás, að taka upp kynmök án þess að fá leyfi fyrir því og fyrir að strjúka úr varðhaldi. Verhagen viðurkenndi aðeins að hafa strokið úr varðhaldi en það voru ekki nægar sannanir til að sanna að hann hefði gerst sekur um nauðgun. Á endanum var hann dæmdur til 15 mánaðar fangelsisvistar. Svo virðist sem dagar Verhagen sem „atvinnumaður“ í fótbolta séu taldir þó hann virðist enn halda því fram á Instagram-síðu sinni. Fótbolti Hollenski boltinn Danski boltinn Mest lesið Raygun segir að hatrið hafi verið hrikalegt Sport „Hann var ekki fallegur drengurinn“ Íslenski boltinn Ísland aldrei ofar á heimslistanum Fótbolti Uppgjörið: Sanngjarnt þegar Valskonur tryggðu sér bikarinn Íslenski boltinn Zirkzee hetjan í sínum fyrsta leik Enski boltinn Albert kynntur til leiks í Flórens Fótbolti Hænuskrefi frá hálfum milljarði og gæfu fyrir íslenskan fótbolta Íslenski boltinn Ólétt af Ólympíumeistara þegar hún stóð sjálf á verðlaunapallinum Sport „Var kominn með hausverk á hliðarlínunni“ Fótbolti Hótuðu sjónvarpskonu og ófæddu barni hennar Sport Fleiri fréttir „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Hafa eytt fjörutíu milljörðum í fyrrum lærisveina stjórans Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt Ed Sheeran eignast hlut í ensku félagi en frábiður sér kvart og kvein „Maður er bara stoltur af liðinu“ „Allir leikir sem Valur spilar eru úrslitaleikir“ Uppgjörið: Víkingur - Tindastóll 5-1 | Sýning í Víkinni Sjá meira
Bernio Verhagen er knattspyrnumaður, ef knattspyrnumann mætti kalla, sem reyndi fyrir sér í atvinnumennsku í Moldóvu, Suður-Afríku, Síle, Danmörku og Hollandi. Verhagen á þó lítið skylt við alvöru fótboltamenn enda spilaði hann aldrei leik. Saga hans er ótrúleg og náði hápunkti sínum í Danmörku seint á síðasta ári. Sagan hefst hjá Sam van Raalte, ritstjóra Vice Sports í Hollandi. Raalte hefur mikinn áhuga á að skoða áhugaverð félagaskipti innan fótboltaheimsins. Leikmenn - þá sérstaklega Hollendingar - sem ferðast til landa sem enginn hefur heyrt um til þess eins að geta kallað sig atvinnumenn vekja sérstaklega athygli. Mögulega hafa einn eða tveir slíkir spilað bolta í neðri deildunum á Íslandi undanfarin ár. Vefsíðan Transfermarkt heldur utan um nær öll félagaskipti heims sem og hún reiknar út hversu mikils virði hver leikmaður er. Raalte er þar af leiðandi mikill aðdáandi síðunnar og skoðar hana reglulega. Á hefðbundnum netrúnti í júní á síðasta ári rak Raalte augun í einkar áhugaverð félagaskipti. Bernio Verhagen – leikmaður í 8. deild í Hollandi - fór til FC Dinamo-Auto, smáfélags í Moldóvu. Reyndar er félagið staðsett í Transnistria en það er svæði sem er ekki viðurkennt af alþjóðasamfélaginu. Leikmaðurinn snéri svo aftur til Hollands án þess að spila leik fyrir félagið. Verhagen er hann skrifar undir hjá FC Dinamo-Auto í Moldóvu.Vísir/Vice „Ég varð einfaldlega að vita hvað átti sér stað þarna,“ sagði Raalte sem fór yfir þessa ótrúlegu sögu með Jack Lang hjá The Athletic á dögunum. Raalte sjálfur skrifaði langa grein fyrir ensku útgáfu Vice í desember á síðasta ári. Hinn 25 ára gamli Verhagen – á þeim tímapunkti – er fæddur í Surinam, gamalli hollenskri nýlendu en ólst upp í Tilburg í Hollandi, nálægt landamærum Belgíu. Eina reynsla hans af atvinnumennsku í fótbolta var eitt ár í akademíu hollenska úrvalsdeildarliðsins Willem II áratug áður en hann hélt til Moldóvu. Raalte sendi honum skilaboð og bauð honum í viðtal eftir að hann sá félagaskiptin. Nokkrum dögum síðar var Verhagen mættur og sá hafði sögu að segja. Hann kom vel undirbúinn og sagði sögur af ónýtu vegakerfi í Moldóvu þar sem varla hefði verið hægt að keyra. Verhagen skemmti sér við að segja frá því að samherjar hans hjá FC Dinamo-Auto hefðu aldrei séð svartan mann á ævinni. Þá voru allir að dást að stærðinni á djásninu hans eftir æfingar. Ástæðan fyrir því að Verhagen kom nánast samstundis aftur til Hollands var vegna þess að það var of kalt í Moldóvu. Þá var umboðsmaðurinn hans með eitthvað vesen. Viðtalið var tekið upp og birt í hlaðvarpi sem Raalte heldur úti. Í kjölfarið fékk hann tvo tölvupósta. Leikmaður sem hafði spilað með Verhagen efaðist um að hann hefði fengið samning erlendis einfaldlega vegna þess hve slakur hann væri. Hinn var öllu alvarlegri, þar kom fram að Verhagen væri ekki treystandi. Raalte hringdi í Verhagen sem skellti á þegar blaðamaðurinn vildi ekki gefa upp gagnrýnendur leikmannsins. Í kjölfarið ákvað Raalte að fylgjast með leikmanninum og hverju hann tæki upp á næst. „Ég bjóst ekki við að neitt annað myndi gerast en hlutirnir voru fljótir að stigmagnast,“ sagði Raalte við Jack Lang. Í lok júlímánaðar á síðasta ári birti Cape Town City FC – lið í Suður-Afríku – mynd á samfélagsmiðlum þar sem John Comitis, eigandi félagsins, var að handsala samning við nýjan leikmann liðsins. Myndinni hefur verið eytt af samfélagsmiðlum en Verhagen – hinn maðurinn á myndinni – var hjá félaginu í minna en mánuð. Hann spilaði aldrei fyrir félagið. Skjáskot af færslu félagsins má sjá hér að neðan. Skjáskot af Twitter-færslu Cape Town City.Vísir/Vice Innan við mánuði síðar var Verhagen genginn til liðs við Audax Italiano sem leikur í Síle. „Þökk sé alþjóðlegum tengslum félagsins tókst okkur að næla í leikmann sem mun vera með okkur fram í desember. Hann er framherji sem getur einnig spilað á vængnum,“ sagði Lorenzo Antillo, forseti félagsins um þennan nýjan huldumann sem hafði skrifað undir hjá félaginu. Verhagen var í herbúðum félagsins í 61 dag og spilaði aldrei leik. Þann 5. nóvember dúkkaði hann svo upp hjá Viborg FF í dönsku B-deildinni. Er það mál sem við Íslendingar könnumst ef til vill aðeins við en Fótbolti.net fjallaði til að mynda um það þegar lögreglan þar í landi var á höttunum á eftir Verhagen. Viborg FF hefur kært Verhagen fyrir skjalafals og að villa á sér heimildir. Tókst honum að stinga af úr haldi lögreglu en á endanum hafði hún hendur í hári hans. „Hann fékk góð meðmæli frá fólki sem er tengt félaginu svo okkur fannst sniðugt að fá hann til félagsins,“ sagði Jesper Fredberg, yfirmaður knattspyrnumála hjá félaginu. Verhagen entist aðeins í 19 daga og spilaði aldrei leik. Á innan við níu mánuðum fór Verhagen frá Hollandi til Moldóvu, þaðan til Suður-Afríku og svo Chile áður en hann endaði í Danmörku. Það sem gerir þetta enn ótrúlegra er að áður en hann hóf ævintýri sitt þá var hann í herbúðum Den Dungen sem spilar í 8. deild í Hollandi. Þegar Raalte reyndi að ná í Verhagen til að spyrja um félagaskiptin til Suður-Afríku og Síle sagði leikmaðurinn honum pent að troða forvitni sinni þangað sem sólin skín ekki. Raalte gafst ekki upp og hafði samband við Den Dungen. Þar kom fram að Verhagen hafi varla spilað leik og hafi raunar ekki getað neitt. Svo virðist sem Verhagen hafi tekist að sannfæra aðila hjá öllum félögum – undir fölsku nafni – að hann væri tengdur Stellar Group, umboðsstofu sem er með leikmenn á borð við Gareth Bale og Saúl Ñíguez á sínum snærum. Þá átti hann að vera á leiðinni til Kína eftir að tímabilinu lauk. Stellar Group er með marga frábæra leikmenn á sínum snærum. Bernio Verhagen er ekki einn af þeim.EPA-EFE/PETER POWELL Hvorki FC Dinamo-Auto, Cape Town City né Audax Italiano vildu opinberlega tjá sig um Verhagen og að hann hefði verið leikmaður þeirra. Vildu félögin ekki gera sig að fíflum. Viborg var ekki á sömu blaðsíðu en Verhagen gerðist sekur um töluvert meira en skjalafals í Danmörku. Verhagen var handtekinn fyrir að beita Nayaret Muci – unga konu frá Síle sem kom með honum til Danmerkur – ofbeldi undir lok nóvember í fyrra. Í kjölfarið bárust fréttir að Verhagen hefði stolið peningum og skartgripum af fyrrum kærustu sinni. Eftir að hafa sloppið úr varðhaldi og verið handtekinn á nýjan leik var Verhagen ákærður fyrir að hóta tveimur manneskjum – barnsmóður sinni og föður hennar, nauðgun, líkamsárás, að taka upp kynmök án þess að fá leyfi fyrir því og fyrir að strjúka úr varðhaldi. Verhagen viðurkenndi aðeins að hafa strokið úr varðhaldi en það voru ekki nægar sannanir til að sanna að hann hefði gerst sekur um nauðgun. Á endanum var hann dæmdur til 15 mánaðar fangelsisvistar. Svo virðist sem dagar Verhagen sem „atvinnumaður“ í fótbolta séu taldir þó hann virðist enn halda því fram á Instagram-síðu sinni.
Fótbolti Hollenski boltinn Danski boltinn Mest lesið Raygun segir að hatrið hafi verið hrikalegt Sport „Hann var ekki fallegur drengurinn“ Íslenski boltinn Ísland aldrei ofar á heimslistanum Fótbolti Uppgjörið: Sanngjarnt þegar Valskonur tryggðu sér bikarinn Íslenski boltinn Zirkzee hetjan í sínum fyrsta leik Enski boltinn Albert kynntur til leiks í Flórens Fótbolti Hænuskrefi frá hálfum milljarði og gæfu fyrir íslenskan fótbolta Íslenski boltinn Ólétt af Ólympíumeistara þegar hún stóð sjálf á verðlaunapallinum Sport „Var kominn með hausverk á hliðarlínunni“ Fótbolti Hótuðu sjónvarpskonu og ófæddu barni hennar Sport Fleiri fréttir „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Hafa eytt fjörutíu milljörðum í fyrrum lærisveina stjórans Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt Ed Sheeran eignast hlut í ensku félagi en frábiður sér kvart og kvein „Maður er bara stoltur af liðinu“ „Allir leikir sem Valur spilar eru úrslitaleikir“ Uppgjörið: Víkingur - Tindastóll 5-1 | Sýning í Víkinni Sjá meira