„Hún var ótrúlega brosmild, dugleg og alltaf til í allt“ Sylvía Rut Sigfúsdóttir skrifar 28. febrúar 2020 07:00 Systurnar Linzi Margrét (t.h) og Viktoría Hrönn (t.v) ásamt móður sinni. Linzi segist aldrei hafa upplifað jafn mikinn sársauka og þegar hún missti systur sína. Aðsend mynd Linzi Trosh heldur um helgina einstakan fatamarkað á Petersen svítunni til að heiðra minningu systur sinnar, Viktoríu Hrannar Axelsdóttur. Á markaðnum, sem verður á Petersen svítunni, ætla hún og æskuvinir Viktoríu að selja föt, skó og fylgihluti sem Viktoría átti. Viktoría Hrönn var fædd 16. janúar árið 1995 og féll fyrir eigin hendi þremur dögum eftir 25 ára afmælið sitt. „Hún var ótrúlega brosmild, dugleg og alltaf til í allt. Hún var í íþrótta- og heilsufræði í Háskóla Íslands og vann á Petersen svítunni.“ segir Linzi Margrét um systur sína. Fráfall Viktoríu kom hennar nánustu mikið á óvart og var áfallið mikið. „Eflaust segja það flestir sem hafa verið í þessum sporum en það hvarflaði aldrei að manni að þetta myndi enda svona, þetta var mikið áfall. Í ófá skipti hef ég hugsað til baka, hvort eitthvað hefði verið hægt að gera öðruvísi til koma í veg fyrir þetta en það er sennilega aldrei hægt að fá svör við þeim vangaveltum, því miður.“ Linzi Margrét Trosh segir að það sé mikilvægt að fólk upplifi ekki skömm í þessum aðstæðum.Aðsend mynd Vildi ekki setja fötin í gám Systurnar voru mjög nánar og Linzi segir að hún standi sig enn að því að ætla að hringja í systur sína til að segja henni eitthvað. Hún segir að Viktoría Hrönn hafi verið algjör prinsessa. „Hún hafði ótrúlega mikinn áhuga á tísku og elskaði að versla sér föt. Hún skildi eftir sig svo mikið af fötum og skóm sem og mér fannst tilhugsunin um að það endaði allt í geymslu eða fatagámi ekki góð.“ Fatamarkaðurinn verður á Petersen svítunni þar sem Viktoría Hrönn starfaði. Hann verður opinn um helgina, nánar til tiltekið laugardaginn 29. febrúar og sunnudaginn 1. mars frá klukkan 12 til 18. Allur ágóði rennur til Píeta samtakanna sem sinna forvarnarstarfi gegn sjálfsvígum og sjálfsskaða auk þess að styðja við aðstandendur. Þar getur fólk fengið allt að 15 viðtöl án endurgjalds. Hugmyndin um fatamarkaðinn hefur undið uppá sig en fjöldinn allur af fötum og fleira hefur bæst við. Vinir Viktoríu sem koma að þessu verkefni með Linzi Margréti eru þau Sigrún Dís Hauksdóttir, Jóna Eydís Sigurjónsdóttir, Ivana Anna Nikolic, Rebekka Ósk Gunnarsdóttir, Hafdis Guðfinnsdóttir, Hekla Rún Ámundadóttir, Íris Ugla Arnarsdóttir og Oddur Atlason. Æskuvinir Viktoríu Hrannar selja flíkur sínar á viðburðinum um helgina.Aðsendar myndir Aðstandendur upplifa oft skömm Síðan hópurinn auglýsti viðburðinn á Facebook hafa margir sett sig í samband við Linzi Margréti til að bjóða fram fatnað eða þakka henni fyrir að vekja athygli á þessu mikilvæga málefni. „Sumir hafa ekki einu sinni vitað af Píeta samtökunum. Þegar upp er staðið er markmiðið að vekja fólk til umhugsunar um falið samfélagsmein og þau úrræði sem í boði eru við þeim. Aðstandendur upplifa stundum mikla skömm en ég tel mikilvægt að vita að þetta er ekkert til að skammast sín fyrir. Við þurfum að tala um þetta svo fólk sé líklegra til að leita í þau úrræði sem í boði eru, leita sér aðstoðar og tala við aðra.“ Auk Píeta samtakanna býður Sorgarmiðstöðin í Hafnarfirði aðstandendum vettvang til að vinna úr sinni sorg. Þeim sem ekki hafa tök á að koma á markaðinn er bent á að hægt er að styrkja Píeta beint í gegnum heimasíðu samtakanna.Fólk með sjálfsvígshugsanir er minnt á Hjálparsíma Rauða krossins, 1717, og netspjallið. Þjálfaðir og reynslumiklir sjálfboðaliðar á öllum aldri svara þeim símtölum og spjöllum sem berast. Fullum trúnaði er heitið. Nánari upplýsingar hér. Heilbrigðismál Tíska og hönnun Viðtal Mest lesið „Ég var mjög reiður út í heiminn í marga mánuði“ Lífið Stjórnarandstaðan hræðist ekkert meðan ríkisstjórnin þori ekki út úr húsi Lífið Einhleypan: Grænkeri sem hrífst af hugrekki Makamál Aðstoðarmennirnir og ástin Lífið Mamma mætti á frumsýningu Fjallsins Lífið Selur fantaflotta íbúð sem hann keypti af Birni Braga Lífið Berglind Festival, Hallgrímur Helga og Unnsteinn á sumarhryllingnum Lífið Finnur þú fyrir uppþembu eða óþægindum eftir mat? Lífið samstarf „Mögulega besti tengiltvinnbíl sem framleiddur hefur verið“ Lífið samstarf Kosning hafin fyrir Hlustendaverðlaunin Lífið Fleiri fréttir Aðstoðarmennirnir og ástin Vefur um útivist í loftið Vetrarhátíð með gagnvirkri ljósasýningu hefst í dag Stjórnarandstaðan hræðist ekkert meðan ríkisstjórnin þori ekki út úr húsi „Ég var mjög reiður út í heiminn í marga mánuði“ Einhvern tímann var allt fyrst Berglind Festival, Hallgrímur Helga og Unnsteinn á sumarhryllingnum Mamma mætti á frumsýningu Fjallsins Frumsýning á Vísi: Óvæntir gestir hjá Væb-bræðrum Saknar ekki fullrar innkeyrslu af glæsikerrum Selur fantaflotta íbúð sem hann keypti af Birni Braga „Kemur í ljós að þetta er í raun einhverfa“ Kærasta Liam Payne tjáir síg í fyrsta sinn 340 fermetra listaverkahöll í Kópavogi Þriðja barn Gisele komið í heiminn Líkamsræktarfrömuður selur í Kópavogi Irv Gotti er látinn Halla og Björn létu sig ekki vanta á þorrablóti Álftaness Sleikurinn við Colin Farrell ógleymanlegur Hugsi yfir bílastæðamálum sem eru til skoðunar Peaky Blinders stjarna lét sig ekki vanta á The Damned Víðir hrasaði á þingi: Frjálsíþróttirnar björguðu Gulli Helga tók yfir og Sindri beið á kantinum Kosning hafin fyrir Hlustendaverðlaunin Uppistandarar, ráðherrar og kempur á þorrablóti Vals „Dorrit var eiginlega Séð og heyrt stúlkan“ Drengurinn skal heita Ezra Sundlaugastarfsmenn skemmtu sér á þurru landi Syngur Cha Cha Cha á Söngvakeppninni Séð og heyrt gæti átt framhaldslíf Sjá meira
Linzi Trosh heldur um helgina einstakan fatamarkað á Petersen svítunni til að heiðra minningu systur sinnar, Viktoríu Hrannar Axelsdóttur. Á markaðnum, sem verður á Petersen svítunni, ætla hún og æskuvinir Viktoríu að selja föt, skó og fylgihluti sem Viktoría átti. Viktoría Hrönn var fædd 16. janúar árið 1995 og féll fyrir eigin hendi þremur dögum eftir 25 ára afmælið sitt. „Hún var ótrúlega brosmild, dugleg og alltaf til í allt. Hún var í íþrótta- og heilsufræði í Háskóla Íslands og vann á Petersen svítunni.“ segir Linzi Margrét um systur sína. Fráfall Viktoríu kom hennar nánustu mikið á óvart og var áfallið mikið. „Eflaust segja það flestir sem hafa verið í þessum sporum en það hvarflaði aldrei að manni að þetta myndi enda svona, þetta var mikið áfall. Í ófá skipti hef ég hugsað til baka, hvort eitthvað hefði verið hægt að gera öðruvísi til koma í veg fyrir þetta en það er sennilega aldrei hægt að fá svör við þeim vangaveltum, því miður.“ Linzi Margrét Trosh segir að það sé mikilvægt að fólk upplifi ekki skömm í þessum aðstæðum.Aðsend mynd Vildi ekki setja fötin í gám Systurnar voru mjög nánar og Linzi segir að hún standi sig enn að því að ætla að hringja í systur sína til að segja henni eitthvað. Hún segir að Viktoría Hrönn hafi verið algjör prinsessa. „Hún hafði ótrúlega mikinn áhuga á tísku og elskaði að versla sér föt. Hún skildi eftir sig svo mikið af fötum og skóm sem og mér fannst tilhugsunin um að það endaði allt í geymslu eða fatagámi ekki góð.“ Fatamarkaðurinn verður á Petersen svítunni þar sem Viktoría Hrönn starfaði. Hann verður opinn um helgina, nánar til tiltekið laugardaginn 29. febrúar og sunnudaginn 1. mars frá klukkan 12 til 18. Allur ágóði rennur til Píeta samtakanna sem sinna forvarnarstarfi gegn sjálfsvígum og sjálfsskaða auk þess að styðja við aðstandendur. Þar getur fólk fengið allt að 15 viðtöl án endurgjalds. Hugmyndin um fatamarkaðinn hefur undið uppá sig en fjöldinn allur af fötum og fleira hefur bæst við. Vinir Viktoríu sem koma að þessu verkefni með Linzi Margréti eru þau Sigrún Dís Hauksdóttir, Jóna Eydís Sigurjónsdóttir, Ivana Anna Nikolic, Rebekka Ósk Gunnarsdóttir, Hafdis Guðfinnsdóttir, Hekla Rún Ámundadóttir, Íris Ugla Arnarsdóttir og Oddur Atlason. Æskuvinir Viktoríu Hrannar selja flíkur sínar á viðburðinum um helgina.Aðsendar myndir Aðstandendur upplifa oft skömm Síðan hópurinn auglýsti viðburðinn á Facebook hafa margir sett sig í samband við Linzi Margréti til að bjóða fram fatnað eða þakka henni fyrir að vekja athygli á þessu mikilvæga málefni. „Sumir hafa ekki einu sinni vitað af Píeta samtökunum. Þegar upp er staðið er markmiðið að vekja fólk til umhugsunar um falið samfélagsmein og þau úrræði sem í boði eru við þeim. Aðstandendur upplifa stundum mikla skömm en ég tel mikilvægt að vita að þetta er ekkert til að skammast sín fyrir. Við þurfum að tala um þetta svo fólk sé líklegra til að leita í þau úrræði sem í boði eru, leita sér aðstoðar og tala við aðra.“ Auk Píeta samtakanna býður Sorgarmiðstöðin í Hafnarfirði aðstandendum vettvang til að vinna úr sinni sorg. Þeim sem ekki hafa tök á að koma á markaðinn er bent á að hægt er að styrkja Píeta beint í gegnum heimasíðu samtakanna.Fólk með sjálfsvígshugsanir er minnt á Hjálparsíma Rauða krossins, 1717, og netspjallið. Þjálfaðir og reynslumiklir sjálfboðaliðar á öllum aldri svara þeim símtölum og spjöllum sem berast. Fullum trúnaði er heitið. Nánari upplýsingar hér.
Heilbrigðismál Tíska og hönnun Viðtal Mest lesið „Ég var mjög reiður út í heiminn í marga mánuði“ Lífið Stjórnarandstaðan hræðist ekkert meðan ríkisstjórnin þori ekki út úr húsi Lífið Einhleypan: Grænkeri sem hrífst af hugrekki Makamál Aðstoðarmennirnir og ástin Lífið Mamma mætti á frumsýningu Fjallsins Lífið Selur fantaflotta íbúð sem hann keypti af Birni Braga Lífið Berglind Festival, Hallgrímur Helga og Unnsteinn á sumarhryllingnum Lífið Finnur þú fyrir uppþembu eða óþægindum eftir mat? Lífið samstarf „Mögulega besti tengiltvinnbíl sem framleiddur hefur verið“ Lífið samstarf Kosning hafin fyrir Hlustendaverðlaunin Lífið Fleiri fréttir Aðstoðarmennirnir og ástin Vefur um útivist í loftið Vetrarhátíð með gagnvirkri ljósasýningu hefst í dag Stjórnarandstaðan hræðist ekkert meðan ríkisstjórnin þori ekki út úr húsi „Ég var mjög reiður út í heiminn í marga mánuði“ Einhvern tímann var allt fyrst Berglind Festival, Hallgrímur Helga og Unnsteinn á sumarhryllingnum Mamma mætti á frumsýningu Fjallsins Frumsýning á Vísi: Óvæntir gestir hjá Væb-bræðrum Saknar ekki fullrar innkeyrslu af glæsikerrum Selur fantaflotta íbúð sem hann keypti af Birni Braga „Kemur í ljós að þetta er í raun einhverfa“ Kærasta Liam Payne tjáir síg í fyrsta sinn 340 fermetra listaverkahöll í Kópavogi Þriðja barn Gisele komið í heiminn Líkamsræktarfrömuður selur í Kópavogi Irv Gotti er látinn Halla og Björn létu sig ekki vanta á þorrablóti Álftaness Sleikurinn við Colin Farrell ógleymanlegur Hugsi yfir bílastæðamálum sem eru til skoðunar Peaky Blinders stjarna lét sig ekki vanta á The Damned Víðir hrasaði á þingi: Frjálsíþróttirnar björguðu Gulli Helga tók yfir og Sindri beið á kantinum Kosning hafin fyrir Hlustendaverðlaunin Uppistandarar, ráðherrar og kempur á þorrablóti Vals „Dorrit var eiginlega Séð og heyrt stúlkan“ Drengurinn skal heita Ezra Sundlaugastarfsmenn skemmtu sér á þurru landi Syngur Cha Cha Cha á Söngvakeppninni Séð og heyrt gæti átt framhaldslíf Sjá meira